Ka movie en pakhata an inbiakna tawngkam hi a mawi dangdai riau a sin..
Darcy : Did you choose not to kill me cause I got a wife and a kid?
Victor : No. I didn’t kill you because they’ve got you…
Darcy thah a nih lohna chhan hi nupui leh fa a neih vang lam ai mahin a nupui leh a fa tan pa leh pasal a nih vang zawk a ni. A nihna takah chuan amah vang ni lovin a nupui leh a fa vang zawka nungdama awm a ni.
He tawngkam hi ka ngaihtuah ka ngaihtuah a, ka rilru pawh Gospel lam hawi zawngin a kuaiher ta reng a ni. Hetiang deuh bawk hian dam taka tun hun kan la hman theihna chhan hi keimahni lam vang ni lovin min neitu Pathian vang chauh a ni. (Tihborala ka awm lo hi LALPA zangaihna a lo ni, a lainatnate chu a kang ngai loh avangin. TH 3:22).
Chhandamna chang tur pawhin kan hausakna leh felna te, Kristian kan intihna leh Pathian kan hriatna ringawt hi a pawimawh ber lo va, Pathian mi hriat nihna hi a pawimawh ber zawk chu a ni (Ref. Galatia 4:9). A hnen kan thlen theihna pawh kan thawhchhuah ni lovin khawngaihna avanga ama zara ringtuten kan chan liau liau a ni.
Beram chu neitu an awm vang chauhva him a ni lova, a duhna lam lama a pen bo va a boral loh nan a neitu in a veng a; amah ti na thei chinghnia leh sa dangte lakah a tiang leh a talhtum hmanga a venhim tlat thin vang zawk a ni. A lo thanlena a lo thau theih nan chaw leh tui awmna ah te a hruai thin. Ringtute pawh hmelma leh sualna hrang hrang min tiboral thei tu te laka kan him theih nan min neitu Pathian in a Kohhran hmangin min hum a, ama duh dana kan thanlen theih na turin inkhawm te, tawngtai leh Pathian thu hmangte in min chawm thin a lo ni. A kutphah ropui chhunga in nghah hi himna a ni a, amah hlata awm hi boralna a ni.
“Ka Chhandamtu min vengin a hnai reng,
Thil engpawh lo thleng se ka him a ni;
..Pathian ngei chuan min ven vangin ka him,
A kutphah ropui chhungah..”
Similar Posts:
- Khawngaihna Formula
- I ngaihtuah ve ngai em?
- Pathiana mihringte dinhmun;
- Youth For Christ (Mizo Thalaite Lal Isua Tan)
- Pathian Chungchang
June 22nd, 2013 at 9:42 am
Pharst
June 22nd, 2013 at 9:42 am
A ni khawp mai.
June 22nd, 2013 at 9:48 am
A tha hl3 mai.
June 22nd, 2013 at 10:08 am
“Mahse” ka’n ti hluai teh ang, A Kut-phah ropui chhunga him taka awm tur chuan, a Hmangaihna ban phakah, a Thuawih-bawih ah, a Thunun theih leh a Hruai theih tura kan awm hi a tul mai a ni lova, kan tih mak mawh a ni.
June 22nd, 2013 at 10:40 am
Thil tê thamtê atanga zir chhuah nei thiam mite hi ka ngaisang ngawt mai.
June 22nd, 2013 at 12:02 pm
I chhar chhuak tha hle mai.Best dialogue of Dead Man Down…
June 22nd, 2013 at 12:59 pm
Good post
June 22nd, 2013 at 1:40 pm
Joseph Pakhuangte sak hi a nalh asin.
https://www.youtube.com/watch?v=j1533iXtuQY
June 22nd, 2013 at 5:34 pm
ziak tha hle mai kiddo. dik tak a ni i thil ziah hi
June 22nd, 2013 at 11:50 pm
he hla hi hmanni khan inkhawmnaah kan sa a, ka lo hre ngai miah lo a, a pui ka ti khawp mai–post tha ltk
June 23rd, 2013 at 8:33 am
Tha hle mai.
June 23rd, 2013 at 6:26 pm
@whotalk i tilawmawm e. @joel thil te tham te te tang hian zir tur tha tak hi a lo inphum ru teuh thin.
June 23rd, 2013 at 6:29 pm
Dr john i sawi khi a dik khawp mai.. Keimahni lam pawh hian kn zir a tul tak zet a ni
June 23rd, 2013 at 6:49 pm
He hla hi ka duh ber ti ila a dang ka duh lo tihna ni lovin.
Ka sak lai hian ka danglam thin tlat.
June 23rd, 2013 at 8:55 pm
naupang ho hian solfa dik lo deuh hlekin an lo sa thap thap a..(Tv-ah sa an lo awm a maw ni)Kristian hla bu 443 ka han keu a, ka sak pui a, ka lo sak liam mai mai thin kha… hei, ka tuipui ta riau, tha ka ti thar hle bawk.