SAWRKAR THAR LO PIANG TUR ATANA HMATHLIR by ZoRO

October 19th, 2013 12:51 pm by ramlehhnam

Tuivai leh hmun hrang hranga Hydel Project te leh Mizoram chhunga Oil leh Gas lakchhuah tur chungchanga Mizoram Sawrkar leh Company inremna te chu sawi nawn lo ta mai ila. Hemi chungchangah hian ZoRO chuan kan duh lohna thu hi a thu leh lehkha hmangin vawi tam tak kan sawi tawhin, a thlenna tur hrang hrangah te  vawi tam tak kan lo thlen tawh a. Hetianga kan beihna hi duhthusam ram mai ni lovin, UN DECLARATION ON THE RIGHTS OF INDIGENEOUS PEOPLES: 2007 thlawhchhana kan dikna leh kan chanvo tur dik tak kan hauhna a ni a.

UNO-a he Zo Indigeneous People(Chin-Kuki-Mizo)nihna dinhmun chang ve tura ZoRO in kawng thui tak a lo zawh tawhna chu hlawhtlingin, tunah hian UNO in ‘Indigeneous People’ a tih te zingah Zo HNAM(Chin-Kuki-Mizo)te hi 2004 kum atanga kan tel ve tak avangin he ‘UN DECLARATION’ pawh hi hauh theitu nihna dinhmunah kan ding ve ta a ni.

UN Declaration zulzuia ZoRO-in Hydel Project chungchanga kan duh dan kan sawi ve hi chu- ALGERIA  ramah te pawh 100-a 90% a ram neitu ten anlo chan angin, Mizoram ah pawh tihve theih a ni a,100-a 10% hi a KHUAPTU COMPANY te chan tur a ni thung zawk ang.

Hetianga Mizoram Tuikhuah tur hi her lehlin(upside down) danglam nita sela chuan Mizoram in  kan power neih theih,kan mamawh bak,hralhchhuahna atang hian,tunlai kan Budget mamawh ang kum 5 daih hi kum khatah kan tel dawn a ni.

Tin,Oil leh Gas chungchangah pawh hian, khawvel ramdang te a an tih ang bawkin 100-a 90% hi Mizoramin changin, a LAICHHUAKTU COMPANY ten 100-a 10% hi chang ni ta se; tin, a THLITFIMNA/REFINARY hi Mizoram chhungah awm bawk sela chuan SALE TAX pawh hi kan chan tur a lo ni bawk ang a. Chutiang chu a nih chuan 100-a 100% hi kan ta tluk a lo ni ang a. Chutiang chu a lo ni sela chuan OIL & GAS avanga khawvel ram hausa ARAB RAMTE tluka chhiar te zingah kan telve tawh zawk thei dawn a ni.Chutih hunah chuan THANGTHAR NULA LEH TLANGVAL(Ram leh Hnam Rohlu dik tak zawk) ten ram chhuantlak,chhuan tur nei lo nive tawhin khawvel mihring zingah kanlo inzarpharh tawh dawn a ni.

Hetiang ni thei tur hi chuan UN Declaration, INDIA LEH BURMA te pawhin remtia UNO khawvel hmaa member an nih anga an Vote ve na ngei, ziahhnan zulzuiin CENTRAL SAWRKAR DAN te pawh hi siam danglam tur a lo ni ang a. Chutiang thleng thei tur chuan ZoRO hian tan a la mek a ni. Hemi kawngah hian kan State Sawrkar pawh hian hma te la thei sela chuan a hlawhtlinna hi kan hmu zui zel ngei dawn a ni.

Tun dinhmunah hi chuan kan ram Economic dinhmun hi a chhe chak hneh em em a. India ram pum Economic dinhmun pawh hi 100-a 50% laiin a tlakhniam laiin 100-a 3% a pung zel angin an tarlang a. Mizoram Economic dinhmun phei chu 100-a 120% in a tlahniam a, chutihlaiin 100-a 12% pung angin an tarlang hlauh si thung a  ni. Heng thil te hi a nihna ang tak nih tira, a nih dan tur ang taka siam dik a nih theih nan Zo INDIGENOUS PEOPLE( Chin-Kuki-Mizo)te kan thanharh a ngai a ni.

He kan thil tum hlawhtlinna atan hian ZoRO chuan kan tih theih leh thiam dan hrang hrang kan hmang mek zela; kan la bei zel bawk a ni.Kumin December thla maiah hian SAWRKAR THAR kan nei mai dawn a,chu kan Sawrkar Thar tur chu eng PARTY SAWRKAR din pawh lo ni sela ZoRO hmalakna kawnga theihtawp chhuah tura intiam vek an ni a.Hei hi kan lawmin kan thlamuanpui em em a ni.UN leh INDIA SAWRKAR te nawr che zo tur hi chuan ZoRO hmalakna mai hi a tawk   lo a; STATE SAWRKAR leh mipui zawng zawng hi kan tanrual a ngai ta a ni. He kan tum ram hi kan thlen hunah chuan Central sorkara kan mamawh te dil tawh lovin, CENTRAL SAWRKAR BUDGET mamawh thawhpui theitu kan ni tawh zawk dawn a ni.

Issued by: Zo Re-Unification Organisation(ZoRO),General Headquarters,Treasury Square,Aizawl,Mizoram.                                                            Dated: 17thOct.2013

NOTE:He thu ziak duhawm tak hi ZoRO President hova Press Conference,Press Club,Aizawl a mi a ni.

Similar Posts:

Recent Posts:

8 Responses to “SAWRKAR THAR LO PIANG TUR ATANA HMATHLIR by ZoRO”

  1. 1
    chhana Says:

    ZORO bawk, hmana PC h Zoro ho nenoiho nen khan enge in inanna?n ZRV an tiha

    Report this comment

  2. 2
    Borat Says:

    Sorkar thar lo piang tur chuan Zoro pawh The Mask of Zorro pawh an en hman ka ring lo.

    Report this comment

  3. 3
    Awmtea Leo Khiangte Says:

    Hmathlir neih that hi a pawimawh khawp mai. A tihhlawhtlin lam hi a pawimawh lehzual.

    Report this comment

  4. 4
    sisen Says:

    OT
    tunah hian facebook ah status update, comment & like an block e

    Report this comment

  5. 5
    lr hlonchhing Says:

    Ngati nge a? Ka fb feature zawng zawng an block taah ka lo ngai hman asin :-D

    Report this comment

  6. 6
    Sihtea Says:

    Kei chu ka fb ah chu ti ang ka la tawng lo va, ka duh duh ka like tluttlut mai maw le. ZORO hma lak na hi ka rilrem zawng tak a ni.

    Report this comment

  7. 7
    chhimkeite Says:

    Ka thinlung zawng zawng hian a thlawp e

    Report this comment

  8. 8
    su respuesta Says:

    su respuesta

    SAWRKAR THAR LO PIANG TUR ATANA HMATHLIR by ZoRO | mi(sual).com

    Report this comment

Leave a Reply

You must be logged in to post a comment.