Aizawl a veng thenkhatah chuan, hmun tam tak mai, hmun 73 emaw lai chu ‘slum area’ ah an puang a ni awm e. Tute han tih vel nge ka hre lo va, eng chin nge slum area a puan theih chin pawh ka hre chuang lo. Mahse, kei a hmuh ve tawh chin vairam a slum area nen a han enkawp chuan an puan tak hmun pahnihte hi slum area a han puan chiah ka hmu thei lo a ni. Sawrkar sum hmuh duhna vang a hetiang a puangta mai hi nge an nih a, slum area (India in a tih ang) an tling tak tak zawk ni ang le aw? Slum area han neih ngawt maite hi keini Mizo-te tan chuan zahthlakah ka ngai ve tlat. Tun hma kha chuan, “Mizoramah homeless leh kutdawh kan nei ngailo,” tiin kan chapo ve thei hle thin. Tunah chuan kutdawhna chi tinrengin kan kut kan dawh vek tawh ni maiin ka hria a, pawi ka ti hle. A nihna tak hria ilang chuan mipui hi thinrimin kawng an zawh mup mup tawhin ka ring. Diktak chuan “slum area” ah hian mi pangai inti tan chuan nupui/pasal pawh zawnna chi niin a lang lo va, neihna tlak a ngaih pawh niin ka ring lo. Hmun tawp leh hnawk, chutiang a mi rethei berh uchuakte chenna hmun sawina chu a ni. ADB atang a sum hmuh beisei vang a an puangta mai hi mak ka ti a, a zahthlak ka tiin pawi ka ti takzet.
Mi sawi ka hriat thin dan phei chuan, ” BPL ni tur khawp a thawkchhuak tlem nilo pawhin BPL angin an inziak lut duh.. sawrkar sum an beisei duh vangin,” tih thlengin ka hria a zahthlak tak niin ka hria. Mahni a thil tih tumna, hmasawn tumna a awm lo va sawrkar a kan innghah rikngawt chuan hmasawnna leh changkanna tak tak kan thleng thei ngai lovang. A state zawng pawhin kutdawh kan ni kumkhua ang.
Tun hmalam a kalo sawi tawh thin, “ILP nei tur hian vai ho hi Mizo tu emawin a sponsor a ngai a, chu pawh chu a sponsortu hna a thawh chhung chauh a tan a ni thin. An hna an zawh hman loh chuan pawhsei sakna a sponsortu khan a dil sak leh thei thin. Tun a Zion street vel a vai piangsual kutdawh ho huangtau tak tak te khian ILP an neih ka ring lo. An nei a nih chuan tu sponsor nge an nih, tu tan a kutdawh nge an nih hriat a chakawm thin hle. Hemite hian kan kawtthler ti tawp zualin phalna nei bawk lovin kan ramah kut an rawn dawh niin ka hria. Thu neituten enfiah thin sela a duhawm ngawt mai,” ti a ka lo sawi ve thinte kha ka hrechhuak rum rum. Engemaw ti zawng takin kut dawh ve ve ta chu diklo tak a inziak khawngaihthlak a, Mizoram sawrkar-in state chhung developna tur a vaiho hnen a a kutdawhna pawisa lo beisei ngawtte nen an danglam bik vakin ka ring lo.
Pride tal hi chu I nei ve teh ang u, Mizoram tan!
Similar Posts:
- Kutdawhna hi I umbo ang u
- Aizawla mi kutdawhtira sumdawnna zahpuiawm
- Kutdawh
- Aizawl a kutdawh tam ta lutuk hi
- Kutdawh dan changkang
April 23rd, 2014 at 12:09 am
Zah nachang i hre bawk ang u.
Report this comment
April 23rd, 2014 at 12:29 am
India ram a “Slum Area” a an puan thin chu “Dawmkanna” tur a ruahmanna chu ni chiang e, mahse Aizawl a “slum area” a an puan takte hi slum area an ni chiah em, slum area tih an nihna chhan hi kan hrechiang em tih hi zir chian a ngai khawpin ka ring. Chutiang chu Section (3) Under Slum areas (Improvement and clearance) Act 1956 in slum area a a puan thinte chu:
Any area unfit for human habitation by reasons of (mihring tan a khawsakna tlak a nih loh chhan chu):
dilapidation (enkawl loh vang a chenna in chhe rawp lutuk), overcrowding (mihring inhnawh tawt lutuk vang), faulty arrangement and design of such buildings (in sakdan fumfe lo leh chhia), narrowness or faulty arrangements of streets (kawng zim lutuk emaw kawng tha fumfe awm lo), lack of ventilation (boruak thianghlim awm lo), light or sanitation facility (engmei leh inthiarna fumfe awm lo), or any combination of above factors are detrimental to safety, health and morals (khitiang a a mal te te emaw pakhat aia tam a awmna chu mihring hriselna atan a thalo, hmun him lo leh chhia leh tha hriatna ti bo thei a ngaih an ni a),
Definition does not provide any measurable parameters for area unfit for human habitation, and declare it a slum. Khitiang khian mihring khawsak tlak loh chu slum-ah a puang thin tihna a ni ber.
