Tawi te-in Lal Isua leh Muhammadte thlahtu leh an nihna ziah kan tum ve chhin ang e.
Abrahama chuan Hagar-i lakah fapa a hring a (Genesis 16), a hmingah Ismaela an sa a. Tichuan Abrahama chuan a nupui Sari lakah fapa a hring leh a, a hmingah Isaka sak a nita bawk a. Hun a kal zel a, Ismaela leh Isaka te chuan kawng hrang ve ve an zawh ta a!
Islam lehkhabu-ah chuan Abrahama chuan Hagari leh Ismaela te chu Mecca-ah a hruai thu a chuang a. Abrahama chu Pathian-in Hagari hruai tur a a tih vang a ngaih a ni bawk. A hnuah Abrahama chu Mecca-ah chuan Pathian thurawn pek angin Kaaba (Mecca a lung dum lianpui, Muslim ho hmun thianghlim ber) sa turin a kir leh ta a.
Abrahaman Hagari leh Ismaela an kiang a khawsa lo tur a a tih khan Hagari zawhna chu chhangin, Abrahama chuan, Pathianin a enkawl dawn tih a hrilh chu Hagari chuan, “Pathianin a enkawl tlat a rinthuin a chhang a,” tiin ziak a ni bawk. Tichuan rampalaileng a an awm lai chuan Ismaela chu a chau a, tuihal tak a a awm lai chuan Ismaela mangang lei hiah khuar aṭang chuan angelin tuihna a tichhuak ta a, chu tui chhuak chu tun tlengin ala awm a, a hmingah Zamzam tih a ni bawk. Hemi tuikhur khi Muslim ho hmun thianghlim ber Kaaba aṭanga meter 20 lek a hla a awm a ni nghe nghe.
Kristian Bible ah leh Juda lehkhabu-ah chuan Abrahama khan a fapa Isaka kha inthawinan Pathianin hman tir a tum angin ziak a ni a. Islam lam hriat dan chuan Ismaela zawk a ni ve thung. Zirmi ṭhenkhat chuan Juda te khan Isaka thlah kal zel chhui mawihnai zawkna turin Ismaela aiah Isaka zawkin an thlak niin an chhui ve bawk a!
Zawlnei Muhammad hi Ismaela thlah a chhut a ni. Ismaela chu Abramaha (Ibrahim in Arabic) fa a nih kan hriat kha!
Tichuan!
Isua Krista chanchin chu Thuthlung Thar zarah Kristiante chuan a inziak chin chu kan hre hneh hle awm e. Chuvangin ziak lang kher tawh lo mai ang. Seth aṭangin Noah.. chutah Shem aṭangin Abrahama tichuan Isaka, Jacoba, Juda a thlah Davida. Isua chu Davida thlah a nih chu kan hre hlawmin ka ring (Mathaia 1).
Abrahama fa Isaka leh Ismaela khan fa hmingkoh nih duhna kha an nute zarah an inchuh niberin a lang. An thlah kalzelte hian tun thleng mai hian an sakhaw zuitute thlengin innghirnghona ala siam reng chu a ni ber e. Fing tak a seilian, harsatna tam tak paltlang a seiliante hian ram leh ro leh thiam zawk nihna chan tumin inbeih kumkhua mai hi an tum niin ka hre ṭhin.
Za a za a thudik chu an Pathian biak a inang reng ie., Abrahama Pathian an be ve ve Isaka leh Ismaela thlahte hian.
Kristiante tan chuan Isaka thlah Isua Krista kha zawlnei mai ni lovin Abrahama Pathian Fapa ngei a rin a ni. Islam leh Juda ho erawh chuan zawlnei/zirtirtu-ah an ngai thung. Chutiang chiah chuan Ismaela thlah, Muhammad pawh Islam sakhaw betute chuan zawlneiah an ngai ve bawk.
Ka han chhut vel ṭhin takngial a, Juda sakhaw bia leh Islam sakhaw biate innghirnghona karah Kristiante hi kan tlazep ta niberin ka hria. Setana be ho tih loh sakhuana chi hrang hrangte zirtirna hi han bihkual ila, an zirtirna tamtak chu nundan dik a nun leh thlamuanna neih dan, mihring tan a ṭha leh duhawm tak tak, inunauna a ni tam khawp mai. Chutih karah chuan sakhuana avang hian mihringte hian nunna kan va han inlak sak nasa si tak em!
