1.Mizoram ah hian kawng roads hi kan nei nual tawh a a tangkai ang tur a hmanna erawh thildang infrastructure kan la nei kim lo a ni a tih theih ang. Tangkai leh zuala kan roads te hi hmang tur chuan tuna kan kawng alignment te hi luipui kam ram tha ah kan kal tir an ngai a ni. Tuna kan kawng neih sa tam ber hi chu khaw kar kawng village connect tu tur an ni, kan khua lah thlangchhip ah a awm vek si. Chutih rualin kan ram tha ruam ah lui kam lamah deuh vek a ni si.
2. Kan eizawnna tur ber chu lui kam ruam ram tha ah an ni. Heng hmun ah hian thil lo thar tam ta ila a transportna tur chu huphurh awm tak a ni. Engtinnge kan tih tak ang le?? Kan kawng neih sa te nen an va in mil lo ve!!
3. A chunga zawhna chhanna chu kan lui ho hi khuap ila Inland Water Ways atan. State Water Ways te (eg. Tlawng) District Water Ways (eg. Mat) te Block Water Ways (eg.Tuikum) te leh Village Water Ways (eg. Tuila) te in thliar hrang ila. Chung lui tui kan khuah ah chuan DEAD STORAGE transport nan baka hman miah loh tur kan siam ang. Chumi bak fur ruah tui in a rawn pek belh chu IRRIGATION ah te POWER atan te a tul angin hman ni sela.
4. Hemi mil hian Sustainable Development Plan pawh kan siam thei ang. Thil thar transport man a tlawm anga. Kan thil chin atana production per hectare (yield) poh a thar hlawk tha ngei ang. Bakah chhip a kan phurh thin kha tui chungah hahdam te in kan len pui delh delh tawh ang.
5> Aw ka nghakhlel chu ram chu.
Similar Posts:
- Game, Set and Match to Taxis in Who Created these Traffic Jams Anyway Standoff
- Hria in awm em?
- ZTOA leh ZTDA in 2-wheeler taxi tha ti lo
- Aizawl Town Bus chuan man ti sang
- ‘Baby seats’ mandatory for cars, from 2010
April 2nd, 2009 at 10:29 pm
I post no 1 khi ka vei thin hle asin. Midang tu tu te emaw hnenah pawh ka sawi fo tawh thin asin. Ni e… kan kawngpui te tlang sang laiah a awm vek a, kan ram tha leh fertile lands zawng zawng te luikam phai ruamah an awm vek si. Tu pa in nge at so ang a, motor kawngpui atanga hla lutukah huan siam duh ang? A kal vel a hahthlak, thar-chhuah te lak chhuah a hautak, huana kal turin thapui chhuah a ngai. Tin, huan tha nei tur chuan Tui (Water) a awm that a ngai. Kawngpui hnaih tlangchar ah chuan tui lak tur a awm lo. Aw… kan ram intodelh va na tur chu Agriculture leh horticulture hi a ni si a. Kan ram hruaitu te hian tlang charah chauh kawngpui sial tawh lovin, a duh apiangina huan puitling an siam theih nan luikam phairuam hnaih ah kawngpui sial rawh se.
Report this comment
April 2nd, 2009 at 10:35 pm
I thu post hi chu a tha. Mahse i ziah danah hian i in thlahdah tih a hriat. Ka chhiar tan atanga ka rilru-a lo lut nghal chu i thatchhia a nih ka ring. Chuan roads a ni lo, kawng a ni.
Report this comment
April 2nd, 2009 at 10:41 pm
#2 i tidik lutuk. kawng han tih ringawt hian a chiang lo ang tih ka hlauh tel bakah ka sawi tum ber chu motor lian kal theih na road kan ti dawn nge highway lam hi post tu anga ka sawi lan tum chu a ni.
Report this comment
April 2nd, 2009 at 11:03 pm
Kan lui neih bula kan insawn vek ten engtin nge power kan neih theih ang. Hydel project te kha kan ngaihtuah phak tawk ani lawm ni? Bakah kan lui neih te hi an la te hlawm e mai.. ram pum inhnangfak nan chuan a tlak loh..
