Hmanah chuan kan pi leh pute chuan lo neiin an nitin ei an an thawk chhuak a, tunah erawh chuan vai hovin kut dawh min rawn tih hmuh a, mizo te’n kan kut kan han dawh a, mirethei pawl thlengin kan in din ta!! Mi tihdan takin,”Kan pi leh pute kha rawn tho leh ta se, hetiang tur hian an tu leh fa te hi an awm theiin an ring ang em aw??” ka ti thin.
Kan Mizoram chuan kei ngei pawhin ka ngaihtuahna pawh a thleng tur ka la rin ngai loh Mirethei pawl lo ding ta hi a ni. Tun thlengin thingtlang lamah chuan mahni eikhawp thawk chhuak chin chu mi rethei ah kan chhiar ngai lo. Hmeithai tak ngial pawhin kut an dawh ngai lo.
Tunlai kan Aizawl ah ve chuan Mirethei pawl patling te chu kal kualin an pawl hmingin kut an dawh kual ta a ni. A zah thlak lam hret chu a ni e. Kutdawhna hi um bo a la theih a nia, a umbo na lamah tan ila teh ang u. Vai kutdawh reng reng hi um chhuak ila. Mizo kutdawh te hian hnathawh tur zawng ve tawh se, nitina an thawh tur chu tu tan pawh a awm in ka hria. Kan thatchhe em a ni e.
Kan ram hian slum area a neih hma hian kutdawh te hi umbo teh ang u. Kutdawh hi kan mamawh lo. Peace bonus ai chuan ram intodelh nih tumna hian kan rilru leh kan ngaihtuahna te la peng tawh zawk se a lawmawm viau ang!!
Kan Lal Biak tawngtainaah pawh Nitin kan eikhawp in chaw min pe ang che tiin kan dil a, a bak kan dil love, hausak a ngai lo. Kan eikhawp kan thawhchhuah tlanna chiah a ni ngai ni. Taimakna hi kan tlachham tlang a ni e!!
Similar Posts:
- Kutdawh
- Aizawl a kutdawh tam ta lutuk hi
- Aizawla mi kutdawhtira sumdawnna zahpuiawm
- Kutdawh dan changkang
- Whistle Blower Part-8( MZP donation)
November 6th, 2007 at 2:36 am
“Kan Lal Biak tawngtainaah pawh Nitin kan eikhawp in chaw min pe ang che tiin kan dil a” -> I wrote this
Give us this day our daily bread
https://misual.life/2007/05/02/g.....ily-bread/
Report this comment
November 6th, 2007 at 2:36 am
Englo a nia, kan in zirtir dan hi a practical vak lo ve bawk a. Rinna nei turin kan dil chiam chiama, thil tih(practical) lam kan lamchhiah thung a. Hna kan thawk tlema, kan mamawh erawh a tam hle si a. A in balance ta lo a ni. Kan phone bill te, kan in luah man te, kan ei leh in bakah kan veivahna te hi chhut ila, kan hnathawh hlawh nen inphu hek lo. Kan hlawh mil tawka khawsak kan tum lo va, thlaihnah zuar te pawhin Mobile an khawih neuh neuh thei tlat mai te khi ngaihtuahna a tithui a sin. A thlatin bill leh senso in chhut pui ngai em? luxury mai a ni a, a lova awm theih thil a ni.
Kan fate tana kan awh em em te, kan nu leh pa te min lei sak atana kan it ngawih ngawih te hi kan sum neih leh thawhchhuahin a phu bawk si lo. Kan khawsak a sang a, kan sum lakluh erawh a hniam lawi si a, hei vang hi a ni ber e. Eirukna te hi kan intodelh zeta, kan thawhchhuah mila kan khawsak zet loh chuan um bo har tak tur a ni. Kan mamawh a sang em a ni.