Unau inhuatna irh chhuah hian thil ṭha a hring chhuak ngai lo. Keini Mizoram leh Mizoram pawn a awmte pawh hian innghirngho lovin len za i tum zawk ang u! Pathianin Zofate mal a sawm zel theih nan, malsawm tlakin kan inunauna thlunzawm ṭha zual sauh ang u.
Bonus pic, kan kawtthler:
Similar Posts:
- Isua Thlahtu Davida Hi Tu Davida Ber Kha Nge?
- Jona Zawlnei Thuawih lo kha.
- Juda-te kumthar (rosh hashana)
- GENESIS Rapthlakna
- Isua hi Pathian a ni
April 25th, 2013 at 12:50 am
A lo ni maw?
Report this comment
April 25th, 2013 at 1:24 am
A tawpa i tlipna khi a tha khawp mai. Unau innghirnghona hian rahtha a lo chhuah ngai reng reng hleinem maw le.
Report this comment
April 25th, 2013 at 2:03 am
Very interesting….van tha ve aw he post chu…
Report this comment
April 25th, 2013 at 2:52 am
caribou:
https://www.answering-islam.org.....rifice.htm
Report this comment
April 25th, 2013 at 7:22 am
Post BVT. In kawtthler khi nawm hmel khawp mai.
Report this comment
April 25th, 2013 at 7:23 am
Ka lawm e
Report this comment
April 25th, 2013 at 7:45 am
Tlangkawmna a tha kher mai, in kawtthler chu a mawi hle mai. Bearing tawlailir chuanna’n ka va it ve aw.
A chhung thu khi chu Bible keu chungin chhunchawlhah ka la chhiar nawn leh ang.
tren tren
Report this comment
April 25th, 2013 at 7:48 am
Chhuaklinga #7 hairehai
Para hmasaber ami khi, “Ismaela leh Isaka” tih tur ania, ka type sual palh a nih khi. Vaiva ten an rawn tih dik hram beisei ila! 
Report this comment
April 25th, 2013 at 8:19 am
I rawn keuh-thluk dan chu… ka va duh em
I Tlangkawmna hi Savun-uih ngei niin ka hria, ka duh tawp, a “Puithiam Tawngkam” ka ti hle bawk… a tha em mai, ka’n tarlang leh kher teh ang,
“Unau inhuatna irh chhuah hian thil ṭha a hring chhuak ngai lo. Keini Mizoram leh Mizoram pawn a awmte pawh hian innghirngho lovin len za i tum zawk ang u! Pathianin Zofate mal a sawm zel theih nan, malsawm tlakin kan inunauna thlunzawm ṭha zual sauh ang u”
Report this comment
April 25th, 2013 at 8:21 am
Tukchhuah nuam vek u le
Report this comment
April 25th, 2013 at 1:59 pm
Vaiva kha han che vat teh se, Isaka leh Isaia kan hriat pawlh dawn tlat a nia, kan keu khat ve ropui si a……..
Report this comment
April 25th, 2013 at 4:38 pm
Vaiva chuan ava rawn siamtha har reuh ve mawle
Report this comment
April 25th, 2013 at 9:10 pm
Eng lai nge siamthat tur?
Report this comment
April 25th, 2013 at 9:35 pm
nu leh pa khawvel ro khawmtu te hi unau rual zingah poh a ropui ber ber hi anni khat khawpin ka hria, ram, ro,thiamzawk nih inchuh a indo ngot kumkhua mai hi chu aw…
HV te kotthler khi evening walk nan ka awt hle mai..
