by L.B Chhangte (MUP Tlangau, April 2013)
Aw le, ka tawn hriat ve kan sawi dawn ang e. Kum 1965 rambuai hma chiahah khan Bukpuia kan awm laiin Tuirial kan TAIKAM ramah sawn lo kan nei a, keini leh ka chhang chiah pasal Khawtinthanga nen kan inhnihin zan tawp berah Tuirial vat chhuak lo deuhin lo kan nei a.
Tuirial kamah buk tha tak kan siam a, Tuirial tui kan tlan nghal mai a. Hemi kum hi June thla tawp thlengin khua a kheng a, May thla a vawikhat tui a han lian deuh tih loh kha chu khua a tha vung vung mai a, thlam pawh luah turin kan chih lo reng a, kan buk atang chuan buh te kan tuh fel vek nghe nghe a ni.
Hemi kuma Tuirial kama kan riak hian a lawm ka la experience ngai loh sangha tui pai thatchhe taka an awm duh dan danin lenin an fun theih tih ka hriat tak, puka nghatun rai puar na mai mai kut ringawtin zanah len den pahin pahnih pathum ka man ta ziah mai a, chuta chin chu tuiin a zir kum a ni bawk a, kan hre ta a ni.
Nikhat chu (1st June) niin ka hria, ka u in vawiin chu Minpui lui chhuah lamah in kar chho ila, Pu Kapthianga ser huan vau ngaw a thilthek kha I han sat ang u, za theuh kan sat anga, naktukah kan chih zui anga, thlam luah theih turin I buatsaih tawh ang, khawkheng hi ruah a sur leh hunah chuan a fur zui tawh ang a ti a. Pumin kawi hnih kan inkar chhova, pum kan thlung tha a, thilthek chu kan sat ta a.
Kei chuan ka sangha man chak pheng chuan 100 ka sat a, kan pum bulah thilthek chu ka keuh va, puk a sangha tui pai puar thatchhe taka mu chu ka zawng vel ta a. Pu Kapthianga ser huan kai chhak lamah Minpui lui chhuah thlang lam siah, lipui ka va beih hmasak ber chu lipuia suar inkhawh lut sir leh lam lungbang ko zui mai hnuai sirah, suar khauh zualpui sir deuhah sethlam puk sei deuh mai a awm a, Chuta ka va lut chu nghatun tui pai puar tak tak an lo tam em em khawp mai a. Sawmhnih vel lai tlingin ka ring.
Pakhat te tein a sir atang chuan ka thliar a, chuta mi ringawt chu 14 ka man a. A bak la awm 4/5 chu an hlau ve deuh ni tur a ni, ka beirei bawk si, an in saseng bo ve a ni. Ka u te pahnih thilthek sat zo an lo chhuah chuan 20 aia tam ka lo man tawh a, an lo chhova, min rawn zawm ve a, man apiang an lo buaipui a, 50 ka man a, kan haw thlak pui ta a.
He mi ni hian nghatun raipuar chhun pachangah kut lawngin duh duhin an lo man theih a ni tih ka hriat chian tanna a ni ta a ni. A hma chuan len den pahin 2/3 vel chu ka man fo va, chhun engah leh nghal duh duh a ka han man teuh mai kha kei pawhin mak ka ti hle a ni. Hemi kara kan riak hi inrinniah pawh sangha rep kan hawn thahnem hle a ni.
Similar Posts:
- Hmánlai Mizo ber kai te-II
- Serlui tuikhuahin a nghawng hun hlimawm chu
- Nghatun Rep !
- Luia Cheng Nungchate.
- Ngawi dawhnaah ka tel ve a !
August 13th, 2013 at 1:34 am
An rai avangin an che peih loh nih ber doin chu.
Nghafuan hunlai poh hi an rai lai niin ka ring.
Ngaihnawm ve khawp mai.
Report this comment
August 13th, 2013 at 8:22 am
MUP Tlangau hi ka chhiar ve zauh zauh a, ngaihnawm tak tak chhiar tur a tam thei khawp mai
Report this comment
August 13th, 2013 at 1:54 pm
lushai_er tawnhriat emaw kan tih chu le….
nghatun rai puar tih lai tak hi….
ka hmu engemaw deuh… 
a tui pai ti ta mai zawk se…. 
Report this comment
August 13th, 2013 at 5:13 pm
Ngaihnawm kher mai.
Report this comment
August 13th, 2013 at 6:28 pm
#3 haha, rai ve tlat sia ni
Chhum han ava chakawm ve.
Report this comment
August 13th, 2013 at 7:44 pm
A ngaihnawm phian mai. Kan chhiar chhuah parh chu. Nghatun chhum chu a tui ngawt ang le…
Report this comment
August 13th, 2013 at 9:04 pm
ngainawmin a bengvarthlak hle mai
Report this comment
August 14th, 2013 at 8:18 pm
Pu Er, i la ti tluang zel a ni maw. I thawh tha lehpek e.
Report this comment
August 14th, 2013 at 11:38 pm
A mak hle mai a. Bengvarthlak e.
Report this comment
August 14th, 2013 at 11:47 pm
A va ngaihnawm mai mai reuh e
Report this comment
August 15th, 2013 at 1:09 am
Khing a lui sawiah Minpui chhuah velah khian sangha manin ka lo chhuak ve zar zar tawh a, lung a leng deuh roh dawn lawm le.
Report this comment
August 15th, 2013 at 11:19 am
A ngaihnawm leh pek hle mai.
Report this comment
August 15th, 2013 at 5:35 pm
Nuam duh ngawt ang, Sangha man hi chu thil nuam tak ani
Report this comment
August 16th, 2013 at 8:12 am
nuam ngawt ang , tun ah chutiang hmuh tur a awm tawh awm der si lova . ngaihnawm hle mai .
Report this comment
August 16th, 2013 at 6:00 pm
A ngaihnawm hle mai
“Nghatun hi khawvawh lai hian lui mawngah an awm a, man an har bik,” tiin an sawi thin kha ania. Pu Lalzarliana (fam) PWD EE ho khan Sakawrdai ramah li zau zet mai kan bei a. Kil khatah keiin bomb tlawn 5 ka keng a, kil lehlamah a fanu Khumtiri khan bomb tlawn 5 bawk. A li mawngah mi dangin tlawn 5 vel bawk. Tichuan a ni khan li hnar lamah chutiang bawk chu a keng ve tho a, “He li hi tuman an bomb hneh ngai lo,” an tih chu kan han vawm ta anih kha. A thuk hle aniang, chhunglam atangin a rawn irh chhuak deuh purh a ni deuh mai. Darkar chanve vel engmah a lang lova, mak kan tih viau hnu chuan an rawn lang ta tak tak a lawm mawle. Nghatun leh tun lo, Nghaphusen te phei chu sum 3 te kha an rawn lang tak tak ta a, a li chu a varin a var suau
Gypsy khat kan hawn. 
Chumi nilo, 2004 March thla a kan nupa a Tlawng nuar chhak, Phaldawng li a kan man ve thlalak kan dah mai mai ang e. Nghatun pakhat a tel ve, tawng chen vel a ni.
https://i.imgur.com/jtJz6K5.jpg
Report this comment
August 18th, 2013 at 8:34 pm
Report this comment