Buma i awm veloh nan He post hi chhiar chhuak hram ang che. A hria chu in awmnual tawh ang a, a bik takin Call center(Scam) a thawk te in awm chuan in hrethiam lehzual ang. Heng a hnuaia ka post hi Phone ah leh e-mail a ka dawn a ni.
‘YOU HAVE WON £750,000.00 IN GOING COCA-COLA 2013 INTL MOBILE DRAW, TO CLAIM UR PRIZE SEND UR DETAILS TO COCA-COLA OFFICE UK, EMAIL : dr.ericdavi@live.com’ tiin +918287228752 atang message ka dawng a, chuan ka mail ngei a..
Minlo mail hi enchiang teh u.. (more…)
Nidang a ka tih thin angin ka nu inkhawm tur chu ka chei mawlh mawlh a. A thawmhnaw hak tur ka thlan sak mawlh mawlh a. Vanduaithlak takin vawiin chu a kawr rem tur puan chu puan dahna ah chuan ka hmu zo mai lo a. Puan bih khat deuh kan dahna thingrem lian chu ka hawng a, ka rin ang ngeiin a rem tur tak puan chu a lo awm a, ka nu chu ka pe a, a bih hnu chuan mawi ti takin ka thlek vawng vawng a. Inkhawm tur chuan min chhuahsan ta a.
Puan ka lak chhuahna Thingrem lian chu kalh ka tum a, mahse, ka hai chak tlat a, ka hai ta a. A mawng berah chuan ka mittui ti tla sawk thei thil ka hmu ta tlat mai. Ka kutah chuan ka nu pawnfen par hlui chhe zet tawh, a pawp bel thluah tawh chu a awm a, ka melh vawng vawng a. Ka nuho a rethei bakberh a kan awmlai chu ka ngaihtuah chhuak ta uar uar a.
Ka pa hian kum 3 mi lek ka nih laiin a dawn tawi luatah kei leh ka u te pali chu ka nu enkawlna hnuaia seilian turin min chhuahsan a. Ka nu chuan naupang chumchiap mai a fanu panga-te chu harsa takin min enkawl ta a. Kum 10 hnuailam vek naupang panga enkawl a hau tak tur zia hi tun hnu ah chauh ka hriatthiam puiin ka hria. Zan lamah chawhmeh a siam sa vek a, a in su bawk a. Zingah khawvar hma a thovin chaw a chhum leh a, a chhum zawh ah ka muhil lai chu tih harh hlau takin min pua a, bazar lamah hnathawk turin kawla ni chhuak chhiarin a chhuak thin. Kut beng tak meuh meuha pa chhuahsan kan nih avang khan ka nu khan bul tanna tur sum a nei heklo. A ip ah chhe zawr tawh tak chhung chu a en a, cheng thum chiah a awm a. Bazar panna kawngah chuan min paw chungin Pathian tanpuina dilin, mittui nen a tawngtai mawlh mawlh thin.
Bawhchhiatna avanga vawiin thlenga mihring chhunga lo awm, kan pianken ze ril ber leh thuk ber anga ngaih theih pakhat chu ‘SEX’ hi a ni. A thuk a, a zau a, a ril em em bawk. Dik taka sawi chuan he sex hi Pathianin mihring a siam khan anmahniah chi thlah a, lo punga, leilung hi luah khat tura tih an ni a, a nihna takah chuan sex kha siama kan awm tirh atanga kan thih ni thlenga kan chhunga awm tura tih a ni. Mahse, vawiina kan sawi tur erawh chu kha Sex nen khan a inang lo em em thung. Chu chu ‘HUR HERHNA’ a ni.
Kan sawi tawh angin Bawhchhiatna khan mihring sex awm kha a tibawrhbang ta a, a loa luakchhuak khawpin mihringah hna a thawhtir a, Nova hun lai khan chu hurherhna chu a nasa em em a, chu chuan LALPA Pathian thin a tiur em em a, tuileta tihboralin an lo awm phah ta a ni. Hun a kal leh deuh a, Abrahama hun laiin Sodom leh Gommorra vanglai khan chu hurherhna chuan mihring a fan chhuak a, Lota mikhual pahnih, vantirhkohte takngial pawh kha tenawm taka tih an tum a nih kha. Chu hurherhna avang chuan Sodom leh Gommorra khua chu mei leh kata hremin an awm a, a mihring leh a khua chawpin an boral ta vek a ni.
