– H.zate
“Kan la mawl tluang zel e” – Pu muanpuia 5:5
He thu ziak tur hian ka tling tawk ka ti lo a, ṭha ka inti tâwk bawk heklo. Fel famkimlo hringmi leng kan nih hi tih vang ngawt a ziak lah ka ni heklo. Amaher… kan Ram, khawtlawng leh kan dinhmun hian a khawngtlu ta em a, a ziaktura ka ngaihten an ziak duh bawk silo , tlinglo tak chungin ka han thairang ve ta mai ani. Kan thupui hi kan hre fo tawh anga, mahse, kan chang thlan Pu Muanpuia 5:5 khi chu Vengthar Middle School, Thingdawl chhuak ngat lo tan chuan hriat a har khawp ang le. A tirlam a ṭhat chuan a chanve zo tlukah ngaiin ṭan kan la nasa em em ṭhin a, kum thar a han ni phei chu zingah hmatakah kan tho a, January Ni khatna hi chu ṭha taka hman kan tum hram hram ṭhin. Engdang vang niloin “A Bul Ṭan Ṭhat a Zatve/Zahve Zo”tih thu hian min hneh tlat vang ani.
Kan Ram ah hian zirna In tamtak a awm a, kan Fa te kan han zirtir a, Nu leh Pa ten an theihtawp bakah abâ telin an fate thiamloh hlauin an bei a, zirnain ṭha leh an tlin tawk zel a ṭha ah an dah ṭhin. A bul ṭanṭhat a zatve zo tih thupuia hmangtute hian a bulk an ṭan ṭha meuh em? Lamkhuang kawlej a ṭanin Midil Sikul ah kan dah leh a, chutah, Hai Sikul a ṭangin Pawl Sawm, hmanlai a hlutak maia Meṭik anlo tih ṭhin chu. Meṭik chu an han pas ta nge nge a, kan khua, intih changkang satliah, mahni neih phak baka inchei,midangte mila in herrem thiam tak, hmun dang aṭanga awfisar lo awmte mil zel a in her rem ṭhin te khua ah hian Meṭik chunglam chu zuk han awm tawh tlatlo pek a.
Neihlungkhawngin Nu leh Pa ten anfate khawpui ah an thawn leh ta a, Sikul ṭha ah kan han ti kher bawk a, chutah zawng, an sabjek alo inthlau tawh a, Nikhata darkhat thum dawn châwllâwk ṭhin leh, Lamkhuang kunga lawn hnem hnem pas mai te, tu emaw hrik en emaw, tengtere kunga lawn zing zing in pas tirna sikul a ṭanga zir chhuak ve ngat tan chuan a buaithlak deuh tawh ani mahna, midil ah an kiam a, Hai Sikul ah an kiam leh a, Sekhawndari ah kiam leh in Kawlej ah phei chuan Kutṭang zat chauh an awm tawh ṭhin. Hetianga kan tih a, sikul ṭhalo a bulṭan a a tawp tihṭhat hi chu in ban a tan a Mau hmanga a chunga Cement a chhun ang vel ani ang. Chutianga kan tih chuan kan ban hman chuan a zawh I ring em? He thil hi Nu leh Pa thiamlo ka ti miahlo, mahse, Sawrkarin thiamtawk tura a ngaih, an hnathawh phuloa hlawh a pekho hian an hlawh hmuhchhan hna anthawh ṭhin loh vang ani. Mahni hna thawkloin nuam an chen a, Nu leh Pa tamtakin Thlansaphul kai a Hling leh Buar kara hna thawk a anfate chunga beiseina sangtak anneih lai hian anfate chuan FAI-LED mai an hlawhchhuak tawh si a, mahni fate chu sawiloh, chhiahhlawhte pawh an kal tir duhlohna tur khawp a chhe rapthlakin sikul an enkawl a, Mi tamtak hmakhaw siamtu leh dintu anni tih an inhre silo.
An pawimawh zia hi zawng han hria se, an zirlaite hi chawlhlawk rei deuh deuh pek tawhloh chu sawiloh, Sawrkar chawlhah pawh sikul an kalpui duh hial ang maw le. Pawl Sawm kan nih lai khan, Social Science zirtirtu pathum ( Geography, economics, leh History)kan nei a, vawikhat chu kan History zirtirtu hnenah Guide Book ( Bazar Nawt) lei kan tum thu leh eng ang nge lei ila ṭha ber ang tiin kan râwn chhhin a, ani a ngaihdan alo ni awkawnglo mai a, a ṭhiante, social science zirtirtute chu ko in kan hmaah an dingtlar pêt pâwt a, “Hei, in hmaah NVS ( Navodaya Vidyalaya Samiti)in Guide ṭha ber a a ngaih te kan awm a, eng guide nge inla mamawh a, induh chuan lei rawh u, mahse, in lei anih chuan keini hi min zawt thei tawhlo ang” a ti mauh mai a, han lei ngamna chi ani tawhlo reng reng. Keini nen chuan an in anglo khawp mai. Hman deuh khan Kolasip a kal Pawl Sarih zirlai naupang pakhat chu an zirtirtu ten Mizo Guide Book nen lam an lei tir maw le..Kan La Mawl Tlaung zel e…. Pu Muanpuia khan “Lamkhuang lo zing zing leh, Tetere Kung lawn zing zing te, a lian tawh em mai tih vang ringawt te in an rawn thawnchho ringawt che u a, Mihring nilo Mihring ah chhuah kan tum che u a, a buaithlak deuh ani “a ti ṭhin.
