(Maharastra a thingtlang khua in kum 20 chhung a crorepati 60 lai an lo neih dan…..)
Hiware Bazar hi Maharastra a Ahmednagar district chhung a thingtlang khua niin kum 1972 a khua a khen chiam a vangin a nawlpui in he khua hi pem san a hlawh a. Hlawhtlinna lo intan tan hi kum 1989 a an khua a post graduate awm chhun Popatrao Baguji Pawar an Gram Panchayat Sarpanch hna chuh a a tlin tak atangin a ni a.
Ralegan Sidhi khua, Anna Hazare a ten an lo her danglam tawh zul zui a hmasawnna ruang am hi din a ni a.
Image source: betterindia.com
1990 a Papatrao Sarpanch a lo nih chuan dan phal loh a zu zuar 22 zet mai a khar hmak mai a, lo neitu te tan bank loans hmuh sakin ruah tui hmu tam lo khua a nih ang in rain water harvesting, conservation leh management lamah tan nasa tak a la in tuikhuah lian leh te ti mai ang 52 chuang an khaw chhehvel ah hian an siam ta a. Fu leh balhla, tui heh chi thlai te chin phal a ni ta lo bawk a.
Kum 1995 ah chuan an khaw ram 10% chauh thlai chin nan a hman theih (arable) a ni a, chhungkaw 182 atanga 162 te chu BPL family an ni bawk. Thawhrimna nen a an han beih tak tak hnu kum rei vak lo hnuah chuan khaw mi te lo kir leh in Maharastra sorkar in “Ideal Village” ah a puang ta a. Kum 2007 ah chuan India sawrkar National Ground Water Congress ah National Water Award a hlan nghe nghe a ni.
Kum 2010 ah chuan khaw mipui te income chu a let 20 in a lo pung ta a. Mi 50 zet millionaire ah inhlang kaiin BPL hnuaiah chhungkaw thum chiah an bang tawh a ni. An thlai thar kum 2000 a tonne za chu 2004 ah chuan tonne 6000 a lo tling ta a. Bawnghnute thar chhuah pawh mid-90s a ni khat a litre 150 sawr thin khan kum 2010 ah chuan nikhatah litre 4000 zet an sawr chhuak ta bawk a ni.
Kum 2012 a lo thlen meuh chuan an khua ah chhungkaw 235 awmin, mihring 1250 an tling tawh a. 90s lai hawl vel a thlatin per capita income cheng 850 ni thin chu thlatin sing thum (30,000) a lo tling ta der mai a. Crorepati/ millionaire pawh mi 60 zet an nei ta a ni.
Kum 2012 hian state leh central sawrkar tang kawpin panchayati raj system for watershed development, sanitation and capacity building training na national level hmunah he khua hi puangin cheng vbc 12 zet a pe leh ta bawk a ni.
Hetiang a lo nih theih nan hian zu zawrhna hmun 22 a mi khap a ni a, a hnuah chuan he khua ah hian zu hi an total prohibited ta nghe nghe bawk a. family planning kal puiin inneih hma in HIV/ AIDS test an neih hmasak phawt a ngai a. Hnatlang hi a khawnawtin an nei thin bawk a ni.
Heng bak a tui khuahna chi hrang hrang an siam te reng reng hi sawrkar atanga sum lo kal atang vek a siam an ni bawk….
Source: Wiki
Similar Posts:
- Anthurium Festival Vrs Grape Festival
- Khawpui thar LAVASA
- Aam Admi Bima Yojana (Aam Admi) hi enge?
- Biate khuain NLUP hmasa hlawhtlinpui mek
- Ngaihtuah Peih Te Tan
March 21st, 2013 at 9:16 pm
Va ngaihnawm dap dap ve. Ziaktupa chu i ti tha hle mai.
Report this comment
March 21st, 2013 at 9:16 pm
1 1o chh1ar ang…
Report this comment
March 21st, 2013 at 9:35 pm
ka chung chiaha comment hian lung a ti leng
Report this comment
March 21st, 2013 at 10:57 pm
lr chu le… FB chu nise ‘kawk sual ve chiang..’ ka ti ang
Report this comment
March 21st, 2013 at 11:21 pm
Arunachal a MLA zawng zawng deuh thaw khu term khat na ah an Crorepati vek ang chu mawle. Zirchiang zawk ila
Report this comment
March 22nd, 2013 at 12:43 am
Report this comment
March 22nd, 2013 at 7:55 am
Tukchhuah nuam vek u le
Report this comment
March 22nd, 2013 at 11:34 am
A va tha ve.
Report this comment
March 22nd, 2013 at 12:16 pm
A picture ah khian mi 18 in school atan a ram pek vangin sawrkarin hma an lak pui ni awm tak in a sawi a, he ti a nih chuan Maharastra sawrkar hi sawrkar tha tak a ni a nih hi.
Lengte, Mizoram a mi hian school ram atan an ram an pe a, kum 10 hnuah pawh sawrkarin hma a la lem lo.
He ti ang bawk a ngaih nawm Anand Cooperative Society hi a chanchin hre chiang te an awm em aw? Kan va hre chak ve.
Report this comment
March 22nd, 2013 at 12:59 pm
An va entawntlak ve le. Post-tu’n a ziak thiam bawk…
Report this comment
March 22nd, 2013 at 1:10 pm
Mipakhat angaihna hria, mi rin leh zah kai bawk si te hian, Thil an va han thlak danglam thei thin em!
Report this comment
March 22nd, 2013 at 6:49 pm
Popatrao Baguji Pawar (1960) hi tunah Sarpanch ni tawh lo in tunah Maharastra sawrkar in Model Village Programme (Adarsh Gaon Yojana) a kal pui mekah Executive Director hna a chelh mek a. Kumin June thla hian a kaihhruai na hnuai ah Maharastra hian Ralegaon Siddhi (Anna Hazare a bul tanna) leh Hiware Bazar ang hi thingtlang khaw 38 he programme hnuaiah hian khung hman tumin hma a la mek!
Report this comment
March 22nd, 2013 at 8:37 pm
Hiware Bazar- a village with the highest GDP in the country!.
Source wiki tih ka hmuh khan ka chhiar tuilo tepa, mahse kan check ve chhina, model village alo ni teh meuh mai. A pawimawh chu, an khaw hmangaih tak tak tu lehkhathiam leh a ngaihna hria an neia. Chuan zu khap leh family planning lai tak kha…mahni khua/ram zawhloh thil, an hmasawnna thanmawhbawk ni thei chu state dang ram dang ngaihtuah lovin an khap hmiah, ka tan tlat.
Report this comment
March 23rd, 2013 at 9:19 am
In insak len siak, motor in neih that siak vel ngawt ai chuan hetiang ho hmasawn dan ang lam hian inel ta zawk ila, Mizoram hi kan changkang duh awm!
Report this comment
March 23rd, 2013 at 11:48 pm
power of gram sabha
Report this comment
March 24th, 2013 at 3:08 pm
An ram leh khawtlang hruai tu te chuan, kan ram leh khawtlang hruai tu te ai in, thil tih theih na(power)
an nei chak lo zawk a nih chu.
Kanram leh khawtlang hruai tu te hi chuan, hma sawn na tur a sum rawn luang lut a piang mai hi, an mi mal
car ah leh in chhawng ro pui ah an chan tir thei a sin maw le. Lung chhang a chan tir thei lo ram leh khawtlang hruai tu a kan neih ve hun ah, khi ti ang hma sawn na khi kan nei ve ang.
Report this comment