via BigDaddy Hmahmatea (R.Lalhmangaiha) | Kulikawn
SAIKUMPHAI CHUNGCHANG HI ENGE IN NGAIH VE DAN LE ??
*******************************************
Saikumphai khua chu Court in chuak lo tur an tih chu Vaphai khaw ho lungawilo in tunah hian an hal a ni awm a: Hemi chungchang a Special Report a an post hi ka rawn copy a… Kei chuan ka thu lo hriat ve dan atang chuan hetiang a Vaphai khua ho in hma an la ta mai hi ka dem khawp mai a. Kan sawrkar hian a tul anga hma la a thil ti diklo tute hi an phu tawk anga hrem ngei turin ka phut bawk a ni. A hnuai ami hi SR a post chu a ni e…
Ma Thanenga
Saikhumphai
Mipui nunau, vaphai khua in kut an thlak hlauh vang in, biakinah awmkhawm hmasak tir zet an ni a, a la him tawk lo ni a an ngaih avangin, an khawpiah lawk, leilet (burma) an sipaiten lo inthiarfihlim leh zawk mai tur in an ti a, bungrua pakhatmah keng lovin sipai thu ang chuan an kal ve mai a, leilet atang chuan an khua Saikhumphai chu chiang lutuk lovin a langthei a, mahse, chu mi hmun an han thlen chuan, court in a ching fel tawh ni a an hriat, an khua kang khu hluah hluah chu an hmu ta, mipui nu nau an tap. Tih theih dang an nei lo, an chen na in neihchhun, vaphai in hmanni lawk a an thiahsak leh an thawmhnaw neih zawng zawng te chu meivapah a chang zota, mahni hnampui te chung a thil tihah chuan a lutuk deuh lo maw?
Similar Posts:
- Saikhumphai khaw hal hi tu thiam loh nge?
- Saikhumphai khaw hal hi tu thiam loh nge?
- Saikhumphai-bawk Chungchang Kha…
- Khawkhawm a pawi ber mai
- Saikhumphai senmei chan ni
April 29th, 2013 at 4:07 pm
Ka hnuk a ulh.
Report this comment
April 29th, 2013 at 4:13 pm
A va rapthlak em!!!!!!
Report this comment
April 29th, 2013 at 4:26 pm
A va rapthlak ve.
Report this comment
April 29th, 2013 at 4:36 pm
Vaphai khua ho chu an khua halsak ve chi anih chu maw le, mahni mizo puite chunga khati em ema han nun rawng mai chu leh. Manipura Hmar, Paihte leh Kuki ho khaw inhalsak pawh rapthlak kan ti a Mizoram chhungah leh zel hetiang a thleng hi chu a rapthlak hle mai. Home Minister hi Kross a khen beh tlak ani, Mizoram pawh vawng him zo lo hi.
An intih buaina chhan pawh kha Saikumphai khua hian VC hran neih an dil tih ani lawm ni kha, heihi democracy ram anih angina an democratic rights ani ve mai a, khaw in halsak em ema che hi chu demawm tawp khawk ani. A titute hi na mangkhengin hrem the se, YMA te, MZP te hi khawnge an awm? Vaphai khua hi anchhia kan lawh teh ang, kum 10 chhung he khua ah hian tram tla sela, ran pul hri leh natna hri rapthlak tak tak leng teh se!
Report this comment
April 29th, 2013 at 6:05 pm
Zahngai! zahngai!
Min han hrilhfiah teh u, Saikumphai leh Vaphai chu Mizoram chhung khua ve ve anni em?
Mi innghirngho te hi Indian citizen vek anni em? Indian mi nita se engvangin nge Burma sipai an lo inrawlh theih. An buaina chhan chu ng vang chiah nge? Hriat ka va chak ve.
Report this comment
April 29th, 2013 at 6:25 pm
A inthohna a rei tawhin ka hria. Vaphai ho chuan, Saikhumphai ho hi Myanmar lam atanga rawn pem thla angin an sawi a, mahse voter I.D. chu an nei tawh hlawm ani awm e. Saikhumphai ho hian High Court ah an khing a, thiam an chang ta si a, Vaphai ho hi hetiang hian an che ta mai ani awm e. Engpawhnise, kristian ram leh Mizorama thil thleng atan chuan a duhawm lo khawp mai. Home ministry lam hian a rang arang a, Vaphai ram pawnah khaw thar an din sak thuai angai ngei ang, khawvel leh human rights lam mitah a haltute lam hi an hming chhiat deuh chu a rin awm.