Report this comment
November 6th, 2007 at 2:55 am
@Benjamin : I am here trying to find the purpose of life. < <-- Tunah hian delhi ah ka awm mek a, ka awmna chhan chu hei tho hi a ni. Rinna lamah pawh min pui nasa khawp mai. Thiante zingah nei ve tak nih a chakawm thin khawp mai, mahse, "Nitin kan eikhawpin chaw min pe ang che" tih hi ka in hnemna a ni. Nawm sak chuan Pathian hnaih a har thrin khawp mai!! Religious mah mah a ni mai thei a, mahse, kei chuan pawi ah ka ngai lem lo e..
@ Zorun : A dik khawp mai. Mahse, ka sawi tum tak chu, heng te hi chu thil kal tawh leh thleng mek, la awm zel tur a ni. Hetiang awm tawh lohna tur hian tuna tlemte an la awm lai hian kan la umbo thei a, he thu hian sorkar beng a thleng em in ka ring lova, a thlen theih chuan a aia lawmawm leh zual tur ka hre lo. Vai ho hnathawh tur pek tawh loh a ni mai kan tih tur chu ti te in ka ngaihtuah rilru mai mai a, mahse, mi inluahin lirthei kan nei a, nu leh pate thawhchhuahin zan rei tak takah motor in bengchheng takin kan ri dup dup ang a, hnathawh tur awm chhun lah vai ho thawh ah kan dah zel ang a, kan neih hlu zawng zawng vaiin min ei zawh sak ang a, kan hrehawm tulh tulh dawn a nih hmel a ni!!
Report this comment
November 6th, 2007 at 3:10 am
Ni e, Mireithei Pawl hotute khian Hna an thawk lo va, eng hna mah an thawklo .. an ti a. Chutiang chu rethei awm reng an ni a. Kawng siama nitin inhlawh Vai ho thawh ang hi kan thawk peih lo tihna em ni? Vai pawhin thawh tur an hriat chuan engvanga a ram neitu Mizo zawkten thawh tur kan neih loh ang? rethei nia kan inhriatna hi kan mamawh nia kan hriat kan neih theih loh vang mai a ni thei ang em? mi neih ang neih ve zel kan duh a, pawisa kan nei ve si lo va, chu chuan kutdawh mai min zirtir a ni mai lo? ka ngaihtuah a, Rethei pawl hi chu ding lul lo se ka duh tak zet a ni. Miin hna a thawh chuan a phu tawk hlawh a hmu ngei ngei tur a ni. Chu chu Vai belh chep tak tak pawhin an ei tur an thawk chhuak thei he Zoramah hian. Kutdawh kher lo hian hlim takin a awm theih ngei ang. Thawk peih lo chuan ei pawh ei suh se, tih hi byheart ila a tha ang. Thawh tur hrelo tih te hi chu chhuan lam mai mai a ni. thawh tur a tam lutuk.
Report this comment
November 6th, 2007 at 3:17 am
Thawh tur chu tam tak a ni, thawh sen loh a awm, a bik takin mizo tan. Vai phakar kan chelh tawh si lova, kan hmuh loh lamah min ei ru hiau hiau mai si, kan thawk peih lo e kan ti a, vai in an rawn hnawh khat zel a, lehkhathiam hna hmu lo tam tak awm laiin lehkhathiam lo kut hnahthawk a hlawhtling taka eizawng an awm leh bawk si. Kan thatchhiatna hian min la ei chhia ang a, kan nawm tumna hian hrehawmna min thlen nasa tial tial mai dawn a ang khawp mai!! Vai tihah khek lovin, vai thawh tur zawng zawng hi thawh khalh vek peih ila chuan ramdang mi kan ngai bik lo tur a nia!! Lehkha zir pawh mite lo kalna tawh thrin a nia, a thra e ti a kal ve lovin, kan tuina leh hlawhtlin ngei theihna tur lamah kal zel zawk ila a tha in ka hria!!
Mirethei pawl hian tawp lam hnaih teh se tih hi ka thupui a ni e!!
Report this comment
November 6th, 2007 at 5:57 am
Spide: Post thra bawn tops tiang hian i ziak ngai lo emaw tihnak lai in thra deuh deuh i ziak leh thut tamai. Awm mual mual emaw tihkar ah Del lo thleng thla hman der ani maw.
