Obama hi Hitler-a nena han khaikhin chu a ‘fair’ lo kan ti viau mai thei. Mahse, Hitler-a rorel tan tirh lam leh Obama boruak inlumlet chho mek vel hian inanna an lo ngah hle mai. Mi thenkhat phei chuan tuna Obama President hnu hian America hi tun hma Nazi Germany kha a ang tulh tulhin an hria a, “Nazification of America” hi a hlawhtling pum plum tep tawhin an hria nia! Heng a hnuaia mite hi han chhiar teh le:
1. Kum 1933, March ni 23 khan German parliament chuan Hitler-a bill siam pakhat The Enabling Act an tih mai chu an passed a, chu chuan Hitler-a chu thuneihna namenlo tak pein a duh ang anga rorel theihna chance a pe ta a ni.
Barak Obama pawh hi tunah chuan Terrorrism venna leh Security chhuanlamin Executive Power namenlo tak mai neiin a thu thuin America chu a sawngbawl tan der a nih hi! Obamacare health bill avanga US sawrkar ropui thin a han thingthi sawp nulh (shut down) ta mai te hi ngaih chu a ngam chiah lo ve.
2.Obama leh Hitler khan Open stadium-ah khawmpui (rally) neiin mipui nasa takin an chawk phur ve ve a, hmeichhe thenkhat phei chu mittui tla leh thidang hialte pawh an awm.
3. An pahnih hian an hmingin midangin (ghost writer)lehkhabu an ziah sak ve ve a, Hitler-a lehkhabu chu Mein Kampf (My Struggle) a ni a, Obama lehkhabu chu Dreams Of My Father tih a ni thung. An pahnih hian lehkhabu pahnihna, an ram (Germany leh America) tana an thil tum tarlanna an ziak leh ve ve a, Hitleran “New World Order” tih a ziak a, Obaman “The Audacity of Hope”.
4. An pahnihin an hming tawp an thlak ve ve a, Hitlera hming hmasa chu Schickelbruber a ni a, Obama chu Soetoro a ni thung.
5. Hitlera leh Obama hian an identity tak tak an zep ve ve a, Hitler-an Juda thlah a nih a thup a, Obaman Muslim a nihna a thup thung. Hitleran a Birth Certificate chu hmuh tur awm lovin a tihbo tir daih a, Obama pawh a Birth Certificate nia a chhal chu mi tamtakin an ring lo. Tun thlengin a pianna hmun tak an la proove thei lo.
6. Anmahni zuituten ‘blind’ takin an zuia, an dik lohnaah pawh an tan bur ve ve an ti.
7. Thalaite hmanruaah hmangin an dah pawimawh ve ve a, Hitleran “Hitler Youth” a neih laiin Obama chuan “Obama Youth Brigade” a nei thung.
8. Thusawi an thiam dun em em.
9. Messia tia koh der an ni ve ve a, anmahni fakna leh ngaihsanna thu leh hla phuahsak ve ve an ni bawk.
10. Hitlera ang bawkin Obama pawhin mipuite hmakhua leh duh dan ngai pawimawh miah lovin ro a rel ve ta hmiah hmiah mai niin a lang.
11. Hitlera ang bawkin Obama pawhin Juda ho a ngaina lo a, a remchang apiangah Muslim ho a tlawn thin.
12. An pahnih hian dawt tih hriat reng pawh sawi se an thu ngaithlatute an hmin vek thei tho.
13. Politics khel muala an invawrh chhuah nan tualchhunga mi rikrap thiam an ruai ve ve a, Hitleran a ‘Brown Shirts’ thiante a hman tangkai laiin Obama pawhin Bill Ayers te, Bernardine Dohm te, Rashid Khalidi te ang ho a chhawr tangkai thung.
14. An pahnihin Population Contol nan tualthah an hnial lo ve ve.
Eng tak ang zel ang maw???
Similar Posts:
- Hitler and Vuvuzela
- Hitler, Frankenstein battle for votes in India
- Obama hi AntiChrist?
- Mi danglam Lutz Long.
- World famous men in one picture
October 9th, 2013 at 7:09 pm
A ngaihnawm awm ang phian mai.
tren tren
Report this comment
October 9th, 2013 at 7:51 pm
He mihring hi a party tan tam takah thatna a nei, ram tan chuan hruaitu thalo lumlet der a ni.
Report this comment
October 9th, 2013 at 8:15 pm
A ngaihnawmin a bengvar thlak hle mai. America ram ropui muslimpa in a han kaihruai a, a Lal hlima Biakina tawngtai tur niawm taka a lut ka hmuh khan, engemawti takin ka tirilah min tham deuh tlat nia. UID te hi han chhui han chhui ila, a tawpah hian Obama hi a lo awm reng mai angem aw?
Report this comment
October 10th, 2013 at 12:38 am
Right wing conservatives ho phuah chawp Ka chhair peih lo.
