Muanpuii Saiawi pasal neih thu kan khel luai luai a. Amah ṭan zawnga comment an tam lem lo hle. Hriat ve atana ṭha chu, amah Muanpuii hian a duhthusam ang tak pasalah a nei bik lo tih hi a ni. A thutlukna siam tur pawh hian rei tak, ngun takin a ngaihtuah ve a ni tih pawh hriat tel a ṭha ang. Mizo zinga a dinhmun tur te pawh ngun takin a chhut hmasa ve ngei bawk ang tih chu thil chiang sa a ni.
Hmeichhia IFS officer tan hian pasal ṭha ve tawk tak, an hna nena inmila khawsa tur hi an vang riau ṭhin a ni awm e. Vai IFS officer pawh pasal nei lo-a ban tlang an awm nual reng mai. Mizo mipa fel tak, vengva ve tawk, khawvel hmun hrang hranga an kal kualna apianga zui kual ve zel peih tur, office hour pangngai baka an hnathawh chhunga in lam lo enkawla fate lo kilkawi peih reng tur, mahni nupui te aia pawimawh lo zawk ni kumkhua peih tur Mizo mipa hi kan tam lem lo ang.
Muanpuii pa, Pu Lalhmingliana Saiawi, Mizo pa zahawm leh chhuanawm, mi dik, ngaihdan huai taka sawi ngam thintu, kan dem tel lek phei hi chu a awm lo hle. Pu Hminga hian a makpa ni ta hi atir aṭangin phur takin a ‘approve’ nghal mai bik lem lo ang tih te pawh ngaihtuah thleng ila a ṭha ang e.
Muanpuii hi tun hma aṭangin Pathian rawngbawlin ṭhahnem ngai takin a inhmang ṭhin. Hetiang pasal a neih tak avang hian a rinna a derthawn phah lo ang tih a rinawm. Keimahni’n kan ti ve duh lo a nih pawhin awmze nei mang hlei lo-a midang sawisel chiam chiam hi chu a ṭul lo. Mizoram leh kan Mizo hnam tan hian hei aia vei tur pawimawh zawk a tam em mai.
(Facebook group pakhatah ka post a, rilru fima sawi a har hle. Helamah hian kan puitling tlang zawk bawk a, ka’n dah ve leh reng reng ang e.)
Similar Posts:
- Interview with Muanpuii Saiawi IFS
- Pafa ka ngaihsan Saiawi pafa
- An chhuan
- Misual.com a thil mak ka tih chu
- IIM grads to lead BMA
May 3rd, 2013 at 12:53 am
Ka edit leh hlek dawn a, a lo chhuak hman. 1 Korinth 7:12-16 thu te hi chhiar hlawm ila a thain ka ring.
May 3rd, 2013 at 1:47 am
Mizo mipa chul nel-tu tur an awm remchang lo a, vaipa’n alo chul nel a ni mai alawm.
Ka hul khawp mai.
Rak sa teh mah ila an innei tawh tho2 a
Thil liam tawh chu liam tir mai tur. Dem emaw tan emaw a tulna ka hre lo e.
Ka lawm e.
May 3rd, 2013 at 6:22 am
Hnam dang neih hi sawi mawi chi chu a ni hauh lo a. Amaherawhchu, mi an in hmangaih a, nupa hiala in siam an duh anih chuan an lawmpuiawm e.
May 3rd, 2013 at 7:25 am
Bible-in, “Nupui (pasal poh a tel) hmu chuan Thil tha a hmu a ni” (Thuf.18:22 ) a ti a, Muanpuii Saiawii’n Pasal a nei hi Thil lawmawm tak a ni a, a Lawmpui-awm hle. Ka Lawmpui a ni.
Amaherawhchu, Bible vekin, “Isaaka chuan Jakoba chu a ko va, mal a sâwm a, thu a pe bawk a, a hnênah, “Kanaan ram nulaho zînga mi hi nupuiah i nei tûr a ni lo” (Gen.28:1),
“Tin, Israela thlahte zinga roluahtu tur fanu apiang chu Israela tlahten an pi leh pute ram an luah theuh zel theih nan a pa hnampui zinga mi ngei nupui a ni tur a ni” (Numb.36:8),
“Ring lo mite nen rual lo taka nghawngkawl bat dunin awm suh u” (2Kor.6:14) a ti leh bawk a ni.
Chuvangin, Nupui-pasal thu hi Fimkhur ngai tak a nih-zia a lang a. Thlarau lam thil leh Tisa (chhungkua & hnam) lam thil (Spiritual & Cultural/Social) a Khawih tel tih hi Pathian Thu-in Chiang taka Amah Ringtute min Zirtir leh min Warning a Tum chu a ni.