Teimeimakna in thatchhiatna thinlung kan neihte hi umbo thiam chu a thra kher mai le.
Report this comment
November 6th, 2007 at 6:51 am
A dik zorun sawi khi, kan thatchhiat ngaihtuah hi chuan kutdawh hi kan tam lo zawk khawp in ka hre thin. Mahse a sustainable lo hrim2 tun a kan dinhmun khi chu, a rei ang a tun ang reng khi kan nih chuan kutdawh pawh kan tam telh telh ka ring.
“a thra e ti a kal ve lovin, kan tuina leh hlawhtlin ngei theihna tur lamah kal zel zawk ila a tha in ka hria!!” – a dik a, mahse ka add duh chu, poisa neihin a tlin loh vang emaw circumstance in a zir loh vang a, kan tuina lamah kan kal thei ta ngang lo anih pawn, thil dang enge tih theih zawn hi poimoh – “the next best thing” just might save us. Ka hre hnem mi, entir nan, doctor zir ka duh ti tlat a, mark in phak thei si lo emaw, chhungten pawisa kan nei lo an tih emaw vang a, engmah dang tih tum duh miah lo. Damchhung a doctor nih “tum” a, engmah thawk lo nih ai chuan, labourer ” nih” tak tak poh a thra zawk.
Mahse ni e, kutdawh na hi chu bo hram se. Mizoram chanchin sawi apiang a sawi nuam ber part hi bo quit mai dawn..
Report this comment
November 6th, 2007 at 9:25 am
Kutdawh ai chuan corruption umbo ka duh zawk na a, corruption hi kan la ngaina riau si a, kutdawh umbo hmasak pawi ka ti ta lo mai. Tute emaw sawi dan chuan vai kutdawh ho hi Mizo tute emaw hminga sorkar phalna a Mizoram lut anni awm asin. Anih chuan NGO tuten emaw heng Mizo te hi hmuchhuak sela, vantlang mimawl ho hi min han hrilh sela. Dan lova lut annih phei chuan a serious lehzual Mizo contractor emaw sumdawng lakluh annih chuan tihrem chu awlsam te tur ani.
Mizo kutdawh annih erawh chuan thu dang daih. Nimin Zawlbuk website a Lalrinngheta kum 28 mi retheih vanga inkaphlum niawma an chhuahte kha a lungchhiat thlak khawp mai. Kan ram hmangahitute an hausak hlawm nen. Rorelna fel leh remhre tak nei ila chuan heti em ema rethei kan tam lo tur. Chu vang chu ania corruption umbo ka tuipui tlat ni. Kutdawh umbo nan pawh a tul tlat.
Report this comment
November 6th, 2007 at 9:26 am
Ti hian pakhat chuan a tia, vai kutdawh hi – Isua pawh nise ti khan a tih zawk zawk ka rin lo.
Report this comment
November 6th, 2007 at 9:47 am
Sawi tha hlawm hle mai.Mizorama mirethei pawl lo ding ta mai hi chu ka veina rei ve tawh.A zahthlak zia hi an hre lo em ni aw.Engvanga ding nge an nih ka hre ve chiah lo va.
An “Rethei” tak tak nge? Rethei ang an in ngai tlat(proverty mentality) nge,kan neih tawk,chan tawk ah kan lungawi lova.Mihausa zawk te neih ang ,khawsak ang kan duh ve.Nge,kan taima tawk lo/ thawh hreh kan ngah lutuk?
Report this comment
November 6th, 2007 at 10:24 am
Kut dawh em ngailo hi chuan mahni in kan la in tungding ve thei turah chuan ka ngai.Thatchhiatna hian min bawm hneh em toh a ni hna kan thawk tha peih toh lo a,thawklo a ei ringot kan tum ta mai zawng a nih hi.
