He thu hi thenkhat chuan kan helh viau maithei. A mawh hran lo ve. A enga mah hmaa mi thiltih lo sawisel ve ngawt chu thil mawi ber pawh zuk ni hek suh. MAL Book of the year 2012 ‘Sihlipui’ tih hi review ka chak viau nachungin vawi khat chauh ka la chhiar chhuak si a. Ka la zuam rih lo. He lehkhabu hi zirtir nei tha tak, Mizote dinhmun leh nihna tarlang thei leh kan tunlai boruak mil taka ziah a ni a. Book of the year 2012 a ni pawh hi a inawm ve hle chuan ka hria.
NIMAHSELA, Book of the year meuha thlan tur chu zirtir nei tha leh thu tha phawk chhuak zo mai bakah literary concept nei tha; thu chheh leh tawngkam hrim hrim pawh inrem fuh tak a nih a ngaiin ka lo ring ve thin a (a ni thin reng bawk a). ‘Sihlipui’ hi Book of the year 2012-a an thlan hma khan ka lo chhiar tawh a. A thu ken chu a tha; mahse, tawngkam leh a thu han chheh kual vel danah erawh ka duhthu zawng a sam zan lo.
Sawi zel dawn chuan sawi tur hlir a ni tlat mai. Ka sawi tum tak zawk chu, tunlai mite (tunlai mi lote pawh) hian mi tih hriain lehkhabu te hi kan han ziak ve leh ngawt thin a (an beih hahna ka ngainep tihna ni lovin), a lawmawm rual rualin ka beisei erawh a pha lo hle thin (ka lo beisei sang lutuk zawk nge ni). 2012 chhung khan Mizo irawm chhuak lehkhabu 135 lai a chhuak hman a. Achievement ropui tak chu a ni. Amaherawhchu, kha’ng lehkhabu chhuak zozai te kha ‘ro tling’ leh ‘chhuan tlak’ a ni meuh em tih ka ngaihtuah thin. Mizote hi thil thiam zung zung leh ti ve mai thei hnam kan ni a. Hei tak hian kan ‘rilna’ leh ‘thûkna’ tur kawng a dal tlat thin. Mite’n an tih avang maia ti ve ni lovin ‘tuina’ avang zawka beih tak takna hi kan tlachham tial tial niin ka hmu ve a.
Lehkhabu ziah te hi tih namai a ni lo. Chuvang tak chuan ‘ro tling’ ziak chhuak thei ngei turin kan ziak mite ka cho duh a. Nasa lehzualin han bei fat fat teh se. ‘Ka thei ve tho alawm’ tih thuvawn paih ngamin ‘Ka tuina zawng tak a ni’ tih hian kan nun khalh zawk sela a va duhawm dawn em! Ka lawm e.
Similar Posts:
- Book Of The Year 2007 “Zofate Zinkawngah”
- Vawiinah Pi Zualbawihi lehkhabu leh hlabu
- Awmlai
- Sex Education lehkhabu tlangzarh
- Read “The God Father”
April 25th, 2013 at 7:29 am
I lo thlir ang
Report this comment
April 25th, 2013 at 7:33 am
Infuihnan hmang ila!
Report this comment
April 25th, 2013 at 7:35 am
A lo chhuak ta reng mai.
Report this comment
April 25th, 2013 at 8:32 am
kn ziak ve ang e w, ngaihnwm gwt ang
Report this comment
April 25th, 2013 at 8:34 am
Quantity aiin Quality hi ngai pawimawh ila a tha hle bawk
Post-tupa, Politics a inrawlh hman leh pek a ni lo maw?
Report this comment
April 25th, 2013 at 9:24 am
thla tharah hian ka lehkhabu ka publish ve ang chu ka tia…. hei pui… kan tichhuak ngam dawn ta lo a nih hi.. sob..sob..(Fiamthu)
Report this comment
April 25th, 2013 at 9:34 am
Kum dang MAL Book of the Year en chuan, a la ho ber tum a ni awm e. Ka lo ngaihhlut ve thin teh reng nen, ho tihna ka ngah ta khawp mai.
Report this comment
April 25th, 2013 at 9:42 am
Post tupa, sei deuh takin lo review teh. Gilead ah damdawi a awm lawm ni, engati nge mizoram hi a hrisel theih loh?
Report this comment
April 25th, 2013 at 11:25 am
Ni e, lehkhabu chhuah hi tih namai a lo ni lo tawp mai. Experiance ka nei ve zan tawh bawk a; ka hrethiam khawp mai. Mahse, sim ka tum chuang lo. Tunah pawh ka sual leh mek.