Muanpuii Saiawi hian Pasal Kristian (ringtu) a nei a nih chuan a tha hle ang a, Kristian a ni lo a nih chuan, Kristian-a siam tura theihtawp a chhuah a, a tan hle a ngai ang. Lal Solomon-a dinhmun kha a hriat reng a tul ang.
Chhungkaw Relationship & Hnam thu-ah pawh theihtawpa tan a lak a, Mizo zia leh rang hloh lo leh hnualsuat mai lova a Pasal leh a Fate pawh zirtirtu-a a tan zel theih nan fuih a, tan a lak zel theih nan kan Tawngtai-pui reng a pawimawh-in ka hria. Muanpuii Saiawi hian Chance ala nei a ni tih hi i hria ang u.
“Muanpui Saiawi, IFS, Tang Fan Fan… Kan Pathian Tan leh Zofate Tan Aw…”
{Fb lama mi ka rawn suan…
}
May 3rd, 2013 at 7:28 am
An thlah kal zel tur ngaihtuahin, Mizo ngei nei atan a it awm e.. tih mai loh chu, Kei pawh ka dem lem lo ve, a ruk a hnamdang kawp thin ho hi a ni… ‘uih’ zawk chu.
May 3rd, 2013 at 7:36 am
A dik leh thluam mai. Mizo ngei chu nei se duhthusam a ni. Mahse, i sawi ang khi a nih a, in lama fanau enkawl leh nupuite hnuaia damchhung kun tawh tur mipa tan chuan a tlawm thlak deuh a nih awm hi a. Eng vangin nge IFS a nih avang ngawta hmeichhe hmaa mipa a kun ang a, fanau enkawl a, chhuat nawh, insuk leh eirawngbawl thlenga a tih vek kher ang? Hei hi ka zawhna a ni. Mipa chu hmeichhia aiin Pathianin a siam chungnung zawk a, IFS status avang ngawtin a pasal a dah hnuaihnung tur a ni lo. Tawp mai a, mimawl ngaihdan a nih hi.
May 3rd, 2013 at 9:05 am
Facebook Group a I post Comment tu tam zawk kha chu,an Uchuak mah mahin ka hria. tum thum ngawt coomment ka pek phah…A duh ang zawng chu a nei ang a, a thu a ni a..Mi puitling a ni a, ka den miahlo kei pawh.
May 3rd, 2013 at 9:21 am
hmangaih leh duh ber rau rau ah … kei zawng ka thlang mizo ngei………….
May 3rd, 2013 at 9:21 am
A duha a nei a ni mai a, sawisel tehchiam tur niin ka hre lo. Miin an lo sawisel deuh a ni paw’n a awm thova..
Mahse Pathian thu tanchhana sawimawi erawh a rem lem lo ka ti deuh.
1 Korinth 7:12-16 hian ringtu-in ringlo mi nupui/pasal-a va neih lam a sawi lo. Innei sa, nupa lo ni sa tawhte chungchang a ni zawk mah. Mipa kha ringtu/Christian a lo nih khan a nupui khan a bula awm zel ala duh tho chuan ‘then suh se’ a ti mai a ni – vice versa. Kohhran hmasate khan Pathian thu kha an la serious em em a, ring lo mi nupui/pasal-a neih chu sawi loh, a neisa te pawh khan Pathian hmingin an then hial thin zawk a, kha kha Paula hian ‘a tul lo e’ a ti mai a ni.
Christian chhungkaw din chu a priority a ni lem lo pawh a ni ang e. ‘Tun hma atanga Pathian rawngbawlin ṭhahnem ngai taka inhmang ṭhin’ tih atan chuan a mak ve deuh bawk a ni. Thil hi sawisel emaw sawimawi phet tum hi a fuh lem lo fo. Pathian thuin ‘judge not’ a tih hian thiam loh chantira sawisel lam a kawk ang hian thiam lo chantir ve zung zung emaw lo sawimawi/fak(ar-ek) vak emaw pawh a kawk tel tho si a.
May 3rd, 2013 at 9:41 am
Muanpuii Saiawi hi ka lo ngaihsang viau thin a. Kristian tha tak leh Pathian tih tak niin ka lo hre ve thin a. IFS meuh chu a Mizo tlangval nazawng tan chhai ngam a har khawp ang. A hnathawhna leh a eizawnna avangin a phu tawk Mizo tlangval ngaihzawnna chance pawh a vang viauin a rinawm. A neitu turin a kawppui turin a duh a, a thlang a, a nei a, a nei zo tawh. Sawi tur a tam lo khawp mai.