Tanpuina beisei tur kan dap chhung chuan changkanna tak tak hi a thleng har viau ang. Changkanna leh hmasawnna chu mahni tih tumna rilru neih atang a intan a ni.
Hairehai
Report this comment
April 23rd, 2014 at 3:40 am
Ziak tha khawp mai. kan pawisa duh lutuk leh tanpui ngai nia in hriatna hian kan mizo nun a ti chhe mek a nih hi, heng slum area a an puan te hi STANDARD SLUM AREA tih ang zawng a hming thar te kan vuah a nih ngawt loh chuan Slum area pangai tehna a tang a teh a nih chuan Slum area a nih theihna a awm lo reng reng. Ami chengte rilru zawk hi a SLUM vang in slum area ah an puang a nih erawh chuan thudang
Report this comment
April 23rd, 2014 at 3:11 pm
Pi Lalsangzuali Sailo (RIP) hla ka hrechhuak “Pipu sana leh kutdawh hnamrual kan ni lo, dawnchiang teh mahni kutke in an ding si” tih kha.
Development kan duh anih pawhin a dawng tur dik tak leh a chang tur diktak te hian sawrkar scheme te hi hmang tangkai sela, rualkhai zawka hmasawn dan kan ngaihtuah hi a tha khawp mai. Slum’ tih hmingpu leh a rim nam hrim hrim hi keipawh ka ngaina lem lo. Chuan Zion street kutdawh ho chu engtinnge an awm pawh an phal zawka? Dan phalloh a nih piah lamah khawpui ti tawp tu an nia sin. YMA emaw NGO te pawhin ngaihven se, rut fai vek rawh se.
Report this comment
April 23rd, 2014 at 8:04 pm
Thil engemaw dawn kan duh vang a kan zahawmna kan hralh chinah chuan kan tan chu aia zahna tur dang awm tawh chuangin ka hre lo.
Report this comment
April 23rd, 2014 at 8:31 pm
Slum pocket 73 zingah khan kan veng a tel ve loh a vang a ka intihtheih deuh det thu kan veng blog ah ka tarlang a… then khain an like a,thenkhat chuan an like vak lo
Report this comment
April 23rd, 2014 at 8:33 pm
Xaia, kan hmelhriat pakhatin slum area laili tak a a in sak:
https://i.imgur.com/z1FKYrm.jpg
Report this comment
April 24th, 2014 at 9:23 am
Heihi keipawh ka hriat ve leh khan ka helh deuh a. Diktak chuan Aizawl City Area chu sawi loh Mizoram chhungah hian slum area a puan tur hi a awm meuh em aw ka ti. I rawn sawichhuak a a tha khawp mai. Sorkar in puan na chhan a nei aniang e!
Kutdawh chungchang hi chu awlsam taka rut fai rawh se tih chi ah chuan ka ngailo. Kan Mizo kutdawh te hi zirchian an ngaih ka ring a mal te te in. Kutdawh ngei ngei ngai dinhmuna ding nge an nih tih te pawh
Report this comment
April 24th, 2014 at 5:00 pm
sheldon, funny hi a reh riau mai mahse facebook a a ziah hi ka rawn paste ang e: Hairehai
“Eng eng scheme emaw atanga pawisa dawn duh vanga slum area a kan han inpuang vak mai hi chuan kan hmasawn duh dan zawng leh kan morality hi engemaw chenah ngaihtuah a ti thui in ka hria. Central atang hian sum dawng tho mahila, dawn ngailo khawpa hmasawn hi kan tum tur zawk anih laiin kan ban du du kher hi chu a… Heng pawisa dawn theihna schemes NLUP, BPL, ni 100 inhlawhna etc te hi tha viau anga an lan laiin kan moral ti chhe zawngin kan society hi an run ve mek tih lam hi ngaihtuah a ngai viau tawhin ka hria. Entirnan, ni 100 inhlawhna pawh hi, hnatlang ang deuha thawk hah lemlova zelthel taka pawisa hmuh theihna ah kan chan leh tlat tawh.