Report this comment
April 25th, 2013 at 10:39 pm
Vaiva, kan lawm em em e hairehai
Report this comment
April 25th, 2013 at 11:29 pm
Islam, Judaism leh Christianity hi Abrahamic Faiths an lo tihna chhan pawh hi Pa Pathian (Pathian Pakhat) awm ring kan nih vang.
https://www.islamicspain.tv/For.....Faiths.pdf
Report this comment
April 25th, 2013 at 11:32 pm
Vaiva chuan a va siamtha har ve. A tir te atangin post tupa hian comment ah leh misual.com lovers lamah pawh siamthat sak kha a sawi a. Kan Vaiva hi a thlawk kual nasa lutuk a min ngaihsak hman lo niang
Report this comment
April 25th, 2013 at 11:34 pm
sheldon #17 a siamtha tawh e
hairehai
Aizawl lo haw thuai thuai ka chak. Mahse ni 2 emaw bak ka cham hman kher lo maithei…vrooom to Delhi emaw Mumbai emaw ani ang
Report this comment
April 25th, 2013 at 11:49 pm
Haha @Hv, a siamtha har lutuk alawm. Bible keu khat deuh lushai_er te chu Isaka leh Isaia tih lai ah an buai tawh ania
Aizawl i rawn kal hun chu a ruk in rawn kal miah suh…inhmuh khawm a chakawm hi.
Report this comment
April 26th, 2013 at 12:28 am
Isua Krista, Pathian fapa chauh hi kawng leh thutak leh nunna, chatuan nunna min pe theitu a ni a, Bible hi Pathian thawkkhuma ziak, thiltihtheihna nei leh dik lo thei lo a ni tih hi ka pawm thlap.
Report this comment
April 26th, 2013 at 1:21 am
Inneih hma a nupa ang a khawsak ho pawh Pathian thu chuan a phal loh hmel
Korinth 1 7:1-40… hairehai 
Report this comment
April 26th, 2013 at 1:23 am
sheldon #19 a ruk lovin aw
Report this comment
April 26th, 2013 at 5:12 am
Abraham’a Pathian an be ve ve a, mahse an biak dan ain ang ta lova, pathian diklo bia an lo ni ta a.
A tawpna chu a thra kher mai, nia in unau I zir ang u, in hmusit leh in huat te a awm tawh lovang a.
A thlalak kan hmuh chuan, e Pu H.V’a ziah anih ngei don hi ka ti a, alo ni a.
Report this comment
April 26th, 2013 at 1:08 pm
Quran hian Isua hi tunge a ni tih leh mite’n tunge Isua hi a ni tih ai hi chuan Isua hi ka nunah tunge a ni tih hi kan buaipui ber lo ni zel sela. Ngaihdan zau taka Isua Krista leh Pathian thu thlir ai hi chuan Keimah leh Pathian inkar pipeline mal lawng mai hi buaipui ber theuh ila Isua hnena awm reng nun, rahchhuah nun hi kan nei anga, midangte tana malsawmna chu va tum em em lam pawh ni tawh lovin, keimahnia Pathian Thlarau Thianghlim awm, Isua Krista pawha awm bawk khan midangte hnenah thu a lo sawi mai zawk dawn a lo ni.
Report this comment
April 26th, 2013 at 3:01 pm
#24 Chumi chu ka ziah chhan subject a nih hmel loh.
Ngaihdan emaw, ngaihdan zau tak emaw ni lovin, thil a nih dan ka ziak mai zawk a ni. Khitah khian thu dik lo keima phuah emaw, keima mimal ngaihdan emaw a thlipna atan bak ka ziak hek lo. Ka lawm e.
Report this comment
April 26th, 2013 at 3:03 pm
SHauzelSailo #23 Ka lawm e
Report this comment
April 26th, 2013 at 6:40 pm
Chemtatrawta hi ka hnial peih miah lova, ka ning deuh chang a tam bawk; ka hua tihna ni lovin!
Engpawh nise, facebook-ah Pathian hming a min rawn vauna (ti mai ang) hi a ziak leh ka chhanna hetah hiankan copy/paste ang e:
Vanlalhriata Colney
Pu HV, Lalpa pawi i sawina lai tak ka hrilh ang che.
“Za a za a thudik chu an Pathian biak a inang reng”
helai hi Lalpa’n a duh lo hul hual tih Lalpa’n a hriattir a che. Lalpa hnenah zahngaihna ka dilsak tawh che a, nangpawhin i lo dil ve ngei dawn nia.
II Lalte Bung 1-na hi Lalpa’n hemi chungchanga i hnena a thusawi duh a ni e. I lo chhiar hram dawn nia.
Lalpa ropui ber sela, A fapa Isua Krista ram lo zau zel rawh se.
