Zanriah Hnuhnung a Isua no kha hmuh a ni ta (em)!

April 1st, 2014 10:49 pm by Henry Vangchhia

Khawvel thil chhui miten hun rei tak hlawhchham titih a an lo zawn reng thin, “Isua wine inna no,” an tih “Holy Grail” chu historian ten an hmuchhuak ta tih an puang heu mai!

Spanish ram pakhat, Leon an tihah chuan biakin lian zet mai, San Isidro Basilica an tih chu a awm a. Han sawi tel zuai ila, Catholic biakin-te hian kohdan hrang an nei nawk hlawm. Entirnan, Cathedral chu Bishop awp/thuthmun biakin sawina a nih laiin, Basilica erawh chu Kristian thilah engemaw tak pawimawhna lo nei tawh thin/nei mekte sawina a ni a, a hming hi thlak theih pawh a ni lo a ni. Engpawh nise, chumi San Isidro Basilica-ah chuan museum a awm reuh a. Chutah chuan mi tlawh tam em em loh mai wine inna no, rangkachak leh lungmawi (agate & onyx) a thuah chu a awm a. Historiante’n lehkha pawimawh hrang hrang kum tel an neih hnuah “Hei ngei hi Holy Grail chu a ni e,” tiin an puang ngam ta a ni.

Isua hmui khan he no hi a si ngei em tih tumahin an fiah thei tawh lo tawp ang tih chu chiang saah ngai ta ila. Chutih karah chuan tun hma kum 100 tam lo bo tawh, Kristian hmasa ten ‘The Holy Grail” an tih kha a nih ngei erawh an chiang ngam ta-in a chhuitute chuan an insawi a nih chu. Tun hma atangin Holy Grail ang a sawi 200 chuang a lo awm tawh thin a, mahse chu’ngte chuan fiah an dawl zo thin lo va, tun a mi erawh chuan Kristian hmasate lo sawi thin ngei kha a nih fiah dawl zan a hriat a ni ta thung.

Holy grail ni a hriat chu mi hrang hrang kutah a awm hnu-in Muslim hovin King Fernando I a kutah an hlan leh ta a, chuta tang a hemi hmun a awm thei ta niin an hmuhchhuah ziaktu, historian pahnih, Margarita Torres leh José Ortega del Río te chuan an lehkhabu chhuah thar, “The Kings of the Grail,” ah chuan an ziak a ni.

Chhiar belh duh tan: https://nypost.com/2014/03/31/historians-claim…Holy-grail/

25 Responses to “Zanriah Hnuhnung a Isua no kha hmuh a ni ta (em)!”

1
mihring Says:
April 1st, 2014 at 11:06 pm
Chhiar zawh vek hnuah 1st

Report this comment
2
H.Vangchhia Says:
April 2nd, 2014 at 12:02 am
mihring leh hairehai

Report this comment
3
caribou Says:
April 2nd, 2014 at 12:22 am
A bengvarthlak hle mai. Lal Isua hunlaia hmun pawimawh leh thil pawimawh tak tak, leh a sulhnu te, hrehawm leh hlauhawm tam tak kara an lo humhalh hram hram thin kha, kan kristian hmasa te kha an fakawm ka ti takzet thin.

Report this comment
4
H.Vangchhia Says:
April 2nd, 2014 at 3:19 am
Rinna leh rinawmna hi kan inngah hleih thin ngawt mai.

Report this comment
5
century child Says:
April 2nd, 2014 at 10:07 am
Va nalh em em ve le, ni tak ang maw. Bengvarthlak khawp mai

Report this comment
6
Sony Says:
April 2nd, 2014 at 1:44 pm
Indiana Jones khan a chhar a, mahse lei kak karah a tla thla daih, ka lo hriat dan chuan

Report this comment
7
H.Vangchhia Says:
April 2nd, 2014 at 5:49 pm
^ Sony#6 hairehai

Report this comment
8
chhana Says:
April 2nd, 2014 at 8:19 pm
Ka ngai pawimawh lem lo e.

Report this comment
9
H.Vangchhia Says:
April 2nd, 2014 at 11:27 pm
#8 I Juda tlat a lawm, ka hrethiam. Kristian lo tan chuan Isua kha a pawimawh vak lo reng a ni.

Report this comment
10
XaiA Says:
April 3rd, 2014 at 8:55 am
A ngaihnawm e

Report this comment
11
Dr John Says:
April 3rd, 2014 at 9:52 am
A BVT hle mai. Mahse, an chei nasa lutuk a, Lal Isua hunlaia Judate context leh an khawsak dan dinhmun (economic context) ngaihtuah chuan khitianga rangkachak leh lungmawia chei thei tur dinhmun-ah Lal Isua-te kha an ding lovin a lang.