Report this comment
April 29th, 2013 at 6:54 pm
Rin phak bakin Mizote hi kan va lo sual tak em!!
Report this comment
April 29th, 2013 at 7:01 pm
Voter ID hi sum a lei theih ani em le? (ti zawngin zawt chawt teh ang)
Report this comment
April 29th, 2013 at 7:16 pm
A va mak ve! Tu te pawh nise mihring pui te chung a rawng lutuk chet hi chu ka dem
Report this comment
April 29th, 2013 at 7:19 pm
Sande Sikul kaikim lawmman dawngte chu anni awm hlawm si a
Report this comment
April 29th, 2013 at 7:24 pm
A lungchhiatthlak kher mai. Mizo leh mizo in tei te tham kan ni lo a sin mawle.
Report this comment
April 29th, 2013 at 7:32 pm
Eng ang mi pawh ni se an thiltih dan chu a lutuk deuh a ni……….
Report this comment
April 29th, 2013 at 7:41 pm
FB lamah chuan comment rih lo mai ang. Ka office bang in news hi ka hre ve chiah a. Lung a ti chhe hle mai. Thiam a chung ah mawh a awm ang ngeiin Vaphai ni lo in thil tisualtu te hi dan ang a hrem an phu khawp in ka hria. Kan sawrkar hi Law and Order lamah hi chuan an chhuan tlak vak loh chu a ni. Boruak in mung an hria a, High Court in Stay order a chhuah pawh a hria a, mipui te venghim zo lo ringawt mai sawrkar han neih chu. Tuikuk helin min vau thul. Kan Home Minister kha inrukbo chungchangah khan kan fak viau si a, tun incident ah hian tawngkam a la nei lo a nih hmel. Mipuite thlamuan hun ah pawh an bo diak tihna em ni le?
Report this comment
April 29th, 2013 at 8:05 pm
Myanmar border a awmte tawnhriat hih..kan hreve vak lo ang a..Engpawh nise…Kristian tihawm tak chu a nih loh hmel..
A tuartute an thlabar ngawt ang..
Report this comment
April 29th, 2013 at 8:41 pm
A va mak em!!! hetiang hian ani maw mizo leh mizo pawh in kan in halsak duh a, khawnge kan YMA MZP MHIP MSU leh kan Politicians te remna ban phar ngam leh Police/sipai Saikumphai khua chhanhim tur a order pe theitu an awmlo em ni. nge in thlan a hnaih tawh a vote zawng in an buai leh tawh zawk.Phailam ah pawngsual buaiin mipui leh sorkar an buai a kan mizoram ah thung naupang em chu kan pawngsual lova DAN erawh pawngsual a ni. Mizoram buailai a India Sipai leh Vaphai khua ho in an na riau an nei, inhal an ching ve ve. Mahse Vaphai khua ah pawh hian saikumphai khua hal support lotu tam tak an awm ka ring. Vaphai khua mipui erawh pawngpaw dem lo ila a haltute erawh nasa tak in i dem ang u.
Report this comment
April 29th, 2013 at 10:52 pm
Vaphai Branch YMA ,KTP etc.. Tih atan chuan a va mawi lo kher em.
Report this comment
April 30th, 2013 at 2:21 am
burma mi an ni emaw, ni lo emaw — an thu leh chu eng pawh lo nise… miin thi leh thau pawlh tak meuh a, thlantui nen a sual chhuah, a nupui fanaute leh a nu leh pa, tar chak lote chen nana a din, bungrua engmah chuh hman lova han hal sak ngawt mai chu(h!… ka hmelma huat ber keh ka tana hnawksak ber pawh nise ka va ti dawn lo rua e.
in 1 mai pawh ni lo, in 40 chuang teh meuh han hal ral sak vek mai chu(h, ât leh mawl vang mai pawh va ni suh — nunrawn thil a ni. a haltute hi pathianin phuba ala mm ang tih ka ring a, la lo tehreng pawh nise khuanu/ khuarelin ala la mawlh ang. hnam dang/ chi dang pawh ni lo — mahni hnampui, chipuite chungah lehnghal maw… phur hlut vangin a haltu zingah lo tel ve ta ang ila, thluak fima ka inngaihtuah harh tik niah inchhir luatah ka inawkhlum duh hial ang!
