Mizoram hi a khawngaihthlak asin aw! A chhan maw?
1. A duh apiangin a pawngsual a. A chhan chu phalna emaw royalty pe miah lovin kum tin ton sing tel state chhunga mau lui luang hmangin an tawlh thla hem hem a. Kan forest officer leh ranger chi hrang hrang sum neih en hian ram ngaw hum that rin chi a ni lovang. Ruah sur tam vangin kan ram a chereu lo hi kan vanneihna ani.
2. Mizo hmel ang pu an nih phawt chuan a duh duh ram hrehawm zawk atangin an rawn pen lut hum hum a. An ram, Manipur state, Assam, leh Myanmar ram tlem tal rawn sawk tel tal sela chuan a pawilo tur. Kan ram khawizu rawn zuk tura lo kal hian Mizote minority ah an la siam dawn.
3. Mizo zinga lehkhathiam tam tawk lahin Mizorama phalna neia awm (legal resident) an Mizo pui, Lai, Bru, Gurkha leh midang aiin state dang chu sawi loh, ram dang mi (foreigner) ngei pawh an en laichin tlat mai a. Heng ho hian Aizawl bazarpui hmun pawh an luah nghet hle tawh niin an sawi ka hre tlat. Heng lehkhathiam thenkhat phei chuan Mizo hnam a awm lo, Mizo hi hnam hming a ni lo, ti tawk lah bo lo. Mizoram pumpui hmangaihtu hi an awm pawn a lang lo. Mizo (Lusei) tawng hmang chin chu kan in hrethiam fu, mahse midang kan state a awm aiin state dang leh ram danga awm duhsak tawk an bo lo.
4. Ram hruaitu tha lah thlang thiam hek suh. Infrastructure (hmunhmarel), school leh damdawiin tha neih aiin biakin ropui kan ngah. Kawng bumboh taka motor tha tak neih, service provider tha hawt si lovin mobile phone, iPad leh gadget man to hralh zar zar theihna a ni lawi si. Utilities (electric supply, tui leh gas) lah khawvel ram hnufual bera awm ang maiin a harsa si.
Mizoram hi mihring angin en chhin teh u, mi khawngaihthlak tak ani. Duhsaktu leh duattu a nei tlem asin.
Similar Posts:
- Misual.com a thil mak ka tih chu
- Mizoram flag
- Music Video changkang
- Zirlai 1588 in technical course seat 239 inchuh dawn
- Mizoram tana ka awh
June 19th, 2013 at 5:46 pm
3. Lai hi phalna neih vang a mizoram a awm an ni lo, i rilru put hmang a dik lo va ang ve a, bru leh gurkha ang ah te i dah mai mai le post tuper
Report this comment
June 19th, 2013 at 6:49 pm
Mizo te hian takna, rilru tak a thil vei kan nei lo a. midangte el ran leh itsik ru ran in kan awm thim them a. a rah chhuah chu tun a kan dinhmun hi a ni mai. heti reng chuan hei ai a chhe zawk in kan la awm ang. rapthlak hian..
Report this comment
June 19th, 2013 at 7:03 pm
#1 sawi ang khian
Report this comment
June 19th, 2013 at 8:46 pm
kan la chawh tawlh tawlh mai dawn zawng a nih hi
Report this comment
June 19th, 2013 at 8:55 pm
Nia dik khawp mai, engtinge kan siamthat ang a, hma kan lak ang tih hi ngun tak ngaihtuah a ngai ta zawk phun phun mah ila kan phun lungawi zo dawn chuang lova, kan Politicians leh kan NGO ho hi kei chuan ka mawhpuh ve tlat ruahmanna tha fel leh fai engmah nei lovin 1980 rilru pu reng chung in min hruai a entawntlak tlemte an awm a 99.99% Politicians leh NGO hruaitetu hian a kan tlin tawh lo kan thiamna in a tlin tawh lo thalai hmangchang hria in min hruai rawh u tih lah an tum der si lo, phun lungawi i tum lovang u, engtia hmalak tur nge niang tih lam i ngaihtuah tawh zawk ang u. Assam nen kan ramri pawh tun thlang hian a fellova hmalak kan tum an tia an term an hmang zo zel bawk si.
Report this comment
June 19th, 2013 at 9:08 pm
3. Mizo zinga lehkhathiam tam tawk lahin Mizorama phalna neia awm (legal resident) an Mizo pui, Lai, Bru, Gurkha leh midang aiin state dang chu sawi loh, ram dang mi (foreigner) ngei pawh an en laichin tlat mai a.
Lai a saala…..Lai chu Mizo anni lo ami ? mai mai thin a i thaw i hip sual ami a ?
Report this comment
June 19th, 2013 at 10:18 pm
No 3 chu a fuh chiah lo a nih hi maw le
Report this comment
June 19th, 2013 at 10:28 pm
Point 3 khi ngaihtuah nawn a ngai e. Misual.com hi mi puitling, mithiam leh ngaihtuahna lai (impartial) awmkhawmna ah ka ngai a. Khitiang point (3) te khi chu a ‘misual’ zia-rang pawh ka ti love. Tin, Lusei tawng a awm lova, Duhlian tawng hi Lusei leh midangten kan hmang a ni zawk. Tin, hmangtu pawh an pung zel.
