via Pu Vanneihthanga Vanchhawng @ SPECIAL REPORT
DAWRPUI KHAWTLANGIN PI LALPIANMAWII HNENAH ZANGNADAWMNA CHENG SING 5 PE TURIN MZP AN PHUT…
10th July : July ni 8 zana Dawrpui Khawtlang pawl hrang hrang Joint committee chuan Pi Lalpianmawii chunga thil thleng avangin MZP chu cheng sing 5 zangna dawmna pe turin an phut.
Hetih lai hian MZP chuan thuchhuah siamin kha thil thleng kha pawi an tih thu an sawi a, Pi Lalpianmawii kutthlaktu thiltih chu pawl hmalakna piahlam a ni tiin kut thlaktu hi a inthiamloh avangin July ni 8 khan banna a thehlut a, a nihna atanga chawlhtir nghal a nih thu an sawi.
Hemi chung changa Dawrpui Khawtlang Jt Committee thuchhuah in a tarlan danin, July ni 7 zan dar 8:30 vel khan Dawrpui vengchhung New market huam chhungah MZP hruaitu mi 4 zurui te chuan, July ni 8-a MZU Vice Chancellor Pisa kal tur dan an tumna-a, refreshmen atan tiin an hotute tirh ni a insawiin Hnamdang sumdawng hnenah Artui case 3 pawisa pawh pe lovin an chhuhsak tih an sawi a, an zinga pakhat chuan a bula in pakhatah tui in tur a dil a, a in zawh hnu hian naupang pakhat chu a pet a, an thil zawrhte pawh a pet bawk a, Inneitu Pi lalpianmawii chuan engatinge khatianga naupang in tih a han tih chuan Pi Piani chu a hrawkah rekin a chhipsam ah a tham a, a thin leh a dul ah a khup in a tauh a, ka that law law lo che hi i vannei zawk a nih hi tu hnen ah pawh sawi rawh ka hlaulo a ti bawk niin an sawi.
Dawrpui khawtlang hruaitute thuchhuahin a tarlan zel danin Pi Lalpianmawii kutthlaktu hian a tukzingah an in-ah zuk luchilh lehin “engvangin nge min mantir ila hre khawp ang” tiin a vau zui leh bawk niin an sawi.
Pi Lalpianmawii hian a khawihna hi na a tih zui tak em avangin Civil Hospital Casualty ah hruai a ni a, Ultrasound leh x-ray te tih a ni a, in lamah haw tir leh a ni a, a tuk zing thlenga a chauh em avang leh thawk te harsa a tih avangin Hopital-ah hian hruai leh a ni a, Ultrasoundt, CT Scan leh x-ray te tih a ni a, a ril a function tha lova, Tlailam ah phei chuan Oxygen hial pek a ngai ta a ni an ti.
He thil thlengah hian MZP hruaitute hi Khawtlang hruaitute chuan Police an mantir nghal a, Pi Piani an buaipui lai leh FIR thehlut tura Local council, YMA leh MHIP te thana a an kal chuan an lo chhuah fai leh vek mai a, khawtlang hruaitute hrilh a hai hle a ni an ti a, tunhnu ah hetiang hi thleng tawhlose an duh tih an sawi bawk ani.
Thuchhuah chuan MZP te hian dawrpui vengah Donation an khawn fo tih sawiin Dawrpui khawtlang chuan an nin thu an sawi a, an veng Nu in sum tam tak sen ngaia kut a tuar chu an duhlo tih sawiin MZP te hian Pi Lalpianmawii Dawrpui New market hnenah hian zangna dawmna cheng sing 5 pe ngei turin an phut a, an pe lo a nih chuan Dawrpui khawtlang chuan a tih tur a ti ve tawh ang an ti a. MZP te hian zirlai pawl an nih ang ngeiin zirlai te hamthatna tur leh tangkai pui tur chauh ngaihtuah tawh turan an duh thu thuchhuahah chuan an tarlang bawk a ni.
