7.5.2013: Mizorama zirlai pawl lian pahnih Mizo Students’ Union (MSU) leh Mizo Zirlai Pawl (MZP) chuan Saikhumphaia kâng tuarte tanpuina tur vehbur khawn an tum a, CYMA lam atanga boruak la ngaichang deuh rih tura ngenna awm mah se, kâng tuarte harsatna hi muanchanpui chi-ah ngai lovin, pawl pahnihte hian tangkawpa tanpuina khawnsak an tum ta a ni.
Nimin, May ni 6 khan MSU Executive Meeting chuan Saikhumphai-a kâng tuarte tanpui dan tur a rel a, Saikhumphai Relief Committee din nghalin hmalak dan tur an sawiho va. Aizawl-a hmun laili deuh deuh (public place)-ah te bawm hùn a tum a, tin, institution hrang hrang (a bikin college)-ah bawm hùn a tum bawk. Aizawl-a bawm an hùnna hmun turte chu — Bawngkawn Bazar Peng, Chaltlang Dawrkawn, Ramhlun North, Chanmari Kawn, Millenium Centre, Bara Bazar, Israel Point, Sakawrpului, Bazar Bungkawn, Temple kawt, Treasury Square, Khatla Kawn, Sikulpuikawn, Thakthing Bazar, Synod Bookroom, Kulikawn leh Vaivakawn te an ni a. Institution hrang hrang bawm an hùnna turte chu — Govt. Aizawl College, Pachhunga University College, Govt. Hrangbana College, Govt. T. Romana College, Govt. Johnson College, Govt. West College, Govt. Zirtiri Residential Science College, Govt. Aizawl North College, Govt. J. Thankima College leh Woman Polytechnic Academy te a ni. Tin, Mizoram pawna awm, khawvel hmun hrang hranga awmte tana tanpui theih dan tur pawh ruahmanna neih a ni a, hei hi remchanga la inhriattir leh turin an ti a ni.
Hetih rual hian Mizoram chhung district hrang hrang khawpuiah bawm hùn tum a ni bawk a, Mizoram hmun hrang hranga MSU dinnaah tawh phawt chuan tanpuina vehbur khawn tum a ni bawk. MSU Executive Meeting hnu hian MSU OB leh MZP OB te chuan Joint Meeting an nei a, he tanpuina vehbur hi pawl pahnihin tangkawpa khawn ni se tiin an rel a ni. He’ng bawm an hùn tur siamin MSU leh MZP chuan vawiin hian hnatlang a ko ve ve a, point hrang hrang tarlan takah te hian vawiin atanga bawm hun tum a ni a, May ni 11 thleng hun a ni ang; a tul anga thawh hnihna neih tum a ni bawk.
Hetih lai hian pawl pahnihte thu an hriat veleh nimin tlai khan CYMA lam hian Emergency Meeting an nei a, zirlai pawl pahnih OB te chu tukin tukthuan eipui turin an sawm ni-a hriat a ni.
Tun hnaia report tharlam an post ka rawn dah ve leh e. He thu atang hian, eng pawh ni se, an ei leh in tur leh thawmhnaw pek hi a rang lama tih a ngai a ni tih a lang chiang hle.
Awmtea Tlaisun: An chenna in an hal chhiat a nih avangin Biak In/Anganwadi-ah te riah khawmtir an ni a. A leng ve lote chu an in hmun ngai theuhvah silpauline kaihin tanpuina an dawn, thawmhnaw an dahna karah an riak ve mai bawk a.
Ni 4 zet khua a chhiat tawh avangin an silpauline kaih te thli-in a lenchhiatsak a, zan laiah tawmhulna zawnga Biak Ina tlanlut hmuh tur an awm zut bawk. Thing tuah tur leh thil dang engkim a huh zo va, naupang vawt ti meilum ai tur nei si lote en liam an har khawp mai. Tin, thla 2 chhung sipai chaw rin ve tur ani a; naupang riltam an chaw ei a lo hun a, ruah avanga chaw ei thei lote en an hrehawm thei hle bawk.