Today
9:04am
Eich Vee
I hriat tur a ka hriat chu:
1. I hriat chinah chiang mahla, i hriat lovah chiang angin inngai suh.
2. Abrahama Pathian be ve ve an ni Juda leh Islam sawkhua hian, an biak dan erawh a inang lo. Biakdan inang sela chuan sakhaw khat niin an inunauna an zawm tha leh tawh ngeiin a rinawm! (sentence hnihna hi ka belh)
3. Judaism leh Islam hian Isua hi zawlneiah an ngai ve ve, Quran-ah ngei pawh Isa chu Pathian zawlnei a ni tih a chuang Isa = Isua in Arabic, Yeshoo in pure Hebrew, Bible ah chuan yashua. Tun thlengin ring tak takin Muslim ho chuan zingah te tlai lamah te an mosque chhip atangin an au hla hi i hrethiam em? Abrahama Pathian an kohna hla a nih kha. Ibrahim = Abraham in Arabic.
3. Allah hi Arabic tawng a Pathian, Pa Pathian, Isua in van a Ka Pa a tih tho kha a ni.
4. Tinge Islam sakhaw ringtuten Kristiante “ringlo mi (infidel) min tih chhan? Isua Krista hi Pathian Fapa a kan pawm tlat avangin. An ni leh Juda ho chuan zawlneiah an ngai.
5. Mizo ten Pathian kan ti a, Juda ten a hming an nei a YHVH an ti a, an lam tha ngam lo, Pathian tihna hrim hrim chu Elohim a ni thung. Arabic erawh chuan Allah a ni a, Spanish-in Dios an ti a, German chuan Got a ni leh a, chutiang zelin. Tawng a hran angin koh dan a dang a, a hming erawh pawm tlak ber (Kristiante tan chuan) Juda hovin YHVH an tih hi a ni ngei ang. Tawng dangin Abrahama Pathian hming nei ka hre lo, koh dan bak!
6. Entirna ka pe ang che: Ka thianpa George Bachir chu Lebanese Kristian niin, Lebanon a Kristian leh Muslim an indo vak (Lebanese civil war 1975 – 1990) khan Kristian sipai a ni a. Mortar bomb puakin a malpui a khawih hek hluai vangin a indo zui thei ta lova, a chhungten NY atangin USA lamah an nupa an hruai thla ta a ni. Kan inkawmngeih em em a, an chhungkaw inkhawmnaah pawh ka tel zeuh zeuh tawh. Chutah chuan Pathian (Pa Pathian, Isua Pa) koh nan hian “Allah” an hmang thin. Ka hriat tirh chuan mak ka ti a, ka zawt hial. Arabic tawng a Pathian tihna a nih mai thuin min chhang. “Arab Kristian zawng zawng hian Pathian chu Allah an ti ang a, Isua hi Yeshua emaw Isa emaw kan ti thung,” ti zawngin min chhang ta a ni.
Isua thuthlung, Thuthlung Thar zawmtu zingah telin Kristian ka ni thung (belh)
Know what you know, don’t know what you don’t know
Report this comment
April 26th, 2013 at 7:18 pm
“Keini Mizoram leh Mizoram pawn a awmte pawh hian innghirngho lovin len za i tum zawk ang u!”
Nia, Vangchhia leh Chhangte tepawh hi Nu hmunlo Pa hrang kan ni nanga…mahse….
Report this comment
April 26th, 2013 at 7:31 pm
chhangte_ll, muah muah
Report this comment
April 26th, 2013 at 7:44 pm
Vangchhia leh Chhangte tawhphawt chu lawm avanga bianga mittui nen ir chuaktuah meuhin inkuah vawng vawng tawh rawh se – Sebawng no thau tak ruaipui kan kilho thei tawh ang. Tichuan, Isaka leh Ismaela thlahten helai ram pilril deuh a kan inhmuhchuahna thlarau hi lo chang ve tawh bawk rawh se…
Report this comment
April 26th, 2013 at 8:47 pm
Lalpa’n i chungah zahngai mawlh rawh se.
Report this comment
April 26th, 2013 at 8:50 pm
Ka vau vang che ni lovin, helama ka comment pawh ka delete leh zawk a midang hriat vek Lalpa’n tul a tih loh vang a ni e. I lakah ka puan ka thingin, ka ke a vut ka thing thla e. Abak chu Lalpa leh nangmah inkar ni tawh rawh se. Ka lawm e.