Hemi chung changah hian MZP te chuan an Pisa-ah nimin khan Emergency Meeting an nei bawk a, Meeting thuchhuak chuan, July ni 7 zana MZP Gen. Hqrs.-a member pakhatin Pi Lalpianmawii w/o Nazir Uddin, Dawrpui kut a lo thlak chu pawi an ti hle tih sawiin ngun takin he thilthleng chungchang hi an ngaihtuah tih an sawi a. Pi Lalpianmawii kutthlak a nih avanga damdawiin a dah a ngai chu pawi an tih thu an sawi. Thuchhuah chuan July ni 7 zan khan MZP hruaitu thenkhat chu Dawrpui vengah an leng a, an zing atang hian MZP member pakhat hi kal hrangin, hetiang thil hi a lo thleng ta a ni an ti a, Pawl hminga feh chhuahna piah lama hmun danga kal hrang a, kut inthlakna a thleng hi a pawi a an ti a. Kut thlak a nih avanga damdawiina awm Pi Lalpianmawii chu dam taka a lo chhuah leh an duh takzet tih an sawi bawk. Hetih lai hian MZP member, Pi Lalpianmawii kutthlaktu hian a thil tih chu pawl hmalakna piah lama kal hranga ama mimal thiltihin MZP hming a tih hliau avanga pawi a tih avangin MZP-a a nihna atangin 8th July, 2013 khan banna a thehlut nghal a, banna a thehluh chu pawm nghalin a nihna atangin an chawlhtir nghal a ni tih an sawi bawk.
.
Similar Posts:
- Pa ber nawrluihna avangin fapa in a nuhrawn khawih!
- Civil Hospital lakah Sihphir lungawi lo
- Churachandpur ah Mizo tlangval sawisa hlum
- CM in Dawrpui Veng a lo tiam em?
- Jail tang tlanchhuak man leh a behbawm
July 10th, 2013 at 10:13 am
Le, kawmen tan i1a…..
Misual thenkhat thiltih vangin pawi a thleng thin…. a pawi ngawt mai.
Report this comment
July 10th, 2013 at 10:40 am
Khai aaa…
Report this comment
July 10th, 2013 at 11:16 am
Hetiang deuh rawp rawp hi MZP te hian an ching reng reng, hman ata tawh. Tih tak em ah chuan “Pawl hmalakna piahlam” hi thlentir a pawi tilo fo thin reng a ni. Hmannia MZU-a an zuk kal te pawh kha “Pawl hmalakna piahlam” thlentir inhuama che thla an nih duh hmel ve bawk.
MZP hi chu an hnawk lam hret a ni. Thil tha eng eng emaw chu an ti teh meuh mai. Mahse an thil tih tawhte pawh hi, MZP awmlo mahse tute emaw chuan an tih tho hmel.
Report this comment
July 10th, 2013 at 11:54 am
Kut inthlakna hi ka thlawp vang pawh ni lovin MZP hi Mizo mipui hian kan la mamawh a ni. Tihsual palh chu awm thei amaherawh chu thlawptu an la ngah zawk tih a lang reng alawm
Report this comment
July 10th, 2013 at 12:42 pm
Hmeichhe chunga kutthlak urh urh chu mi huaisenlo hna.
He ramah lah hian sorkar nep luat vangin NGO ho an huangtau lulai em em bawk si a.
Engpawh nise, MZP chunga lung awilo chuan FIR te file in dan anga hremna an ngait tur ani.
Public media hmanga demand chu enforce a har phian ang.
Report this comment
July 10th, 2013 at 4:32 pm
Zirlai pawl hruaitu in maw kutthlak a!! Ava rapthlak ve le..a kaihhruai zirlai te tan chuan entawn tur ava van hmel ve..Educated awm khawm ve si an chetdan hi uneducated tih atan pawh a mawilo ni awm lek hian.. kut dawh lah an zak miah lo nia!!!
Report this comment
July 10th, 2013 at 5:25 pm
MZP Thiltih zawng a ni hauh lovang le! Tute-emaw hian remchangah an lo la ang a, an va ti-khaw-baw zo ta mai a ni lo maw le?
