mi(sual).com

Tunlai boruak thlirin rambuai hunlaia  kan nu leh pa, pi leh pute lo vel tap teuh tawh tu(Khawhal)a thleng leh ta mai hian ngaihtuah a ti thui hle. He thil danglam leh beisei loh tak chem lova lu laksakna thleng mai hian kan dinhmun thenkhat a tih lan rualin a Mizo zawng2 hi hetiang kan ni vek hleinem ti in ka in hnem chawp mai mai a. Mizote hian hma kan sawn viau tawh kan tih rual hian hetianga khawhal duhna lo la awm reng mai hi thil mak tak pakhat chu a ni phawt mai. IT lama hmasawnna nasa tak kan neih tawh hnu te,zirna lama India ramah pawh a lang thei kan nih tawh hnu te, kan ram leilungin a a zir loh avang chauhva infrastructure kan la neih hleihtheih loh chauh te ngaihtuahin leh, kan in leh lo khawvel hmuh ah pawh a zahpui awm lo tak tak kan neih tawh hnu te, car/bike  nalh tak2 India ram pum en pawh a changkang tak2 kan neih tawh hnu leh materialism in a min nuai lai pawh a buai mang lo khawpa hmasawn thei tawh kan nih lai a hetianga khawhal duhna rilru lo la awm hian, kan rilru lam hian hma a lo sawn ve lo emaw ni dawn chu le?? a tih theih awm e, Mahse Mizo zawng2 hetiang kan ni love tih chu inhnemna tha tak a la tling thovin ka hria.

Vaphai ina Saikhumphai an puhna hrang2 te chu sawi ngai lovin anmahni leh mahni an in mualpho zo vek tawh tih chu kan hre theuh in a rinawm. Court sangzawk te pawh la thleng chho mai thei an nih lai hian Y.M.A changrel a sual em ni? tih zawhna te pawh a awm thei awm e. Settlement chungchang te, illegal immigrant(burma mi tih a inpuhna) chungchang te ah hi chuan ‘it didnt cut the ice’ tih kha  high court ah kha chuan a nih miau avangin engah chuan an ngai  lem lo a ang khawp mai a. Chumi piahlam illegal activities tih ho pawh police record a awm lem loh avangin thutaka lakpui chi chu a ni lem lovin a lang, hetah hian document chu neih a har viau ang tih hi mi tlang rin a ni a mahse hetiang awmna hriat awlsam na ber chu econmical status hi a ni.  An hausa em? tih leh an rethei em? tih hi, tin hemi piah lamah hian silai tawlh ruk adt adt ho kha lo awm ta ang se chuan Saikhumphai economy hi a in boost vak anga an hausa hlawm hle ang tih chu tlang hriat a ni kan ti thei awm e. Mahse an hausa lem silo hian hetiang thil hi chu a awm lo a ni tih chu a hriat theih. Dan zawm duh lova Saikhumphai chhuahsan lova awm lui, tih ah pawh khan court hian written constitution te awm tho mahse conventional law hian mihring chenho naah hmunpawimawh tak a chang tih an hriat chian em avanga stay order pe kha an ni mauh mai si a, Vaphai VC ramchhunga awm leh awm loh ah kha chuan an duh chuan an awm thei ani tih a lang leh ta tho bawk si nen a khawilai tak hi nge an duh ber a hriatthiam a har  a an duh ber a lang ta chu khawkhawm ni hian a lang ta ber mai.

Kan nu leh pate hunlai rambuai lai khan rorel leh thiltih a awlsam zawk nan tiin sipai hovin khawkhawm an nei thinin  khuate hal chhiat sak an ni thin tih chu kan hre theuh awm e. Chumi in a an rilru a a tih nat zia pawh sawi nawn ngai lovin kan hmu in hla ah te hial pawh ‘khawkhawm a pawi ber mai’ an lo ti ma thlawn lova. Chutih lai chuan khawkhawm hian thatna tamtak political/economical/social security ah a nei kan ti thei ang. Tunlai Saikhumphai leh Vaphai boruak en hian khawkhawm hi a fuh chiah em, khawkhawm hi lo awm dawn ta ang se a khawi khua zawk hi nge nakin hnu a kan ram in a hnemhnan pui theih zawk tur tiin suangtuahna hmang dawn chhin teh ang. Vaphai mi leh sa te hian an duhdan tak a chu khawkhawm hi a nih hmel rau2 bawk a, a khawi khua a hi nge political/economical/social a fit zawk leh remchang zawk in thlir ho teh ang u.

Keima mimal ngaihdan mai2 ah chuan Vaphai ai chuan Bawkte ni bawk s\Saikhumphai khua ni bawk hi economic lama mithiamte chuan  ram leh khua  atan an thlan zawk ngei ka ring. Phai a hnaih zawk vang leh leilet neihna a remchan zawk avangin production a tam thei dawn zawkin a lang tlat. Hemi chauh pawh hi Saikhumphaia sawn thlak vekna tham a ni a tih theih awm e.

Political ang zawng chuan ramri a hnaih zawk avang leh  border trade ah hmun tangkai tak tur a nih theih zawk avangin zoram tan mai pawh ni lo India rampum tan hian hmun pawimawh a ni thei ang.

Social security awm theihna tur a chu a ram dep a hi, kan Mizo unaute hnaih anih avang hian assimilation emaw, identity hloh theihna tur ang chi thil hlauhawm a awm loh avang leh Burma ramin a democracy lam hawi a kawng a zawh chhoh tan avang hian thil hlauhawm tur a a awm a rinawm lem loh. Vaphai lam ai hian hmun pawimawh a ni  thei zawk mai ang em? tih hi zawhna liantham tak chu a ni thei ang. Hemi hi vaphai lam hian an hmuthiam anga an hal ta chiam mai emaw ni dawn le a tih theih bawk.

Khawkhawm han tih a hi Vaphai duhdan a nih ang in, an duh rau rau a nih chuan Vaphai lam hi Saikhumphai lamah hian khawm ta se la Mizoram tan mai pawh nilo ram tan hian a hlawk thlak zaw mah in a rinawm. Hei lo pawh hi mithiam zawkte’n sawi tur an hre teuh awm e.

Similar Posts:

• Saikhumphai khaw hal hi tu thiam loh nge?
• Saikumphai chungchang hi enge in ngaih ve dan le?
• Saikhumphai khaw hal hi tu thiam loh nge?
• Saikhumphai-bawk Chungchang Kha…
• The Other Side of the Story: Vaphai

Recent Posts:

• ENGVANGIN NGE CHAKMA TE HI AN RAM AȚANGA TLANCHHIA IN MIZORAMAH AN RAWN PUN LUAI NA CHHAN HI.
• MIN PHATSAN SI!
• Misual Apps
• MNF LEH CHAKMA POLITICS; TU NGE A KAIKUANG CHHUI A NGAI E !!!
• Android Games

This entry was posted on Thursday, June 6th, 2013 at 2:52 pm and is filed under Opinion, Whatever. You can follow any responses to this entry through the RSS 2.0 feed. You can leave a response, or trackback from your own site.