Report this comment
October 10th, 2013 at 2:41 am
@sony, right leh left lam a ni ngawt lo a sin. I attitude ang chiah an neih avangin mi tamtakin thudik an ngaihtuah peih lo. Ngun takin ngaihtuah la, heta an sawi ang zawng zawng hi a dik e tihna ni lovin, Obama rorel dan leh America ram a kaihhruai dan hi thlir chiang la, America hian ropui lam aiin tlak chhiat lam a pan tih i hmu thei ang. Tla chhia tih pawh ngaih dan a inang lo ang. Socialist sawrkar din hi Obama tantute chuan tha an tih laiin America rama mimal zalenna leh Kristian sakhua nek chep a nih nasat sawt zia te, Constitution ber pawh palzut a nihziate hi en la, hnam tlu chhe mek zia a ni zawk lo maw? America ram ropui thin tunah khawvela leiba ngah ber a han ni te hi a ropui vak lo.
Report this comment
October 10th, 2013 at 3:09 am
He article hi a link ka dah ve sia, a lang tlat lo. Ka dah fuh lo a niang
Report this comment
October 10th, 2013 at 3:49 am
keimah, khawngaihin link chu han dah leh teh a.
thanks
Post puitling tak a ni ka tilo thei lo.
Dik tak chuan inthlan hmasak khan kan nu hnenah ngei pawh, Obama a vote loh ka hlau lutukin vote thlak dawn thlengin vote ngei ngei turin ka hrilh hram hram. Nikum inthlan dawn erawh kha chuan sawi pawh a ngai tawh lo, VOTE LOH tawp a ni mai. Hun leh ni a liam zel ang a Obama hi America tan a a pawi zia hi mipuite, a mah thlawp thin tute pawh hian an la pha thei lovin ka ring ve tlat. Ka mimal ngaihdan mai erawh a ni e. Registered Democrat family kan ni.
Report this comment
October 10th, 2013 at 4:27 am
Obama hi Muslim a ni ngei emaw ni le. A nu Kristian ania, a nu leh a pi leh pu (a nu lam) in an enkawl seilian a, a pa hi Muslim ni mahse atheist a ni zawk mah. Kristian biakinah inkhawmin, hman kum lawkah a Pastor pawh a hmingchhe ve hat a nih kha mawle. A middle name Hussain hi Muslim zia lam ai chuan thlahtu lam a nih hmel.
President ropui tak erawh a ni lem lo a nih hi. Democrats hian Race bait an thiam em mai a, Obama hi Democratics tan chuan a tha hle, America erawh hmasawnpui aiin a tlakhniampuiin ka hria.
Report this comment
October 10th, 2013 at 7:27 am
Inanna lai an va ngah ve. Ka ngaisang lo ve ve.
Report this comment
October 10th, 2013 at 8:51 am
Pu HV, a link chu hei hi a ni e. A dang pawh a tam mai google-ah khan.
https://www.survivalistdaily.co.....ilarities/
Report this comment
October 10th, 2013 at 9:03 am
Ka lawm e. Mut hma kan bih leh hram teh ang
Report this comment
October 10th, 2013 at 9:16 am
@bbney #8, Obama hian Kristian ka ni a ti na a, a chetzia zawng zawngah Kristian sakhua dahhniamin Islam sakhua a zawm zat zat zawk tlat. Christian ni pawimawh Christmas, Easter te chu a serh lo mai ni lovin mipuite hnena good wish takngial pawh a ti ngai lo. Muslim sakhaw serh leh sang entir nan Ramadan te chu a ngaimpawimawh em em a, Muslim ho hnenah duhsakna a hlan dup dup thung a, Bible hi a sawi lannaah pawh a sawi chhe zawngin a tawng a, muslim sakhaw bu Koran erawh chu “The Holy Koran” ti ngat lo chuan a sawi ngai lo. “Thil ri zawng zawnga mawi ka tih ber chu Muslim’s call to prayer hi a ni” ti ngattu hi Kristian ai chuan Muslim a ang fe zawk lo maw?
20 qoutes of Obama on Islam and Christianity tiin lo google teh. Mak i ti ve mai thei.
Report this comment
October 10th, 2013 at 10:18 am
Nikum inthlan dawna Billy Graham thusawi kha ka hre chhuak uai uai mai, “America hian neih inang inkawp same sex marriage) thlawptu kan thlang a nih chuan chhiatna kan tawk ang”, “Lal Isua lo kal hmaa warning hnuhnung ber a ni ang” ” America hian chhiat lam a pan mek a ni” etc a lo sawi kha a thleng dik mek zel a va ang ve.
Report this comment
October 10th, 2013 at 12:38 pm
Hitler leh obama nihna an sawi khi politician dang sawi nan a hman theih deuh vek.
US economy hi a tlahniam awzawng lo. European leh Japan Union aiin an dinhmun (economic growth) a tha fe zawk. Tuna an sorkar shutdown hi econmic growth nen ngaihfin tur ani lo.
Gay marriage hi voter tam zawk duhdan nai a, politician ho hi kohhrna hruaitute aia thianghlim tura ngaih tur ani lo.
Obama hi Muslim ani lo. Obamacare hi mi rethei zawk tana sorkar sum hman tam zawk theihna tura ruahman ani a, Kristian mi tih awm tak reng ani.
Report this comment
October 10th, 2013 at 11:06 pm
Google ah chuan Muslim a nih loh zia leh an puhna a dik loh zia te pawh hmuh tur a tam alawm. liberal leh conservatives ho ziah inang lo tak tak pawh a tam. Muslim ruh taknchu nise Kristian biakinah a inkhawm fo dawn emaw ni le.
Report this comment