Report this comment
April 2nd, 2009 at 11:07 pm
A tihbuai loh chinah (tui chim loh tur chin) huan-lo-ram chu kan theh mai dawn lawm ni??
Report this comment
April 2nd, 2009 at 11:15 pm
A tihbuai loh chin hi hriat a va harsa om ve.. ruah sur te chu kum tina dang te ani thrin sia.. nature thil hi lo hrelawk chat chat thei mihring fapa zingah hian a awm theih dawn amoni le… ? te ka ti vel mai mai a.. a hnial hrat thlak angreng viau nanga..
Report this comment
April 2nd, 2009 at 11:18 pm
tuichim chin tur hi hydrologist mithiam te’n an chhut dan ang hi a tha tawk viau turah ka ngai. Chhutsual sela Barapani tuihkuah khuan kawng a block fo ang chu
Report this comment
April 3rd, 2009 at 12:07 am
Inland waterways- A Vision chu a tha, mahse a project hi a hautak fu lo maw, tun kan dinhmun ah tawh chuan. Hei ai chuan Roadways systemic deuh takin siam belh dan te ngaihtuah zawk ila, te ka ti ve mai mai.
Report this comment
April 3rd, 2009 at 12:18 am
ka chhut dan chuan kawngtha pangngai tak siam nan hian Rs 2 Cr/Km a ngai a. Maintenance ah Rs 0.20Cr/Km a ngai. Water ways hi km zawngin chhut ila Tlawng lui lo khuap ta ila Bairabi ah Sairang vel thleng li (ponding) tur hian km 200 vel ania. kawng ang chuan Rs 400 cr a ngai tihna vel aniang. Hemi zat hi chuan kan khuap thei ang. maintenance hi road ah 10% vel anih laiin waterways ah chuan 2% bak a ni lovang. Waterways user te fuel save nasat tur te leh direct benefit irrigation leh power 20MW pawh extra in lo generate se a IRR chu tha thlawt ang. TO i tih hi a TLAWM zek lawng maw?
Report this comment
April 3rd, 2009 at 12:51 am
Ka nuih hi a za thin.Zoram thatna tur thu tha tak tak in phuhchhuak a,mipui chhiar theih tura chanchinbu a chhuah turin ‘Phalna’ an rawn dil in ngiat leh si.Aryan te hi in han ngei ngawt a,a thil ziahdan ah hian Miozram a huhsitna ka hmu ve der lo mai.
Mahsela,hetianga idea tha neihte misual ho hriattur tala ziaha a awm hi chu a tha,nakin lawka Hruaitu nitur AN awm nawk ang,rawn chhawmnung teh se.Kei erawh zawng,ka ro a ni ka ro.Pianna ram,seilenna,chhungkhat lenrual duhte lenna ram Zoram chu ka Hmangaih reng e ka theih tawkin!
Report this comment
April 3rd, 2009 at 12:52 am
Aryan te hi in han ngei ngawt a,a thil ziahdan ah hian Miozram a huhsitna ka hmu ve der lo mai. <—– a hnuhsitna nilo in a hmuhsitna tih tur..ka correct peih vel ta lo e!
Report this comment
April 3rd, 2009 at 1:13 am
I post hi thra khawp mai, tihhlawhtlin theih ni se kan hlawkpui ngei ka ring…i vision a ngaihsanawm e…
Report this comment
April 3rd, 2009 at 1:19 am
Thanks khelawks. ka blog poh hi i peih leh lo leng lut mai mai ta che
Report this comment
April 3rd, 2009 at 2:15 am
@mzvision : Browsed over your blog; rafted down the rippling meanders — pictures captured and slated are so invitingly inspiring to intoxicate my laden-eyes. And you opiate me with your melody-venture lines. Keep it up, I appreciate.
Report this comment
April 3rd, 2009 at 2:23 am
i blog chu lenluh man a awm hle mai..i thrahnemngaihna a fakawm e..
Report this comment
April 3rd, 2009 at 2:34 am
Lamlianpui, road ti tel thovin (ka taimak hmel bik em) — he he … kan neih chinah chuan Sialsuk tlangdung lamlianpui thar hian luikam a hnaih tluan fu hlawm e. Tin, Kawnpui atanga Sairang thleng NH 54-in a vet chho bawk a. Agri-link road neuh neuhvin highway atangin an pan nual tawh hlawm bawk a.