An chenna hmun azirin hnam dang nei ngawr ngawr hi dem chi chu a ka ti kher lo. Mahse… Kristian tha tak chuan BUDDHIST tlangval kher hi engati nge a thlan ka ti! Pathian pek a nghak hman lo a ni zawk lo maw? Christian Family ni lovin Buddhist Family din a thlang zawk nge? Nakinah hian fate hi MIZO tir a tum leh viau mai ang a. Kei chuan Mizo a phatsan a, Kristianna a phatsanah ka ngai bawk. (Bible atanga tehin).
An inneih dan pawh Mizo Kristian dan ni lovin Court-ah a ni bawk! Kei zawng ka hrethiam ve lo ve
May 3rd, 2013 at 9:59 am
A duh a, a cho a, a rim a, a rimthlu ta a ni mai a. A phu ve rengah ka ngai. Hnamdang a ni emaw, ni lo emaw-Kristian tha tak a pawimawh ber. A nih loh erawh chuan…a pawi ta viau ang le.
May 3rd, 2013 at 9:59 am
Art-a@9, i duh aiin ka lo sawimawi/fak deuh em ni chu le? Khawi lai takah khian nge ka fak (ar ek?) i tih deuh? Muanpuii dinhmun ngaihtuahin a demawm lem lo ka ti ni maiin ka lo inhria a. Amah Muanpuii nen ngei hmaichhana kan sawi atanga he ngaihdan hi siam ka ni nghe nghe.
Pathian thu hi hmun hrang hranga mi, a hrang te tea lak chuan inkalh fe fe ni mai awm taka ngaih theih hi a awm teuh reng a ni.
May 3rd, 2013 at 10:20 am
hlatekhua : A thuphungin ka sawi a nih khi. I sawimawi/fak em em pawh ka ti hran lem lo angin I sawisel pawh ka ti lem lova, sawimawiah ka ngai chein i lo hre deuh em ni?
Pathian thu chu hmun hrang hranga mi kan sawi hleinem, i rawn tarlan khi ania kan sawi
verse 10 atang khan lo en leh chhin rawh.. ” Tin, innei sate hnenah chuan..” tiin Pu Paula khan a sawi a nih kha.
Tin, chang 39-ah ringtu hmeithai chuan pasal a neih dawn chuan ringtu ngei a nei tur tih chiang takin a sawi. Hei hi hmeithaiteah chauh a nih ka ring lem lo. Hmeithai chungchang a sawi a, pasal a neihnawn dawn chuan ‘Lalpaa awm mi’ a nei tur a ti a ni mai a, ringtu nulaah pawh applicable ngei turah ka dah. OT lam nena khaikhin phei chuan ring lo mi neih hi a biblical lem lo khawp nia.
Pathian duhloh zawng hi chu kei chu ka dem.. mahse tawngpawng sawisel chiam chiam erawh a thatna ka hre lem lo. Lo defend pawh tul ka ti lo ka tihna a ni ber e.
May 3rd, 2013 at 10:29 am
# 4, 6, 9
May 3rd, 2013 at 10:29 am
Kan va’n fel hmel bik deuh ve! A tha viau bawk e.
May 3rd, 2013 at 10:36 am
ahahaa.. nang alawm pian nalh
May 3rd, 2013 at 10:45 am
Duhthusam ah chuan a Mizo pui ngei nei se aw…a nih tak si loh ah chuan Kristian ah a pasal chu siam thei tal se.
May 3rd, 2013 at 11:01 am
Ka hul, ngaihdan chu ka nei sawi kher erawh ka tum lem love.
tren tren
May 3rd, 2013 at 11:17 am
“Hmeichhia IFS officer tan hian pasal ṭha ve tawk tak, an hna nena inmila khawsa tur hi an vang riau ṭhin a ni awm e. Vai IFS officer pawh pasal nei lo-a ban tlang an awm nual reng mai. Mizo mipa fel tak, vengva ve tawk, khawvel hmun hrang hranga an kal kualna apianga zui kual ve zel peih tur, office hour pangngai baka an hnathawh chhunga in lam lo enkawla fate lo kilkawi peih reng tur, mahni nupui te aia pawimawh lo zawk ni kumkhua peih tur Mizo mipa hi kan tam lem lo ang.”
Hehe, A pasal khian a thin dawn chu a ni phawt ang a. Ka thik lem love, zo nula, zo rilru, zopa hraileng awi tur leng dang an la tam lua e.
May 3rd, 2013 at 11:26 am
A nei ta sa sa. A lawmnaah te khan min lo sawm ve lo va, ka vui kawp mai
May 3rd, 2013 at 11:36 am
he nu hi IFS a tlin tirh a news a an kawmna ka en atang khan ka ngaisang vak lemlo reng a….
