mi(sual).com

(Admin note: Sorry, nimin current a mumalloh avangin kan rawn online theilova, a tlai tawh deuh na in kan rawn chhuah tho e)

Ka fa duh tak,

Ka kum tea lo tam ve tak avangin, ka tawng te a lo fiah ta lo deuh a, ka sawi ngai I hriat loh ka hlauh avanga ka sawi nawn ka sawi nawn anih pawhin, min hrethiam hram ang che. Tawng I thiam tirh I la tawngfiah theih hma si a, I duh zawng ngen a, I sawi ngai I sawi I sawi thin lain dawhthei takin ka lo ngaihthlak sak thin che kha.

# Ka khup te lo chak lovin, ka lo tlu naih naih palh anih pawhin, I naupan laia I tlu tur venga I kuta ka chelh thin che kha hre chhuak ve thin la, I tlu palh I tah bai bai chang a, hmangaih leh duat taka ka kaihthawh thin che kha.

# I hnaah buaiin, I nupui/pasal fanaute tan I hun awl hman zawh I thlahlel tih pawh ka hria e. Ka thusawi hmanlai leh thing ve tak tak te chu min ngaihthlak sak ve hram thin la. Tawng I thiam hma leh I thiam tirh a I thusawi hriat thiam tuma dawhthei tak a ka beng ka dawh hram hram sak thin che leh, ka hun ka pek thin che kha hre rengin I hun min pe ve hram hram thei ang em?

# Ka lo upat tak avanga mahni taksa pawh thunun tha hlei thei lova, khuma zun ka cheh mai mai anih pawhin, I naupanlaia I zun leh ek hmangaih taka ka thiar sak thin che kha hre rengin, min hau mai lovin, min then/sukfai sak hram hram thei ang em?

# Ka chaw ei te ka lo tawp ta deuh anih pawhin min ten mai lovin, I nausen laia chaw ka hrai thin che kha min hriat sakin, min dawh hram hram thei ang em?

# Ka lo upa ve ta a, ka intifai tha peih ta lo a, ka rim te a lo chhe ve ta deuh anih pawhin, Bualinah min nawr lutin, Shower min herh haw khumin min khawh tir mai suh ang che, Ka hriselna a pan tawh a, ka khua a sik mai ang. Nang pawh, I naupan lai a, Uite rim I nam thet thet lai leh I tal pawl em em changin, inbual tura ka tih chang chein, I duh loh a, I tlanchhia a, kan in um zak zak thin kha hre ve reng ta che.

# Thenrual pawl turin ka pawn chhuah peih tawh loh hunah leh, ka kawm rualpui te pawh kan ina an rawn chuankai that peih tawh loh hunah, khawhar taka ka khawvel ka hman hunah, nang chu ka thian niin, I hun hlu tak pein, ka lawm zawngte min ngaihtuah sakin, min kawm hlim peih hram hram thin ang che aw, Ka fa duh tak, ka enchim loh, hmangaihna tawp chin nei lo nena ka enkawl seilen I nih kha.

I Nu.

Similar Posts:

• TAR KA LO NIH HUNAH CHUAN
• Puitling Nun.
• Mahni tawng hman dik loh hi thil zahthlak ani
• English tak hi chu aw!
• Nu hmangaihna. A va mak em!!

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Monday, May 13th, 2013 at 1:10 pm and is filed under Lifestyle, Luangliam, Mizo Society & Culture. You can follow any responses to this entry through the RSS 2.0 feed. You can leave a response, or trackback from your own site.