vaphai khawho chu thu hranah dah ta ila, an boruak tawn kan hriatpui lo a… (tute emaw tawng chak deuh leh mi fuihpawrh thiam deuh ten an thluak an suk sak pawh a ni thei…) heta thut hmun atanga lo thlawp tawk leh ram leh hnam humhalhnaa ngaia an thlavang lo hauh tawk kan awm lehzel hian ka lung an tichhia… vaphai khawho ai mahin an rilru ngaihtuahna a sual/ nunrawng ka ti zawk!
ruahpui leh thlipui mahin zah a ngai thin an ti ngai a, kum zabi 21-na meuh chuangkai tawha hetianga khawpum meuh chenna in inhal sak thu thang hian mizote hmai timawk a, vaphaiho hian he hnam hi a timualpho a, zahna kawnah min nawr lut a ni ber e. nu/nau, pitar/putarte um chhuah mai duhtawk lo va, hlim tak leh ngaihngam taka an chenna rún haltute hi tunah leh an tu chhuan thlengin khuanu’n an chungah phuba la mawlh rawh se… tia anchhe lawhtu awm se ka dem hauh lo ang.
Report this comment
April 30th, 2013 at 7:54 am
K versus K???
Report this comment
April 30th, 2013 at 9:44 am
A rap thlak a ni e, In comment ka chhiar a ka thla a muang khawp mai, KTP leh YMA te hi an va lo mak ngai em.
Tun lawk khan phone ka bia zo chiah a, Vaphai nun rawng ho chuan Vawiin ni hian an lawm dawn ni awm a ni, Pathin hmingin nge an lawm dawn Zu leh Sa nen tih chu ka hria lo ve. Min lo tawngtai pui mawl mawl dawn nia. News then khat chuan sorkar in ei leh in supply te an ti a dawt muhlum vek a nih kha. Burma (leilet) an ei leh in tur an tum sak. Sorkar in engmah a la hria lo, an hal tih chiah a hria.
Report this comment
April 30th, 2013 at 9:45 am
Rapthlak tak a ni!! Saikhumphai ho ka tawrhpui takzet e
Report this comment
April 30th, 2013 at 9:46 am
Mizoram polices 80 in Burma polices 5 pawh an tluk lo. Zah thlak lutuk Mizoram polices Useless.
Report this comment
April 30th, 2013 at 10:37 am
A pawiin a rapthlak ngei mai…
Hei lo hi an tan kawng dang a awm hlawl lo emaw ni le?
Report this comment
April 30th, 2013 at 10:45 am
Saikum khua hi burma ho din a ni an tih hi a dik em?
In inhal sak duh khawp hialna rilru an put chuan Vaphai ho hi an thinrim tawngkhawng tawh tih a hriat mai.
Mizo leh mizo inkara thil thleng a nih erawh chuan a tha lo tawp mai.
Report this comment
April 30th, 2013 at 10:49 am
Zialo ve aw, Vaphai ho chuan khawvel hmuh ah thiamloh an chang ta si a, Saikumphai thluak an phalo hle mai.
Foreigner Drugs leh Smuggling ti thin an nih chuan court ah thiam takin hek zawk sela mipui in an tan mai tur.
Thil enge maw hlek a KTP,YMA dem zel ringawt hi thil dik ani ber em?
Report this comment
April 30th, 2013 at 11:05 am
Natiönal leh state dang papers ah a chhuak ta ngei a. Mizoram sawrkarin nikum october thla khan, Saikumphai khua hi chhuahsan a, Vaphai khub awm vek turin a ti a, chu chu high court ah an khing ta a. High court mizoram bench chuan, sawrkar thuchhuak chu Stay order a pe ta a. Chumi sawhkhawk thìnrim che chu an ni awm e. A zialo khawp mai.
