Khawvelah hian thil tam tak a awm dan tur pangngai ni pha ta lo a tam hle awm e. Nunphung leh khawsak dan thuah te, ram inrelbawl danahte, hnathawh kalphungahte, pawl kalphung leh hmalaknaah te, chhungkua inrelbawlna ah te, chumai bakah sik leh sa thuah te pawh.
Mihringin a duh fo chu a suangtuahna rama a hmuhte a taka tih hlawhtlin thin hi a ni a. Chung suangtuahna thilte chu uluk leh fimkhur taka thliar sin a, chumi hnua thutlukna a siam chauhin a hlawhtlinna a hmu thei ang. Zir chiang hmasa lo a a mumang ram thil chu a bawh ruak ruak mai chuan hmuh hmaih leh hriat fuh loh palh a nei thei fo thin a ni. Kan duh zawng tak tihlawhtling tura ke kan pen dawn chiah a a ‘brake’ lo tlawh zauh tu an awm te hi a hlu em em thin a. Leh lamin a buk nasa lutuk tur lo pawt tang tang tu an awm hian a lo fuh zawk fo thin. Upa-in “hmeichhe vau loh leh vau vau loh chu an pawng tual tual” an lo ti a. A dik viau reng a ni. Pa ber pawh a bawh lam a bawh nat lutuk tur venpui tura nu berin aw ka a lo neih a tul fo thin a ni. Vawiin ni thlenga mi tam tak la buaina chu “chiahpuam” kha a la ni. Chiah puam ho pawh kha an duhna tipuitling tura ke an pen chak lutuk vang a ni ngeiin a lang. Chiah puam an chak lai taka an buk lung khai kha leh lam kang nasa lutuk tur lo vengtu awm se a tha tur hi a ni a. Lo counter tu nei hlauh se chu tam tak kha chu an fihlim ngei ang. An fihlim loh tak avangin buaina a ta buai leh zual naah an lut ta ni berin a lang a ni. Side ‘A’ lamin a buk nasat lutuk avangin a hlawkpui tur dik tak ni lo zawkten an hlawkpui nual awm asin !
Khawvel Indopui II-na pawh kha lo bei lettu leh lo khingtu awm miah lo nise chuan German leh a thurualpui ho chu an inhrawt nasa hle ang a. Ni khua a rei hunah chuan an anmahni bawkin an chhiatpui ve leh tho hian a rin theih tlat. Chutih rual chuan Kumpinu sawrkar pawh ‘ram ni tla seng lova roreltu’ an lo ni kha an chhiatpui/buaiphah nasa tep tawh a. Mahse Indopui II na khan hun tha an tan a her chhuah tir tiin a sawi theih ang. Chuti ni lo se chu German ho kha do miah loin a ram awp chhunga hnam hrang hrang kha a buaipui tho tho dawn a ni. Mahse Hitlera policy ti kal dik tawk chiah tura lo counter tu an awm loh avangin Hitlera kha a pawng ta lutuk a. A tawpah a chhiatpuia chutih rual chuan ram tam tak tan Zalenna ni a her chhuah phah ve tlat a ni. Chutiang bawkin tunlai khawvelah pawh USA chu a inti Vawk Lal len hle a. Mahse a vanneiha siamin China (khawchhak mi lian muhil) chuan a lo ngur ve hruk hruk a, ram dangin an lo Amen pui bawk a. Chuvang chuan a duh ang takin a tal na thei lo a tih theih ang. Chumai bakah Obama Healthcare lo hnial tlat pawl te an lo awm a. Chu chuan Counterbalance a siam a, an la thatpui zawk ngei pawh beisei teh ang.
Kan naupan lai khan All India Radio chuan “High School kan kal laia CH.K.A kha I hria em ? Chhangchhia a nia aw…..” kha a rawn ti thin a. Mizo te lah chuan kan lo zawm ve em em a. Mahse hei a rei ta deuh a. Presbyterian chuan “Pian pun a ngai a ni” an rawn ti ta a. Mihring pung chak lutuk chu a tha kher lo ang a, mahse pun loh lutuk pawh a pawi hlei hlei a nih hmel ta a nih hi. High School kan kal lai Malthusian Theory te kha hrethiam hlei lo khan kan lo By-heart tlut tlut a. A tha tho e. Mahse mihring tam ngawr ngawr lam a ni ta loin ka hre tlat. Tam mah ila kan productive tho chuan enge pawi vak chuang ? Kan productivity kha a sang vet ho dawn a lawm. China pawh mihring an tam em em a. Single child policy pawh hmanah an hmang tawh. Mahse a counterbalance an siam loh chuan an la buai ve tho ang. South Korea te Sweden tepawh an tlem lutuk a, an buai lehling tawh an tia ni lawm ni. Chuvang chuan pun chak lutuk pawh a tha lova, pun chak loh lutuk pawh a tha chuang lo a ni. Tun kum kal lai(2013) a Mizoram roreltu chu INC an ni a. MLA pawh an ngah khawp mai, mahse an kalphung tha lo lai lo counter tur Opposition lam chu an tlem mah mah a ni. Ram rorelnaah pawh hetiang taka in buk tawk lo hi chu a tha lem loin a lang.
Aw le heti chinah hian duh tawk rih phawt teh ang, remchan hunah duh leh kan la chhunzawm ang chu.
Similar Posts:
- SBI Mission Veng rukru CCTV thlalak
- Mizo Hlakungpui Mual Silver Jubilee chu le….
- World Cup : Semi Final 2 – Spain Vs Germany (Spanish ral an lian dawn e..)
- Website lun!
- SMS hmangin tawng kan suasam
November 8th, 2013 at 12:05 pm
Kan politician ho hian min bum nawn awn awn reng mai niin ka hria. Japanese ho chuan, “If you fool me once shame on you, fool me twice, shame on me,” an lo ti a, Mizote chuan kan inbum tir nawn tlut tlut reng mai a nih hi
Mipui pawh kan thiamlo. Mi tha tak tur pawh kan huamhauhna te, kan veisekna avangte, midang tih khalh kan tumna lamahte zah pawh dawn lovin thamna (bribe) kan pe hreh lova, kawng hrang hrangin mi tha tak tur pawh kan ti sual fo ngei ang.
Report this comment
November 10th, 2013 at 5:36 am
A lovni dawn maw? Ka lo ngaihtuah chiang ngai miah lo a, tunah chuan ka fing tawh ang. I thuziak hian min ti harh sawng sawng mai. Ka lawm takzet e.
Report this comment
November 10th, 2013 at 7:59 am
A tha khawp mai.
Report this comment