In sa turin vai mistiri kan mamawh miau chuan ILP in a dang zo lo, chutiang zelin thil dangah pawh kan mamawh zel chuan vai ho hi kan chaw lut lo thei dawn silo. Lal Thanhawla sawrkar in vai company ding thar hnena ram kum 99 chhung a hawh tir leh loan proprietor a sawrkar a tang te kha thalaite tan chuan thik tham anih laiin kan ngaihven silo. Industry ah pawh a pawimawh ber hmasawnna ruhrel iron and steel a la ni zuia, look east policy te kan han chhawr chho anga, industry dang pawh vai hovin min rawn tih khalh zel chuan kan ILP pawh hian min hum reng thei dawnlo a ni. Hetiang zawnga kan moral leh lifesyle te, kan economy te a kal zel chuan kan ram ngei hi kan luah lum zawh loh hun a thleng ang tih a hlauhawm khawpmai.
Kan population hi a thang chaklo bawksi, kan thalai tam zawkte ngaihven lah hi ram leh hnam hmasawnna lam anih hmel siloh. Kan kal dan hian hnam ding chhuak tur zia aiin hnam boral tur zia a kai tlat in ka hria. Mizoram leh hnam chimrala a awm mai tur hi ka uipui tuilian thlir mai mai dawnlo, a tul anih chuan ka la… ang.”
Report this comment
April 25th, 2014 at 12:38 am
Kan veng hi LAD hnuaia Village Council kan neih lai 2008 vel kha ni tain ka hria. Sorkar khan Model village ah khan min rawn puang ve ngei kha a ni a. 2014 ah chuan kan veng chanve hmawk mai chu slum pocket ah min puansak leh ta mai si a. Khawlh tak a ni e.
Kan sorkar-in mirethei khaichhuahna prokram kum 5 chuang a kalpui tawh hnua mirethei chenna (slum area) puan leh vak mai hi thilmak a tling a ni.
A hrim hrimin ‘Mizorama slum area hi chu vairama slum area ang hi chu a ni lo’ tih sawi reng chunga slum area neih talh tum tak tlat mai hi Kristiante tih atan chuan a mawi lo.A zahthlak bawk.
Pawisa hmuh nan an ti a nih chuan ‘Sum tamtak aiin hmingthat hi a hlu zawk’ tih inziak te pawh kan chhiar thin kha maw le.
Report this comment
April 25th, 2014 at 1:33 am
Athans Chhangte, “Sum tamtak aiin hmingthat hi a hlu zawk” a dik a ni. Mahni zahawmna kan hralh phal chinah hi chuan kan nep zia hi sawiin a siak tawhlo a ni ber.
Report this comment
April 26th, 2014 at 7:34 pm
Nia, ka hria. An sawi a; mak ka tiin zialo dawn ka ti khawp mai.
Report this comment
April 28th, 2014 at 11:58 am
Report this comment
May 1st, 2014 at 2:59 pm
Pu HV nge nge… vei dik lutuk… Kei pawh Aizawl veng chuanhnuai deuh slum area an puang mai hi a mak a na ka lo ti ve …
Aizawl khawpui in leh lo leh mimir khawsak dan hi a inchen lo tak zet tawh na a, hetiang slum area nei em tur hi chu kan la ni lo deuh e..
BPL list siam dawn lah khan kan inziak rethei fe tawh bawk a, mi state rethei te hi chu chan chau fe an ni thin ania …
nge ni a kan rilru hi a lo rethei em em mai zawk le…
Report this comment
May 2nd, 2014 at 10:54 am
Slum Area 76 hi 2006 daih tawh a Govt. in a notified tawh a ni a, tun ah hian slum pocket tih emaw, slum-like characteristic area ti a address tawh zawk tur a ni. Mizoram hi special category state a awm kan ni a, kan Slum definition leh Criteria hi Central nen a in ang lo a, hei vang hian kan ram mil tur a customized a ni a, hei vang hian Central a slum area an tih leh mizoram a Slum Pocket kan tih te hi a in ang lo a ni. Mizoram a Slum Pocket development in a address ber chu Housing and Infrastructure development a ni a, Aizawl khawpui ah hian In luahtur indaihlohna nasatzia (housing shortage) leh kan Drainage leh Sewerage system mumal loh zia te, kan kawng leh step te en hian, veng tin deuhthaw ah hian tihchangtlun tur lai bik leh Chenna In indaihlohna nasa tak a awm a ni. Heng te tih hmasawn nan leh tihchangtlun nan hian Mizoram sawrkar in hma a la ta ani. SUM HI ADB ATANGA HMUH A NI LO A, MoHUPA (MINISTRY OF HOUSING AND URBAN POVERTY ALLEVIATION, Govt. Of INDIA) ATANG A HMUH ANI.
