mi(sual).com

PHENGPHEHLEP

Vawikhat chu Hrangbana College a 1989 kum a PU 1st year kan nih kum (morning ala nia), Chaltlang lam atang hian a rawn var khat thla mup mup mai a, phengphehlep var pawdal riai mai inches khat vel a lian rual pem tur hi an lo nia, nileng in Aizawl hi an dap chhuak vek a ni ber mai. An tam mep mep in a ropui ngei mai. Hmunawm tak a ni.

Kan en liam mai mai PHENGPHEHLEP te hi chanchin an lo ngah ve khawp mai. Insects zing ami ni in Lepidopetra an tih zing ami an ni a; Greek tawng atanga lak ni in ‘Scaly wings’ tihna a ni. An thla te hi scales an tih, thil sin te te inphan atanga insiam a ni a, chu chuan an tial dan ze mawi tak hi a siam ta a ni. A rawng thim lam tel te hian nisa hip in, an taksa vawng lum tu a ni bawk. Phengphehlep te hi an thisen a daih avangin an taksa lumna amahin a insiam thei lo va; tin, an taksa lumna hi 86 degrees Fahrenheit ai a a hniam chuan an thlawk kang thei miah lo bawk.

Khawvel ah hian phengphehlep hi chi hrang 20,000 vel bawr an awm a, Antartica tih lohvah chuan khawvel hmuntin ah hmuh tur an awm a ni. An dam chhung hian a tui, pangang, buhchium chuan phengphelep ah an in thlak kual thin a, chu chu metamorphosis an ti. A tui atanga an rawn keu va pangang an rawn nih hian thil an ei char char mai a, an ei nasa lutuk a an vun hi vawi 4 – 5 vel a inlip hman a; tichuan, buhchium ah emaw cocoon ah emawah an lo chang ta thin a ni. Hetia buhchium emaw cocoon ah emaw an chan hian an taksa chu a insiam danglam nghal char char a, thla te a lo insiam a, phengphhehlep ah an lo chang ta thin a ni. Hetia an in thlak kual lai hi a then chu kar tlemte a ni a, thenkhat erawh chu a kum a kum te a ni thung. An dam hun chhung hi chaw zawn nan leh an hmelma te laka inhum nan an hmangral a ni tawp mai. An ka hi dawt sei tak inkual thei a ni a, chumi chuan pangpar zu an dawt thin.

Phengphehlep te hi tur nei chi an awm ve tlat mai. A rawng lar tak ho hi an ni tlangpui a, an rawng lar pawh hi an hmelma te hnena an warning ve; ‘min ei suh tur ka nei,’ an tih ve na anih laiin tur neilo chi te chuan a tur nei te rawng leh tial dan ang hi an lo la chhawng ve fo bawk thin a ni. Henglaiah pawh kan hmuh tam em em ‘Monarch butterfly’ an tih, a sen leh a eng a tial, a thla ki tlang dum deuh ho hi khaw vawt ah an khawsak theihloh avangin mel sang tam tak a hla a ram lum lam pan in an pem ve thin a; Canada atanga Mexico thleng te thlasikah an pem a, tichuan, favangah California lam ah te an pem leh a, chutiang chuan sik leh sa inthlak ang zel in an pem kuala an tui pah bawk thin a ni.

Heng  phengphehlep tereuh tete te hi 20 mph a chak in an thlawk thei a, 10000 ft a sang ah an thlawk thei bawk. Pengphehlep te hi teruhte inches chanve chanveleh aia te atanga 10 inches thleng a lian pawh an awm thei. Tin, rawng sen, rawng hring leh rawng eng an thliar hrang thei bawk. Thenkhat te chu a puitling ni tur hian kum 7 lai te pawh duh an awm bawk. Pangpar zu a ruih theih chi an dawt hian an rui ve thei tlat mai a, thlawk tha theilo hial khawp te pawh in an rui ve thin a ni.

