Kumin March ni 11 ah khan Mizoram Direct Marketing Limited chu Companies Act 1956 hmangin Mizoram sawrkar hnuaia Industries Dept Principal Secretary, Pu PC Lallawmsanga IPS chuan a hawng a. Website ah a lem a kan hmuh ang in www.mizodirect.mizoram.gov.in/ ah sawrkar official website angin tlangzarh a ni bawk a.
He company hian Chennai-based RMP Infotec Pvt Ltd leh Mizorm sawrkar inremna nikum December ni 12, 2012 khan MoU signed puiin Mizoram Direct Marketing Ltd leh Mizo Lifestyle Marketing Pvt Ltd leh Mizoram sawrkar chu March 13, 2O13 khan licence agreement signed pui angin a thang a. Kan hriatthiam dan ber chuan chiahpuam an tih ang kha a ni.
Mizoram Direct Marketing Limited chu formal takin July ni 16, 2013 ah Kolkata a Science City Auditorium ah launched a ni a. Hetah hian Pu Lallawmsanga pawh hi a tel nghe nghe a. Pi L Tochhawng, Chief Secretary sawi dan chuan kal lo tur a tih a nih hnuah thuawih lo in a kal lui ta a ni.
Mizoramah kan hriat lar hmain vairam lamah an lo chhui nghal a. Sawrkar website a ni bawk si a. Corporate Fraud Watch phei chuan Mizoram sawrkar hnenah a nihna diktak July ni 12 khan zawhna an pe nghe nghe a. Kerala lam phei chuan TV ah Governor hming meuh a chuan avangin an chhuah ta chuai chuai a. Tichuan August ni 2 khan sawrkar chuan official in Mizoram sawrkar siam company a nih loh thu leh thil tisualtu te chungah na tak a action lak a nih tur thu puan a ni ta a. An company website pawh chu lakthlak a ni ta a ni.
Hetia national news a lo nih takah chuan Mizoram sawrkar chuan na taka action lak a tiam a. Hei thla a liam leh mai dawn a. Pu Lallawmsanga chauh lo pawh, Company directors pahnih – Teresy Vanlalhruaii leh Lalbiakthanga Chhakchhuak chungah action lak a nih tur thu a chhuah nghe nghe a nih kha.
Chuti a nih lai chuan kan Mizoram lam news ah chuan hmuh tur a awm chuang lem lo a. NDTV, Indian Express ah te a lang chuai chuai a….. tun dinhmunah sawrkar hian hma a la tawh em le???
Heng te hi lo in zawt rawh…
1. Pu PC Lallawmsanga hian ama thu in a ti satliah a ni lo a, Pi L Tochhawng, CS in a warned thlap hnuah a ti lui tih na a ni a. Dan a bawhchhe phawt.
2. Mizoram sawrkar website domain name hmang a site launched a nih khan midang tam tak pawh an involve rin a ni a. NIC leh ZENICS pawh hian sawi tur an neih ngei a rinawm. Sawrkarin a hriatpui miau si lo a.
3. Engvang a kan media te hi ngawitlat nge an nih le???
Source:
1. https://www.ndtv.com/article/india/mizoram-government-disowns-company-claiming-to-be-a-government-undertaking-400220
2. https://www.indianexpress.com/news/mizoram-industries-secretary-puts-govt-tag-on-own-company-signs-deal-with-another-firm/1150150/
3. https://corporatefraudswatch.blogspot.in/2013/07/mizodirect-website-contains-many.html
4. Youtube a video en duh tan .. https://www.youtube.com/watch?v=kmM6SjRuquA
Similar Posts:
- Chiahpuam Part II (Sawrkar hian hmalakna a nei tawh em?)
- Burma mi Mizoram atangin hnawtchhuak
- Ka idol!
- MSA’s new website
- Assassination of Benazir Bhutto
August 12th, 2013 at 8:49 am
Eheu, he post chu a chhhuak nawn leh ta elo? Post tha tak a ni chek ang.
Report this comment
August 12th, 2013 at 10:21 am
Thil tak tak sawi dawn hi chuan kan reh leh duk zel……!!
Report this comment
August 12th, 2013 at 3:32 pm
Nakinah ka chhiar ang….
Report this comment
August 12th, 2013 at 6:55 pm
Ka pea-sized intelligence hian hetiang thupui deuh hi chu a man fuh pha chiah thin lova (honestly speaking), thil tak tak sawi dawn chuan kan reh leh duk zel tih react nan khian kan lang ve zuai a ni e. Thil diklo ti an awm phawt chuan hrem mawlh rawh se.
Mizoram media hi chu i beisei sang rih vak lovang u…. Rilru a na thlawn e.
Report this comment
August 12th, 2013 at 10:48 pm
Post bengvarthlak tak ani. Kan mithiam rualte khan comment han pe teh u. Keini ang ak zat hnih hnuai lam chuan kan comment pha lo ni berin ka hria. In comment ngaihnawm tak chhiar turin kan lo nghak e
Report this comment
August 12th, 2013 at 11:05 pm
Report this comment
August 12th, 2013 at 11:56 pm
Hei zet chu a v amak nawn awn awn ve. In lo comment teuh tawh si a, han remove leh ngawt chi bawk si lo a. Admin ten thahnem an ngai a niang ti mai ang u. Post hmasa kha keima chhuah a nia, comment hetah hian ka chhang mai ang e. Pu Lawmsanga hi a dik leh dik loh kan hre lo a, scapegoat te pawh a ang lek lek a. Suspend, ngaihdam leh mai te pawh a nih a rinawm reng bawk a ni. Chutah tak chuan a tisualtu hi sawrkar a ni em? tih hi kan ngaihtuah zui a ngai a. A mawhphurtu tak hi man chhuak se la a lawmawm ngawt ang le! Tun dinhmunah chuan thil inthup a awm ni in a lang miau a ni.
Report this comment
August 13th, 2013 at 2:13 am
Direct marketing chu aa, MLM chu aa, tamtak tan trangkai lo aaa
Mizoram media te chu an bengvar lo nge, an lo eiru ve ooo, nge an dawihzep awww
Report this comment
August 13th, 2013 at 8:27 am
Opposition Party te lah in thu fahrah te te hmangin Ruling an bei a, hengte hi chhui chiang sela tha tur ania.
A ri hluai a mipui mimir chuan kan theihnghilh chu ani leh mai a. Mizoramah hi chuan thilsual tih hi a nuam em bawk ani
Report this comment
August 13th, 2013 at 8:52 am
youtube en tur awm khi kerela lam tawng a ni a, english hi a zia deuh takin – https://www.youtube.com/watch?v=w3iv9RAum64
Report this comment
August 13th, 2013 at 2:04 pm
Chiahpuam han tih chi chiah em ni aw? a thupui pakhat hi chu paih chi a nih hi….
Pakhat zawkah PC Lallawmzuala tih te kha a inziak a, paih dawn loh chuan siamthat ngei chi a ni…. admin te ka ngen e….
Report this comment
August 14th, 2013 at 8:22 pm
Bengvarthlak e.
Report this comment
August 15th, 2013 at 11:30 am
Tlem chu ka lo hre ve nual tawh a, sawrkar lam erawh a la ngawi vung vung si a. Sawi tur a vang mang e.
Report this comment
August 18th, 2013 at 8:59 pm
Ava buaithlak tak em awww
Report this comment