Vai/hnamdang lo kawp duh tawk mizo nula hi an lo awm ve zel a, mahse neih em hi chu a lutuk deuh hret chuan ka hria…mizo mipa hnamdang kawp hi an vang pharh in ka hria, han nei duh hial phei chu an awm vak lo ang…
Kan sakhua Kristianna nen a sawi zawm emaw tum phet lam hi chu ka tum ve lo mai anga, Pathian thu thu ni zawk se…mahse a Hnam ang zawng, MIZO kan nihna lam atang a han thlir chuan, a MIZO LO tih erawh chu kan vaiin kan hrechiang vek ang chu maw…
Maian Bai, Bekang, Phuihnam tlak, Antam tuihang, Sarep bawl, Arpui tuilai buhchiar,Vawksa rep chhum etc vel chu an ei ngun vak lo maithei a nih hi, an awh awm vak lo ang…Damloh hritlan nikhua a thenawm khawveng an In han chuangkai tur pawh an hmu vak dawn si lo va, lainat zawk ang u. keichu MIZO NULA MIZO RILRU PU PHA ngei NUPUI a neih tum in ka insangphek mek ani a, ka awt vak lo mai teh ang, kei leh ka chhung te erawh chu MIZO nih zui zel ka thlang e, FAPA ka neih pawn MIZO TLANGVAL a la ni anga, FANU ka neih pawn MIZO NULA a la ni ngei ang
May 3rd, 2013 at 11:38 am
Fiara Hmeithai Fa@19, ih maw, a pasal hi IFS officer tho a nia.
May 3rd, 2013 at 11:40 am
Fiara Hmeithai Fa@19, ih maw, a pasal hi IFS officer tho a nia. A dan chu a dang deuhin ka ring. Mizo tlangval chutiang an awm bawk si lo.
May 3rd, 2013 at 11:42 am
@hlatekhua, IFS Officer i ti deuh reng mai, an va ropui emmm he lei ah hian
May 3rd, 2013 at 11:48 am
@hlatekhua, IFS Officer i ti deuh reng mai, an va ropui emmm he lei ah hian, mizo tlangval IFS kher a duh dawn a nih chuan, nia an awmlo maithei, kan phulo a ni e…mahse mawmmm, MIZO KAN NI KAN HMEL A THA tih hla kan sa ve thei tlat.NOI
May 3rd, 2013 at 11:49 am
true ^mizo^Boy@24, mobile atangin ka tia, a lo lut nawn palh a nih khi, sorry! IFS hi mihring pangngai ve mai bawk an ni, a ropui deuh te chu an awm ang, mahse chutiang an ni vek bik lo nasa mai.
Tin, kei pawhin mahni Mizo-pui ngei nupui/pasala neih hi ka duh fe zawk bawk.
May 3rd, 2013 at 11:50 am
IFS a nih avangin IFS kher pasal a zawng a niang chu. Nihna (status) hian hmangaihna te hi a luahlan ta em ni le? te ka ti mai mai. Kei mimawl hian.
May 3rd, 2013 at 11:52 am
An pa zawk pawh hi a chi te chuan an dem ve a ngem le?? kan chipui nula a hmuzo thlawtlo emni? hetiang tiatpui officer ve si…etc anti ve luai luai tho a ngem le??
May 3rd, 2013 at 11:56 am
#J Lo, hahahaaaii, ni ve tho mai, an sawsel ve luai luai angem le, ngaihtuahna a ti thui e… mahse VAI chu an tam alawm, MIZO chu HNAM HUMHALH kan la ngai a, te ka ti niah niah a
May 3rd, 2013 at 11:57 am
@post-tupa, IFS nih vanga Mizo tlangval neih tur vang tih lam khi chu ka awih lo, rawra chhu pawh vai nei ka hre hnem e. Rilru chhungril hian kan engkim hi a hruai thin. Tin, a pasal chuan i sawi ang khian a nupui fanau chu a care thei bik kher hian ka ring hlawl lo. IFS a nih ve phei phei chuan
(zingtui chawi ka ngai, ka pil nghal)
May 3rd, 2013 at 11:57 am
He post chu 100% support ka pe e! Hit leh rem2 ngot ang, SR lam ah lah demna thu a tam!!
Hnamdang neih hi ka fakin ka sawimawi chu ani hauh lo,amaherawh chu mi thenkhat te ah chuan dem theih loh na chen a awm tlat an dinhmun thlir hian, entirnan Muanpuii Saiawi pawh ramdanga seilian in hnamdang bulah a hun tam zawk a hmang a, mizo tlangval ngei chu pasal atan a duh ve ngei in a rinawm, amaherawhchu a awmna leh hnathawh zir loh vang in mizo tlangval ngei pasal chu sawi loh ngaihzawn tur pawh a hmu kher lo maithei(mizo bulaha khawsa ve thei tlat lo lom) tunge sawi thei? Mizo awmloh na hmuna awm miau chuan!!
