Y.M.A hlaah hian, “Chanchin ṭhain kan ramah ramhuai a um bo ta,” a ti a, Kristian kan nih hma khan kan Zoramah chuan ramhuai an tam hlein an sawi a, chungte chu Kristianna chanchin ṭha chuan min um bosakin chanchin ṭha engah chuan kum 100 chhung lekin hma kan sawn hlein an sawi a. Kristianna chanchin ṭha eng chu Zofate tan chuan malsawmna ropui tak niin an lo sawi hial si a, pawm dan tâwk thiam a har dawn a ni maw? Ramhuai sawi a tam ta lo viau bawkin a lang si.
Nia, “Chanchin ṭha eng,” tiin an lo sawi a, malsawmna zawng a ṭhen laiah chuan a ni ngei tak a. Mahse mingoho khan kristianna chanchin ṭha hi kan ramah rawn pu lût lo mah sela, kan kiang vêl hnamte pawhin hma an sâwn tho a, hmasâwn lo tawp chuan awm reng bîk thu awm suh. Min rawn hnaih lutuk a, kan ram an rawn lût a, min rawn nêk a, indo a lo ngai ta a. Kan indo a, sipai tam zawk leh râlthuam nei ṭha zawk bawk an nih avângin leh ṭanrual ve nachang kan hriat bawk si loh avângin kan ngam ta lo a ni.
Tharumin ngam lo mah ila, kan rilru an hmin lo tih an hriat avângin an sakhua Kristianna chu hmangin min rûn leh a, kan tlâwm ta duak duak mai a ni. Chutah, “|hen darh la, awp bet rawh,” tih thupui hmangin kan ram an ṭhen darh a, awp beh nuam tâwk chauh tûrin lehkha min zirtîr a, kan thiam sân erawh chu an hlau hle thung a ni. “Mingo an fing ber a, an huai ber,” tih chu min thiamtir a, mingo chu kan ngaisâng ta êm êm mai a. Kan sawi tawh ang khân tûn laia kan kohhran minister te meuh pawhin Kristiannain kan hnam nun a tihchhiat thu an aupui piap piap tawh pawhin kan la ṭan fo dâwn em ni?
Isuan tehkhin thu pakhat a sawi kha a dikzia a langin ka hre ṭhin a, “Ramhuai bawlhhlawh chu mi kawchhung ata a chhuahin, chawlhna zawngin tui awm lohnaa te a vâk a vâk a, a hmu ṭhîn si lo a. Tin, ‘Ka chhuahna inah khan ka kir leh mai ang,’ a ti a; tin, a va thlen chuan, ruaka, phiahfaia, cheimawiin a va hmu a. Chu veleh a va kal a, amah aia sual zawk ramhuai dang pasarih a rawn hruai a, chutah chuan an lût a, an awm reng ṭhin a; chu mihringa awmze hnuhnûng chu a hmasa aiin a lo ṭha lo zawk ṭhin a ni,” tih thu hi (Matt. 12:43-45; Luka 11:24-26). Kan ramah chanchin ṭhain ramhuai a um bo emaw kan tih lai hian, a aia sual zâwk ramhuai dang pasarih mai pawh ni loin, a nuaiha nuaih têl a rawn hruai lût zâwk a ang ta. Tûn hma lama sualnaah Kristian kan nih hmain eirûk, hlêprûk, rûkrûk, tualthah tih ang zawng zawng nichina kan sawi ang chi zawng zawngte kha a awm ngai hlei nem. Tualthah, uire, hmeichhe inzuar (K.S) ang chi te an awm kan hre lo. Tunah chuan, “Nuaihi te, Nuaiha te,” kan ni ta hlawm a nih hi. Ruihhlo lam chi nên kan ṭawp ta êm êm mai a ni.
Pu Rokûnga hla phuah kan sawi lai rau rau chuan tuna kan han sawi hla tlar khat te mai khan ngaihtuah a tithui deuhin ka hria a, Pu Rokunga hian a phuah dân dik tak hi kan hre chiang em aw? ka ti a.
