Sawifiah phak loh, hmangaihna
Nute’n fa an hmangaihna hi sawifiah thiam lohva thuk a ni. Mual min liamsan chinah ngat phei chuan an tel lova nun a ruakzia hi, a khawharthlak vawng vawng thin. Kan nute chu an rethei emaw hausa emaw, hmeltha emaw hmeltha lo emaw an dang chuang lo. An fate min hmangaih dan erawh a pangngai vek. Nu thenkhat, an dinhmun leh khawsakin a zir loh avanga mahni fate kalbosan tlemte awm mah se, khawvel hian nu hmangaihna hi a la hrechiang zual zel dawn a ni.
Hmunphiahin min vua
Ka ngaihtuah let leh hian, Nu zaidam leh nunnem ka nei kha vannei ka inti thin. Ka hriat theih chinah ka nu khan kut min thlak ka hre ngai lo va. Vawikhat erawh Primary sikul kan kal laiin ka nau hmeichhia nen kan inhnial a. Ka nu’n inhnial tawh lo turin min tih hnu paw’n ka nau chu a la ngawih duh loh avangin kan bansan mai lo.
Tichuan le, ka nu tihngaihna hre lo chuan, ‘hmm, hei leh chen hi kut ka la thlak lo che u‘ tiin kan unauin min dintir te ta a; kan chalah hmunphiah kuangin a khawng kauh kauh a. Min vuak avanga tah chu a hnai lo, ka nau nena inhnial thinrim e ti lo chu, kan nui dun ham ham. 
Maian bai
Thingtlang naupang nafam chu, inrinni a thlenin ka nu feh kan zui thin a. Ka nu hnathawk chu thlamah kan lo nghak mai a.
Tin heti hi a ni a, chaw fak a’n hun a. Hnathial hnah ngeia chaw fun kha a tui thei tih kan hre ve vek a. Chhei le, theihtawp tak meuha thahnemngaiin chaw chu kan han ei tawk a. Ka nu chuan muang changin, a hming chauh tak takin chaw tlemte a ei thung. Ka la theihnghilh thei lo. Rim taka hnathawk kha a ril a tam dawn tih a hriat reng. Mahse, a fate puarna a nih phawt chuan riltama awm kha a pawisa miah lo.
Happy Women’s Day!
Vawiin Women’s Day-ah hian, mi(sual) hmeichhia (nu leh nula, tleirawl te thlengin) te zawng zawng duhsakna ka hlan a che u. In pasal fanau, in chhass te tan mi rinawm leh nghahfak, midangte tana malsawmna lo ni zel ang che u
Similar Posts:
- Hmangaihna Dik
- Tu hmangaihna nge thuk ber ang?
- Women’s Reservation
- Hmangaihna 131
- Hmangaihna – Naupang ah
(Y)
March 8th, 2013 at 2:02 pm
On this day! Tumah mi(sual) nih loh tur
Report this comment
March 8th, 2013 at 2:11 pm
Happy VaiVa day!
Report this comment
March 8th, 2013 at 2:13 pm
Tukin kan internet a chian loh deuh reng vangin, hmanhmawh ru takin ka post. Maian Bai thupuia hmang siin maian bai ber ka hmaih palh a nih khi!
Englekhawle, chaw ei tituitu ber a ni tih chu kan hriat vek kha… 
# 2…
Admin fel tak takte’n ka post ve chhun min ngaihpawimawhsak thin a, ka lawm e…
Report this comment
March 8th, 2013 at 2:24 pm
tha e..puiltlin than kin tawh pawh hian nu te bula awm hi lo hahdamthlak ber mai
Report this comment
March 8th, 2013 at 2:25 pm
Good post…kan banner chu a mawi khawp mai.
Report this comment
March 8th, 2013 at 2:51 pm
International Women’s Day (fixed date, March ni riat) leh Mother’s Day (May thla Sunday vawi hnihna-ram tam taka an hman hun) hi ngaihfin a awl phian mai.
Report this comment
March 8th, 2013 at 4:02 pm
Dr. Hminga, nang pawh Happy Women’s Day le! Maian bai sawi rik chuan ril a ti tam.
Report this comment
March 8th, 2013 at 4:29 pm
Ram-bel ung khet khawt ngeia Maian sih tharlam han bai kha chu a nuam ve em thin a ni. Maian hnah tuisoa thlak tirh hian chawh miah loh tur a nia, chawh chuan a zawr nep thin. Lengser, zopurun, pardi, pasi, hmarchate hring, han thlak pawlh niai bawk ila.. E khai, Hmecichhiate ni-ah maian ka’n tuipui tak zawk dawn chu a…
Report this comment
March 8th, 2013 at 5:58 pm
Leh lawkss.. Banner khi a nalh ngei mai. Model-ho lah an chhe lo. Mi(sual) Women tling chin thiau an ni ngei ang maw?
Report this comment
March 8th, 2013 at 7:18 pm
Tha dap dap khawp mai
Report this comment
March 10th, 2013 at 2:11 am
Thra hle mai
Ka veive chu, Ka Pa, Ka Lalpa Chawlni hi inrinni kan tia hnathawh nana kan hmang hi Kan Pa kan hmangaih lohzia ti langtu pakhat ani ve a.
Mahse, Aman min hmangaihzia lantirin A Chawlhni kan bawhchhiat leh hming diklo kan pek pawn kan nunna A zuah hi ani. Hmangaihna A va han ngah tak em em e.
Report this comment