Khawvel a Irish awmna tawh phawtah chuan March ni 17, 2013 kha an hawksak ni a tih theih ang! Hemi ni hi mithianghlim (Saint) Patricka’n Ireland chu ringlomi (paganism) aṭang a a chhanchhuahna ni a puan a ni a, an patron saint a nih ber chu. Mizoram a kan gospel centinary ang deuh te pawh ani mahna! Tichuan, Irish ho hi hawksak/hlimhlawp (party) nuam timi an nih takah chuan hemi ni (St. Patricks Day) ah hian ruih chiam an ching ta mai a, a ni chhawm nen erawh a inmil lo viau awm e.
Engpawh nise, kumdang ang bawkin USA lamah pawh Irish thisen kai ho chuan St.Patricks Day chu an lawm leh ta a. Zurui an tam dawn tih an hriat lawk vangin sawrkar lam pawhin zu rimnam hnu a motor khalh an tlem theih na’n tiin, a thlawnin taxi a hman theih thu radio leh TV lam thlengin khawpui hrang hrang ie., Washington D.C. ah te chuan an puang leh a ni.
St.Patricks Day chu alo thleng leh ta a, dan bawhchhia a zu rui pawh an awm leh ta nawk mai. Chutih karah chuan langsar tak mai pakhat a awm a, chanchinbu lamah an ṭial nasa teh e.
Baltimore county a an police Captain, Captain Matthew McElwee chu a thisenah phal chinbak alcohol a awm vangin an man der mai. Motor khalh chungin thisenah alcohol hi .08 chin chunglam chu khap tlat a ni. Chutiang, .08 tling tur chuan zu shot 3 lek a ngai reng bawk a! Captain an man tak hi kum 16 lai Baltimore county a police hna lo chelh tawh niin, chumi county a Franklin Precinct-ah kum engemaw zat commander nihna chelh tawh a ni bawk. A hna chelh mek chu chawlh lailawk tirin, chhui mek a ni a, chutih chhung chuan police hovin an nin em em mai ‘administrative duty’ thawh tir mek a ni.
Mahni hotute pawh dan an bawhchhiatnaah chuan an man rap rap mai a ni a, Mizoram tan rualawh a na duh hle mai! Anni chuan an tih tur reng a ni tih hriain man ngai chu an man mai si ṭhin a!
DWI/DUI (driving while intoxicated/driving under influence of alcohol) case hi a serious em em mai a, a hming hian a chawi zolo mah zawk awm e. Hetiang a man tawk tawhte chu an record kha a awm reng tawh a, kum 10 hnuah lawyer hmangin tihreh tir theihdan a awm chang a awm chauh awm e. Chumi hma chuan hnazawn kawngah te, thil dang tam takah harsatna an tawh phah thei ṭhin. Motorah te ham (blow) theih an dah tir a, chumi chu an ham hmasak loh chuan motor a nung thei lo ṭhin a, zu rim nam chuan an khalh thei tawh lo hrimhrim. Pawisa te chawiin, a vawi 2 na chin phei chu lungin-ah kum 1 te an tang tawh ṭhin (Maryland). Community service an tih tir a, an hnathawh hun laklawh tur deuh a remsiam sak an thiam viau zel bawk. USA-ah hian du duhin chawlh lak ngawt hi a fuh lo fo zui!
Thubelh: US a police Captain-te hi India ram a DSP kan tihte nen hian an bial zau zawng a inang mai thei, power erawh an inneih tam hleih viau thungin ka ring.
English a chhiar duh tan: https://www.wbal.com/article/98363/2/template-story/Police-Captain-Charged-With-DUI
Similar Posts:
- Maryland to Ohio kalkawng sign thenkhat
- Che khir
- Warning Labels
- Motor khalh leh SMS
- Traffic police an thu ber?
March 19th, 2013 at 9:25 pm
Kan ramah hian MLTP Act thlakna atan hetiang dan hi nei ve ta ila kan thatpui zawk ka ring thin a ni. Mahse, thisenah alcohol .08 aia tam khap tlat lai hi – ‘khap duh lo; kan rama engkim khap veka ngai, mi rama engkim zalena ngaiho’ hian an haw khawp ang.
Report this comment
March 19th, 2013 at 9:40 pm
thachiang #1, motor khalhtu tur thisena awm phal chin hi .08 hnuailam a ni. Motor khalh dawn loh chuan rui let tawp mahla (motor chhungah emaw khan), mi tan harsatna siam emaw, kawngpui dung a rui (public intoxication) emaw an nih loh chuan an man lo. Zu an khuahkhirh lova, a intu tur leh intu lam an khuahkhirh zawk. Hrem ngai hrem lovin an chhuah lo viau bawk awm e.
Report this comment
March 19th, 2013 at 9:54 pm
Post tupa, i rawn sawi ang hi alawm kan thatpui ka rin chu. Zurui khuahkhirhna dan tha tawk leh MLTP Act inthleng hi awn a hun tawh.
Report this comment
March 19th, 2013 at 10:00 pm
#3 Amen
Report this comment
March 19th, 2013 at 11:17 pm
Irish ho leh Police Chief tawhphawt chu in rui vel vek ani zawk lo maw. And who the hell is Patrick
Report this comment
March 19th, 2013 at 11:27 pm
#5 St. Patrick?
https://www.history.com/topics/.....nt-patrick
Report this comment
March 19th, 2013 at 11:30 pm
The Irish christianized the English, but Patrick become George in England. How so…
Report this comment
March 19th, 2013 at 11:37 pm
Chuti em ni? St. Patrick chu Irish ho patron saint a nih laiin, St. George chu British ho patron saint a ni thung maiin ka hria. Mi thuhmun an nih ka hre ngailo. Mak deuh erawh chu British ho hian St. George Day aiin St. Patricks day a party hi nuam anti zawk. A huau huau zawk zawk an duh mai niawm tak a ni!!
Report this comment
March 19th, 2013 at 11:41 pm
Ania mi. All your so called Scot-Irish are actually Anglo-Saxons, and half the Irish are Anglo-Norman bastards
But then Mizo becomes Chin in Myanmar, and Patrick is George across the Irish Sea but Patrick again in Ireland, so there 
Report this comment
March 19th, 2013 at 11:56 pm
chroniclerish idiot!
Report this comment
March 20th, 2013 at 12:04 am
Oh, so getting pissed drunk on Patrick’s Birthday epitomize cleverness. How smart for the Paddy; they are good for the US Economy and Obama in general
Report this comment
March 20th, 2013 at 7:20 am
Tukchhuah nuam vek u le
Report this comment
March 20th, 2013 at 1:42 pm
An va ti tha ve aw…
Report this comment