“Chanchin ṭhain kan ramah ramhuai a um bo ta,”
ti khân i rawn sawi chhuak a, chu chu hlabu lama a chuan dân pawh niin ka lo hre ve a. Pu Rokûnga hian a phuah dân hmangah hian, “Chanchin ṭha chuan ramhuai chu kan ramah a ûm bo nge ni a, kan rama ramhuai a um bo zawk aw?,” tiin zawhna a awm thei a ni. “Kan rama ramhuai a um bo…,” a ti lo a; “Kan ramah ramhuai a um bo,” a ti miau si a. “Chanchin ṭhain kan ramah ramhuai a um bo” a nih chuan, mi rama ramhuai awmho kha kan ram chhungah a ûm lût a nih loh vêk pawhin, kan ram chhûnga ramhuai awmte kha um boin, kan ram chhûng khawi lai kil kilah emaw an thep bo vêl tihna a ni. “Kan rama ramhuai a um bo…,” tih ni sela chuan, “ kan ram chhûnga ramhuai awmho kha kan ram aṭanga ûm chhuakin an bo ta duak e,” tih anga sawi theih a ni ang. “…kan ramah ramhuai….,” tia hlabua lo inziak hi Pu Rokunga phuah dan reng nge ni a, a bu siamtute siam danglam? tih chu kan hre thei ta si lo a. Engpawh ni sela,
“Chanchin ṭhain kan ramah ramhuai a um bo ta,”
tih chu a dik dân zâwk a lo ni a ni ang chu, kan ramah ramhuai chi hran hran an tam êm êm dânah hian
Similar Posts:
- Mingoho min puh chhiatna mai mai a ni
- Lâwm hle rawh!
- Tunlai Mizo
- Ramhuai vs thlahrang
- Mi ramah zawng lunglen a na e
October 15th, 2013 at 10:03 pm
1st ang e.
Report this comment
October 15th, 2013 at 10:18 pm
Ramhuai pakhat a umbo lo: A hming chu corruption
Report this comment
October 15th, 2013 at 11:01 pm
Ramhuai-te chu Nikin ni a Hremhmuna paih annih hma chuan, umbo zawh tak tak chi chi ni nang le. Amaherawhchu, Kan pi leh pu te, Ramhuai thuhnuaia awm a, Ramhuai hlau leh hlauh tlawn nana an ran vulh ui, ar, kel ,vawk hmanga inthawi reng reng thin kha, Chanchintha avangin kan lo hlau ta lova, hlauh tlawna inthawi lah a ngai ta hek lo. Tunhma anga inlarin an pawngtal chiam chiam tawh lem lo viau bawk(Khawimaw kil kar deuihah chuan an lo la inlar mahna?). Ramhuai ten i tunhma nun sual tenawm tak te an hriatchhuahtir che a, an kawhhmuh leh fo che chuan, an hmabak, an chatuan awmna tur, Chatuan hremhmun ilo kawhhmuh(hrilh) ve thin dawn nia.
Report this comment
October 16th, 2013 at 5:13 pm
Chanchin tha avang chuan in lo hlau ta lo a, mahse ramhuai chuan a ngam sauh che u niin ka hria. Eng hnam pawh hian hriat fiah tawk loh chu an nei vek. Kan pi leh pute pawh khan an lo hre fiah tawk lo a, mahse hun lo kal zelah kan lo hre fiah ta zawk a ni. Keini chuan a hming chauh kan hria kan la hmu ve lo a, chatuan hremhmun kawhhmuh chu a harsa viau mai thei. Chatuan hremmun awmna lah ka hre bawk silo a, nangman i hriat hmel zawk tlat, i lo kawhhmuh mai dawn nia.
Report this comment
October 16th, 2013 at 7:28 pm
La tui lauh lauh maw hnam sakhua chu
Tuna kan rama ramhuai an tam leh tak nachhan em em chu chanchin tha vang a ni nem. Hmana ramhuaiin a ngam em em thin Pipute sakhua lama tui thar leh ho, Isua Krista chanchin tha lo hril ve zurh zurh a, phatsan leh si ho vang zawk hi a ni lovang maw? hihi…
Report this comment
October 17th, 2013 at 6:48 am
Hmana Ramhuaiin an ngam em em kha tunah chuan an hlau ta.Krista chanchintha hriltute(a zuam zawng te) lamah a tuan ni maw. kei ni chuan kan ram leh hnam hi Pathian thu a ni tih leh kan tan chanchin tha a ni tih bak chu kan hril lawng. Aw Bethlehem ka ngai a che tichung zelin, phai lama lehkha zirte pawh Bethlehem lam pan loin an pianna zoram nuam lam pana an lo kir leh ang hi in ni ber mai.
Report this comment
October 21st, 2013 at 6:26 pm
Ramhuai hi eng chiah nge an nih reng reng le?
Report this comment
October 30th, 2013 at 11:18 pm
Hnam sakhua post hi a ngaihnawm ber mai.
Report this comment