Report this comment
April 30th, 2013 at 11:35 am
Chhiattawk nunau leh mipuite ka tuarpui takzet a…
Vaphai khaw ho hi hetia en a ngaihtuah mai chuan an thiamlo hul hual niin a lang a, mahse Saikumphai lam hi an thiam bik e tihna erawh a ni chuanglo ang… Vaphai khua hi an thinrim tawngkhawng tawh tih chu a lang chiang reng tawh mai a, an thu leh hla hi hre kilh kelh lo mahila Saikumphai hi Foreigner in Drugs leh Smuggling lam tawlh nan an hmang a nih chuan an thiamlo tihna ani a, Vaphai khua a insuan luh hi hreh ngawtna chhantur a awm em, Sawrkar thuchhuak engahmah an ngai duhlo a, High Court thleng in an khua hian an khing zui ta a, a sawhkhawk an tuar ta anih hmel.. Vaphai khua hian an thinrim chhan te han sawi fiah chiang ve leh deuh sela, evidence an nei tha hle pawh a ni thei,hetiang thleng a che chhuak ta chu..tin, Mizoram a Drugs leh Smuggling lam inrawlh an phalloh vang a hetia che chhuak hi an nih hmel a an thu leh hla atang in, han sawi fiah ve phawt se..
Tin, Champhai DC in a Saikumphai mipui te ei leh in tur leh silpauline vel a sawrkar in a tanpui tih news a lang kha comment pakhat ah khian dawt vek leh Burma sipai te chiah rintlak ang hial in a chhuah a, ka ring ve chiahlo mang e a,Mizoram sawrkar,Mizo officer/police te a thamlo lek2 ka ti mai mai, ka lai a na tep a…
Report this comment
April 30th, 2013 at 12:19 pm
YMA leh NGO dang dangten DAN tling si lo dan ka zam tam lutuk leh kan kut zala tla kan thu thua ka chingfel mai thin kal zel vang a niin ka hria. kristianna kan man fuh tawk loh vang a ni tel bawk ang. Mihring leh mihring, human rights hian boundary a nei lo. Vaphai mipuite hian an mihring puite chanvo an neksawr a ni mai. Eng anga thinrim tawngkhawng pawh nise an thiam chuang lo.
Police 70 lai duty-in a n awm renga an hal lai hian an mutthlu vek ni maw. Champhai DC leh SP-in suspend an phu a, kan sawrkar hian an suspend ngei pawh ka beisei. Home Minister-in a hmunah a tlawh ngei turah ka ngai bawk.Police duty-te ka dem a, Gujarat-a muslim an suat laia police-in an en mai maite pawh mi ti hrechhuaka, a lungchhiatthlak tak zet a ni.
He thil thleng hian Mizoten DAN kan dah san loh zia a ti chianga, law & order chungchangah in zirtir thar kan mamawh zia a tilang chiang bawk.
Saikhumphai hal turin ‘hnatlang’ an ko an la ti leh zel! Rapthlak!!
Smuggling leh drugs tawlhna kalkawng khua hal zel tur a nih chuan khua hal darh tur a tam ngawt ang le..
Report this comment
April 30th, 2013 at 12:23 pm
SPECIAL REPORT
Chhunga Maliana > SPECIAL REPORT
The Other Side of the Story: Vaphai
Mizoram khawchhak, Champhai atanga
chim lam km 92 a hla, Vaphai khaw VC
awmna hnuaia awm, Tiau lui kama
Saikhumphai Bawk hi kum 1987 khan,
Vaphai khua, mi 4 leilet neitu te’n
hnathawh awlsam zawk nan tiin thlam
ang lekin an zu inbawk a. Helai leilet
ram zawl hi Saikhumphai tih a ni a. A
hming chawia Saikhumphai Bawk tih hi
phuah a ni. Helai leilet hi buh tin
50,000 zenzawn thar theihna (150.00
Ha.) a zau leh leilet neitu In 80 lai
awmna ram a ni a. Vaphai atanga Km
10 laia hla a nih avangin, leh lehlanga
hnathawh a harsa a, a hmuna
awmchilh chu a awlsam zawka an hriat
avangin heng mite hi thlam ang lekin
an zu inbawk ta a ni.
Tiau kam leilet hi a zau tham em avang
leh a hlat avangin Vaphai khua leilet
neitute chuan Myanmar lama unaute
chu hlawhfa atan an ruai thin a. Chu
chu remchangah lain, inhlawhfa anga
awm siin, Burma lam atang chuan an
rawn lut ta zeuh zeuh reng a. Burma
ramchhung khaw hrang hrang atangin
an lo lut zel a, an inchhek muk tulh tulh
a, an ngampa zel bawk a;tichuan kum
2007 September thla khan LAD (Sorkar-
ah)-ah Sub-Village dinhmun an lo dil ru
ta a ni.
