Muanpuii Saiawi pasal neih thu kan khel luai luai a. Amah ṭan zawnga comment an tam lem lo hle. Hriat ve atana ṭha chu, amah Muanpuii hian a duhthusam ang tak pasalah a nei bik lo tih hi a ni. A thutlukna siam tur pawh hian rei tak, ngun takin a ngaihtuah ve a ni tih pawh hriat tel a ṭha ang. Mizo zinga a dinhmun tur te pawh ngun takin a chhut hmasa ve ngei bawk ang tih chu thil chiang sa a ni.
Hmeichhia IFS officer tan hian pasal ṭha ve tawk tak, an hna nena inmila khawsa tur hi an vang riau ṭhin a ni awm e. Vai IFS officer pawh pasal nei lo-a ban tlang an awm nual reng mai. Mizo mipa fel tak, vengva ve tawk, khawvel hmun hrang hranga an kal kualna apianga zui kual ve zel peih tur, office hour pangngai baka an hnathawh chhunga in lam lo enkawla fate lo kilkawi peih reng tur, mahni nupui te aia pawimawh lo zawk ni kumkhua peih tur Mizo mipa hi kan tam lem lo ang.
Muanpuii pa, Pu Lalhmingliana Saiawi, Mizo pa zahawm leh chhuanawm, mi dik, ngaihdan huai taka sawi ngam thintu, kan dem tel lek phei hi chu a awm lo hle. Pu Hminga hian a makpa ni ta hi atir aṭangin phur takin a ‘approve’ nghal mai bik lem lo ang tih te pawh ngaihtuah thleng ila a ṭha ang e.
Muanpuii hi tun hma aṭangin Pathian rawngbawlin ṭhahnem ngai takin a inhmang ṭhin. Hetiang pasal a neih tak avang hian a rinna a derthawn phah lo ang tih a rinawm. Keimahni’n kan ti ve duh lo a nih pawhin awmze nei mang hlei lo-a midang sawisel chiam chiam hi chu a ṭul lo. Mizoram leh kan Mizo hnam tan hian hei aia vei tur pawimawh zawk a tam em mai.
(Facebook group pakhatah ka post a, rilru fima sawi a har hle. Helamah hian kan puitling tlang zawk bawk a, ka’n dah ve leh reng reng ang e.)
Similar Posts:
- Interview with Muanpuii Saiawi IFS
- Pafa ka ngaihsan Saiawi pafa
- An chhuan
- Misual.com a thil mak ka tih chu
- IIM grads to lead BMA
May 7th, 2013 at 2:21 pm
Tatrawt, engemaw rambuai chu pawi i tih ngawih ngawih le. Assam min enkawl dan kha a lawm pawi ngawih ngawih zawk. District council kha fahrah enkawlin enkawl lo se, ram kha a buai kher lo thei. Secondly, ramkha buai lo se, tun dinhmun hi kan thleng phak kher lo thei. Assam leh India sorkar kha Piallung silai nena an han koh kha chuan a nghawng chu a na ngang mai, chutih rualin silai khan ko ta lo se, min ngaihthah reng thei tlat a sin
Report this comment
May 7th, 2013 at 2:32 pm
Tuna kan buaipui em em, sociological disorders tam tak hi Ram buai vanga awm a ni e. Engvangin nge mipa, kut hnathawka chhuak zawk thin kha kan tawmim tak thut le?? Kan dawih ta thut, kan nep ta thut, hmeichhiain min zuankan thut a ni em???
Lalpa chunga kan Zoram tihsual hi a lian em a, a hremna kan hmabak tur hi a sut leh theihna turin in lamletin Zoram mipuite hian Lalpa rawng i bawl leh mawlh teh ang u.