Tunlai khawvel hi han en teh le, Lesbianism, mawngkawhur (gay) etc.etc, pa leh fa inpawlna, nu leh fa inpawlna, ramsa/rannung laka inhrikthlakna, naupang laka inhrikthlakna, pitar/putar laka inhrikthlakna, mahni ngaihtuahna hmanga inhrikthlakna, a va tam tawh tak em!! Nova hun hma record kha kan khum a, Sodom leh Gommorra record pawh tunlaiah chuan zero (0) a ni tawh. Eng hremna kan tawrh ve dawn le? Tute nge him thei tur list-ah awm ang le?
United States a Catholic Bishop zingah chuan, Archbishop Fulton Sheen hi lar leh hmingtha ber te zing ami ani awm e. Television lamah te, Radio-ah te rawngbawlna hlawhtling tak a neih thin bakah, University hrang hranga Seminar-ah te thu sawi tura sawm a hlawhin, a thu leh hlain mi lawm leh ngaihsan a hlawh hle thin a, midangte a tha zawnga kaihruaitu ropui tak anga ngaih anih avangin, a thih hma lawk thla hnih velah khan National Television ah Interview an neih pui a, chutah chuan, “Mi maktaduai tam takte nunkawng atha zawnga kaihruaitu ropui tak ini a, Nangmah hetiang taka I nun theih na chhan, I nun kawng a tha zawnga her danglamtu leh kaihruaitu hi tunge ni? Pope em ni?” tia zawhna chu chhangin:-
“Ka nun kawng a tha zawnga her danglamtu hi Pope emaw, Cardinal emaw Father leh Nun te nilovin, Chinese hmeichhe naupang kum 11(Sawm leh pakhat) mi ani e” tia a chhanna chuan mi ngaihven a hlawh hle mai a. “Chu chu tu ngeni a, I sawi chiang deuh thei em?” tia an zawh leh na chu, heti hian a chhang a ni. (more…)
Kum engemaw chen ringlo mi kan tih te bulah ka cheng ve tawh a. Hengmite bakah hian kan Pathian awm ringlo mi te hi internet khawvel hmangin ka lo kawm ve fo tawh bawk a. Engvang a Pathian awm hi ring em em nge i nih? tih zawhna ka dawn fo na chhan hi keimah ah hian Pathian thu ka pai hnem loh vang ni awm tak a ni a. Heti zawng hian a chhan ni awm a ka rin ka ngaihtuah ta a.
Isua kha ‘Zirtirtu’ tiin a zirtir ten an ko thin a. Bible a kan hmuh angin Nu leh pa te hi leia kan hmuh theih Pathian an ni tih min hrilh leh bawk a. Ka tet lai atanga ka lei hmuh theih Pathian te, min zirtirtu ka nu leh pa te hian kawng min kawhhmuhah hian diklo, fello leh tha lo kawng hi min la zirtir ngai hauh lo hi a lo ni a.
Chutiang bawkin ka nu leh pa te hian min ring em em mai a. Kei min rinna aia nasa erawh Pathian chungah an nei a. Unau lo hnih khat chuan an duhdan vek a nun te a lo harsa a, manganna tam tak an paltlang thin tih pawh ka hria a. Mahse, hetiang harsatna pawhin a a pawhthluk zawh loh khawp a nasa rinna an nghahna, “Kan tawngtaina a la chhang em em ang” tih an sawi ri hi ka bengah a cham reng thin.
Conspiracy theory te, Pagan rin dan te, Mahabharat/ Bhagvad Gita thlengin ka chhiar ve in ka hre ve deuh riai ruai thin a. Heng rinna nen a a danglamna em em chu ka nu leh pa ten an rinna kha a taka chantir a kawng engkim a thu tha min lo zirtir a min lo kawhmuh fo vang kha niin ka hria a. Ka lei hmuh theih Pathian ten ka mithmuhah thil sual, tihawm loh, thil tha an tih loh chu sawi loh ka nunkawng a hetiang lak a ta fihlim tura min fuihna thin hi ka hmuh theih te hnen a tang a ka dawn a nih avangin an rin a chu ka ring nghet em em tawp mai a ni.
Tun dinhmun a ka nihna ang ang a min chawisangtu, ka chunga rinna nghat a kawng engkima min hmangaihtu NU leh PA te rinna hi ka pawm thlap mai a ni. Khawvel thiamna leh finna hmang a kan chhiar hriat ve te hi chu rin dan leh ngaihdan, tawngkam har pui pui nen min chhawp chhuah a nih laiin kan nu leh pa te chuan tawngkam mawlmang thei ang berin an tawn hriat atangin a mawlmang thei ang berin min hrilh a, an nunah hmuh tur a awm thin bawk avangin an rinna chu finna pe tu ah ka pawm thlap bawk.
