HizbulMujahideen hel pawl ni a hriat mi pahnih te chuan Monday June 24 2013 khan Srinagarah Sipai Convoy an lambun a, Sipai 8 an thi a, 14-in hliam an tuar.
Heng mi pahnih te hian zirlai tuition la tur bike chhuhsakin Hyderpora bypass, Airport-Lal Chowk road, private hospital bulah dingin Sipai Motor chu an lo phar ding a, an kawrfual hnuai atangin silai an phawrh a, an kah chilh ta ngheng mai a ni. An kahna a hnai bawk a, a hmunah hian mi 8 an thi nghal a, 14-in hliam an tuar ta a ni.
Hel pahnih te hi an bike chhuhsak hmang chuan an tlan chhe nghal a, mahse Barzulla an thlen chuan check post P.M & Sonia kal dawn avanga an siam chu an tawn a ngai a. Grenade an vawm a, silaiin an kap bawk a, Santro car dum hmangin an tlan bo zui ta a ni.
Heng Sipai thi te zingah hian Mizo pahnih Hlu-a leh Ngheta te chu lu a silaimu lut tuar lovin an thi a, Davida’n a banah hliam a tuar a, silaimu pathumin a fuh a, pahnih an tang ni awm e.
Chhiar belh duh tan : https://www.facebook.com/photo.php?fbid=551858604850018&set=gm.672329386127685&type=1&theater
Similar Posts:
- Eilat Bulah Terrorist an che..!!!!!!!
- Aizawl Venglai tlangval duat rawn Ramhlun South ah a tualthi
- Gurgaon-ah Mizo nula 2 an accident
- Serchhip leh Keitum inkarah Maxi Cab a Accident Hliam na tak tak an awm
- Ka ring reng a ni
June 25th, 2013 at 5:28 pm
An va huangtau ve le. Sipai convoy meuh lo phar ding a, lo kap zui ngam chu.
Muslim leh buaina hi a inkawp chiatin a lang ta ber mai.
Report this comment
June 25th, 2013 at 5:30 pm
Ka duh aia hma a, ka comment chu lusun chhungte Pathianin awmpui rawh se.
Report this comment
June 25th, 2013 at 6:16 pm
#2 thlawp tlat e..! Terrorist risk huai tak an nih awm khi maw..Mahse tum mumal nei sa thlap an ang lo in tuna an thiltih hi tlai khawhnu a, chumi ai, chumi kha mi phuba lakna chu a ni an han ti kual leh vel turah ngai lawk ila..!
Report this comment
June 25th, 2013 at 7:35 pm
An va huai ve maw le, sipai chu an in ring lawk ve lo maw ni le, mizo sipai te chu an lainat awm hle mai, RIP
Report this comment
June 26th, 2013 at 11:37 am
A nunrawn thlak thin teh e.
Report this comment
June 26th, 2013 at 5:25 pm
An va khawngaihthlak em!
Report this comment
June 26th, 2013 at 9:24 pm
A va nasa thrin ve awww
Tuarpuina kan hlan e.
Report this comment
June 28th, 2013 at 1:17 am
Mizo thi an awm ve ta zeuh zeuh mai. A pawi thin teh e. RIP
Report this comment
July 4th, 2013 at 12:03 pm
Nimin mai khan Sipai officer pakhat sawi ka hriat belh a, convoy an kal hian a hmasaberah sipai ralthuam kengin hma an hruai a, a hnung dawltuin ralthuam an keng leh bawk a. An lambun hi an kara motor kal ralthuam pai lo a ni awm e.
A driver hi Hlua an ti a, hospital bulah kher an lo phar ding si a, tanpui ngai an nih ringin a ding a ni awm e. Mifirfiak te hian motor hnung kua (foot board) ah silai rawlh lutin an pawng kah ta chiam mai a ni awm e.
An movement hi an lo zir nasa hle niin a lang a, ralthuam keng an liam hnu leh a hnung dawl a lo lan hma inkar tawite hi an lo chang khiau ni tur a ni. An sawi zel danah chuan vawikhat mai lo hi ambush an tawh a ni awm e.
Report this comment