Phengphehlep te hi mihring nen te nen hian inanna kan nei hauh lo emaw kan ti maithei a mahse a lo ni hauh lo mai a. Kan sawi tawh ang khan an rawn piang chhuak hi phengphehlep pangang a chang tur chuan kawng hrang hrang a an in thlak kual angai ve tlat mai a. A tui atangin a pangnagah, chutah cocoon ah chutah phengphehlep ah an lo chang chauh thin a ni a. Mihring te pawh hi kan lo piang chhuak phat hi Eden bawhchhiatna sual avanga  sual sa a piang, kan ni hrim hrim mai a. Chatuan nunna chang tur chuan phengphehlep tui pangngah a lo in thlak danglam ang hian mihring te pawh hi tih danglam kan nih a kan pianthar a ngai mauh mai. Keimahni mihring thatna ringawt hi chu a lo duhtawk teh chiam lo ni tur a ni, engkima that felfai tum pharisai te hotu Nikodema pawh khan chhandama a awm theihna turin enge a tih tur a zawh khan Lal Isua khan, “ I piangthar tur a ni..” a ti tlat mai a.

Phengphehlep pawh a tui panganga a rawn chan hian pangang chu phengphehlep ah a chang nghal phawt lo a, ala cocoon ve leh te te phawt angai ang hian mihring te pawh hi kan pianthar hian nun thar a kan nun a ringtu nun, Lal Isua hnung zui tu nun a kan nun phawt angai ve leh tlat mai. Chuti ni lova, ‘Lal Isuan Kraws lerah min chhandam tawh,’ kan tih a A duhdan a kan nun si loh chuan mitin kan thil tih ang zel a relsak a kan awm hunah khan van rorelna hmaah hian kan tling zo hauh lo ang le.  Tichuan pangang chu cocoon ah rei fe a awm hnu ah phengphehlep mawi takah a rawn piangchhuak ta thin ang hian mihring te pawh hi  kan pianthar phawt a, chutah ringtu nun a Lal Isua duhdana kan nun hnuah kan thih hnu in chatuana nunna mawi tak mai chu kan chang dawn a lo ni zawk a ni.

Tin, phengphehlep te hian rawng chi hrang hrang te an thliar hrang thei, pangpar zu nei leh nei lo te an thliar hang thei ang hian mihring te pawh hi Pathian in min siam danah hian thil thal leh tha lo te mahni thu a thliar hrang thei tur hian min lo siam vek mai a. Keimahni chhia leh tha hriatna ngei a manin thlarau nun thleng a duh thlang thei turin Pathian hian min lo siam vek mai a, chu chu ani, “I thu chuan thiam a chantir ang che a , i thu vek chuan thiamlo a chantir ang che”(Matt 12:37) a lo tih chu. Tin, tur nei leh nei lo te, mawi deuh leh mawi lo deuh te, te deuh leh lian deuh te an awm ang hian mihring te pawh hi sual deuh leh sual lo deuh te, rilru tha deuh leh chhe deuh te, lian deuh leh te deuh te, (hmeltha deuh kan awm a, hmelchhe deuh te in awm bawka..wehehe) chutiang chuan kan lo awm hrang ve leh theuh mai a, Mahse phengphehlep tui phengphehlep bawk a rawn chang tur chuan a danglama a rawn inthlak kual angai ang chiah hian kan sawi tak ang khan mihring te pawh a hmaa Pathian nena kan inzawmna chat tawh suih zawm a, chatuan nunna nei tur chuan kan danglam a lo ngai ve reng mai alo ni…

Chatuan nunna chang turin i hringnun hi i sawi danglam ve dawn nge, chang zo lovin i in cocoon kumkhua mai dawn??? Nangma duhthlanna ngei a ni e…..

BigDaddy Hmahmatea

(R.Lalhmangaiha)

Kulikawn

Similar Posts:

• Phengphelep Piangsual
• Some of my works – I
• Chawhpawlh Picture tlem a zawng
• Thitin Phengphehlep
• Because he Lives (Easter Sunday Pual)

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Thursday, August 8th, 2013 at 5:19 pm and is filed under Whatever. You can follow any responses to this entry through the RSS 2.0 feed. You can leave a response, or trackback from your own site.