Vawiin tlaiah phei chuan dal tui hawp tur a awm mumal tawh lo va, a manganthlak duh khawp mai. Buhfai pawh tam a awm tawh lo. Zempui sahchhiatsak an nih avang leh PHE tuilakna tihchhiat a nih avangin tui awmchhun hi a tuihnai lo em em bawk. Vawkin hi hal a nih avangin khawlaiah vawk, ui leh ar nen an tlaho va; ar phei chu chhunah mu, zanah sanghar-in an lak thin avangin a bo rual tawh.
Tlakchham langsar zualah chuan tanpuina thawmhnaw chi hrang hrang tling khawm dahna tur saiip, slipper, an solar plate leh charging battery a kan vek avang leh, mombati takngial pawh lei tur a awm loh avangin êng mamawhna a sang khawp mai. Tunah hian bâwkte khawh tum mah se halsak zel an tum a, security awm reng laia an in hi halsak an nih avangin security-te hian an thla a timuang zo tawh lo va, tunah hian thlabar mangang takin an awm mek a ni.
Saikhumphai mipuite chuan an chungah eng pawh thleng se, a tawp thlenga tan khawh an tum a, tuma chungah phuba lak chakna thinlung pu lovin engkim ti theitu Pathian hmachhuanin hun an hmang mek a ni.
A tawp berah chuan Zoram chhung leh pawn atanga facebook kaltlanga Saikhumphai mi chengte deusawhna leh dawt hlawma puhna te, Zohnahthlak thenhrang an zawnga inbeihna awmte hi Saikhumphai mipuite chuan hrehawm ti takin an lo chhiar ve thin a, an lainatawm takzet a ni.
Facebook lamah pawh hemi pual hian group siam a ni tawh a, hetah hian hemi chungchang chanchintharte update zung zung a ni ang. —SAIKHUMPHAI TANPUINA
Similar Posts:
- Mastermind 2009-a College Tel Turte
- Saikhumphai senmei chan ni
- Mizoram College NAAC Grade thar
- MZU Sports vawi 11-na tan a ni dawn ta!
- Chhiatna avangin Cabinet meeting koh a ni
May 7th, 2013 at 2:17 pm
A tha e
Report this comment
May 7th, 2013 at 2:27 pm
“A tawp berah chuan Zoram chhung leh pawn atanga facebook kaltlanga Saikhumphai mi chengte deusawhna leh dawt hlawma puhna te, Zohnahthlak thenhrang an zawnga inbeihna awmte hi Saikhumphai mipuite chuan hrehawm ti takin an lo chhiar ve thin a, an lainatawm takzet a ni.”
Current chu sawi loh mombati takngial pawh awm lo ah engtin nge Facebook kal tlang a mi chu an lo chhiar theih? Uai ka detectivge rilru ka la paih hlek lo mai ka ti..
Report this comment
May 7th, 2013 at 2:35 pm
Nge an awmna lamah puitu or awmchilh tu, cellphone a tanga FB khawih thei in an awm chilh em ni? Cell phone battery a down chuan charge a buaithlak ve ang chu aw
Report this comment
May 7th, 2013 at 3:06 pm
doc_lib,laik.
Zirlai pawl chuan an zirlai ngaihtuah mai rawh se.
Thu in thiam bawka; ka khawngaih ve dawn dawn mai alawm le. Tun dinhmuna ka rilruah chuan ka tanpui rih lovang. Kohhrante hian tanpui an tum reu reu ang tih ka hlau. Chawlhni zan inkhawm thawhlawm te reu reu hi an pualah kan dah palh ange, ka inkhawm lo a ni mai.
Report this comment
May 7th, 2013 at 3:11 pm
doc-te, Politics kailawna hman tum pahnih an intlansiak elaw?
Sawrkar aia thu zawk CYMA in an lo kalh thlu pah dawn bawk a ni maw..:-D
Engpawh nise, Lalpa hmangaihna atang lo hi chuan “Remna” tluantling a awm ngai lo tih hi i hre nawn mawlh mawlh fo teh ang u.