Sub-Village dinhmun an dil hi kum
2010 khan Vaphai VC lamin an hre ta
hlauh a. Chumai ni loin kum 2011 khan
Sazep khuaa Group YMA Conference-
ah YMA dan kalhin ‘Parent Branch
hriatpui lohin’ direct-in Branch YMA
pek an lo dil bawk a; Group YMA rorel
chuan YMA Dan kalh a nih avangin a
pawm ta lo nghe nghe.
Hetianga thil an lo tih avang hian
Vaphai khawtlang kalkhawm (Public
Meeting) chuan July 22,2010 khan
“Saikhumphai Bawk hi Vaphai-ah rawn
insuan chho rawh se” tiin thutlukna a
siam ta a ni. Khawtual mi indang thar
tur te pawh in hmun pe rih loin
“Saikhumphai bawk a cheng te an lo
chhoh hunah, a rualin kan pe ang che
u” tiin In hmun diltu te pawh an lo
hnar zawk hial thin a.
A nihna takah chuan Saikhumphai
Bawka cheng te hi India khua leh tui
dik tak ni thin pangngai chu chhungkaw
5 chiah an ni a, a bak chhungkaw 59
chu Foreign atanga pem lut vek an ni.
Mahse, chuti chung chuan an awmna
ram a hrehawm a, Mizorama
chamhlen an duh phawt chuan tiin
vaphai VC lam hian hrethiam takin
Ration Card leh Voter’s ID an neih a,
India khua leh tui dik tak an nih theih
nan nasa takin a pui thin zawk a ni.
Amahehawrchu, a lo mikhualtute tana
kawhmawh bawl zawnga an chet
chhunzawm tak zel avangin March 20,
2011 a Khawbung R.D.Block BDO
Office a meeting-na ah Jan. 5,2011 a tih
chhuah Electoral Roll a awm lo
foreigner chhungkaw 22 hming chu an
pe lut a; he meeting hian
Saikhumphaia foreigner awm te’n
09.04.2011 aia tlai lovah India ram an
chhuahsan ngei tur a ni tih Order chu
Magistrate in tichhuak tura ngen te leh
‘Saikhumphai a foreigner te’n chhuak
turin hma an la tak tak em tih pawh
Police te’n a hmunah kalin endik bawk
se, huntiam pelh hnuah an chhuak
duh lo a nih chuan dan angin foreigner
te chu man vek tur an ni ang’ tih te rel a
ni a. Khawbung BDO ho a meetingah
hian Saikhumphai aiawh pawh an tel a
ni.
Saikhumphai Bawk hi Burma ramri
hrula awm a nih avangin:
1. Ralthuam tawlhrutu te’n inchhek nan
an hmang thin: Mi ti tih hriat loh,
ramthuam phur te’n ualau taka an
ralthuam phurhte singsain, Motor an
chah a, helai hmun atang hian an phur
chhuak fo thin a ni. Zan reha motor
tlan thla a, a zan bawka kir lehin, chak
taka Vaphai khaw paltlang motor tlan
hmuh leh hriat tur a awm fo.
2. Ruihhlo titute tan tawmbuk tha tak a
ni: Sorkar leh YMA khap thil, ruihhlo chi
hrang hrang tawlh thintu te hian
helaiah hian rawn inchhekin, Mizoram
hmun dangah an kal darh pui leh thin
a;chumaibakah, smuggling thil dang
dang an tawlh nasa hle thin tih hriat a
ni.
3. Nungcha, thing leh mau, ramngaw
humhalh kawnga harsatna: Mizoram
pumah Sorkar leh NGO (YMA etc.) te’n
nungcha, thing leh mau, ramngaw
humhalh hi ngawrh taka an kalpui lain
Saikhumphai bawka cheng te ho chuan
an awmna chhehvel a kan pawhin
“vaphai ram a kang a nih khi!” an ti
duh lek. Luidung sangha te hi an bomb
a, luidung nungcha humhalh kawngah
chuan chuan tur an nei lo.
