Aw Mizoram, Zo ram chanve aia tlem leh te, in aa zo tawh ami!
Ngatinnge I unaute inn leh lo I hal tak mai!
Mahni unau inn hal chu leh mahni inhal I ni tih I hre lovem ni?
Engvangin nge, British leh atranpui tuten keini Zo ho hi kan ram an thren avang rikgawtin kan in thren ang?
Chutiang ang chiah in engvangin nge Indian, Burmese/myanmarese and Bangladeshi kan nih rikngawt ang?
Kei india, New Delhi ah ka awm a mahse ka ram, kan ram erawh chu Zo ram ani a. Mahse chu kan ram threnkhat chu British leh a tranpuitu ramten India an op tir a, State hrang hrangah an siam a, mahse Indian = Vai ka ni lau. Ka unaute leh ka/kan ram threnkat nen hmanlai a hriatlohna leh British leh a tranpuitu ramte politic vangin Burma leh Bangladesh ah op tir ani a. Mahse, Burmese/myanmarese leh Bangladeshi an ni lo.
Zo kan ni, English grammar sense chuan ‘We are Zos.’
Indian, Burmese/Myanmarese leh Bangladeshi nge kan nih Zo tih ah hian chiang ila, I thlang bok ang u.
Kei chu Indian, Burmese/Myanmarese leh Bangladeshi ka ni lova, Zo, Citizen of Burma/Myanmar, Citizen of Bangladesh leh Citizen of India ka ni. Thil dik tak hi i lo ngaihtuah in I lo pawm vek ang u. Ka sawi ti dik tur in hei, Sap/Mivar ho in Indian an tih ho chu vai an ni bok, chungtiang chiah in adangte pahnih pawh. Sap/Mivar ho in min hriat hma leh min opa kan ram chu ram pathum temporary in an op tir hma deih in vai ho chu Indian an ti deih toh a, a dangte pahnih poh an koh dan ang zel in. Ani Indian tih chu Vai tihna ani, Burmese/Myanmarese pawh kawl tihna, Bangladeshi tih pawh Dumka nge enge, Vai (Bengali) tihna tho ani.
Vai I ni ami? Kei chu ka ni lo.
Kawl I ni ami? Kei chu ka ni lo.
Zo dik tak ka ni e, ka mite, ka unaute nangni pawh in ni e Zo.
Chuvang chuan inngeih dial dial a trangrual in I awm tawh zawk ang u.
Kan ram Zo ram threndarh anih avangin a threnin Mizo in in ti, a thren in Zomi, a threnin Chin, mahse kei chu Zo ka ni, nangni pawh in ni e. Zo kan ni, hemi ah hian kan lungrual ber theihna ani e tunah thleng chuan.
Kan ram threndarh anih tak ah chuan, kan nihna hi threndarha kan awmna ram te leh UN in recognize leh respect kan mamawh. Chuvang chuan kan (Chin, Hmar, Hrangkhawl, Lai, Lusei, Mara, Meitei, Naga, Paite, Thadou/Kuki, …etc) tan bik passport siam ni se, ‘Divided Zos’ passport tiin emaw ‘Zos in Burma/Myanmar, Bangladesh and India,’ Passport tiin.
Tlem chu ka phir blogs dayofluck leh shauzelsailo ah ‘For Tibetans, the Zos my people..’ tih thupui hmangin ka ziak tawh bok.
I aa lovin I harh ang u, engah nge Divide and rule policy in a atum tak, hnam khat te control awlsam nana an ram threndarha inngeihlo tir ton tih hi kan hlawh tlin tir ang?
He British politic, tuna min op tuten an chhawm zui ‘divide and rule policy thil tum’ hi kan tih hlawhtlin tir chuan kan aa hle tihna ani ang. Kan tih hlawhtlin tir chuan min awttu leh huphurhtu hnamdangte an lawm anga, unau inngeih lo, mahni leh mahni indo kan ni anga, hnamdangte hnuaiah kan awm reng mai ang. Tin, Zo chu Zosef tihna niin, Ephraim hnam kan ni si a, tuna hetia trangrualloa kan awm chuan, hawh teh u ka hrilh lawk ang che u, Zo mite/Zos te hi hnamdang ten Juda te/Jews antihduhdah a, an thrial a, an rahbeh angin nakinah I chungah ala thleng ve dawn ani!
Kan in millo leh huatna te hi Vaphai leh Saikhumphai ah a lang chiang em em a. Mahse unau kan nih zia, Zo ho kan nih zia leh kan inngeih tawh a, kan tranrual tawh zia le hnam dang leh an miten tun atrang min pongnek in min control thei mai mai toh lovang tih lantirnaa khawvel kan hriat tir nan, Vaiphai leh Saikhumphai ah I tran ang u leem. Ani Vaphai leh Saikhumphai hi kan in ngaidam nan leh kan in inmil, inngeih leh kan tranrual nan leh phah nan I hmang ang u aw.