Mizo tlangval kher2 lo chu ka nei dawn lo ti ta tlat se, lentar mai loh chu a hmabak biklo maithei sin..kan hriatpui ngawt2 hleinem a dinhmun hi, chuvang in pawngpaw in dem rikngot hi chu sim hmak chi…a mawl thlak lutuk..chutah hmeichhia chu engang pawn zirsangin hnathawh neitha mah ila kawppui kan nei loh chuan kan zahawmna a famkim tak2 thei lo…
Mi dem ngawt hma hian engang harsatna nge an lo pal tlang tawh tih te hi ngaihtuah hmasak phawt ila a fin thlak zawk..
May 3rd, 2013 at 12:06 pm
MIZOTAWNG ngeiin ami niang le Biahthu ‘D’ an in hlan ve ang le, nupa in hauh ve lawk ang te nei dawn ta se eng tawng nge an hman ang…chhungkaw chaw eikhawm te buatsaih dawn ta se, MAKPA chet hun hi an pa hian a hre roh fuu long maw, a puzawn te hi engtinnge a koh ve ang le, Lungrang Laiawrha ka buai e
May 3rd, 2013 at 12:17 pm
Hahaha thu lo ber ber te leh itsiktu ten lo comments belh zel turin kan in sawm e… Comments hi lo chhiar ve nulh mai ang a Muanpuii hian! Hot rawh pip!
May 3rd, 2013 at 12:18 pm
Hmeichhe IFS officer tan hian pasal zawn a buaithlak fu a ni. Service din tirh atanga kum engemaw chhung phei kha chuan pasal an neih rualin an hna an bansan nghal hmak a ngai thin.
Diplomat nupui/pasal te hian an hnaah tihtur leh mawhphurhna tam tak an nei ve a, chutiang hriatpui ve lo tan chuan hriatthiam a harsa thei viau reng ang.
IFS ve ve an inneih pawhin buaithlakna chin chu a la awm tho. An senior deuh hnu phei chuan ram khatah an awm dun thei tawh lo.
May 3rd, 2013 at 12:21 pm
he ti chin bak hi chu Pu HV-a i lo nghak tawh teh ang
May 3rd, 2013 at 12:29 pm
A changkang ve ta em a; chuvangin hnamdang a nei ni maiah ka ngai. Mizo hnam changkan san hi a hlauhawm viau reng a ni. Ka dem lem lo e.
May 3rd, 2013 at 1:09 pm
Helam chu chhiar a va nuam ve. Support chuan support. Neutral pawn neutral. Support loh pawn awmze nei takin in support loh na chhan in rawn sawi. Chhiar a nuam vek e. Facebook lama comment tlangpui pawngpaw rawn au vak vak ho kha chu… group thenkhat hmai an ti bal khawp mai.
Han comment te kha ka chak ve lutuk nimin chuan, mahse ka in sum char char ta a lawm. Mi personal life a lo inrawlh ve vak hian kan nun a tih that phah lo em ka ti deuhva. A hrim hrimin, hnam dang pasala nei an tam nen nen Muanpuii ber kher hi an van deng na tak em. Ka ngaihdan chuan heti em em a an sawisel nachhan pakhat chu Mizo hmeichhia taima tak leh hlawhtling tak a nih avangin a dinhmun a sang thawkhat viau a, hnam dang a nei ta hi Mizo mipa tamtak chuan an mahni kha neih tlakah a ngailo anga an ngaih avangin an EGO a ti na a, Mizo mipa chu kan PROUD tlangpui bawk sia, an rawn thinrim ta em em ni in a lang.
Aw Zo tlangval, “Mizo tlangval pasal a neih tlak chu kan awm hrim hrim awm sia” ti tawh suh. “Heta hi kei Mizo tlangval pasal a neih tlak ngei chu ka awm a lawm” ti tawh rawh. Engtin nge pasal neih tlak i nih theih ang? Hnam dang pasal nei te kha sawisel sawisel lo khan i hna kha taima takin in thawk la, nilengin Facebook ah Muanpuii topic ringawt ah i hun khawhral lo la, Mizo tlangval pasal a neih tlak chu i rawn ni ve mai ang. Chu chu thufing nilovin common sense a ni e.
May 3rd, 2013 at 1:15 pm
Post ho tak a ni. Hmeichhe pakhat pasal neih thu mai maiah post han siam tak chiam chu a.
May 3rd, 2013 at 1:50 pm
Sandman@37, i comment tha ngei mai, a bikin last paragraph khi.
Mahni chanchin lo sawi kai leh zauh te’ng…hna ka thawh ve tirh khan ‘sap nula ngei nupuiah i rawn nei ang chu’ min titu ka tawng nual a, Mizo mipa vek niin ka hria. Lo nei ta ila hetiang hian tumahin min sawi dawn lo tih hriat sa a ni (Muanpuii ang hian ka lar ve lo a).