Report this comment
May 7th, 2013 at 3:11 pm
MSU leh MZP hi zirlai pawl ve ve a ni lawmni? Nge, Sap tawnga MZP hming an siam zawk aw????
Chuti a nih loh chuan nihna duh vanga pawl din a ni mai ang a….
Report this comment
May 7th, 2013 at 3:12 pm
ngaihtuah a ngai e.
Report this comment
May 7th, 2013 at 3:17 pm
an khawngaih thlak hle mai…
Report this comment
May 7th, 2013 at 3:17 pm
Report this comment
May 7th, 2013 at 3:21 pm
@ Chhana and Tatrawt, Engvang in nge kumin HSLC leh HSSLC result pass percentage kha a hniam em em..zirlaiin eng harsatna nge an tawh tih te, Engatinge Mizo zirlai rual te hi All India level a competitive exam-a tling kan tlem bik tak em em tih lam te, kan graduate rual tam tak hna nei lo kan tih te ho hi engvangin nge NDA ah te hian an in ziah tlin theih loh? Kan education system level hian State dang te level a phak lo em ni? tih lam te chu an la rel tel hman rih lo aniang
Report this comment
May 7th, 2013 at 3:50 pm
doc-te, NCERT text-book leh MBSE text-book chu a inthlau deuh hlek anih hmel hi.
Report this comment
May 7th, 2013 at 4:26 pm
#10 “Engvang in nge kumin HSLC leh HSSLC result pass percentage kha a hniam em em?”
Answer: Facebook addiction an ti.
Report this comment
May 7th, 2013 at 4:47 pm
Zirlai pawl pahnih te hian SAIKHUMPHAI vel buaipui lo hian zirna hi buaipui zawk se, Saikhumphai hi chu sorkar pawhin a hria e.
Report this comment
May 7th, 2013 at 4:58 pm
Doclib, ka hre sî sê lo. Ka rawn post chhawng mai a nia. A hmuna tlawhtute’n an entir pawh a ni mahna.
Chhana, zirlai chauh ngaihtuah se Mizoram chu khuuuutah a awm ang.
CFL, zirlai pawl pahnih awm hi a thatna lo zawng ve tawh mai rawh. MSU awm hmaa MZP chauh a awm laia tlu si lo ding si lova a awm te kha kan hre vek alawm. MSU a rawn awm a, pawl pahnih inel avangin nasa takin an lian chho va, Mizoram zirna leh ram leh hnam tan hna ropui tak tak an thawk thei ta zawk a nih hi. MSU hi rawn ding chho lo sela chuan MZP hi thawnthu a ni tawh hial ang chu.
Report this comment
May 7th, 2013 at 5:00 pm
#2 hahaha
Report this comment
May 7th, 2013 at 5:27 pm
An va ti tha tehlul em… Han tanpui ve phak ila ka ti ngei mai… 13 khian aizawl ah ka phei dawn a, Tanpui ve ngei ka tum ang….
Chuan May Fiamthu hi ava lo chhuak har ka ti.. pu post tupa..
Report this comment
May 7th, 2013 at 6:14 pm
Politics ah zirlai inrawlh hi amawi vak lo. Mahse an hruaitu te hi zirlai an vang lutuk. MSU ngat phei chu an nawi khawp mai. Thing ve tak tak, zu heh ve tak tak an ni nawk.
Report this comment
May 7th, 2013 at 6:22 pm
I vengte hmangaih la, i hmelma haw rawh,’ an ti tih in hre tawh. Kei erawh chuan ka hrilh a che u, in hmelmate chu hmangaih ula, a tiduhdahtu che u chu tawngtaisak rawh u, in Pa Vana mi fate in nih theih nan; ani chuan mi sualte leh mi thate chungah chuan a ni a chhuahtir thin a, mi felte leh mi fel lote chungah pawh ruah a surtir thin a ni.