Report this comment
July 10th, 2013 at 9:04 pm
Facebook lamah hian ka sawi ve ngam meuh lova, mi(sual) zingah hian ka’n sawi leh mai ang e…
Engatinge, midang kutthlak (a bikin hmeichhe awm nem chungah) an awlsam viau zel thin aw. A pawi tak zet a ni, a phu tawk hremna tawng ngei teh se; zu a rui an ti emaw ni lehnghal..
Report this comment
July 10th, 2013 at 9:14 pm
Pawi khawp mai hmeichhia kutthlak chu sawiloh zuruih hrim hrim hi dan in mizoram ang ah chuan a khap tlat tih hria se a tha zirlai pawl hruaitu ni ve tawh chin chuan.
Report this comment
July 10th, 2013 at 11:41 pm
Engatinge heng MZP hruaitute hming hi tarlan anih ngai reng reng loh le? Police lam hi chuan lo zep pawh ni se Dawrpui khawtlang hruaitute tal hi chuan an thuchhuahah te hi chuan tarlan awm hi ka tia.
Report this comment
July 11th, 2013 at 7:17 am
Kut thlaktute hi ka dem khawp mai.
Report this comment
July 11th, 2013 at 4:11 pm
Thiltha tamtak tih a awm laiin a chhia hi a lo tel ve thin fo reng a ni……….
Report this comment
July 11th, 2013 at 7:01 pm
Ngaihtuahna a va ti thui ve
https://www.facebook.com/groups/mizospecialreport/permalink/681845661842724/
Report this comment
July 11th, 2013 at 7:33 pm
Dan lova che chu dan kengkawhtuten dan angin hrem mai zel sela a tha lawm ni?
Report this comment
July 12th, 2013 at 11:45 am
NTUM in press release an lo siam ve bawk. (source: Special Report)
NTUM IN PI LALPIANMAWII MIZORAM CHHUAHSAN TURIN AN TI:-
Dt.7th July, 2013 zana Dawrpui Veng, Aizawl a cheng Lalpianmawii W/o Nazir Uddin chunga kutthlak ani hi pawi kan ti hle a, amaherawhchu, Lalpianmawii W/o Nazir Uddin mizia leh a thil lo tih tawh dan te ngaihtuahin hetiang thil hi a chungah ala thleng palh ang tih hi kan lo rinlawk thin dan a ni.
Pi.Lalpianmawii leh a pasal Nazir Uddin hian dan lovin Mizoramah sumdawnna an kal pui mai ni lovin, hnamdang (Vai) sumdawngte thurualpuiin ram leilung fate nasa takin an nekchep thin a ni. Dt.21.3.2011 khan dan lova an zawrh kuhva bag 8 leh panhnah tukri 2 mansak an lo ni tawh a, heta thiam an chan theih nan hian Pi Lalpianmawii hian a pasal Nazir Uddin-a fapa Hussain (Mizo hmingin Lalrengpuia an phuah) atan Birth Certificate lem siam sakin Court-ah a lo theh lut tawh a ni. He birth Certificate Reg.No.50 of 95 Date of Issued 21.6.1995 hi a lem ani tih finfiah aniin Economics & Statistics Department Record ah pawh hmuh tur a awm lova, he Birth Certificate diklo chungchangah hian tun thlengin Court ah Pi.Lalpianmawii leh a pasal Nazir Uddin-a te hian thubuai an la nei mek a ni.
Pi.Lalpianmawii leh a pasal Nazir Uddin-a te hi Mizo hnam tana mi hnawksak tak, mizo sumdawngte nekchepa, vai thurualpuia an thlavang hauhsak thin tu an ni a, tuna an chunga thil thleng hi inhmuhchhuah nan a hmanga, an ram a hawng nghal turin National Trade Union of Mizoram (NTUM) General Headquarters chuan kan duh takzet a ni.
sd sd
( R.LALRINAWMA ) ( ZORAMLIANA COLNEY )
President General Secretary
National Trade Union of Mizoram (NTUM), General Headquarter’s
Report this comment
July 12th, 2013 at 6:59 pm
Kutthlak tupa hi a tang lo emmawnle, post a a lan dan hian.
Report this comment