Mahse mi personal life-a thurawn (unsolicited advice) lo inpek ve tum phet te, an dinhmun pawh hrechiang mang si lo-in lo sawisel chiam chiam kan ching te hi chu sim ran atan a ṭha a ni.
May 3rd, 2013 at 1:58 pm
keizawng dem thei ka nilo zawnglai mai ka la ni sia hahai…mahse ka ui ve det
May 3rd, 2013 at 2:03 pm
Mizo te rilru tet zia, chi inthliar hrat zia, in hmuhsitna hluar zia, racist zia a lang chiang khawp a lawm. Mizo nula te khan Vai ho hi in hmangaih phawt chuan neih zel tur. mizo tlangval that chhe si, hmelchhe si, pa te si, nei te si, itawmna chhe te neilo ai chuan in lungdum tu ngei VAI pa kha nei hmiah rawh u. In hlimna kha NUMBER 1 ani tih hre reng rawh u.
May 3rd, 2013 at 2:20 pm
Khawkhat nula hmeltha, a khaw tlangval ten an rim ngam mang loh, khawdang tlangvalin an rawn thing nalh thin pawh hi a khaw tlangval amah va ngaizawng lem lo pawhin tlawm tlawmthlak an ti a, an ui bawk a, an rilru ana thin. Muanpuii pawh hi a hmeltha lem lo an ti na a, mizoten kan lo chhuan em em anih avangin kan ui a, kan thik a, kan rilru a na a ni. Amaherawhchu, a dinhmun enin hnamdang ngaihzawng neih leh pasala neihna chance a sang lutuk tlat mai. Chutihrualin Lalliana Mualchin te kha chuan, Mizo nula lo chu neih kha a han tum lo mai mai khawp a, Mizoramah mizo nula fel tak an lo zawn sak a, tha takin an innei ta mai kha a nia. Duhthusamah chuan, kristianah inlehtirin Kristian dan ngeiin innei sela tha tur hi a nia. Hmangaihna dah lal chi ka nia, ka dem hran lem lo a, ka ngaisang hran lem lo khawp mai bawk.
May 3rd, 2013 at 2:24 pm
Haha Aryan @41
May 3rd, 2013 at 3:09 pm
Ephesi 5:22-25
“Nupuite u, Lalpa hnena in intulut ang hian mahni pasalte hnenah intulut rawh u. Krista chu amah ngei taksa chhandamtu nia kohhranho lu a ni ang bawk hian, pasal chu nupui lu a ni si a. Chutichuan, kohhranho Krista hnena an intulut ang bawk hian nupuite chu engkimah an pasalte hnenah intulut rawh se. Pasalte u, in nupuite hmangaih rawh u, Kristan kohhranho a hmangaih a, an aia mahni a inpe ang khan.
Nupa awmdan tur a chiang hlein a hriat e. Nupui lu chu pasal a ni kumkhua tur a ni a, pasal lu chu Krista a ni kumkhua tur a ni. Nupuiin lu nih a tum tlat chuan chhungkaw lu pahnih nei, chhungkaw piangsual a ni mai. Pasalin Krista lu ah a nei lo anih ve thung chuan chhungkaw lu bul tihna a ni ve thung a, mipa tihtur chiang takin a ziak a ni.
Bible-a kan hmuh kawppui chungchanga “Ringtu” a tih hi Kristian satliah a ni ngawt lo tih i hrechiang teh ang u. Kristian pawh ni sela, Lal Isua Krista nena inzawmna nei lo chu Mizo pawh ni engang mahsela, Ringtu a ni love. Kristian ni ve si, ringtu ni lova, Lal Isua nena nun inzawmna nei si lo chhungkaw pa ber kan tam ta lutuk hian chhungkaw lu bul tam tak kan awm phah a, sual hian min vaw thlu chat chat chu anih ber hi.
May 3rd, 2013 at 3:17 pm
Mi chhungkaw thil emaw, mimal thilah emaw kan lo buai ve chiam thin hi kan mawl zia tihlanna a ni.
May 3rd, 2013 at 3:18 pm
Aryan mai mai chu(h). Mizo tlangval that chhe si, hmelchhe si, pa te si, nei te si, itawmna chhe te neilo hahaha…a dikna chin a awm ang…mahse an ni vek lo tih i lo hre dawn nia.