In hmangaitute chauh in hmangaih hian lawmman engnge in hmuh ang? chhiahkhawntute pawhin chutiangin an ti ve lawm ni? Tin, in unaute chauh chibai in buk hian engnge in tih hnem chuan bik? Jentailte pawhin chutiangin an ti ve lawm ni? Chutichuan, in Pa vana mi a tha famkim angin in tha famkim tur a ni” (Rom 12:20 Matt.5:43-48)
tih thu-te hian min la hneh em a, Thilsual ti tur ni lova an Chhiatnaa tanpui hi chu ka la fak khawp mai.
Report this comment
May 7th, 2013 at 6:57 pm
Report this comment
May 7th, 2013 at 7:53 pm
Misualdotcommer ho hi in sual awkawng lo mai. A hmingah https://www.mifel.com ti tawh mai ta che u.
Report this comment
May 7th, 2013 at 8:08 pm
Kan tan puidawn khawp che u CYMA pawn khap engang mahse, Kan kohhran a tang in kan tan pui dawn. Vaiphai ho hian court thu tlukna a lung awi lo a nih chuan Supreme Courtah kal mai rawh se, engvang in nge in hal sak kher. CYMA te leh Mizoram sorkar te in mi hi lo ti var mawlh te uh.
Report this comment
May 7th, 2013 at 8:13 pm
Kan mawl in kan dawn a tawi hle a,
mah ni hma kan sial in, kan unau te kan hu phurh luat ah, hman dang
ram dang chan chin bu kan luah leh ta chiai chuai mai. Hairehai leh.
Report this comment
May 7th, 2013 at 8:15 pm
Tuaite, kan ngaihdan ava inanglo ve.
Keichuan k thu hriat dan chuan Sawrkar in a chhawmdawl tho anti niin ka hria a, Tin a hmuna han kal enfiahtu YMA hi kei chu rintlakah kala ngai tlat.
MSU/MZP thiltum hi a tha,tanpui ngaite tanpui tum hi. Mahse, YMA zái ngai thei ula a tha ngawt ang. A inep zawnga chet hi zawng,boruak thalo a irh chhuak ang tih hlauhawm.
Kei zawng, sel mahse ka YMA zel tange
Report this comment
May 7th, 2013 at 8:56 pm
Report this comment
May 7th, 2013 at 9:01 pm
Hetiang lam buaipuitu tur hi Mizoramah NGO/Human Rights Group etc an awmlo a ni maw?. Chuan tun thlenga riahna mumal pawh an la neilo chu a mak ka ti, Mizoram pumah kan sawi luai luaia sia. A tanpuitu turte an chetmuan viau chuan a chelo turten an chet khalh mai nak lovah.
Report this comment
May 7th, 2013 at 9:32 pm
Tanpui tu nih a tha.
Report this comment
May 7th, 2013 at 9:42 pm
Sawrkarin a chhawmdawl tihah, cheng 2500 theuh a pe dawn an ti. Eitur pawh an pe niin an sawi a, mahse, tunah hi ni khatah chaw vawi khat bak an ei lo. Naupang riltam rawl hriat a hrehawm hle niin a hmuna kal te’n an sawi. An lainatawm lutuk. Zirlai pawlte hian Saikhumphai hi khua angin ding rawh se an ti reng reng lo, tuna tanpui ngai ngawih ngawiha silh leh fen ei leh in mamawh ngawih ngawiha an awm hi an tanpui mai dawn chauh a ni.
Mi’n tanpuina an khawn a, a khawntute-ah engah nge in buai? Misual.com charity pawh mi sual tak tak, fel lohna pawh ngah tak tak kalkhawm tho kan ti a, kan tanpui turah kan chiang a, kan tanpui mai. MSU leh MZP hi zu leh ruihtheihthilah an fihlim lo a ni thei, chu chu he thilah eng nge a pawina? Khawvelah hian misual berte paw’n thil tha an tih ve a thiang lovem ni? A ringtawk lo chuan direct-in tanpui se a lawmawm hlei hlei ang.
