July 1863 chu Gettysburg leh a chhehvel a American civil war lai a mihring nunna hmun khat a channa rapthlak ber a ni. Tun kum, kum 2013 hi chumi kum 150 na denchhenin, khami hmun vel a thil thleng chu a ang thei ang ber a lemchan an tum thu chu chanchinbu chi hrang hrangah tar a ni chiai chuai a. Kei pawh chuan chhiar vein, ka fanu zirlai tan American history a zirna tha tak tur a nih theih ka beisei bakah, hetiang han hmuh ve hrim hrim ka lo chak bawk nen chuan ka chhungte chu hruai ve ngei ka tum ta a ni.
An lemchan (reenactment) hun alo thleng dawn ta a, an program duan dan kan en chian chuan , Gettysburg kiang mai, Hanover hmun a indona nghawng nei thui tak mai chuan ka rilru a lak tlat avangin chutah chuan kal kan tum ta a. Tunkum a reenactor-te hi mi 13,000 lai an tling awm e.
Hanover hmun a an indona hi, “The Battle of Hanover” an ti a. Hemi tum a an indona hian American civil war kha a her danglam tir takmeuh niin historiante chuan an sawi a ni. Maj. Gen J.E.B. Stuart, Confederate cavalry ami chuan, helai hmunah hian Union sipai regiment kal hual a, Gettysburg a Gen. Lee fin tum chuan, fin tum e tilo chuan a bei ta thut mai a. Hanover kawtthlerah te chuan a umlut zel a, an inkap nasa ta mai a ni. Union lam a tangin Brig. Gen. Elon Farmworth-a brigade chuan an rawn bei let ve ta, Gen. Stuart chu an man lek lek ta zawk mai a ni. Hetiang vang hian Gen. Stuart chuan a fin tum, Gen. Lee awm mekna, Gettysburg thlang lam hret, Cashtown Gap an tih a panna chu a kual vak phah ta a. Chumi chuan Gettysburg indona a thil thleng tur a her danglam nasa hle niin historiante chuan an sawi a ni. Gen. Stuart khan an tumsa angin Gen. Lee kha fin hman ta sela chuan Gen. Lee khan Washington thlengin a lak theih mai ring an tam hle. Gettysburg indona an tih mai, Gettysburg leh a chhehvel a July ni 1-3, 1863 khan Union leh Confederate sipai 50,000 vel thiin, American civil war a an thih tamna ber a ni ta a ni.
The Battle of Hanover an chanlemna (reenactment) en tur chuan kan kal ve ta a. Heta an reenactor ho hi historian te, sipai tanglai mekte leh sipai bangte, America ram hmun hrang hrang atanga lokal khawm hlawmte an ni. An lemchan hma hian an camp-ah te kan kal kual a, a hunlai a an khawsak ang theiber turin an theih ang angin engkim an sawngbawl a, a hunlai a chengve ang maiin ngaihtuahna pawh a kal ding thei a ni.
Reenactment an tih tan hmain, historian pakhat chu mipui hmaah lokalin, chulai indo chanchin chu fiah tawi fel takin a sawi a. An tawtawrawt (Union/Confederate) an ham rik dan hmang a sipai an inbiak (signal) dante chu a sawi a, tawtawrawt chu an ham angin a ham zel bawk a. Hmun hrang hrangah chuan civil war lai a an inthuam ang a inthuam a history sawitu leh an sipaite ralthuam te chu hrilhfiahtu an awm zel bawk a, a manhla hle mai.
Ka lak fuh zual deuh nia ka hriat:
Mak ka tih em em mai erawh chu Asian hmel awm ka zawng ka zawng a pakhatmah ka hmu lo. Hetih hunlai a kalkhawmte hi mi 700,000 vel lai niin chhut a ni. Kan chenna khua, Frederick thleng pawhin hotel a khat hneh hle a ni awm e. Gettysburg, PA leh Frederick, MD hi Aizawl leh Saitual aia inhlat a ni ang.
BONUS: 
Ka blog a mi ka rawn puk phei tawp mai 
hairehai 
Similar Posts:
- Gettysburg
- Pawisa hman tawh loh thenkhat!
- US chhung sipai hmuna inkahna rapthlak ber
- Israel Hmeichhe sipai
- Dear Friend!
July 16th, 2013 at 12:00 pm
Kal ve a chakawm hle mai. Civil war reenactment atchilh deuh deuh hi an tam ngawt mai. Khawnglun Run reenactment etc te hi ti ve ta ila.