Sunday thought: Plato, Tolstoy, Locke, Confucius leh Arostotle a ten thu min zirtir ang hi chhiar ve miah lo kan nu leh pa te hian nitin min fah thin, saptawng anih tak loh avangin kan sawi chhawng thiam lo mai emaw ril ta lo riau in kan hria a ni lo maw?
Tumkau Ni hman nuam vek u le 
Hun neih loh vangin mahni thiam ang tawk pawhin ka letling lo mai ang e. An sawi ber a chu, “kum thum hnuah a hnungzang a chemte dâktawrten an lak chhuah sak,” tih lam a ni e. A mah hian miin an vihna chemte bung a hnungah a tang tih reng a hre lo!
A Northwest Territories man was just scratching what he thought was an annoying old itch earlier this week when it turned out to be a knife blade that had been buried in his flesh for almost three years.
“I jumped in a cab and went straight to emergency,” said Billy McNeely, 32.
It all goes back to an April, 2010, birthday party in McNeely’s home town of Fort Good Hope, N.W.T. McNeely said a fight broke out between himself and another man over an arm-wrestling contest that ended up with McNeely being stabbed five times.
Isaia 14:12-14
Aw ‘Varparh,’ ‘Zing lam fapa,’ engtizia nge van ata i tlak tak chu le! Hnam tin titlawmtu, engtizia nge leia sah thlaka i awm tak chu le! I rilruah chuan, ‘Vanah ka chho vang a, Pathian arsite chung lamah khian ka lalthutphah ka chawi sang ang; tin, inkhawmna tlang, hmar tawp reta awmah chuan, ka thu ang a: chhum aia sang zawkahte khian ka chho vang a; Chungnungbera ang maiin ka awm ang,’ i tih thin vei nen khan.
Rom 5:13
Dan awm hmain khawvelah sual a awm tawh si a.
Aw le hei le, Kristian tam takte hriatfiah loh leh, kohhran tam tak thurin thiat dartu chu ‘SUAL BUL’ chu. Rom 5:13 thu kan tarlan khi Mihring chungchang bika bawhchhiatna bul sawina a ni a. Isaia 14:12-14 thu kan tarlan erawh khi chu SUAL BUL tak tak lo intanna, mihring awm ve hmaa lo awm chu a ni. Mihring sualna, bawhchhiatna lo, Eden huan kha sual bul intanna emaw kan ti fo va, mihringbawhchhiatna bikah chuan a dik thei ang a, mahse Sual lo awm tanna tak tak erawh chu mihring suala a tluk hma daiha lo awm tawh kha a ni zawk a. Chu chu kan BIBLE min zirtir dan pawh a ni. Tin, thuhriltu tam takin, “Lei leh van awm hmain sual a awm tawh,” tia an sawi i hre ngai em? I hria a, i lo awih ve em em thin em? Mahse maw, lei leh van awm hmaa sual awm tawh thu hi vawi khat mah kan Mizo version Bible ah hian ka la hmu ve lo. Word search hmanga ka zawn hnu pawhin ka hmu chuang lo.
Lei leh van hi engtik laia siam nge tih kan hre thei lo. Mahse, sual bul erawh chu lei leh van awm hnua lo intan a ni tih kan hre thei. Isaia 14:12-14, Ezekiela 28:11-19, Thupuan 12:7-9 te kha uluk takin han chhiar teh. Lei leh van awm hmaa sual awm tawh anga min lo zirtir(tu) thin hi a dik lo a ni tih i hmu ve thei ang. Thudik leh Thutak Bible atang kan hre thei a, mi phuahchawp erawh chu a hlauhawm thei.
(more…)
Mipa hi zawng kan thikthu hi kan pe chhe ve khawp mai.
“I thinlung thianghlim tumah la hmangaih ngailohna ngei khan e…” tihte hi, rulhhlut damdawi ei ngai hlei lovin rulhlut pai sa(meat) alo ei duhlo ve ngawt, ang deuh mai ni hian ka hre thin. Ti hian ka ngaihtuah mai mai thin : ‘Thinlung thianghlim’ tumah la hmangaih ngailohna thianghlim loh dan tur hi!!! Tih mawlh maiah hian ka buai a ni. (He hla phuahtu ka demna leh, “a phuah pai deuh mang e a…” ka tihna lam ni lovin, mipa diktak rilru huaisen taka a rawn tarlanna hi kan nula hote hian an lo helh takin, tiin Pu L.Keivoma tihdan takah, ka ziakmi kam zalenna hmangin tawi tein he hla tlar hnih/khat lek hi kan lo kawmen ve lawk duh a ni.)