Report this comment
April 25th, 2013 at 12:07 pm
A bu hming mawlh hi. Tutemaw sawi dan takin Mizo tawngah “Sihlipui” a awm thei lo. A chhan chu “sih” hi lui ani lo va, ram ngaw kara tui tling chip chep sawina ani a, lipui nen ziah zawm chi ani lo. Hei vang ringawt pawh hian literature prize pek awm loh tak ani.
Report this comment
April 25th, 2013 at 12:19 pm
@Nirvana,
Report this comment
April 25th, 2013 at 12:22 pm
nia, ka la chhiarve lo va.. Book Of The Year meuh chu tha hle turah ngai ang.. A bu hming erawh a fuh dan a fuh chiah loh a nih ta hmel ve..
Report this comment
April 25th, 2013 at 1:46 pm
Han sel ve hrim hrim la a tha tur, a hming ka chhiar atang khan ka lo buai ve em em a…….!!!!
Report this comment
April 25th, 2013 at 4:02 pm
@Nirvana, a ziaktu hrilhfiahna ngei ka rawn paste e hei-Sih pali zawm khawm hmanga hmun ropui tak siam hming sawina. Ziak mite hian thu awm sa ngawt rin hi kan tlan san pawh a hun ve khawp mai.
Report this comment
April 25th, 2013 at 4:31 pm
Thu belh: Tuaisiala ‘Hmangaihna Tuboh’ kha ka thianpa, thu leh hlaa tui ve tak chuan ‘Novel dik tak a ni e’ a ti ve tlat. Novel hi a dik leh dik lo a lo awm ngai nge ni. Mizoten novel tia kan ziah ve ngawt thin hi novel-ah a chhiar lo zawk ni.
Report this comment
April 25th, 2013 at 8:03 pm
He lehkhabu hi ka la chhiar miah lo. Ka hmu a mahse ka lei lova, ka mit a la lem lo bawk a. Ka la chhiar loh vangin sawitur ka nei lo. Nia, lehkhabu chhuak thenkhat hi chu a nep ve khawp mai. Ka ziak ve thiam miahlo na a…
Report this comment
April 25th, 2013 at 8:16 pm
Lo review teh a. Thudangalai chuan Mizote hian saptawng kan thiam tho sia, Mizo tawng chauha ziak lo hian khawvel pum huapa chhiar theih turin ziak ve tawh awm tak kan ni. Mizo culture kan vawrhlar bakah keimahni tan pawh international writers te nen inhmelhriat + inelna tha tak a ni anga. Arundahti Roy, Kiran Desai tihte vel pawn an ziak thei alawm le.
Report this comment
April 25th, 2013 at 8:34 pm
@sheldon, Chhiar ve hrim hrim la, a va tha ve. A thu ken thu tha ve tak a ni.
@Charice_mizo, Ka rawn la review maithei a ni. Saptawnga ziak hi chu an awm ve zeuh zeuh a, mahse, an thu ziah hi novel lampang hawi ni lem lo, politics lam hawi hi a ni deuh furin ka hria.
Report this comment
April 25th, 2013 at 11:25 pm
@Awmtea, nia, book of the year te an nih tak rup ah chuan chhiar ve ang. A thu hrimah Mizo te hian criticism hi kan la zo lo deuh chuan ka hre na a han bei tha leh teh.
Report this comment
April 26th, 2013 at 5:29 am
Lehkhabu I duh dan chu a thra khawp mai, nangman han ziak la I thiam viau ka ring, nge I lo ziak thrin toh zok poh ka hre lo.
I va han ziak thra em em e, infuihna leh chona ropui leh liantak chu, a dikin a thra khawp mai. Yay
Report this comment
April 26th, 2013 at 6:57 am
@sheldon, i sawi dik khawp mai. Criticism hi ‘sawiselna’ chauh emaw te kan tia. He kan ngaihdan dik lo lutuk hi alawm hemi kawnga kan hniamna chhan chu. Sawiselna ni mai lovin ‘bih chiahna’ a ni zawk si a.
@SHauzelSailo, lehkhabu em chu la ziak lo e. Article hi chu ka ziak ve nual tawh. Ka thiante hi chuan lehkhabu ziak ve rawh hi min ti chamchi a, mahse, lehkhabu em ziak tur hi chuan hun neih a ngaih mai bakah quality taka chhuah tur chuan beih fe a ngai si a. Ka la zuam lo deuh a ni.
Report this comment
April 26th, 2013 at 9:44 am
Ka lo inenfiah ang e.
tren tren
Report this comment
April 26th, 2013 at 10:35 am
#22 HAHA
Report this comment
April 26th, 2013 at 6:58 pm
misual ah te hian kan post ve leh ringawt thin a!
Report this comment
April 26th, 2013 at 10:23 pm
#24 haha.. Nia maw le!
Report this comment
July 25th, 2016 at 12:54 pm
Fuihna tha tak a nih rualin i fuih, keini ang te min ti down. Depression kan neih phah. Tak tak.
Report this comment