NLUP Chungchang Rajya Sabha ah sawiho a ni.

October 14th, 2013 7:00 am by Hruaitluanga Bawitlung

Central atangin NLUP atan a hman tur sum rawn kal Rs 370 Crore chu tun Mizoram Annual Plan 2012-13 liam mai turah ah khan dah leh a lo ni tawh a, heti hian Kum 2010-2011 leh 2011-2012 & 2012-2013 Financial Year chhunga Central atanga NLUP atan ACA atangin Mizoram sawrkarin sum a hmuh belhkhawm chu a vaiin Rs 834.82 Crore a nih bakah Centrally Sponsored Scheme (CSS)- a pawisa hmuh thin NLUP convergence Plan atangin Rs 246.38 Crore hmuh ani bawk. Sawrkar kum 2012-2013 ah khan Rs 40 Crore chu RKVY atanga sum hmuh Rs 200.93 Crore atangin NLUP Convergence ah chan tirin a vaiin Mizoram sawrkar chuan Financial Year 2012-2013 ah khan Rs 410/- Crore teh meuh mai NLUP atana hman tur a nei. Kum 2010-2011 leh 2011-2012 chhung khan chhungkaw (NLUP beneficiary) 96, 139 hnenah NLUP atangin tanpuina pek an lo ni tawh a tun sawrkar kum tawp i.e., 31^st march, 2013 ah hian chhungkaw 1,20,000 in NLUP atanga tanpuina an dawng turah chhut a nih mai bakah sawkar kumthar(FY 2013-2014) ah hian NLUP hian chhungkaw 15,000 dang tuam belh turin Planning Commission ah ruahmanna thehluh a ni.

Hetiang tak a sawrkar dinglai in a policy hlawtling taka a kaplui avangin tunlai hian NLUP sum hmuh danah Mizoram sawrkar chuan opposition atangin beihna nasa tak a tawk a, Mizoramah inhnialna nasa tak, tawp hleitheilo a awm phah. Amaherawhchu vanneihthlak tak maiin Mizoram Rajya Sabha MP Pu Lalhmingliana chuan kumin i.e., 17th May, 2012 khan Parliament ah Central sawrkarin Mizoram hnena NLUP Fund a pek dan chipchiar, Prime Minister Minister Special Package a ni nge ni lo tih leh Centralin eng angin NLUP vil turin hma a lak dan tih zawhna(Unstarred Question-4529) Prime Minister hnenah zawhna a lo siam hlauh maia, a lawmawm ngawt mai. He a zawhna hi Dr. Ashwani Kumar, MoS for Planning, Science & Technology and Earth in Prime Minister aiawhin a chhang. A chhanna ah chuan NLUP hi Special Programme anih thu hrilhin “Comprhensive and Integrated Socio-Economic Development Project under the New Land Use Policy (NLUP)”atana sum hman tur Mizoram sawrkarin project a siam chu Cabinet Committee on Economic Affairs(CCEA) chuan ni 15/7/2010 khan Rs 2873.13 Crore a lo approve tawh thu hrilhin hetah hian NLUP atana sum pek dan tur chu ministry hrang hrangin an ministry atangin Rs 1000.84 Crore chu Centrally Sponsored Schemes(CSS) atangin an pawt khawm anga, Rs 1526.14 Crore chu Additional Central Assistance angin NLUP atan sum hman tur an approve chu Mizoram State Plan chhungah a hranpa liau liauin “ACA for NLUP” ti in heading hran ngat neiin pek anih thin tur thu hrilh a ni tel bawk. Tin, a bak Rs 346.14 Crore chu Beneficiary contribution (hei hi a dawngtu ten an tha an lo thawh ve kha pawisa angin a hlutna an chhut sak a ni) atangin anih thu hrilh a ni bawk. Tin, Central atangin NLUP vil turin Planning Commission atangin member 1 (pakhat) Mizoram NLUP Apex Board ah ruat anih bakah Ministry of Rural Development chu NLUP vil turin ruat a ni bawk ti a hrilh a ni bawk. Planning Commission hian Mizoram sawrkarin report a pek atangte pawhin an lo vil bawk a ni.

Prime Minister in Mizoram mipui hnenah mirethei leh loneitute khaichhuahna tur atana NLUP hi min lo tiam tawh avanga Prime Minister Special Programme hi a hranpa a central sorkar in sum min pek hmanga Congress sawrkar in programme a kalpui a nihna hi a special na lai tak chu a ni. State Plan atan Planning Commmission in sum min pe thin a. Kan state resource dinhmun dung zuiin kan Annual Plan tihpun a ni thin. NLUP atan sum mamawh hi kan state resource piah lamah a hranpa a pek kan nih avangin Special Package tih hi a dik a ni.