Indona hmunah hian pawimawh ber pakhat chu inbiakpawhna hi a ni awm e. WW1 hunlai khan thirhrui (telegraph) in thû inchah theih mahse, hmalâm chauh thawn theih anih thin avangin indona hmuna awmte tan hmunpui lamah chanchin thawnkir leh a buaithlak thei hle thin awm e. Chutiang anih vang chuan carrier pigeons an tih mai, chanchin inpekchhawn nana an hman parva engemawzat an keng tel thin a ni.
Parva te chuan hna chi hrang hrang an thawk ve thin. A then te chu camera an pai tirin hmelma awmna thla lak nan an chhawr thin bawk!
An hna pawimawh ber erawh chu thu pechhawngtu nih kha a ni. Sipai hotute chuan thu pawimawh tak tawite an ziah chu parva keah bawm te taktea khungin an chhuah ta thin a, chutiang chuan an hmunpui lam leh indona hmun ami te chuan chinchang an inhrilh tawn thin.
America pawhin France pui turin sipai engemaw zat a thawn a. Hetah hian United States piantirh atanga lo awm tawh, unit pawimawh tak mai, U.S. Army Signal Corps. pawh an tel ve a ni. Anni ho chuan parva 600 lai mai, British sava khawitu ten an pek, thu kenchhawn dân an zirtir tawh chu an keng tel a. WW1 indo tawpna ber, Meuse-Argonneah, Verdun bialah khan parva 442 lai hman anni nghe nghe.
Chutiang parva an chhawr zingah chuan lar fal bik nalh a awm a, ahming chu Cher Ami (French – Dear friend) chu a ni. Cher Ami hi 1918 kum tawp lamah khan vawi 12 lai hetiang thu paiwmawh hi pe kualin a buai ve a. Mahse, heng zawng zawngah hian a pawimawh ber chu October 4, 1918 ami kha a ni awm e.
Major Charles Whittlesey (lawyer hlui) leh a hote, 77th Infantry Division, an dâr a Statue of Liberty lem an bel vanga “The Liberty Division” an tih mai te chu German hoin an hualbet vek tawh a. October 3, 1918 ah phei chuan nikhatah mi 500 atangin mi hliam neilo 200 ah an tlahniam hman a ni. Major Whittlesey chuan parva engemaw zat thawn chhuak tawh mahse, German hoin an hriat ve kar avang chuan an lo kapthla hmiah hmiah zel mai si. An hotu te lahin an awmna chiah an hriat loh avang chuan an puih tumna lamah an mahni awmna chu laipuiin an rawn sai/kap ta chiam mai a.
A tuk alo thlen chuan parva pakhat Cher Ami chiah an nei ta. Chutah, Cher Ami ke veilamah chuan thu tawite pawimawh em em mai a ziah chu a bur te (canister) hmang chuan a vuah ta ran a. Chu thu tawite chu, “276.4. hrulah chiah kan awm, kan laipui ten min kap mek, tawp vat rawh se,”
“We are along the road parallel to 276.4.
“Our own artillery is dropping a barrage directly on us.
“For heaven’s sake, stop it.” tih a ni.
Cher Ami chu an thlawk chhuak tan ta tih chuan German ho chuan kahthlak an lo tum leh ngei a. Ani pawh chu an kapthla dawn emaw tih turin a awm thin nangin, a thla chu a zap leh vat vat a van lamah sang tak, an kah phak lovah a thlawk chho thei ta a ni. American sipai te beiseina neih chhun chu a him ta!
Cher Ami chuan mel 25 chu minute 25 lek chhungin a thlawk thleng ta a, an tirhna hmun a thlen chuan thlawk thei ani tawh lova, zangthalin a tlu lut a. A mit lehlam an lo kahdel sak a, a ke veilam chu a vun chete hian alo la khai ve ve chauh alo ni a, a lainat awm hle mai. Chutiang chuan Cher Ami chuan American 200 bawr vel nunna chu a chhanhim ta a ni.
Cher Ami chu French sawrkar chuan huaisen lawmman Croix de guerre palm hnah chuang ngei mai chu an hlan a, American General, John J. Pershing pawhin silver medal a hlan bawk a ni. A hliam te chu theih tawpin an enkawl saka, thingin kelem an siam sak ta bawk a. June 13, 1919 ah chuan a hliam nasa tak te tuar lovin Cher Ami chu a thi ta a ni. Tunah hian National Museum of American History, Smithsonian Institution, Washington, D.C. ah Cher Ami hi tlawhtu ngah tak niin hmuh theihin an la dah reng nghe nghe a ni.
NB: Cher Ami pual hian hla leh poem te pawh phuah a awm nual.
Chhiar belh duh tan:
https://www.homeofheroes.com/wings/part1/3b_cherami.html
Similar Posts:
- Dangdai!
- Pawl rilru (Denominationalism)
- Parva sa
- Sawmfang hmun mawi
- Thau leh chêr lutuk hriattheih dan
April 8th, 2011 at 1:30 pm
Alo n1h hi.
