MNF Action Plan Committee chuan, NH-54 Kawnpui-Buichali inkar siamnaah Mizoram sorkar a inrawlh lo anga PWD engineer-in-chief, Lianchungnunga’n a sawi chu thu dik loh a niin an sawi a; kawng siam hna thawktu tur thlanna tura tender chhuahtu leh contractor thlangtu chu Mizoram PWD ngei an nih thu an sawi.
MNF Action Plan Committee hian nimin khan Aizawl Press Club-ah thuthar thehdarhtute an kâwm a; an vice president, Lalthlengliana chuan, NH-54 chu Mizoram PWD enkawl a nih thu sawiin, “Kawnpui-Buichali kawng pawh hi PWD National Highway Division-III enkawl a ni a, a enkawltu EE pawh Lalsangliana a ni,” a ti a; NH siam hna tender chu cheng vbc. 100 chin chunglam chu Central Road Transport & Highway-in a khawih a, vbc. 100 tling lote chu state sorkar buaipui a nih thu a sawi.
Kawnpui-Buichali inkar kawng siamna atana estimate chu cheng vbc. 53 a ni a, Mizoram PWD-in tender a chhuah leh contractor pawh a thlan a nih thu sawiin, Lalthlengliana chuan, “Mizoram PWD hian kawng siamṭha tur hian kum 2009-ah tender a ko a, ACBI hnenah hian work order Rs. 53,94,75,708.10 man a pe a, agreement pawh an ziak a. Rs. 23,49,11,407-a a ennawnsak bakah, a thawh hun chhung pawh ṭum li ngawt a pawhseisak a. Chuvangin, Mizoram sorkar mawhphurhna a ni,” a ti.
Lalthlengliana chuan, Kawnpui-Buichali inkar kawng chhiat chhan chu engineer-te thiam loha an ngaih loh thu sawiin, “A chhiat chhan dik tak chu Congress sorkarin duhsakna uchuak tak hmanga ABCI leh GP Project Pvt.Ltd. an pek vang a ni,” a ti a; ABCI leh GP Project-te chu Jograj Baid-a ta ve ve a nih thu leh, Jograj Baid chu CM Lal Thanhawla nen inmawng zawm nia hriaa PIL an lo thehluh phah tawhna a nih thu a sawi.
Source: Vanglaini
Similar Posts:
- YMA kum puan “Ram leh hnam humhalh”
- Kum 2011-2012 Mizoram Annual Plan
- ABCI Proj. Manager, Meidum Camp atanga Kidnap an ni
- Kan Khaw Kawng hi!!
- World Bank kawng hawn a ni
October 19th, 2013 at 12:13 pm
An phuna hi a dik anih chuan thil serious tak ani.
A reng reng thu ah hetiang policy thilah chuan sorkar chhiahhlawh (government servant) engtiang hming ropui “Engineer In Chief pu pawh ni sek sek mahse sawi ai chuan minister sawi tur ani ngai. Mizoram ang em ema PWD engineer ngaisang, kawng chhe em em si hi Kristian ram inti ho chan awm tawk lek ani.
Kei chuan an hnathawh enin Mizorama sorkar chhiahhlawh civil enginner ho hi ka ngaisang der lo. Ka ten phian hlawm zawk ani. Thui!!
Report this comment
October 20th, 2013 at 12:29 am
‘An puhna’…, kei pawh chu ka ziah sual leh pek, peg 2 lai ka lo in hman vang ani.
Report this comment
October 20th, 2013 at 3:24 am
Mizoram,chhunga thil eng pawh hi Mizoram leh India sorkar leh an hnuaia thawk (ie. thawk tura ruat/!@k) bakah mimal tinte mawhphurhna a ni.
Report this comment
October 24th, 2013 at 9:07 pm
Pu Chunga chu Congress a hlau ta hle mai maw!!
Report this comment
April 30th, 2014 at 9:05 am
164.73.124.20
Thu dik lo sawiah PWD E-in-C an puh Contractor thlangtu – Mizoram PWD: MNF | mi(sual).com
Report this comment