“Bairabi railroad to Sairang” hian phaikuam a rawn vet chho ngei ang a —Zonet-ah bridge lian leh te, tunnel zat tur nen an rawn tarlan tawh hi le … sorkar-in hma a la tak tak a nih chuan Kawlchaw thlenga kan railroad tur chu Tlawng lui sirah inzam phei ta se … sight leh hmangchang tam zawk hawi zawng pawhin a tihchi mai dawn chu a!
Report this comment
April 3rd, 2009 at 3:02 am
mzvision i ngaihtuahna a finthlak hlemai, kan ram hruaitu tehian he thil hi han chhiar thei se a duhawm mange…
Report this comment
April 3rd, 2009 at 3:06 am
ka ngaihdan mai mai chuan tlawnglui kam a railroad tih hi, a buaithlak thei fu lo maw te kati mai mai. kan tlawng lui hi, phai ram lui lian te a ang velova, sap hi in, river valley an tih a , valley lai hi a awm manglo in ka hria, chuvang chuan project hautak tak anih te kan ring deuh mai mai a, BTW tih theihloh tawp chu ani em lovang chu maw…
Report this comment
April 3rd, 2009 at 3:51 am
Tlawnglui hrutin, lung chang lakna fahran pawh a samkhai ang; tin, nul-an leh thlai hlan luh a samkhai bawk ang. Railroad zun leh ek far thla tur kha chenna hmun atangin hlat hret bawk ila. A thawm kiu ruan ruan vel hnaih hran lo bawk ila.
Report this comment
April 3rd, 2009 at 3:53 am
Tlawnglui hrutin, lung chang lakna fahran pawh a samkhai ang; tin, nul-an leh thlai hlan luh a samkhai bawk ang. Railroad zun leh ek far thla tur kha chenna hmun atangin hlat hret bawk ila. A thawm kiu ruan ruan vel hnaih hran lo bawk ila. Lei sang pui puia construct ngai lo thei ang berin.
Report this comment
April 3rd, 2009 at 9:52 am
Tlawnglui kam hnaih tak ho hi hi kham chhengchhia a tam khawp mai 10% bak a chim turah nul siam theihna a awm lo. Khuap ila nul siamna a zau sawt ang. “A ni chu tui liang kianga thing phun a hnah pawh uai ngai lo …” luikam thlai hian ruah sur kher lo mahse a kam vel moisture hnawng vang te leihnuai hnawng hlat loh vang te hian engkim hi a tha duh a ni.
@chawgnhilh i jokes hi tunhma train kan chuanga kan ek kan tlansan ang kha tunlai hian an tlansan ta, ek in train in a ken ah kan e thlawhna ang hian USA a in Greyhound ang khan ek an thlauh tawh ngai lo. I hlui ve ta (i history lutuk lolz)
@funny Civil Engg ah chuan tihtheih loh hi a awm ngei a tuna kan han sawi ve phak ang hi chu mi rama an lo tih tawh ngei te a ni thilthar a ni love. SUM erawh a ngai thung, technology leh know-how awmsa an ni ka sawi te hi. Science Fiction an ni lo tih chu a hretu i ni a; mahse RESERVATION i neih hi chu i thuziak loh ah hian a awm chu chu ka rindanin – Poltikal will nei hruaitu kan nei ang em? tih leh lo nei ta se SUM a haichhuak thei ang em tih hi a ni deuh em??
Report this comment
April 3rd, 2009 at 12:00 pm
I thil rawt hi a tha, ka sawi ve zauh zauh tawh thin. Kan kawngte hi a dik tak chuan economy lam aiin defence lam rilru pu chunga India sawrkar min lai sak a ni a, kawng thar kan sial reng reng hi chu luipui kam leh hmun productive deuh lai kal tlanga sial tawh chu a tha khawp mai.
Report this comment
April 3rd, 2009 at 12:47 pm
pu mzvision; a dik khawpmai i sawi chu, hruaitu fing, mi dik leh ram hmangaih kan mamawh ani e.
Report this comment
September 16th, 2010 at 12:19 pm
[…] LINK @ misual Blogged with the Flock Browser […]
Report this comment