@H.Vangchhia, Slum Pocket chhung ah hian mi hausa leh awmthei tak tak te chu awm bawk mahse, an chhehvel a mirethei leh harsa tak tak awm te leh infrastructure mumal lo tak te hi sawrkar in a ngaihthah lo a, heng mi te hamthatna pek ve hi a ngaihtuah in a tum tlat a, vairam slum area a mi hausa,millionair thleng pawh a an awmna hmun te pawn development nasa tak an hmuh theih chuan kan ram hmasawn nan hian he ruahmanna awm hi lungrual takin i thlawp ang u. Heng mirethei leh harsa te chenna In ngaihtuahsak leh Infrastructure development te hi sawrkar hian ngaihtuah sak lo ni ta se, tunge ngaihtuahsak chuang ang???, central in kawng a rawn kawh hmuh a, chu chu state sawrkar hian a tangkai thei ang ber a hman a lo tum ta zawk a ni.
Report this comment
May 2nd, 2014 at 12:32 pm
Sum tam tak hmuh na’n a kan zahawmna hralh hi a pawi takzet (ka ngaihdan).
Mahni ke hian din tumna kan nei tawh lo, a pawi chho tulh tulhin ka ring.
Sawrkar hnathawk hovin an hlawh aia an hausakna atang hian sawr chhuah sak nise ram chu changkang mai ang. Engang pawhin pawisa hmu hnem mahse eiruk nen chuan eng kan ni leh chuang loving. Mahni ke a din tumna, huamhauh tak a eiru zo vek nih tum lohna neih a, zahmawhna hi ngaih pawimawh a hun takzet.
Report this comment
May 3rd, 2014 at 8:18 pm
-^- para 2 tlar hmasa pa 2 hi ka duh ltk, disproportionate assets ho zz hi chhuhsak ngamse slum mai an develop lo ang mizoram pum hi a zuan in a zuang dawrh thei ang chu…
mahse tlar hnuai ber dawttu 2nd last word khi.. ka rilru a ti hah tlats
Report this comment
May 3rd, 2014 at 10:30 pm
Jennifer Lo
Report this comment
May 6th, 2014 at 1:36 am
Mizo Phantom hi kan pride chu a nih rih mai hi maw.
Report this comment
May 6th, 2014 at 3:38 am
muansakhi #19 min bawl peih peih hi kan buaipui zel mai a nih hmel hi a! Hairehai
Report this comment
May 9th, 2014 at 7:19 am
Luh chhunah comment zel ta ila…
Ka lo chik lem lo va, a ni tak tak a nih ngai chuan a zahthlak hle ang
Kan sawi ta fo mai, MNREGA an tih emaw ni te hi a, sawrkarin hetiang ringawta awlsama sum hlawh chhuak tur hian a duan ka ring hauh lo. Zelthel tawkin chawhma emaw lek hna an thawk a, ni thum hlawh te an la thul. Hmun thenkhata tha taka thawk an awm ang tih ka ring, an fakawmin an zahawm ka ti.
Sawrkar hi mipui sawrkar ti siin sawrkar a chhiatna tur hian mipuite pawh hian kan zir miah lo! Slum area-a puana cheng ngeite hi mobile phone changkang tak tak hmanga internet hmang pap pap thei te pawh an awm ngei ang chu.. NOI
Report this comment
May 9th, 2014 at 8:44 am
Dr Mahminga Sailo, comment #7 na a thlalak (link) khi han en chhin teh!
hairehai a ni tawp.
Report this comment
May 9th, 2014 at 12:14 pm
Khai aw.., a nihna i ziak chhiar hmasa lovin thlalak ka en ngawt a, i fiamthu emaw ka ti hman tep alawm! Mak thin teh e..
Report this comment