Report this comment
November 6th, 2007 at 11:27 am
kan vei tlang maw..Rinzuala(cheng khata) pohin competition a nei nual tawh tlat…
Report this comment
November 6th, 2007 at 1:01 pm
Kan value system hi thlak a ngai ka ti. Kan mamawh zawng ni lovin a tello pawha kan awm theih kan duhzawng neihah kan huai em em a ni. Khaw pakhata ka hmuh chu – an in kha Mizopa di in dik tak a ni a. Pa ber thingzaia ei zawng a ni a, sum lakluhna dang an nei lo. Chutichung chuan an inchhungah TV leh VCD player ka hmu. Hei aia mamawh an ngah a ni tih ka hriatpui a, mahse an mamawh aiin an awh zawng an ngaihtuah zawk tlat. Hmasawnna nghet aia kan sum neih chhun pawh luxury items-a kan tlakral zel chuan kutdawh bak hmabak kan nei lo vang.
Thangkura drama-ah khan, “Eizawnna hlawk ber eng nge?” tih chhanna chu “Minister bathlar” tih a ni. Hei hian thil tam tak a sawi. Rim taka hna thawk tauh2 a, thlansa phul kaia eizawng te aiin milian be thiam leh duhsaktu nei tha, hnathawk mang si lo ho hi an hlawk zawk leh tlat thin. Hnam Run-a lam luih2 thin ho pawh khian purpose dang vak an nei lo. Kutdawh rilru tho! Mahni phak tawka theihtawp chhuaha intodelhna rilru put hlutzia hi kan inzirtir a ngai nasa a ni.
Mirethei pawl a ding tih ka hriat phata ka rilrua lo awm chu, “Kan va Mizo ta lo em!” tih hi a ni. Duhtawk hrih phawt ang…
Report this comment
November 6th, 2007 at 1:12 pm
Kutdawhna umbo tur chuan kan intodelh ngei a tul ang, engvang maw?
– Mizoram sawrakr hi kutdawh sawrkar a ni
– Mizoram mipui tam zawk hi sawrkar behchhan kanni
– Hausa kan nei ve ho pawh hi direct / indirect a sawakr zarzo avanga hausa anni
– Sumdawng hausa kan tih ho pawh sawakr supplier leh sawrakr hnathawh hlawh atanga sum lalut ve mai anni..
KUTDAWHNA ramah kuitdawhna engtinge kan tihrem theih ang le???
Report this comment
November 6th, 2007 at 8:13 pm
Vai kutdawh ho khi i umchhuak hmasa phot ang u
Report this comment
November 6th, 2007 at 8:15 pm
kan politician ho hian kan taimak hi a hlau in ka hria
Report this comment
November 7th, 2007 at 8:33 am
Vai nise, Mizo pawh ni rawh sek sek, kutdawh reng reng chu kan sawrkar hian man khawm vek sela. Hmun pakhatah dah khawmin, an thawh theih ang tawk theuh thawktir sela. Sawrkarin an hrawk chiah chawm sela, kutdawh duh chu an awm lo thuai mai ang. Chutianga tih chu sawrkar tan pawh thil sual aiin a tihtur diktak ti a ni zawk ang. Chutiang ti tur chuan kan YMA leh MZP-te hian sawrkar nawr sela. Hun lo la kal zel tura kan ram leh kan society tana thil tha a nih ngei kei chuan ka beisei.
Report this comment
November 7th, 2007 at 10:14 am
Kutdawh apiang man tur ni se kan CM ber Delhi a kutdawh dun dun hi a tel ve ang em ?
Report this comment
November 7th, 2007 at 10:56 am
‘charity given to beggar’ leh ‘claim as a part of Indian union’ hi a in ang tihna em ni
Report this comment
November 7th, 2007 at 11:17 am
Mizoram state sorkar hian kum tin Rs. 2500 crore vel (kan CM sawi dan ania) rorel nan an hmang a. a bakah central sponsored scheme, NEC grants tam fe a awm leh a. Mizoram sorkar sum hman dan hi MNF ruh fe lo chuan dik ah kan ngai lo va (hlawh an pe tam lutuk, an hlepru hnem lutuk, an renlo lutuk, etc). Hetia Rs. 2500 crore leh central/NEC sum pek belh zawng zawng renchem lo taka an hmanral hnua Delhi atanga la dil belh talh hi helama Financial Accountability a awm si loh chuan kutdawh dan chikhat chu ani ber mai. Political kutdawh.