Phat rual lohvin, he hla tlara hmangaihna a sawi hi, ‘Nula leh Tlangval inhmangaihna’ a nih a rinawm a. Chuti a nih chuan, he hla phuahtu hian ngaihzawng la nei ngailo nula, sawi a tumna a nih ngei a rinawm. Mahse, ‘Thinlung Thianghlim’ sawi nana ‘Tumah la hmangaih ngai lohna’ a hmang ta erawh hi chu a ti deuh mah mah em aw… a tih theih. Mahse, a phuahtu hi miPA a nih miau avangin ‘Thianghlimna’ a tehfung pawh alo danglam zo ta a ni.
‘Hmangaihna’ chu a der emaw a lem emaw a awm thei lo. ‘Hmangaihna diklo’ kan tihte pawh hi, hmangaihna nilo, hmangaihnaa kan lo ngaih thin vang zawk a ni. Hmangaihna chu thil sual hmangaihna a nih ngawt loh chuan, a mawiin a thianghlim em em vek thin a ni. Ha kuh siu-seu tak emaw, meng phang chulh mai emaw, ‘a lum biang’ ang deuhva thau bial chur mai pawh nise, thinlung taka a hmangaih (nawmchenna diklo a tel ve lo)phawt chuan, an pahnih chuan inzawmna thianghlim an nei tihna a ni. Kan Baibul chuan, Hmangaina chu a ngilneih thu te, a zawldawh thu te leh a kualiti hrang hrangte chu duhthawh takin a tarlang a, chu a chhapah Felna leh Rinawmnate chungah ala lentir leh ta nghal a nih kha! Hmangaihna thinlung hi a bawlhhlawh titu chuan hmangaihna awmzia a hrethiam lo a ni. (more…)
(Maharastra a thingtlang khua in kum 20 chhung a crorepati 60 lai an lo neih dan…..)
Hiware Bazar hi Maharastra a Ahmednagar district chhung a thingtlang khua niin kum 1972 a khua a khen chiam a vangin a nawlpui in he khua hi pem san a hlawh a. Hlawhtlinna lo intan tan hi kum 1989 a an khua a post graduate awm chhun Popatrao Baguji Pawar an Gram Panchayat Sarpanch hna chuh a a tlin tak atangin a ni a.
Ralegan Sidhi khua, Anna Hazare a ten an lo her danglam tawh zul zui a hmasawnna ruang am hi din a ni a.
Image source: betterindia.com
(more…)
“Better to rule in Hell; than to serve in Heaven.”
Tia Paradise Lost Book-I a Chatuan Hremhmun rul, Setana tawng tîrtu, John Milton hian he thu phenah hian zirlai tam tak alo hnutchhiah ru reng mai.
He thu tlar khat lek te hi, van leilet thianghlim leh Pathian ropuina tual zawla indona thianghlimlo chawk chhuaktu leh, van hmun sangber atanga lei hmun thim-tuk ber a Pathianin a paihthlâk tak, rul tûr thami neitu, Setan-a’n chauhthu-barawh taka, a sual hmangaih puite hnena meidil hmun thim a sawi mawina mah nise, Milton-a’n a tawng kâ atana a thlan sak, “Vana mi tirhkah nih ai chuan, hremhmuna thu petu nih chu a tha zawk fê a ni,” tih hi a kam a hawh sakpa theihnghilhin, “Kuttlinglova lak sum hmanga Millionaire nih ai chuan; dik taka tih a sipai bel nawt nih pawh ka thlang zawk,” tiin ka nunah ka lo letling ve hmak thin. Pu Milton-a pui rauh pawh hi pa rilru tluang tih takah hian, thilphal takin a kam lian tha zawng zawng hi mi suaksuala tan a rawn hmang mawlh mawlh mai a, mahse, heng thu a rawn hmante hian a suangtuahna lo-ram fiah kakin min tlir tir a ni.
Lal Solomon-a pawhin hei hi a hrechiang ve ngang ni tur a ni, rûk tui chu a thlum a, rûk chhang pawh a tui duh bik… alo ti thin a ni. Mahse, rûk tui thlum in chuan tui dangte chu a ti tui lo vek thin a; ruk chhang thlum pawhin chhang dangte chu a ti tui lo zo vek thin a ni. Kut tling lova thil neih hi, tuifinriat tui-al in ang a ni a, kan in tam zawh pauh leh kan tui a hal zual sauh thin a ni.
(more…)