Report this comment
May 7th, 2013 at 2:49 pm
Midang nunah hian kan vainrawlh peih hlawm tak e aw, hnam dang neih chu a tha ber hauh lo, manse miin an duh a, an hmangaih anih chuan an thu alawm le. Hnamdang kawp lawr a, mizo min timualpho pawh ni hleilo, lo sawisel ve vak vak hi a tul hran lo. A hmangaih a, a hlimna nih phawt chuan nei mawlh teh se, thenawm hausa deuh, thawkrim leh hah takin an duh duh an lei lo sawisel ve ringawt te pawh hi kan ang dawn dawn thin.
Report this comment
May 8th, 2013 at 8:04 pm
Ka lo sawi ve tur leh ka sawi phak chu awm lo mahse, kei zawngin ka ui a ni (Engtin vak phei chu ti thei lem hlei lo mah ila…)
Hetiang a neih rau rau te chuan Buddhist-ah chuan lut law law mai mai. Mizo hmeichhia, hman dang pasal neia awm te hian tinge Kristian-ah hruai lut kher kan tum zel le ? A pasal te sakhua chu a sakhua a ni ve mai tur a ni dawn lawm ni ?
Hnam dang nupui pasal a neitute INNEIH INKHAWM -ah hian ka la kal ngai miah lo
Report this comment
June 17th, 2013 at 5:21 pm
Hlatekhua-in a rawn post tirh atang khan ka lo insum hram hram a, boruak a dai ta bawk a,
Muanpuii hi ka dem lo… ..hmaana a interviewah te kha chuan Pathian ring mi kha kawppuiah neih a duh thu a sawi ngei tak a, mahse duhthusam kher hi kawppuiah a neih theih kher loh awm ania…
tuna kan misualho pawh hian sawi chiah duh hlawm ta ula secondbest hi in lo nei fur lo maw?..khamaw… inngaihtuah nawn ngai miah lovin dik ti in va tam tak em!
Kan thinlung hi mak deuh mai ania, tuemaw kha kan va hmangaih ringawt thei mai a,,,, Muanpuii pawh hian tumloh deuhin a tawng ve anih hi…
an inneihna hian kumtluang daih se ka ti…
mahse kei chuan ka tan chuan ringlo mi leh hnamdang hi chu ka tei thei lo ve tlat…
Report this comment
June 17th, 2013 at 6:32 pm
Hetia hnamdang pasala a neih kan vei em em ai daih hian Muanpuii hian a vei zawk daih ang….
mi puitling a ni a, chhungte leh thiante hrilh a huphurh dan tur te, a rilru insual rei tur zia leh a rilru hah dan turte ka ngaihtuah pui a…..huiii ha…. ka khawngaih
an inneih hian damchhung daih mawlh rawh se….
Report this comment
June 19th, 2013 at 6:12 pm
chhana zarah he thil hi ka lo hmu ve tlaikhawhnu…..
hmangaihna hi chuan ramri a kham lo an tih kha….. kei pawhin muanpuii ka dem lo ve…..
beng sikin ngaihtuahna fim tak nen vawi tam tak a inngaihtuah ngei ang…. a thutlukna hi ka pawmpui e, hmangaihna hi zawng a ropui a ni, engmahin true love a dang thei lo….
chutiang bawkin mahni hnampui nei lo ho zawng zawng pawh kei ka dem hlawm lo, hmangaihna hian thil a lo ti thei ber mai
duhsakna sang ber ka hlan ve e….
kei poh Puii sawi ang hian hnamdang ka pathian min tawmpuilotu chu khiangawihpui erawh ka thei lo vang….ka leng tar mai ta lawng…..akekekeke…..mahse tupawh mahni hnampui lo nei hi ka dem ngai lo….an inhmangaih chuan a tha e….hmangaih loh deuh pasala neih a hlauhawm ania…
muanpuii tan rose par ka hlan e….
Report this comment
July 9th, 2013 at 5:55 am
36 naah tlema thinkhei deuhin ka comment tawh a, post chhiar chiang chungin ngaihtuahna ka’n seng tha leh a, i ngaihdan khi thil awmdan a nih chuan ka thlawp khawp ang.
Kei, nupuite aia dinhmun hnuai zawka tang kumkhua tur chuan ka inhuam lo khawp mai.
Report this comment