MZP chang rel a sual em ni?

July 9th, 2013 4:54 pm by TuaiSialA

8.7.2013: Vawiin khan Mizo Zirlai Pawl chuan MZU LDC hna lak chungchanga felhlel a awm duh lohna lantir nana Mizoram University Vice Chancellor kai tur dan an tumna lamah buaina a chhuak a, zirlai hliam tuar an awm nual a ni.

MZP chuan MZU hna lak chungchanga felhlel leh dik lo awm nia an hriat avangin hemi chungchangah MZU VC an hmu tawh a, VC chuan, tun thla ni 28-a Executive Council-ah hemi chungchang hi sawiho an tum thu leh, LDC lak tharte pawh stay order pek an nih thu a lo hrilh a. MZUSU pawhin thuchhuah siamin, zirlaite exam an awm lai a nih avang leh under graduate result buatsaih lai a nih avangin MZU campus-a boruak siam lo turin an ngen a. Mahse, vawiin tlaiah hetiang thil hi a lo thleng ta a ni.

He thil thlen avang hian MZU-a exam chu postponed a ni a, UG result chhuah hun tur pawh sawi theih a ni ta lo. Police leh zirlai lunga an invawmnaah zirlai hliam tuar an awm nual a, nikhawhrelo khawpa hliam tuar te awmin thenkhat chu damdawiinah kalpui an ni.

(Ngaihdan chu comment lamah…)

18 Responses to “MZP chang rel a sual em ni?”

1
eL Says:
July 9th, 2013 at 5:12 pm
MZP hi kan thiat mai dawn mi?

Report this comment
2
VL Hminga Says:
July 9th, 2013 at 6:01 pm
MZP ka tan…..

Report this comment
3
Borat Says:
July 9th, 2013 at 7:12 pm
MZP chang rel a sual ngai (meuh) lo. Thalai hna zawng, hmu thei lo sing tel awm laia laina leh duhsak zawng sorkar hna inpek hi ka nin pui khawp mai.

Report this comment
4
Charice_mizo Says:
July 9th, 2013 at 7:46 pm
A pawi tur a pawi vek tawha. An thil nawr tal an hlawhtlin ka beisei. Lehpekah chuan thluak fim raihin aw niang.

Report this comment
5
Joel Lrsa Says:
July 9th, 2013 at 9:58 pm
Tireng mai!!

Report this comment
6
TuaiSialA Says:
July 9th, 2013 at 10:33 pm
A hlui tawh em mai a!

Report this comment
7
PKfanai Says:
July 9th, 2013 at 11:43 pm
Hna lak dan a fair lo hle anih chuan, MZP ten an complain chu a tha viau mai. Amaherawhchu, Zirlai Pawlin Zirlai exam tibuai zawnga hma lak erawh, a dik ka ti thei hlawl lo a ni. Zirlai Pawl chuan, Zirlaite welfare a ngaihtuah turah ka ngai. Mizo Student Union Champhai in Saikhumphaia Sikul naupang tam tak, an Sikul an hal sak avanga Lehkha zirzawm theilote tana aw an chhuahte hi, ka support-in Zirlai Pawl tihtur dik takah ka ngai.

Report this comment
8
Chhuaklinga Says:
July 9th, 2013 at 11:43 pm
Kan tih apiang hi a tha emaw tha lo emaw fin phahna’n hman zel tum phawt mai ila.

tren tren

Report this comment
9
TuaiSialA Says:
July 10th, 2013 at 12:35 am
MZP thil tih hi a tha a, hna lak dan dik lo hi a huatthlala takzet a ni. Mahse, zirlai exam a tibuai a, UG result pawh a tibuai pha niin a lang a, a pawi khawp mai. Zirlai exam zawh hun emaw, July ni 26-a MZU Executive Council thukhawm thu ngaichang phawt sela, chuta an thutlukna azirin hma la zawk sela tha tur. MZUSU lam hi hna lak dik lo chungchanga VC thlawp leh tan tlat ang zawngte’n an sawi ta chiam mai leh nghal a, MZUSU chuan zirlai exam lai a nih avangin campus chhunga boruak dang thlentir an duh loh vanga lo dang kha an ni reng si a. MZP hi an thil tih chhan a tha a, mahse, an thil tih hun hi a hun rih lo chu ka ti khawp mai!

Report this comment
10
chhana Says:
July 10th, 2013 at 8:14 am
Huho a kan pawng thin lutuk hi chu a pawi teh zawng a nih hi, pi pute hun ata tawh.

Report this comment
11
Dr John Says:
July 10th, 2013 at 8:42 am
A va zia lo thin ve aw… MZP thil tih tum hi a tha ka ti. Thil tha tih an tumna lamah bawnghnute an dai baw palh a va ang ve?

Report this comment
12
Comeback Kid Says:
July 10th, 2013 at 8:55 am
MZP in an hmalakna kha chhuanawm ka ti mahse extreme tep ani.DIKNA CHU LUIPUI ANGIN LUANG RAWH SE….

Report this comment
13
H.Vangchhia Says:
July 10th, 2013 at 9:43 am
Ka hrethiam ve tlat lo. Hairehai

Report this comment
14
Lalzam Neihsial Says:
July 10th, 2013 at 10:17 am
Zirlai pawl in zirlaite zirna aiah hna lak chungchang a buaipui zawk ava ang ta ve te ka lo ti mai mai a

Report this comment
15
Dr Mahminga Sailo Says:
July 10th, 2013 at 9:32 pm
A buaithlak teh e. Thil tha (?) tih tum avanga thil thalo tih tel kher hi a tha ber ang em le aw?

Englekhawle, tun hnai hian pun khawm luih luih, thisen inchhuah titiha punkhawm Mizoramah hian a tam ta riau emaw ni le. Nge, chanchanthar kan hriat zung zung theih vang zawk?

Report this comment
16
tepuia Says:
July 10th, 2013 at 11:47 pm
MZP leh MSU te hi thiat tur a thuneitu an awm lo em ni aw?? Mahni tanghma hai vang a zirlai te career leh himna sacrifice zawnga chet vak vak mai hi a ramhlui zia tawh em mai.

Report this comment
17
malsta27 Says:
July 11th, 2013 at 3:54 pm
MZP te an ti tha viau mai, tuna exam mekte hian an hma hunah hna an la zawng ve dawn a, chung hunah chuan favoritism an tawn tawh lova fair taka thil an hmachhawn theih nan a tuna tan an lo la hi tha khawp mai. Exam vawikhat buai kha chu a thatloh rualin an hma lam hun, an hna zawn hun atan a ni tih hi hrethiam se duhawm khawp mai.

Post danga hmeichhia an lo khawih kha chu thil tih chi loh a ni, mahse a tha tamtak a awm rualin a chhia pawh hi a kal tel ve thin tih hian a inhnem theih deuh.

Report this comment
18
ZerO Says:
July 12th, 2013 at 11:55 am
Kum 3 kal ta khan MZU ah hna ka lo dil ve tawh a. MZP hian hma lo la daih tawh ni se chuan ka tling ve em em ang (em?)

Post 1 kha mi 40 velin kan inchuh a. Written exam kan bei a, interview kan hmachhawn a. Written exam-a kan mark score te, Post graduate duhsak bik an ni ang tih te kha dawt vek. MR-a lo thawksa, tute emaw chhungkhat kha an dah nghet leh daih si! MZP hmalakna hi thalai hnazawng mek te leh la zawng zel tur te tan a tha tawp…

Report this comment