April 8th, 2011 at 1:36 pm
Pu HV, tiang parva hi ka duh ve, lei tur min lo zawn ve, chuan ka cellphone hi ka hralh anga ka lei ang, ka duh daih zawk, a romantic dn tlat SMS aiin 😀
A van tha em, goooddd post!!!!!!!!!! (Y)
April 8th, 2011 at 1:38 pm
Engtin tak khawi fing thin ang maw.. (Y) (Y)
Kabutar ja ja.. 😛 😛
April 8th, 2011 at 1:41 pm
E khai Parva ropui tak anih hi. Mahni duty ngeiah pawh rinawm lo leh zawmthaw taka khawsa mihring zingah pawh an tam laiin Cher Ami chuan a tihtur dik tak a hrechiang hle mai! Pasaltha a tling e(Y)
April 8th, 2011 at 1:44 pm
thil mak deuh2 hi a tam a…
April 8th, 2011 at 1:48 pm
Va mak e. Ngaihnawm hle mai.
OT lawk ngatinge ka post a rawn chhuah theih loh. Pending-column-ah ka hmu tawh bawk si lo. Ka vawi hnih post-na a ni tawh- Admin.te hian min paihsak nge aw-a thupui chu ‘Nula Senior’ tih a nia. ‘Mine’ column-ah awm tho bawk si a. Nge lo la chhuak lo ve hrim hrim pawh ka hre lo ve.
April 8th, 2011 at 1:57 pm
Morse Code ti tur pawhin thloh an tangkai lo’ng maw?
April 8th, 2011 at 1:59 pm
van ngaihnawm,khawngaihthlak,tuarchhel,tumruh reuh e…
April 8th, 2011 at 2:01 pm
(Y) Mizo parva chu ni se an khawi mawl hlum top ang! Mahni fa te ngei2 po an be mawl zo vek zel aniah! 🙁
April 8th, 2011 at 2:02 pm
funny kha parva lam timi a nih kha. Engnge a ngaihdan te???
April 8th, 2011 at 2:04 pm
@Jewel ka lo leng. 😀
April 8th, 2011 at 2:06 pm
@Aryan ka hmu tepss. . . (H)
April 8th, 2011 at 2:07 pm
hahaha: morse code in comment ang u.
.–. ..- … …. .- ..: Hmanni sial lu kha uluk deuhin a thla lo la hman la tha tur aw.
April 8th, 2011 at 2:08 pm
hawrawp awm dan hi a mak luttuk. In ni ve em?
April 8th, 2011 at 2:11 pm
Jewel, ka vahui pek che kha i khawi mawl ami… va zia lo ve
April 8th, 2011 at 2:12 pm
hahaha: morse code in “pu shai” tih ka rawn ziak anih kha. ka ziah dan hi a dik leh dikloh ka hre chianglo.
April 8th, 2011 at 2:12 pm
ila meng chiang lo aniang shailendra! 😀
Parva te chu Funny mizo hming ani lomni? 😀
@Lersia aw 🙂
April 8th, 2011 at 2:14 pm
funny, Electric veng Sial lianber postah khan sial thla chu a awm kha.
April 8th, 2011 at 2:15 pm
Fonz, ka khawi mawl lo nasa..nang ai chuan a fing feee to jok ang! lolzzzz
April 8th, 2011 at 2:20 pm
19, there you go..atta girl.
April 8th, 2011 at 2:28 pm
A van tha reuh e,chawimawi phu ber pawl chu a nih hi le
April 8th, 2011 at 2:34 pm
Project PiGeon: In hre tawh emaw!
Missile Guidance Systems hmasa ber tura an duan pawh kha Parva tho asin. Bawm chhungah khungin thil an chhinchhiah tir a, an chhun han kha a chuk zat zat ta thin a…. a thiam chian hunah bomb lem chhungah lawnglem lang theiin an khung leh a, bomb thlawh khawi dan a zirin lawng awmna zawn hlir kha a chuk ta kauh kauh mai a (Sava hmuiah khan thir an dah a, khami leh a thil chuk tur ah khan in react thei an dah a) lawng lem alan dawn loh apiangin a chuk sawn in a ti nghil thin a ni. Hemi hi an thiam viau hnu chuan lawng tak takah an test hmain sava bomb lian tawk hruai ngil tur a an zirtir chhung hian huna duh viau mai. A thu hrimah thil hmanhmawh thlak anih tawh avangin a buaipui chhung a rei lutuk chu an thulh phah ta a ni.
April 8th, 2011 at 2:35 pm
#22 http://en.wikipedia.org/wiki/Project_Pigeon
April 8th, 2011 at 2:35 pm
Jewel chu fb atangin an rawn pet chhuak a ni mauh…
April 8th, 2011 at 2:36 pm
pu shai ka hmu thei hram e. Thanks. A ki hi lawi ki angin a kual ve ruih lo anih hi mawle. Ka sial lu ruhro hmuh ki chu a kual ruih mai.
April 8th, 2011 at 2:41 pm
Bengvar thlak hle mai.