May 3rd, 2013 at 4:05 pm
Vai officer pakhatin a lo chul nel a, a ti hliau hliau peih a, ani pasal nei duh ve tawh tho, lo senior ve tawh bawk nen, a hnathawhna hmunin a lo zir lo ve zel bawk nen, Mizo tlangval ngei tih te, Kristian ngei tihte chu sirah a hnawl a ni ve mai. Tuna a duhthlanna hi a duhthusam a ni kher bikin ka ring lo. Chutihlai chuan hnam dang zingah a awm rei tawh a, mizo society nawlpuiin kan rilru put angin a pu pha tawh lo nasa viau thei bawk. Chhung leh khat hnaivai te chuan a tih ang hi ti ve lem lo se chu ka duh khawp mai.
May 3rd, 2013 at 4:12 pm
#41@Aryan..Mizo nula te khan Vai ho hi in hmangaih phawt chuan neih zel tur. mizo tlangval that chhe si, hmelchhe si, pa te si, nei te si, itawmna chhe te neilo ai chuan in lungdum tu ngei VAI pa kha nei hmiah rawh u..hahahaaa….
chuti chu he nu hian i sawi opp chiah, taima si, hmeltha si, pa lian si, nei lian si, itawmna tinreng a thuam a lungdumtu VAI pa ngei a nei i tihna a ni deuh ber mai ni mww.hahahaa….a nih chuan ka dem lem lo e, mahse #buh-duha sawi ang hian, chhungkhat hnaivai te chuan a tih ang hi ti ve lemlo se chu ka duh khawp mai
May 3rd, 2013 at 6:30 pm
Hmmm…comment ve nge nge teh ang. Sawisel chu a thiang alawm, heti taka hnamdang pasala a neih vanga mizo mipuite rilru nain an sawisel avang hian Muanpuii hian Mizote thinlunga a tlaknatzia leh ngaihsan a hlawhzia a inhriat phah ngei ka ring. A sakechek nazawng hnamdang kawp pawh kan sawisel alawm le, ani te chu kan Mizo nula chhuanvawr, mi tam tak icon/idol ni phak a ni tlat. Mmmmm kan sawisel ang. Mi puitling tak a ni a, tuardan a thiam ka ring.
Facebook vela an post leh comment engmah ka chhiar ve lem lova, enganga nain nge tawngkam an lo neih hlawm ka hrelo. Mahse “dem” tih tawngkam in hmang hi a mak ka ti! Kan sawisel thiang, mahse dem theihna kan neih ka hrelo. Dem mai pawh nilo mahni moral judgment atanga thiamloh lo chantir, Court verdict ni awm tak tak lo pe ve thuai thuai ho kha ka zawt duh, Muanpuii hi in bem ngam em? Bem ngam pawh ni ula bialnu or nupui atan in bem duh kher ang em? In ngaizawng duh em? Chuti taka a thatna tur duhte chuan pasal a hmuh zawhloh hlauin Ambassador (?) hna a thawhna ramah khan in han umzui tawk tawk mai lo nia!
A piantirh atanga IFS anih hnu thleng hian a chaw ei tur leh silhfen tur vawikhat pawh in leisak ami? Harsatna leh buaina atawh laiin a kiangah in awm ami? Tun dinhmun alo thlen theih nan hian cheng khat pawhin in tanpui ami? Enge a tihsuala, in pawi a sawia chuti taka in han dem tehchiam le?
Pasal neih hi dan bawhchhiatna emaw thil sual a ni em? Thil lawmawm lam emaw ka lo tia!!!! Bible chang te rawn quote vak vak lo khan, chuti taka Kristian tha leh Pathian thu awih chuan a thatna in duh vangin sawisel ula, a bak chu Pathian rel turah dah mai rawh u. Don’t pass moral judgements so easily on others you hardly, scarcely, rarely know, give her a break.
May 3rd, 2013 at 7:35 pm
Mak thin hlik hlek ve mawle …
Bible chang kan quote vak vak hran lo a e, posttupa rawn quote sa ka sawizau mai chauh a nia. I duh chuan nang khan lo sawisel ta la, a duhin an dem ve bawk ang chu… a duh an neutral bawk ang a. I thu lo best
May 7th, 2013 at 8:37 am
Rambuai kha a lo va han pawi ngawih ngawih tak em!!!!
May 7th, 2013 at 8:46 am
Century a hlap chhuak ta e
May 7th, 2013 at 2:21 pm
Tatrawt, engemaw rambuai chu pawi i tih ngawih ngawih le. Assam min enkawl dan kha a lawm pawi ngawih ngawih zawk. District council kha fahrah enkawlin enkawl lo se, ram kha a buai kher lo thei. Secondly, ramkha buai lo se, tun dinhmun hi kan thleng phak kher lo thei. Assam leh India sorkar kha Piallung silai nena an han koh kha chuan a nghawng chu a na ngang mai, chutih rualin silai khan ko ta lo se, min ngaihthah reng thei tlat a sin
May 7th, 2013 at 2:32 pm
Tuna kan buaipui em em, sociological disorders tam tak hi Ram buai vanga awm a ni e. Engvangin nge mipa, kut hnathawka chhuak zawk thin kha kan tawmim tak thut le?? Kan dawih ta thut, kan nep ta thut, hmeichhiain min zuankan thut a ni em???