Report this comment
June 20th, 2013 at 12:31 am
I post hmain han chulmam tha hlek la a tha mai tur a nia aw……..engpawh ni se, post awmze nei thui tak a ni reng reng e.
Report this comment
June 20th, 2013 at 1:02 am
I ngaihtuah tlang teh tak ang u.
Report this comment
June 20th, 2013 at 1:11 am
Tute maw lehkhathiam tam tawk, ramdang mi (foreigners) lo ti laichin tute chu?
Report this comment
June 20th, 2013 at 4:51 am
Lai te, Mara te hi chu mizo vek an niin keichu ka hria a. Mahse state dang Mizo te pawh India ram an nih chuan kan unau ah pawm vek ta ila. Mahse mizo tawng pawh thiam lo (eg. mary Kom mizo nih tir tum phet ang te) kha chu ching fo lo ila tha law maw ni le.
Bru te, tuikuk te, chakma te etc. Ho mizo tawng a tawng lo ho hi chu an buaithlak chu ka ti ve khawp mai keichu… Ram an lo dil ve chhen bawk si..
Report this comment
June 20th, 2013 at 9:14 am
A posttu rilru hi chu a hriat theih maiin ka hria, ka thlawp lem lo. “Mizoram for Mizo Hnahthlak” ani tawp mai.Mikhualte(Non-Mizo Mizorama awm ve te) chungah pawh Kan Kristian nunmawi lantir zel bawk i la, Assimilation laka inveng tak tak tur chuan,Khawthlang lam atanga Illegal immigrants lam erawh alert hle a tul ang a, Hmarlam kawtchhuah lamah strict hle a ngai bawk ang.
Report this comment
June 20th, 2013 at 10:18 am
#12 ka thlawp e.
Report this comment
June 20th, 2013 at 10:29 am
#6 ka thlawp e
Report this comment
June 20th, 2013 at 11:23 am
Intodelh phawt mai ilah ram leh hnam chu ka humhim ani nghal mai, kan huai ngam ve tawh ang a, hehe
Report this comment
June 20th, 2013 at 12:00 pm
Ka rilru ang chiah a ni.
Report this comment
June 20th, 2013 at 12:08 pm
Ka ziah sual der ani, min ngaidam rawh u, drake, ulawng,zualbonez, vaiva, Chawngthu Pa, caribou, suaka, xollie. Ka sawi tum tak chu Lai ni lovin Chakma zawk ani. Anni pawh hi immigrant anni chiah lo,ti tawk phei chu kan awm ngei ang.
Report this comment
June 20th, 2013 at 1:14 pm
i thu post chu a Lushai centric em mai.Hei vang hi a lawm tun ah Mizoram pawh kan buai nuai nuai hi.
Report this comment
June 20th, 2013 at 2:46 pm
Thu thenkhat kim tawk lo leh siamthat ngai khi chu siam that ni bawk se…
Ram leh Mipuite hi Assimilation laka him a, Hmasawn tur chuan a Ram-neitu Mipuite kan inpumkhat a, kan tanrual a, Dikna ka ngaihsan a pawimawh tak zet zet. Rilru leh ngaihdan in-ang lo chung leh a ruka inbei chunga thil kan tih chuan kan Ram leh Hnam hian That lam aiin Chhiat lam a pan zel ang.
Bible pawhin, “Khawi ram pawh Mahni leh Mahni indo apiang an boral thin; Khawi Khua pawh, Chhungkhat pawh Mahni indo chu an boral thin, an ding khawchhuak lovang” a ti a ni (Mat.12:25, Lk.11:17).
Report this comment
June 20th, 2013 at 11:09 pm
A va han ni chiang tak em!
Report this comment
June 22nd, 2013 at 10:56 am
Sumdawnnaah ramdang leh hnamdangin kan ram economy hi min assimilate thei reng a ni tih hi hmu thiam lawk an awm. Kan buaina ber chu tharum hmanga kan harsatna chinfel kan tum hi ni ta berin a lang.
Hawh u, Rinawmna leh Taihmakna nen i thawk zawk ang u, tih hi keimahni mai bakah thangthar zel turte thinlunga kan tuh tur zawk chu a niin ka hria.
I post tha khawp mai
Report this comment
June 22nd, 2013 at 11:59 pm
putin hian Russian view ltkin min kalpui a tum emaw ni aw?
Report this comment
June 23rd, 2013 at 1:54 am
Putin hi Mizoram (as it is) hmangaihtu ani. Ethnic Mizo nih vang mai nilo, Mizoram state, multi ethnic, multi racial state hmangaitu. Mizoram leh a chhunga chengte (dan zawm kima rawn lutte)tana tang fan fan ngam. Mizorama tlang lui, ruam thing leh mau, vua leh vang mawi ti em em tu. Russia ram ai maha Mizoram ngaizawngtu.
Report this comment
June 20th, 2015 at 1:47 pm
por favor haga clic en la siguiente página web
Oh, Mizoram, where art thou lovers? | mi(sual).com
Report this comment