Turnipui lenkawl an a lo her chhuak a, sirva leh nungchate tualchaina ti nuam a’n, hringmite’n an ianga zaivawr ve turin, an hlimna zahve pawh kan dawng pha ve si lo maw!!! keini iangin an damlai nite sei ve se, an hlimnate chu hriat theih leh hmuh theihin romei iangin zam ve se kei tawn ka nuam…an hlimna romei ianga zam vel chu.
Thlasik kawng lo paw chiai maite hian hringmi tan awm ze thui tak neih tumin, hring nun her danglamtu an ni si a maw, mahse a mileng zawnga pa lungmawl leh lungleng mi tan chuan tawrh a har ngei mai, hringmi chunga an thil tumte hi, mahse anka chhuakin an sawi ve si lo, tawng theiin anka nem tawng thei ni ila, dam chhung atan, kei, tawn ka nuam hringmi laka an thil tumte hi, anka nem a min hlan chu. Kei ka tan chuan dam chhungin ka tawna an thil hlante chu ka sawi fiah zo awm si lo.
Romei lo paw chuk maite hian thal khaw mawitu nih tumin leh hringmi lungmawl chawk hlimtu a tan tumin theih tawp chhuah a hmanhlel ni hian an mawi si a maw!! A mi zawnga pa lungleng mi tan chuan tah lai luaithlipui nul zaireltu mai an chang si.
Chung chhawrthlapui ani iang reng a, hring nun chawk damlamtu, ramsa leh nungcha tinrengte tana nun chawk danglamtu, a mawina eng lawm a zan khaw tai rek thlenga ramsa leh nungcha te’n zai vawra an lawm thin chu, a sakhming lem an ‘zantiang lalnu’ tih hial a an lo sak thin chu. Hringmi iangin a anka tawng thei ni ila, kei zawh ka nuam a sakhmel mawina inthup zan khaw thiang reh hnuai chiaha a pho lan thin chu, engti ang a hlu nge ni ngai le?
Tuipui zau leh chamdup a tawp lehlam pawh lang thei lo, a thuklam pawh hriat phak loh, a thawm pawh hriat tur reng reng awm lo khawp a reh duk; a tluka nun chawk danglamtu leh nun tihlimtu hi a awm dawn em ni! tiin a mileng tawnah anka nemin hril ta ila, mitthi zinga phum tlak hialin ka mawi dawn si a maw, a sakhmel mawina au chhuahpui tur reng reng awm lo, mahse thiam ang tawkin han au chhuahpui ve dawn ila, Pa a zawnga pa tawngkam thiam lo ber tan chuan ka sawi fiah thiam dawn si lo a, ‘Thuruk’ a ni e ti ila a fiah zo ber awm ber e. Hlimna leh lawmna a neihte zawt dawn ila, a reh hian a reh duk mai si a. Mahse a chhungril lama awm nungchate hian a mawina leh nun nemna chu lawmin an dam chhung hun hlim te’n a chhungah hian an lo chen ve reng si a.
Zaleng tamtak te’n an chhailai D chu chung chhawrthlapui iangin a sakhminglem an ‘zantiang lalnu’ tihiala an sakhmel mawina leh duhawmna chu chhuangin lo vuah sak mah se, kei ka chhailai D leh ka duh ber chu tuipui reh duk ang maiin ka kiangah hian awm mah se a chhung ril mawina leh hlimna petu a nihna pawh chu sawiin au chhuahpui ve loin, ngawih bopui tum mah se, Lunghlu tha leh man to ber ai pawhin a hlu zawk si a.
Similar Posts:
- Chama – Dolma
- Dolma
- Thianpa Marama (Lalramnuama) Nghilhlohnan..
- Thrasensiari (mami varte – Miss mizoram 2005 ah)
- Kan Run
May 14th, 2010 at 11:54 am
Ka han 1st ve hrim hrim ang e. A vawi khatna atan.
Report this comment
May 14th, 2010 at 11:56 am
June 3rd, 2007 9:00 am by zocop
Report this comment
May 14th, 2010 at 11:57 am
Aw, a lo nih tak khi maw le.
Report this comment