Lalpa chunga kan Zoram tihsual hi a lian em a, a hremna kan hmabak tur hi a sut leh theihna turin in lamletin Zoram mipuite hian Lalpa rawng i bawl leh mawlh teh ang u.
May 7th, 2013 at 2:49 pm
Midang nunah hian kan vainrawlh peih hlawm tak e aw, hnam dang neih chu a tha ber hauh lo, manse miin an duh a, an hmangaih anih chuan an thu alawm le. Hnamdang kawp lawr a, mizo min timualpho pawh ni hleilo, lo sawisel ve vak vak hi a tul hran lo. A hmangaih a, a hlimna nih phawt chuan nei mawlh teh se, thenawm hausa deuh, thawkrim leh hah takin an duh duh an lei lo sawisel ve ringawt te pawh hi kan ang dawn dawn thin.
May 8th, 2013 at 8:04 pm
Ka lo sawi ve tur leh ka sawi phak chu awm lo mahse, kei zawngin ka ui a ni (Engtin vak phei chu ti thei lem hlei lo mah ila…)
Hetiang a neih rau rau te chuan Buddhist-ah chuan lut law law mai mai. Mizo hmeichhia, hman dang pasal neia awm te hian tinge Kristian-ah hruai lut kher kan tum zel le ? A pasal te sakhua chu a sakhua a ni ve mai tur a ni dawn lawm ni ?
Hnam dang nupui pasal a neitute INNEIH INKHAWM -ah hian ka la kal ngai miah lo
June 17th, 2013 at 5:21 pm
Hlatekhua-in a rawn post tirh atang khan ka lo insum hram hram a, boruak a dai ta bawk a,
Muanpuii hi ka dem lo… ..hmaana a interviewah te kha chuan Pathian ring mi kha kawppuiah neih a duh thu a sawi ngei tak a, mahse duhthusam kher hi kawppuiah a neih theih kher loh awm ania…
tuna kan misualho pawh hian sawi chiah duh hlawm ta ula secondbest hi in lo nei fur lo maw?..khamaw… inngaihtuah nawn ngai miah lovin dik ti in va tam tak em!
Kan thinlung hi mak deuh mai ania, tuemaw kha kan va hmangaih ringawt thei mai a,,,, Muanpuii pawh hian tumloh deuhin a tawng ve anih hi…
an inneihna hian kumtluang daih se ka ti…
mahse kei chuan ka tan chuan ringlo mi leh hnamdang hi chu ka tei thei lo ve tlat…
June 17th, 2013 at 6:32 pm
Hetia hnamdang pasala a neih kan vei em em ai daih hian Muanpuii hian a vei zawk daih ang….
mi puitling a ni a, chhungte leh thiante hrilh a huphurh dan tur te, a rilru insual rei tur zia leh a rilru hah dan turte ka ngaihtuah pui a…..huiii ha…. ka khawngaih
an inneih hian damchhung daih mawlh rawh se….
June 19th, 2013 at 6:12 pm
chhana zarah he thil hi ka lo hmu ve tlaikhawhnu…..
hmangaihna hi chuan ramri a kham lo an tih kha….. kei pawhin muanpuii ka dem lo ve…..
beng sikin ngaihtuahna fim tak nen vawi tam tak a inngaihtuah ngei ang…. a thutlukna hi ka pawmpui e, hmangaihna hi zawng a ropui a ni, engmahin true love a dang thei lo….
chutiang bawkin mahni hnampui nei lo ho zawng zawng pawh kei ka dem hlawm lo, hmangaihna hian thil a lo ti thei ber mai
duhsakna sang ber ka hlan ve e….
kei poh Puii sawi ang hian hnamdang ka pathian min tawmpuilotu chu khiangawihpui erawh ka thei lo vang….ka leng tar mai ta lawng…..akekekeke…..mahse tupawh mahni hnampui lo nei hi ka dem ngai lo….an inhmangaih chuan a tha e….hmangaih loh deuh pasala neih a hlauhawm ania…
muanpuii tan rose par ka hlan e….
July 9th, 2013 at 5:55 am
36 naah tlema thinkhei deuhin ka comment tawh a, post chhiar chiang chungin ngaihtuahna ka’n seng tha leh a, i ngaihdan khi thil awmdan a nih chuan ka thlawp khawp ang.
Kei, nupuite aia dinhmun hnuai zawka tang kumkhua tur chuan ka inhuam lo khawp mai.