Amaherawhchu, hun engemaw kal ta chhung khan a Kawltu tute-emaw ber-in rangkachak leh lungmawi khian a lo chei pawh a ni mai thei tho bawk.

A Eng-ang pawh chu lo ni sela, Lal Isua leh a Chanchin hrim hrim-ah Thil pawimawh leh thil tha Chanchin hriat tur leh hmuh-chhuah tur a awm zel hi thil lawmawm leh ropui tak a ni e.

Report this comment
12
H.Vangchhia Says:
April 3rd, 2014 at 6:43 pm
Dr John #11 an sawi danin wine no khi cheibawl chawp a nih hmel. A “inthuah” tiin ziak a ni. I sawi ang khian an hnu a an chei leh a nih a rinawm.

Lal Isua hmui khan a si tak tak em tih tuman an proof thei tawh lo vang, mahse tun hma Kristian hmasaten, Isua wine inna no ang a an pawm, an lo vawng tha reng thin kha an fakawm thlawt a ni. An rinna a ngheh zia pawh a chiang, a hmu chhuak lehtute pawh hi an chhuanawm thlawt a ni.

Report this comment
13
рдпģŤіСHAЩЯ Says:
April 4th, 2014 at 7:11 am
Kan chhiar ve dawn chhin ange

Report this comment
14
drake Says:
April 4th, 2014 at 11:44 am
#9 saw hahahhaha

Report this comment
15
H.Vangchhia Says:
April 4th, 2014 at 7:06 pm
drake hairehai

Report this comment
16
mihring Says:
April 4th, 2014 at 8:51 pm
#14 drake, hahaha

Report this comment
17
chhana Says:
April 6th, 2014 at 4:14 pm
9 H.Vangchhia @ nia.

Report this comment
18
Awmtea Leo Khiangte Says:
April 7th, 2014 at 10:34 am
Ka van hmu ve chak e.

Report this comment
19
Diki Ruat Says:
April 10th, 2014 at 4:44 pm
Ngaihnawm e

Report this comment
20
Hotunu_pasal Says:
April 10th, 2014 at 5:41 pm
A rei tawh eeemmm mai… ka awih chiah lo. Tin, an chei nasa beng bung lutuk a, khang hunlaia Lal leh mihausate No a ni mai zawk lawng maw?

Report this comment
21
H.Vangchhia Says:
April 10th, 2014 at 7:52 pm
Ziak hrang hrang chhiarin no hi a inthuah tih ziak a ni. A thuahna hi a cheina a ni thei mahna. Sawi leh sawihnu, Isua hmui khan a tawk reng em tih hi tumahin an proof thei lo vang, mahse Kristian hmasaten “Isua wine inna no” tia an lo kawl that reng thin bo ta daih kha a nih thu erawh an chiang ngam viau mai… document hlui hrang hrang atangin he no hi kum tel tak meuh an chhui a ni

The scientists admit the first 400 years of the cup’s history remain a mystery, and they can’t prove the chalice ever actually touched Christ’s lips.

But they insist there is no doubt that this is the cup that early Christians revered as the chalice used at the Last Supper.
“The only chalice that could be considered the chalice of Christ is that which made the journey to Cairo and then from Cairo to León — and that is this chalice,” said Torres, who teaches medieval history at the University of León.

Report this comment
22
sheldon Says:
April 15th, 2014 at 9:06 am
Tukchhuah nuam vek u le

Ti leh hluai mai teh ang

Report this comment
23
badboy Says:
April 15th, 2014 at 10:00 am
sheldon kan chhuah na rei tawh lutuk itlai emai

Report this comment
24
Puii Says:
April 16th, 2014 at 2:24 pm
GOOD FRIDAY kan thleng leh dawn ta a, Holy Grail chan chin han chhiar pawh a inrem hle mai ka ti.. HV, thehchhuak tha khawp mai

Lal Isua ten zanriah hnuhnung an inna no behchhan thawnthu…. Silver chalice tih tu ziak nge ka hre ta mai lo ka chhiar te pawh min ti hrechhuak leh e…

Report this comment
25
H.Vangchhia Says:
April 16th, 2014 at 5:53 pm
Puii #24 ni e tiraw! Tunkum Good Friday lah chu kum dang ang bawkin kei zawng biakin lam ka pan leh thei dawn lo a nih hmel a, a pawi thin khawp mai. God bless

Report this comment