[URGENT] Lalhmachhuana awmna chin hriat a la nilo

March 1st, 2013 1:13 pm by Lalrinpuii

Tv. Lalhmachhuana Bangalore a Security hnathawk tura lokal chu ni 15/2/2013 atang khan a awmna chin hriat loh in a bo.

Tv Lalhmachhuana Hunthar Veng Aizawl chu Bangalore ah Security hna thawk turin a lokal a, a ni hi rilru lamah rual a ban chiah lova, Aizawla a awm thinna Pa Dr. Nghinglova sawi dan chuan ” Thla det lai vel hian a rilru a buai zual thin ” a ti a. A hna hi a thawhthat leh theih tak loh avangin December thla vel atang khan khawlaiah a lo tei rawlai deuh mai mai thin a, a lo chhuk thlak pui a thian te Lawmzuala, Jordan, Pca leh MSA-a te ho bulah te a riak kual a, anni hian lo khawngaihin a rukin an pute hriat lohin Accomodation an pek ah an lo riahtir ve thin a, an chaw dawn te an lo pe ve thin a, ven reng sen a nih loh avangin a lo vakchhuak a Auto Drivers te eitur te a lo dil a an bulah a va taptawm thin a, chu chu Drivers ho chuan an nin avangin a thiante bulah in lokal tir leh chuan Police hnenah kan report ang che u” an tih avangin an hlauthawngin BMA hnenah an rawn report ta a ni.

BMA chuan Hmachhuana chu Zoram lamah thawn haw thuai dan kan ngaihtuah a, a hawpui tur te kan dap laiin, ni 15/2/2013 atang khan a riahna hmun atanga tawlh chhuakin a bo ta vang vang a, tun thleng hian chin hriat lohvin a awm ta a, Bangalore mizo ten theihtawp chhuah in kan zawng a, Pu Lalrokhuma Pachuau DGP Karnataka min tanpuina avangin Police pawhin theihtawp an chhuah a, an hmuhna hnuhnung ber chu Uligehalli village , Nelamangala Taluk, 28kms from Bangalore a ni a, he Village hi ni 22/2 khan a chhuahsan an ti.

Lalhmachhuana hian a bo lai hian T Shirt pawl a hma a Sakawrtawlailir lem chuang a ha a, Jeans Kekawr dum ha in, Chapal Lawng ang deuh a bun bawk a, lo hmu in lo awm palh hlauh chuan a ranglam thei ang ber in, Amruthahalli Police Station ah emaw, heng phone no ah hian min han hriattir dawn nia.0 9448136598/ 9900766001.

15 Responses to “[URGENT] Lalhmachhuana awmna chin hriat a la nilo”

1
SHauzelSailo Says:
March 1st, 2013 at 1:35 pm
Ava lainatawm em. ‘…a ni hi rilru lamah rual a ban chiah lova, Aizawla a awm thinna Pa Dr. Nghinglova sawi dan chuan?’
Miin a an tih hi chu rin har ka ti tawh khawp mai.
Satanic ho ina Satana thiltihna hmanga an tih at te pawh hi awlsam tak ania, thil ni thei ani bawk a.

Awih tur hi engber nge hriat ava har em.
Report this comment
2
Nirvana Says:
March 1st, 2013 at 1:39 pm
A va khawngaihthlak tak em. Bangalore ani hlauh va, Mizo pa ngei Police Commissioner awmna. Mahse hetiang khawpui lian ah chuan pawngpaw phek zawn ngawt chi ani si lo va. Dam leh him taka hmuh leh anih ka beisei.
Report this comment
3
Dr Mahminga Sailo Says:
March 1st, 2013 at 2:02 pm
A zia lo tak zet a ni, ani phei hi chu rilru kim chiah lo nen, a lainatawm tak zet…

Thahnemngai taka sum, hun leh tha senga zawngtute an fakawm..

Chutih lai mekin, hei hi ka sawi tel hram duh. Vawi engemawzat BMA-in hriattirna chhuahin (khawpui danga Mizote paw’n an chhuah chamchi bawk) vairam khawpuia hna zawng duhte hriattur pawimawh te, Mizo Association hruaitute biak hmasak, ladt.

Hetih karah hian, hna hmuhsak thei inti(consultancy) phuahchawp tak tak te’n, sum leh pai hlawkna beiseiin, bum tur (tawng mawi lo ni lo se) an zawng ve chhen bawk si. A nihna takah chuan, Lalhmachhuana chungchangah pawh hian, an mimal duhthlanna a nih rualin; rilru lama chiang vak lo, english leh hindi thiam bawk si lo, Bangalore-a hnathawk tura an thawn thla hi chu a zia lo deuh em aw? ka ti. (Ka sawi loh tur emaw, ka tarlan miah loh tur ka tarlang a nih mahna le, min hrethiam dawn nia, )

Mizote kan inbuaipui ang em em hian, hmarchhak unau dangte hi an inbuaipui ve thin ang em le?!
Report this comment
4
mama Says:
March 1st, 2013 at 2:05 pm
A lainatawm hle mai, dam takin hmu leh se ka va ti em. A bo na a rei tawh nen in rawn post har mah mah a nih hi, fb ah khan a bo tirh khan kan lo hmu a. Bangalore Mizote in hmalaknaah in fakawm khawp mai, Mizo nih tinuamtu in ni e.
Report this comment
5
Dr John Says:
March 1st, 2013 at 2:25 pm
A pawiin, a lainatawm khawp mai. Dam tha takin hmu leh ngei sela a lawmawm hle ang…
Report this comment
6
hlatekhua Says:
March 1st, 2013 at 2:40 pm
A va pawi ve maw le.

Mizoramah chhungte a nei lo em ni ang le? Dr Mahminga Sailo@3 sawi ang hian, rilru lama pangngai lo deuh tih hriat sa reng vairama hnathawk tur, chutah pawh security lam atan lehnghala han kaltir chu a mak hle a ni.
Report this comment
7
ulawng Says:
March 1st, 2013 at 3:09 pm
A va zialo em aw..
Chapal lawng ang deuh khi eng ang tak a ang ni ang maw
Report this comment
8
Sangpuiipa Says:
March 1st, 2013 at 3:52 pm
A hmel pawh chu a khawngaihthlakawm hle mai.
Report this comment
9
TuaiSialA Says:
March 1st, 2013 at 5:04 pm
A van pawi thin tak em…! Han hmu leh vat teh se..
Report this comment
10
century child Says:
March 1st, 2013 at 6:34 pm
Zia lo ve aw, dam takin hmu leh ngei se la.
Report this comment
11
H.Vangchhia Says:
March 1st, 2013 at 7:28 pm
Damdawi a enkawl ngai nih chuan damdawi ei/lak that te hi a pawimawh asin le. A pawi hle mai, damin a lo chhuak leh em ang chu maw!!
Report this comment
12
Sihtea Says:
March 1st, 2013 at 8:56 pm
A va lainat awm em!
Report this comment
13
Maisek Says:
March 1st, 2013 at 11:49 pm
pawi hle mai…
Report this comment
14
ruatruatapa Says:
March 2nd, 2013 at 7:26 am
Ekhai, hmu vat teh se
Report this comment
15
Leo dtea Says:
March 2nd, 2013 at 1:47 pm
A va lainatawm ve aw, BMA te’n tan han la sauh sauh teh u.
Report this comment