4. Ran hrisel lo lakluhna hmunpui
pakhat a ni: Helai hmun hi Burma
atanga ran hrisel lo Mizoram chhung
hmun hrang hrang a lo luhna hmunpui
pakhat a ni.
5. Buhfai hralh ru: Saikhumphai Bawk-
ah hian FCS & CA Deptt hnuaiah
Retailer pakhat a awm ve a.Mizorama
buhfai kan indaih loh em em laiin, ani
hian Burma lamah buhfai bag khat
(Kg.50) chu Rs.800 in a hralh thin tih
hriat a ni a, hei hi Champhai DCSO
hnenah pawh report a ni tawh nghe
nghe.
Saikhumphai bawk chauh a ni lo, June
2,2011 daih tawh khan LAD Director
chuan thuchhuah (vide
No.B.12019/621/2011-DTE (LAD)
siamin ‘Sawrkar phalna leh hriatpuina
tell ova in benbel/awm hmun khuar
hian sawrkar in relbawlna leh in
enkawlna-ah harsatna tam tak a thlen
mek a, chubakah Sawrkar phalloh leh
vantlang tana thil duhawm lo siamna
hmun leh thlenna hmun a nih fo
avangin sawrkar pawhin hetiang
hmuna cheng mekte pawh an khaw
pangngaiah kir leh vek tur’ tih a ni.
Mahse, vanduaithlak tak maiin Vaphai
lam ngenna leh Sorkar thuchhuak
zawm loin ‘Human Rights case’ ang
zawngin Court-ah an zual ko ta a ni
Report this comment
April 30th, 2013 at 1:26 pm
chhangteval, van copy paste thiamlo tak
Post thar angin kan rawn chhuah a nge 
Report this comment
April 30th, 2013 at 1:33 pm
haha..phoine ataga kawpi pes a nih kha
Report this comment
April 30th, 2013 at 1:35 pm
hahahaaaa…..@chhangteval
Report this comment
April 30th, 2013 at 1:49 pm
mi hawrawp chhe ve te..
Report this comment
April 30th, 2013 at 10:18 pm
Aw le kan han in puang tak tak a nge, Saikhumphai hi Burma mi tam na a ni an ti za ah za ka pawm, tunah hian in 40 hal kang a ni a chu mi zingah chuan in 15 chu an mahni vaphai khua leh tui mi te an ni. A tam zawk te hi Hualngo mi chhak chuak dik tak Mizo tawng nei tu (Hualngo) Burma mi kan ni e.
Vaphai ho in Saikhumphai hi Ruihhlo leh Zu leh Hel ho (mitha lo) ho awm khawm na an ti. Mahse hei e rawh hi chu dawnt mu hlum a ni em. Saikhumphai a Zu zuar a awm te hi Burma mi ni lo in an mahni Vaphai a tang a awm tha duh lo ho a rawn pem a chu ta tang chuan hna thawk paih lo in Zu zuar in Saikhumah khaw sa te an ni.
Hel ho (Burma) hel ho awm na ti in Sorkar ah an zual ko hei pawh hi dawt muhlum a ni, Vaphai khua ah hian (Burma) hel ho hi an awm na zawk dik tak a ni e. Vaphai khua mi diktak Burma hel pasal a nei hi Mipa thum(3) a hming pawh ka sawi thei ang mahse sawi lo mai i la. Saikhum ah hel a buai tih hi sorkarah pawh ni se chanchi buah pawh in a la hria lo ang, Vaphai ah tih hlir ah a la ni e.
Chanchi bu then khat ah chuan Sorkar in Buhfai leh Dal te supply te a ti a dawt vek a ni e. Leilet khua Burma in hnen leh Farkawn leh Thek te leh thek Pui khua te hian ei leh in mi buatsaih sak. Sorkar ho chu Ka pu Lalthanhawla chu Puja lam a la bui a ni ang a la hri lo.
He thuah hian dikna chu Lalpa ta a ni e. He Indona hi lalpa ta a ni. Lalpa kan mi harsa te hnenah hian i thlamuanna thlazar hnuaiah thlipui leh ruahpui kar ah i vel himna ka dil dak e. Amen.
Report this comment
April 30th, 2013 at 10:29 pm
Sorkar in engmah an tik sak theih loh pawh in Kohhran synod leh central KTP te tal hian tan pui theihna kawng a awm ve a ngem le??????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????
Report this comment