April 8th, 2011 at 2:45 pm
muante & shai leh midang 😀 #22 leh #23 khi in hmu em? 🙂
April 8th, 2011 at 2:49 pm
Parva hi mexican drug smuggler ho pawh hian an hmang thin.
April 8th, 2011 at 2:50 pm
ka hriat sual loh chuan parva hman hi India atanga originate ani in ka hria. Ka chianglo mahse 😀
April 8th, 2011 at 2:52 pm
Ka rilru a khawih lutuk. :-S ;-(
April 8th, 2011 at 2:54 pm
29, i chiang lo bawk a, a diklo
April 8th, 2011 at 3:03 pm
#31 china zawk alo nih hi mawle 😀 😀
April 8th, 2011 at 3:11 pm
Parva hmang tangkai tu, Liberty Division ho movie pahnih lek ( part tam takin an then a Youtube ah hian a awm):
An hual bet ta!:
http://youtu.be/H0sfmgV-Lzo
An pawl lamin laipuiin an rawn kap, Cher Ami an tir ta:
http://youtu.be/1FL5HGUgInI
April 8th, 2011 at 3:16 pm
Homing Pigeon chauh an hman theih ani lawmi, pigeon hrim hrim an hman theih emawni le 😉 American Government issued aka Joe ho chu an va vannei em, SS hoin lo hlap nek sela ni tur …lewll..
April 8th, 2011 at 3:18 pm
Mit pet chuak bok lo o shailendra! (N)
April 8th, 2011 at 3:21 pm
32, Aigupta ho in emaw homing pigeon hmang hmasa ber ka lo tia, china alo ni daih anih chu mawle.
April 8th, 2011 at 3:27 pm
chhangte_ll #34 Parva (pigeon) an zirtir (trained) hnu kha homing pigeon tih anni e.
April 8th, 2011 at 3:28 pm
#37 WW1 ah SS an awm leu 😛 🙂 😉
April 8th, 2011 at 3:28 pm
A lo ni maw? Ngaihnawm hle mai (Y)
April 8th, 2011 at 3:29 pm
#38 khi 34 ka tihna 😛
April 8th, 2011 at 3:33 pm
nice post.
tunhnai i post pali velah thlûkna i hmang diklo ve ziah.
April 8th, 2011 at 3:43 pm
#41 hmanhmawh type anih khi… hun dangah kalo uluk deuh dawn nia, hman chuan. 🙂
April 8th, 2011 at 3:46 pm
#41 leh lawk: “Thirhruiin thû inchah theih mahse,”tih khi a ni em? Anih chuan a dikin ka hria. Thirhruiin tih erawh khi chu inzawm awm tak a niin ka hria. 🙂 😉
April 8th, 2011 at 3:51 pm
@HV, i soi thlenglo ciah2. ”hmalâm chiah thawn theih” hmalâm?? Hmalam?
April 8th, 2011 at 3:52 pm
Thlukna awm tur emaw ka tia lawm, i chiang chiah maw hairehai. I sawi chian ngam bal chuan nidangah kalo hmang tawh dawnlo nia 🙂
April 8th, 2011 at 3:56 pm
hman loh tur, tih hi chiang takin ka ‘hre thawi’ tawh! 😀
HMALAM i tih hi forward/front i soina anih ka ring ngot a? If yes, aw, hman loh tur.
April 8th, 2011 at 10:27 am
@ReMpY_ScisSoR: Engtik atangin nge Mizo tawng Mafia zingah i tel ve a.
Sandman a hi lo zirtir ve tawh teh 
April 8th, 2011 at 10:30 am
ReMpY_ScisSoR #46 Mi ten lam thluk lo mahse, kei chuan ka thluk duai thin sia hairehai
Kalo hre tawh dawn nia, Thang Khiu
April 8th, 2011 at 10:31 am
@vaiva, hmang diklo reng ho ah poh enliam mai2 tur chi hi an om ve a…e.g sandman
no excuse! 
pu HV a hi chu, a zo treng2 bok a,
April 8th, 2011 at 10:40 am
#49
April 8th, 2011 at 4:33 pm
A va bengvarthlak leh ve le. Ka hriatna a pung leh ta.
April 8th, 2011 at 4:40 pm
Pathian thhil rel dan hi hriatchian a va’n dawl tak em!
April 8th, 2011 at 6:33 pm
A ngaihnawm hle mai.. Ka chhiar laiin ka lo tran/trang ltk a, ka mûr sung sung mai
April 8th, 2011 at 8:30 pm
Dawntisei tak tak tak hi i post a,khawngaihthlakawm bawk si,chhiar a man hle mai,Tualvungi ko tu Vahui te pawh min ti hrechhuak e.Post tha thei bawk a.
April 8th, 2011 at 9:36 pm
A ngaihnawm hle mai. Pu vangchhia nge nge,tha thang bawk a
April 9th, 2011 at 9:09 am
HV i post hi a tha thei lutuk..I Pi nih hi nuam thei ham ham tak a ni…Mahni inchhunga First Lady Hian ka tan full che a nih ber hi..Ve ngal mai a…