A hunlai chuan nuihzatthlak ani ṭhin a, mahse, tun hnu a ka han ngaihtuah leh hian nuihna tur a awmlo tak zet hi alo ni a. an thiam vang niloa, duhsak vang emaw, an lian tawh em mai tih vang ngawt a pas tir mai kha chu a ziktluak zân lo ani. Chutah, nitin kan thupui a han ziak a, a tirah chuan ”kan mawl” tih te, “kan chhah” tih te ani a, a tawp lamah chuan “kan la mawl tluang zel e” tih ani tawh ṭhin. Pu Muanpuia hi pa ṭha tak ani ka ti hauhloa, mahse, Pa Ṭha ve pangai chu ani. Midil kan kal lai khan a fanu, Nunengi (Pu Zauva Nupui) hi a kaltir ve tlat, a chhan a sawi fo ṭhin. Ka thawhna sikul chu ka fate kalna a tan a ka duh leh ka fate tan pawha kalna tlakin ka siam tur ani ati ṭhin. Ani lah taka, Vengthar Midil Sikul hungchhung hi a bal emaw a hnim lai ihmu ngailo ang. Tin, zirna lamah pawh kan rualawt ngailo. Mak hi ka ti ṭhin, tunlai ang, Klik Khawvel ( Click World) ah kan chen tawh hnu pawh hian Sawrkar Sikul Primary School Naupang dar kua leh a chanve a kalkawnga la awm hi ka hmufo mai “in tlai ngailo ami?” Ti a ka zawh chuan, “teuhlo” tiin min chhang mai ṭhin. a bul chu kan ṭan ṭhalo tawh phawt a, a zatve kan zo ang em? Awi karei, Kan La mawl tluang zel E….
Ni 1 July 2013, Thawṭanni,..
Lenruolkhawvel.wordpress.com
Similar Posts:
- Sikul kan inkaltirna te hi an tha tawk em?
- Looking for colleges in Bangalore?
- Zirna tha kan tih hi..
- Mizo ṭawng ṭhenkhat
- I hlu tawk e
July 18th, 2013 at 8:15 pm
a bul tran thrat hi poimawh reng a ni….
Report this comment
July 18th, 2013 at 9:45 pm
A bul tan that aichuan a tawp khar that a pawimawh zawk. Chinese proverbs chuan, “How bad or how worst you start your life, if the ending is good It’s Okay” an ti. A dik zawk fu lo maw? A laklawh tawkah chiah kan zo fel thin a, a hlu lo fo.
Report this comment
July 18th, 2013 at 10:06 pm
Report this comment
July 19th, 2013 at 5:17 am
Hmanah thing kan phurh tumin, kan thing tan tum kha a lo khirh deuh avangin ka nau hruai pakhat chuan, “Hmun dangah sat mai ang, bul tan that chu a zatve zo tluk a nih kha,” a ti. A awmzia a hre vak lo.
Bazar note chungchangah hi chuan high school kan kal laiin kan science teacher pakhat chuan kan bazar note bu ami ang loa kan chhan emaw chutiang bu anga kan chhang a nih pawhin hawrawp pakhat pawh diklo lo awm se, kan mark chu zero a ni mai. Zirna tha chu a puakchhuah hmel loh khawp mai. Tawng khawlo ni suh se, a thi hma ta hlauh a, a tihzia angreng.
Report this comment
July 19th, 2013 at 7:59 am
A bul tan that hi chu kum tam tak pawh liam leh mah se, a pawimawh reng. Tin, kum tam tak pawh liam leh mah se, a tawp khar that pawh hi a pawimawh reng bawk ang. Dik fu lo maw?
Report this comment
July 19th, 2013 at 9:41 am
A bul tanna (inthlahrung aw, in ngaitlawm etc.) bak khi chu ngaihnawm ka tih tlat pek chu.
Report this comment
July 19th, 2013 at 1:09 pm
a pawimawh hle mai
Report this comment
July 19th, 2013 at 8:06 pm
Post tha tak a ni, zirtirtu zawng zawng chhiarah ka it mang e. Tin, kan ramah zirna sumdawnna a tana kan hmang nasa ta lutuk pawh hi a veiawm khawp mai.
Ka fate kalna tlakin ka zirtir thin a, an kal theih chhung chu kan sikulah ka kal tir ve tlat. An kal zawmna sikulah pawh zahpuiawm lo pawl tak chu an ni chho ve zel e. (ve tlat mai a
)
tren tren
Report this comment
July 20th, 2013 at 7:53 am
Zo taka ziah I tum a,’Kawlej’ I ti leh tat bawk sia.
Mihring chher na’n a zirna in hi hman ve a hun tawh e. Aizawl school thar tam tak te hi chuan biz pakhat ve ang maiin an ngai thin niin ka hria. A lungchhiat thlak.
Report this comment
July 21st, 2013 at 10:41 pm
lamji 9, nia… ka hre mailo a,,, tihianziak ta lawm,,
Report this comment