Report this comment
July 16th, 2013 at 12:36 pm
Aduhi chu min comment khalh ni maw..
Report this comment
July 16th, 2013 at 2:26 pm
Report this comment
July 16th, 2013 at 2:41 pm
Bvt
Report this comment
July 16th, 2013 at 3:00 pm
a pictures ringawt pawh en a man hla ngei mai. Hnampui nge nge chu an lo ropui e.
Report this comment
July 16th, 2013 at 3:54 pm
Sap rama awm nge nge chuan min hlep leh nge nge thin anih hi. Ka en ve chak zawng tak ani mai a. Sapho hian Khawchhakho hi ‘Athuai’ an ti fo thin a, an hmanlai indo dan Film a ka hmuh thin hi chu, ‘At huai’ ka ti ve tho mai. Sipai thuah 10 velin an han in Line put mai a, an han in kah chhawk a, an thlu zawih zawih a, a tlu bang ho, an han pawmchilh ta thin a nia. A atthlak tih chang ka nei fo thin. Mizo history han thlir hian, Pathling ralthuam famkima inthuam, ngam leh ngam, inring sa ve ve a, in nuai hi a vangin ka hria. In lambun, (hit and run) ani tlangpui a, Mi inringlo lai leh ngam tur tih chiang sa beih huk huk lam a tamin ka hria. “Pasalthate ni hnuhnung” C.Lalnunchanga ziah kha a ngaihnawm ka ti khawp mai, amaherawhchu, Thawnthu phuahchawp a lo ni leh bawk si a.
Report this comment
July 16th, 2013 at 4:11 pm
Hmuhnawm rualin ngaihnawm bawk…..
Report this comment
July 16th, 2013 at 4:15 pm
Sakawr tam tak mai, an campna hmun a an han awm mai chu, “It really smells like a horse” Hairehai
Chanchin an han sawi te te a, an han indo tak tak mai kha chu, laipui a ri nasa un un bawk si, lei a nghawr che dup dup mai a, IMax theater a 3D en ang deuh niin ka hria.
Report this comment
July 16th, 2013 at 5:36 pm
Hollywood movies (https://www.novamov.com/video/6hqtot7hubxmj hi ka hmuh phak ve ani mai.
Indona tih hi ram leh ram indo (e.g. Revolutionary War, Crimean War) emaw ram khat chhunga indona (American civil war, English Civil War) tihna lam a kawkin ka hria.
Inchilhna e.g. Battle of Gettysburg, Battle of El Alamein te ang hi chu indona tia koh a rem chiah em ni le?
Report this comment
July 16th, 2013 at 6:15 pm
A ngaihnawm in a hmuhnawm bawk e…
Report this comment
July 16th, 2013 at 6:19 pm
Bucko, ka lawm e
#3
#4
#5
#6
#7 ka lawm e
Thlei bik ka nei miah lo
Report this comment
July 16th, 2013 at 6:53 pm
A pic. a fiah hlawm bawk a, a load rei ngat ngat hle mai. Mit a tlai, beng a var e.
tren tren
Report this comment
July 16th, 2013 at 7:28 pm
“Mizo Model Village” te hi min han dinsak zung zung zawk sela mawle chung sap sendang ho chuan. Hairehai
Report this comment
July 16th, 2013 at 8:01 pm
A ropui dangdai e, thlalak a fiah tha in en a nuam hle mai
Report this comment
July 16th, 2013 at 8:11 pm
An hmuhnawm dawn khi le. En ve a chakawm kher mai.
Report this comment
July 16th, 2013 at 8:56 pm
Kei chu tiang lam hi ka ngaisang teh mai ania, a movie en tur te a awm hial lo maw!
Report this comment
July 16th, 2013 at 9:41 pm
Report this comment
July 16th, 2013 at 10:23 pm
Khitianga lemchan an la peih kumtin chuan a rapthlak em em lo aniang, chuti ni lo se Khmer Rouge ho suahsualzia lantirnan kumtin lem an chang fo ang chu
Report this comment
July 17th, 2013 at 8:12 am
Tukchhuah nuam vek u le
Report this comment
July 17th, 2013 at 9:45 am
A hmuhnawm hlawm hle mai a.
Report this comment
July 17th, 2013 at 9:05 pm
Kan pi ber
https://i.imgur.com/9zQl9KB.jpg
Report this comment
July 18th, 2013 at 10:11 am
A hmuhnawm, bengvarthlak bawk si
Report this comment
July 19th, 2013 at 9:41 am
Phivawk #22
Report this comment