Report this comment
April 26th, 2013 at 10:40 pm
misual.com kan hlim theih tehreng nen a ka luh peih tawh vak loh chhan pakhat chu nangmah hi.
I chhe zit zet lutuk hi aw!!!!! Ralte bengchheng dik tak.
Report this comment
April 26th, 2013 at 10:50 pm
E leh! khi ta khi, Ismela leh Isaka e maw ni? an in the thu ve ri ngawt ni’a. Eng le khaw le. kei a tan zawng,
post beng var thlak tak a ni chiang e.
A thu tawp rawn khai khawm na khi, a tha ka ti hle mai.
Sepecial report lam ah, kan misual ho tu then khat te
an tui riau. Mi tam tak Maipawl an put tir ni ber in ka hria.
Report this comment
April 26th, 2013 at 11:00 pm
Sihtea, i van ngaihawm vele aw, ka reh vung vung mai si a keilah chu
Report this comment
April 26th, 2013 at 11:24 pm
anti-american pa leh anti-semite an inhau deuh em ni hahaha misual a nuam leh dawn tan e, hot rawh pip!
Report this comment
April 26th, 2013 at 11:27 pm
drake, i awm hla lo bawk a lo leng ve la mawle
Report this comment
April 26th, 2013 at 11:40 pm
A ngaihnawm e
Report this comment
April 27th, 2013 at 12:00 am
Thu tha leh puitling, hriatna tizau thei ni bawk chhiar tur avang thin ta riau mai. A lawmawm e, ngaihnawm reuh bawk si.
Report this comment
April 27th, 2013 at 12:33 am
Bengvarthlak mange! Kristian ni mah ila sakhaw dang rinna, inzirtirna, an serh leh sang, kristian thurin nena inanna, danglamna, etc…, te hi hriat kan tum ve tur a ni. Chuti lova kei leh Pathian inkar… tih ringawta kan inup tlat chuan, kristian hawi zim, ngâwng tak kan ni ringawt ang. Rawngbawltute tan phei chuan tihmakmawh-ah ka ngai.
Mahniin chhiarin, zirin, chik peih lo mah ila, mi thahnemngaite chhui sa erawh sawisela do mai lovin, uluk takin i chhiar ang u… tih hi ka sawi theih tawk ni se, lawm takin laikhum ka’n bêl ve tawh ang e. Lung tihhrisel a ngai tlat.
Report this comment
April 27th, 2013 at 4:27 am
“The spirit himself testifies with our spirit that we are God;s children” Rom 8.
A mah Pathian thlarau ngei chu kan thlarau a a rawn intihfiah (testify) chauh in Pathian fa kan nih kan inhre thin.Thuthlung thar a chenchilhtu Thlarau thianghlim min hnutchhiah kha keini Kristian tan chuan Pathian kan hmuhna mit a ni si a.
Tichuan, post BVT tak leh, Abraham thlah atanga lochhuak, Islam Sakhaw betute hian Pathian chu an be ve ngei a. Mahse, Pathian in Krista a a Thuthlung thar erawh an pawm ve lo.
Bible ah hian “Inhnialna atthlak” ti a a sawi ah kan kual lut deuh raih tep a nih khi.
Report this comment
April 27th, 2013 at 4:30 am
Khem’ra nei tha bawk a, Bonus pic. chu a sial hle mai..mawi lutuk tlat.
Report this comment
April 27th, 2013 at 5:36 am
mate ainawn #41 “Abraham thlah atanga lochhuak, Islam Sakhaw betute hian Pathian chu an be ve ngei a. Mahse, Pathian in Krista a a Thuthlung thar erawh an pawm ve lo.” I ti lawmawm hle mai. Kei aiin i phawrh chhuak thiam e.
A tawp thuhlawm (paragraph) pahnih khi ka ziak chhan tak erawh a ni.
Ty ty
Report this comment
April 27th, 2013 at 6:49 am
Pu.Chemtatrawta a rawn lan tawh hi chuan, post a vaw hot thiam bawk a,
comment chhiar a man hla thin e.
Report this comment
April 27th, 2013 at 9:11 am
Ni teh se…………
Report this comment
April 29th, 2013 at 10:38 am
Post tupa hi ka chuang viau ania
Report this comment