Report this comment
May 7th, 2013 at 9:44 pm
CYMA hian hetianga tanpui rih lo tur a thuchhuah an siam ta mai hi ngaihtuahna a ti thui khawp mai. MZP leh MSU in tanpui an tum a, chu pawh chu an la duh lo zui a. Hriatthiam a har ka ti. Tanpui ngaite tanpui tih kha kan motto ni emaw ka ti a, a lo ni lo tawh zawk em ni ? Lak aiin pek in lukhawng a nei tih hi kei chuan ka kalpui ve dan a ni a. High Court thuchhuak hi CYMA leh vaphai mipuite hian a zah ngei tur ah ka ngai a an lungawilo a nih chuan Court sang zawk ah thlen mai se Mob Rule hi chu kan ning tawh nia, engtik kum nge ka hre chiah ta lova Electronic Voting Machine(EVM) kan vuakchhiat kum kha, sawi lang nuamlo mahse kan harhfim theih nan sawi lang mai ila, blah blah blah…. vang in hel inrawlh blah blah.. tih vang in EVM kan vaw chhia a hnu ah enge lo thleng LEMCHHANA ani e Kidnap chungchang kha chu tih kan hria a, Vote lah an la chhiar thei vek zui a tah khan A VAWTU IN A EK A CHEH a kan ek kan cheh ta a ni kha tunah pawh Saikhumphai chungchangah pawh hian, a mob rule ang zawng a kan kal nih chuan kan ek kan cheh leh palh ang tih a hlauawm a, chuvang chuan lehkhathiam state kan ni lawm ni Nero dan hnuaiah chuan Fair tak in dan ang zawng zawk in hmala se a va tha dawn em!!!!!
Report this comment
May 7th, 2013 at 9:45 pm
Zirlai pawlte leh YMA hi an inep lo a nia. Tukinah an meeting a, zirlai pawlte’n tanpuina vehbur khawn tlang an tum a, a pek lam erawh muangmarin tiin an inthlah a ni awm e. Mahse, zirlai pawlte hi muangchanga an kal ka ring lo. Tanpui mamawh ngawih ngawiha an awm laia muangmarin lo la tih chu.
Report this comment
May 7th, 2013 at 10:42 pm
Rilrua politics a zuan luhna rem chang a ni tih hre reng chunga zirlai pawh ni hauh si lova zirlai pawl hruaitu ni duh te tan chuan ram pum anga tanrual a ngaih hunah pawh mimal hmingthatna tur lo an lo zawng hi a awm lo ka ti lo ve.
Report this comment
May 7th, 2013 at 11:49 pm
Naupangin an tuar tel ve zel ani sia le. Ka va lainat em.
Report this comment
May 7th, 2013 at 11:57 pm
Hot hle mai. Tun ang ruah sur khaw vawt kar a, tawm hul na pawh nei lo.
Chaw puar khawp ei tur pawh nei lo
lung ngai a awm mek te tan pui chu,
a Mizo lo va a Kristian te tih chi loh.
A mang an thlak e mai. Heiha. Huiha.
Mi nun rawng tak te thu chhuah chhiar
tur awm fo hi ka hne hluah hluah.
An lung ngaih ni a thlen hun ah,
Pathian in a tuk khum chhah lam
a la hma chhawn ngei ang.
Report this comment
May 8th, 2013 at 12:04 am
Hemi chungchanga CYMA thuchhuak kha thil pawi tak a ni. Khatiang thuchhuah siam ai chuan ngawi hle hle sela an tidik zawk ang mawle. Bei let thei lo turin Saikhumphaibawk ho kha an in leh lo halchhiat sak an ni tawh a ni a. Boruak so sang leh tur chuang a awm lo; tawm hulna tur, riahna tur, hak tur, ei tur an mamawh a ni a…. YMA hi ka ngaisang a, ka chhuang a ni; CYMA ve hi chu ka thlamuanpui lova, hnam dang hmaa min tizaktu a ni leh khauh thin chu a nih hi. Tun tumah hi chuan a tih tur a tih loh vang ni lovin a tih loh tur a tih vangin ka rilru a na a ni.
