Department of Personnel and Training (DoPT) in guidelines a chhuah ah chuan Public Private Partnership (PPP) Model kalpui zawng te public authorities ten inremna thuthlung, thawhpui tur thlan dan engkim a detail in mipui hmuh theih/ website ah phochhuak turin a ti ta (voluntarily).
(Thuhma: He mi in a nghawng chu tun a Mizoram a political parties te inchirhthehna ber, Health Care Scheme a ni emaw, Call Center chungchang a ni emaw, e-governance chungchang a ni emaw ldt. mipui ten zawh chawp ngai lo in a nihna dik tak full disclosure website/ internet ah an dah a nih chuan dawt puarpawleng a awm lo ang a. Thudik mipuiten kan hre zung zung tawh mai dawn ani. Kan ram hruaitu te hian an implement ngam ang em?)
Hei hi enge a awmzia?
RTI Act, 2005 dan hmangin mipuite hian public agencies (sawrkar leh a hnuaia thuneitute) hnenah thuruk a awm loh nan a mipuite thuneihna min pek ah chuan information kan duh ang te kan zawt thiang a. Hun tam zawkah thuneitu te hian chhuanlam eng eng emaw siamin infromation an withheld fo thin a.
PPP (Public Private Partnership) kan tih hi sawrkar leh private company ten joint venture/ in thawh tawm an neih ang project ti mai ang a tawi zawngin.Kan rorelna khawl in liberalisation a zawm ang in sawrkar hna tawm zawk hi efficiency a lo that zawk nan private company ah outsourced a ni emaw partnership nen a project hi kalpui a ni tawh a. Tun a ka rawn sawi tum hi voluntary tih mah ni se thuneitu te hian langtlang sawrkar an duh tak zet chuan heng private company te nen a an inremna thuthlung hi mipuite min hlui turah ka ngai.
A bul thut atangin…
RTI Act a lo chhuah atang khan scam/ corruption tam tak hailan a ni a. Hemi dungthul hian Central Information Commission chuan Delhi sawrkar a H&FW Dept chu CWG chungchangah 2009 atanga PPP (Public Private Partnership) an neih pui te details website ah chhawp chhuak turin a tih takah khan a pawimawh na chu a hriat theih awm e.
RTI Act Section 4 chuan public authorities reng reng te chu public interest ang zawng zawng chu disclose turin a inziak a. Section 2 (h) ah erawh chuan PPP kan tih ang chi erawh “substantially financed by the central government” a tih a vangin CIC hian Planning Commission ah pawh 2011 khan PPP te hi hemi huang chhuang a tel tir turin an ngen nghe nghe anih kha.
Hemi chungchangah hian sawrkar hian hma a sawn pui vak lo a. Planning Commission ngaihdan erawh 2008 a Mumbai Port Trust leh M/s Indira Container Pvt Ltd te agreement details RTI hmang a Navroj Mody chungchangah chuan disclosed/ hmuh theih a tarlang ngei turin a saiw thung a a ni.
Thu tlang kawmna:
Hei hi kan sawrkar duhawm tak leh opposition party te hian lo duh lo ta pawh ni in public domain/ website ah tarlang duh lo mahse, keini hian enge kan tih ve theih aw? An sawi zu iduh miah loh chuan an mizia kan hriat thin ang tho kha an la chhunzawm a, hmakhua a eng teh chiam lo niin ngaihdan kan siam thei mai awm e.
An duh lo a nih pawhin mipuite hian RTI form hi cheng 10 chauhin a lei theih a, sawrkar in a sangawizawnpui te nen a agreement ah siam dan zawng zawng hi kan dil chhuak thei a ni tih hi ka rawn sawi tel mai mai duh bawk a. Chutiang a RTI application file tur erawh chuan kan state in PPP model a hman dan hi kan hriat chian a ngai a. Entirnan, Hydro project ho ah chuan B-O-O-M (Build-Own-Operate-Maintain) vek niin ka hria a. State thenkhat chuan B-O-T Build-Own-Transfer) model leh B-O-O-T ang te pawhin an kalpui thin a. Publicsoft (kan call center ve kha), Health Care Scheme (Bajaj Allianz), Hydro Project (NEEPCO, NTPC etc), e-Tax point (Chaltlang a mi ang te) leh Transport lam pawhin Tax chhunluhna hmun hi private an thawhpui leh dawn ni awm tak a ni a. I bawhzui ang u.
Thil dang min hrilh hre duh lo a nih pawhin selection process te, concession agreement etc etc te hi chu i dil chhuak thin ang u. Hmanni ah khan Party ten fundraising/ donations an disclosure chungchangah state dang model/ entirna pawh NE a mi ngei ka rawn pek kha. Facebook a ram hmangaih tak tak ho hi chuan an peh hel kual char char rih zawng a nih hi!
Zoram khawvar hun nghakin…. i theihna a piangah thehdarh rawh… Ka lawm e!
Source:
1. https://articles.timesofindia.indiatimes.com/2013-04-17/india/38615134_1_rti-act-dopt-order-chief-information-commissioner
2. https://www.box.com/shared/pruthddrbp
3. https://www.box.com/shared/nyijaels96
4. RTI Act, 2005
Similar Posts:
- Press Release – Mizoram CSC-VLE Association
- 2000 youths in call centres
- World Class Education kan nei ang em?
- Power privatise chungchang sawiho; CYMA-in company mal hnena power sem darh hna pek a remti lo
- dmt no longer with Newslink
April 22nd, 2013 at 7:53 am
nia he ta tang pawh hian tuk chhuah nuam tho u..
Report this comment
April 22nd, 2013 at 9:40 am
Good post.
Report this comment
April 22nd, 2013 at 1:55 pm
Thuneitu ni ve vaih ila chuan sorkar public works tender hawnna functon hi live telecast tir ila, contract site sir ah billboard lian tawkin project hming, contract chhanna zat, contractor hming, pa hming, in lam address leh information dang larlan nan sum ka sanction ang.
Kar tin emaw thla tin finance department in sum an sanction zawng zawng detail in an website ah an post ang a. MLA leh Grade I & II officer zawng zawngin an in leh lo neih (immovable property) leh moveable property, an hming emaw nupui leh fate hminga dah zawng zawng an declare vek ang a, chu chu sorkar website ah tarlan ani ang.
Khaw tin, veng tinah BPL a inpuangte hming leh address zawng zawng veng kawtchhuah ah lian tawka tarlan ani ang a, an kawngka bul bangah Mizo, English leh Hindi in tarlan bawk ani ang (tichuan BPL nia inchhal an tlawm rawk rawk mai ang.).
MPSC leh Department ten sorkar hna an pekin appointee hming, pa hming, address leh a pa, uncle, big brother hming (chung zinga mi officer emaw annih chuan) leh eng vang chiaha hma pe nge annih tarlan ani ang a. Fate leh naupte duksak leh fair lo taka hna inpek a tlem phah nan. Applicant hna hmu lote pawh hna an pek loh chhan detail a post ani ang.
Report this comment
April 23rd, 2013 at 7:39 am
Report this comment
April 24th, 2013 at 1:22 pm
A va tha ve mawle.. Rorelna dik chu luipui angin luang se la.
Report this comment