Eng pawh nise Isua ringtute inti kan ni lovem ni? Khawnge kan awm zawh tak?
Hruaitu inti sihal beram vun sinte thu chu awih suh u, thihnaah an hruai don si che u a. Tunah an ron lang mek a, an ron lang zel dawn an rawn lan kim hma loh chu. Isua hnungzui tu tak tak te chuan inremna thu an sawi ang, indo na nilovin. He lei ram ral trep tawh tan an sual ngai lo bawk. Aw Mizoram, Zo ram chanve ai pawh a te leh tlem, leh Zo ram zawng zawng te u in hruaitute pawh heti hi an ni sia, an hruai aa zo tawh che u nih hi. Harh ula, inthing ula innghawngkawl ata fihlim rawh u leem, chuan I ke in I ding don nia. Din dan Pa Pathian leh Lal Isua ah ka zirtirin ka hrilh che u hi.
Hawh u I ngaihtuah tlang teh ang u, kawng khat chauh a awm lo ve, kawng dang zawk a awm fo thrin tih I hria ang u. Chuvangin, engvangin nge nunrawng leh rapthlak leh naa kawng lam chu kan thlan anga kan pan ang?
Saikhumphai atrang ruihtheih thilte leh dan khap thil dangte kan puh anih chuan, ngatinge checkpost te siamin, a ron phurtute Zo dankalha sumdawng te chu in man mai loh? In va hal khan dankalh a che, an mahni aia boro mai in ni tih in lantir asin!
Ruihtheih thil vel chu hmun tin atrang alut, ram chhungah a lut a a chhuak tih hi in hrelovem ni?
Hman atrang leh tunlaia kan thralaite ruih thrin hi atam zawk Vairam lam atrang alo kal tih in hrelovem niii?
Tun hnaiah an man treuh tawh bawk ani lovem ni aw?
Chungchu in ngaihmawh loha in man loh chuan nakin leh zel a kan thralaite ruihna tur leh a ngawl an veina tur ani tih in hrelovem niiiii?
Ruihtheih thil/dan phalloh thil luhnate awm lo se a chhuahna a awm dawn bok lo va, ruihtheihthil/dan phalloh thil luhnate chu I ngaihven in I khar zawk ang u aw. Chungchu tun I hre threuh tawh ang uu, chuan chungchu man zawk ila, unau te erawh chu in vaw darh lo ang u aw.
Vaphai ah emaw Saikhumphaiah emaw, khawiah emaw an zaivaiah emaw checkpost awm se, man zel se, ruihtheih thil leh danphalloh thil lam chu fel ni mai.
Tin, Vaphai leh Saikhumphai te chuan thiamthu sawi lovin inngaidam inngen tawn in inngaidam tawn rawh se. Vaphai in leh tanpui mite leh tranpui thei theiin Saikhumphai chu din leh se la, inn te sak sak in, thawmhnaw te pe in, a chhelaite siam thra rawh se. Tin, Saikhumphai pawh in court ah emaw khawilaiah pawh a unau Vaphai a hekna te sut leh vek sela, theihnghil sela, inremin lo awm ve ve tawh rawh se.
Isua ringtute kan nih si chuan chungchu I ti ngei ang u le. Tichuan kan buaina a fel tawh anga, misual.com ah te, lawrkhawm.com ah te, facebook group pakhat zoram thlirtu ah te leh kan in leh lo ahte leh hmun dangdangah pawh, ‘Vaphai leh Saikhumphai buaina a fel Ta, tin, kan in unauna ah kan harh in kan inngaidam in kan trangrual ta,’ kan ti tawh anga, chhiar, ngaihthlak leh hriat ava nuam dawn em.
Pa Pathian leh Isua kan ringlo in kan zah lo a A thu kan awihlo anih chuan, kan pi leh pute, min thlahtute I zah ang u. Kan za vai hian, keimahni zawng zawng min thlahtute anni si a, Zo ho te hi, chung chu Hmar te, Lai te, Mara te, Meitei, Mizo te, Naga te, Thadou/Kuki te, Zomi te… kan tam mai, kan tam lutuk a ka hre seng lo.