#Kan phai kal/kut dawh Minister leh officer ho chu an pu ten an lo ngainep leh dawn mang e
Report this comment
May 8th, 2013 at 12:50 am
Tanpuina vehbur khawntuah buai suh u. Tanpui ngaia awm mekte tanpui duhna hi mihring thatna ah rau rau chuan a hlu ber pawl a ni.
Samari mithain a tanpui kha, miropui leh zahkai chin kha chuan tanpui an tum reng reng lo a nih kha.
Zirlai pawl pahnih, MZP leh MSU te hi, dodalna nasatak karah pawh kal zel turin ka duhsakna ka hlan e.
Tunah naupang riltamin an awm a, vawt tiin an tawmim a, thilpek hlan chu muangmarin an ti an tia law?? Tak tak ami?
Report this comment
May 8th, 2013 at 5:21 am
Khawn rawh se.
Report this comment
May 8th, 2013 at 7:18 am
Comments thenkhat saw van rawng ve, naupang leh upa, natna vei te an lainat awm hle mai, hetiang em hi chu mizoram ah chuan thleng tawh lo hram se….
Report this comment
May 8th, 2013 at 10:31 am
Tanpui ngai chu tanpui mai tur. Tunah heti khawp hian an mamawh tawh a, hmanhmawh a ngai em em tawh zawk a ni. MZP & MSU, GO GO GO
Report this comment
May 8th, 2013 at 11:31 am
A ni khat ni-ah thawmhnaw thahnem tak leh pawisa fai cheng sing chuang hmuh nghal a ni e. A chunga kan tarlan point hrang hrangah khian vawiinah bawm an hûng leh a. Hmun thenkhatah thahnem ngaiin a khawn te pawh an rawn khawn maithei. Phal takin i lo pe zel ang u. Bawm hùn te hi vil reng a ni a, a vil turin group hrang hrang an insiam vek a ni. Inrinni thleng hùn a ni dawn e.
Report this comment
May 8th, 2013 at 12:07 pm
Kei chu YMA Life member ka nia, ka la YMA zel dawn. Tin,kan President hlui Pu LN Tluanga
tawngkam kan hmang ve lawk “YMA changrel a sual ngai lo” tih mai te hi.
Report this comment
May 8th, 2013 at 12:44 pm
Tanpui ngaite tanpui hi a YMA zawk. Tanpui la duh rih lo hi CYMA a ni e.
Report this comment
May 8th, 2013 at 4:27 pm
News hi in sensationalize nasa mah mah thin e. An khawngaihthlak tih chu hriat sa vek a ni. Mahse, ei leh in tur chu sorkar in a ngaihtuah sak nasa e. Champhai DC leh UD & PA lam hotute a rang a rangin a tir ata an phe nghal. Sipai(IR) 100 vel dah an ni a, an ration hi mipuiten an ring ve. Tin, nimin lamah khan buhfai quintal engemawzat Champhai atangin thiar phei leh a ni(kan lirthei ngei hire a ni)
Mahsela, Silpaulin vel erawh, ni e sawi ang deuh khan thli a thawt hian a buai leh thrin.
Tin, boruak chhe lutuk a awm lemlo aniang, a Saikhumphai mite pawh zalen takin Vaphaia an chho reng tho. Nimin mai pawh khan chhungkaw pakhat chu kan lirthei ah ngei Vaphai panin an chho.
Report this comment
May 8th, 2013 at 4:34 pm
41
Report this comment
May 8th, 2013 at 5:44 pm
Sawrkarin a hmalakna a puanzar miau loh chuan a hmuna kal bakin an hre lo thei nang. Tuna ni khata chaw vawi khat ei tih pawh khi report kan dawn a nih khi, a hmuna kalte atangin.
Report this comment