Hawh ule, i in rem ang u le, Unaute inngeih dial dial a awm khawm hi ava thra in ava nuam em. Lu a hriak hlu tak, Aaron’a khabe hmul a luang thla a, a kawrfual hawra luangthla ang chu ani. …(hmanlai a lehchhuah, ka la hriat ve dan) Psalm 133 King James Bible ah ti hian ain ziak (en chiangin thiamtawpin anihna ang angin kan let ve a):
“En teh, unau-te trangruala chen-khawm hi ava thra in ava nuam em. Hengtiang ang ani, lu a mom-hnoih hlu tak, khabe hmula luang thla chu, Aaron’a khabe hmulah pawh: a kawrfual hmawr a luangthla a chu; Harmon daitui ang, leh Zion tlangte a daitui tla ang ani: achhan chu, chutah Lalpan malsawmna thu A pe, nunna awm-reng-tur atan pawh.”
(He ta trang a zirtur awm chu :- Hmanlai zirtirna te, kan la vawn reng te a dik vek kher lo, kan chian a kan fiah a kan lo dik zawk nan thinlung inhawngin I enchik nawn leh zawk ang u.)
NB: Facebook group pakhat zoram thlirtu ah sual hle mah ila trawngtrai chungin ka post tran a, vawi hnih in, hei sual hle mah ila trawngtrai chungin ka ron belh a ka ziah belh bawk a, lak chhuah ngai ka la chhuak bawk a, ka ron post ta site/hmun puitling ah.
Similar Posts:
- Saikhumphai khaw hal hi tu thiam loh nge?
- Saikhumphai khaw hal hi tu thiam loh nge?
- Saikumphai chungchang hi enge in ngaih ve dan le?
- Delhi alert on Myanmarese
- Saikhumphai senmei chan ni
May 10th, 2013 at 1:08 pm
1st keuh teh ang
Report this comment
May 10th, 2013 at 1:13 pm
Good post…ragvamual te khu hal lawlaw se a tha tur
Report this comment
May 10th, 2013 at 1:53 pm
Passport ah ethic identity an ziak ngai lo. Indian citizen i nih phei chuan sakhua leh tawng (language) pawh an ziak lang lo.
“Chuvang chuan kan (Chin, Hmar, Hrangkhawl, Lai, Lusei, Mara, Meitei, Naga, Paite, Thadou/Kuki, …etc) tan bik passport siam ni se, ‘Divided Zos’ passport tiin emaw ‘Zos in Burma/Myanmar, Bangladesh and India,’ Passport tiin”.
Indian mite tan dual citizenship a neih theih ve loh. Indian chu indian, Burmese chu Burmese. Mizo kan nih loh phah lo.
Report this comment
May 10th, 2013 at 2:57 pm
Report this comment
May 10th, 2013 at 5:57 pm
I thil han ziah dan vel chu(h), chhiar thelh lek lek ka nei thin a, ka lawm phian bawk si a.
Report this comment
May 10th, 2013 at 8:16 pm
Tamil ho hi han ngaihtuah ila central tibuai khawpin an Tamil pui Sri Lanka ami te thlavang hauhvin party sawi lovin an tang ngam a nia. Kan inthlau teh e. Burma ram a kan unau hoten in unau na an lo tlangau pui a, Mizoram a awm zawk hian vawikhat tal kan va tlangau pui em le. Ruk ruk leh pawngsual mi pakhat thiltih ah Burma zawng zawng an sual, ngatinge mihmingtha an chhuah apiangin Zofate tihmingthatu……….. Kan inphel te zel anih hi maw.
Report this comment
May 10th, 2013 at 8:53 pm
Peace leh in unauna chu thil tha a ni. ka thlawp e
Report this comment
May 10th, 2013 at 11:09 pm
1,2. Thangpasaisir’a ka lawm e, mahse rangvamual pawh hal tur anilo tih Ilo zir chhuak tel na nge aaa?
3. Borat’a chuan vawi sawm ka ti don a ti tlem mai ang, vawi li uluk takin chhiar roh se, a unaute huatna thinlung tel lovin.
4. Dr. John dik chiah
5. Pu Awmte’a Leo Khiangte lo point out thrin la lawm ngot ang. A va lawm awm em, I lawmna hriat ve duhawm e.
6. VL Hming’a I va sawi thra em em.
Kan bul hnai kan unau Naga ho hi nia an hmuh china ti thra chu/kha, an trawng a dang hlawm lutuk mahse Nagaland leh Manipur lama an unaute nia an hriat te tan telin greater Nagaland an ngiat kha nia.
7. Chhan’a Hlawnchhing
Kan Pa Pathianin malsawm che u rawh se.
Report this comment
May 11th, 2013 at 8:31 pm
khge like na a wm ve na ge?
Report this comment
May 18th, 2013 at 1:20 am
https://misual.life/wp-conte.....mbs_up.png
Report this comment