Report this comment
November 7th, 2007 at 12:57 pm
Kan State chanvo, kan CM-in Central sorkara a dil leh kutdawh kan tih taka hi ngaihfin chi a ni lovang. Central sorkar tranpuinain intodelh turin scheme hrang hranga tranpuina dawngin hna kan thawk a. Central leh state sorkar scheme hrang hrang kan hmang sual a nih chuan kan sorkar leh a dawngtute dik lo engemaw zawk zawk chu a ni ngei ang. Chu tiang bawkin, kutdawh (beggers) hnathawk peihlote chu sawrkarin hna a thawhlui tir dawn a lawm. Chutianga kan tih chuan hna thawk peihlo chuan kutdawh pawh an bansan thuai mai ang. Awlsam te mawle. Min CM tir ula, thla 3 chhungin kutdawh hmuh tur an awm lo mai ang. Kha daih kha a sin !!
Report this comment
November 7th, 2007 at 1:27 pm
Kan state chanvo chu Rs.2500 crore. Chu pawh chu state revenue let za tam. Chu pawh duh tawk lova la dil belh tawk tawk chu kei chuan kutdawh ah ka ngai tho.
Report this comment
November 7th, 2007 at 4:51 pm
north east state ho hi ‘special category state’ an tih ho ani lawm ni! 80% vel grant ani zel lo maw?
revenue nei ve tur chuan eng tin nge kan tih tak ang??
state dang a an sum hnar lian ber ‘sale tax’ khawn lah chu kan sumdawng pawl ten mipui bawl phawn nan an hmang a, a kal tluang hlei thei meuh lo chu ani si a.
total prohibition alo ni bawk nen,
lotterry te hi enge a an tak zel ni??
enge mizoram ah revenue tha tur dang awm le, tun kan dinhmun ah hian!
sum hman na tur lam hi, revenue expenditure ni lo in capital expenditure lam ah han ti dawn ngawt ila, kan sawrkar hnathawk 20,000 chuang ten hlawh pun a nawrh ah an in el mek chu ani si a,
sawrkar hnathawk mek hlawh pun chu sawi loh, a retire tawh te pension hlawk pek hi kan ram budget ah hian engzah percent tak ni ang maw?? retire an pun chuan a pung ve zel dawn chu ani si a, hei mawlh mai hi ngaihtuah ngun angai. central service leh All India service te chuan tun ah pension dan thar an hmang vek tawh a, an mahni pension hlawh tur kha an hlawh atanga deduct nghal vek ania , chu mi atanga pension la tawh tur an ni ani lawm ni? Budget provision ah tel ve tawh lo in .;)
Report this comment
April 6th, 2008 at 8:43 am
Kutdawh awm lohna state?! Central-ah kutdawhin kan pute ho an kal zing dup mai a. Kutdawh awm lohna state-ah puan kan tum bawk si a. A inkawkalh nek nuk mai chu a nih hi maw. Kum 20 state-a kan awm tawh hnuah pawh.. tite hian kan la inkhualtelem laih laih chu a ni mai si a. Inbailem chhuan ringawt hi chu kan bansan a hun tawh. Chhungte thawhchhuahsaa inbailem chhuan hi chu a tukah a ngaite bawk, a tuk lehah pawh a ngaite bawk. Khatiang ang rilru kha kan hruaitute / min hruaitute hian an kalsan chu a hun ve viau tawh a ni.
Umm engpawhnise khitiang ang chi a chhe leh zual khi chu… ren vak loh tur.. Vai ho phei chu ren loh reng reng tur a ni mai… Mosolman kalkhawm an tih pawhin, Lammualah… Kohhran hrang hrangte engemaw tihkhawm aia tam daih an kal khawm thei tawh a nia… Mosolman chauh ni lo a dangte nen phei chuan engzat fakaua tam ni ang maw… Nakin lawkah chuan min la dawh ral raih thei ang…
Report this comment
April 6th, 2008 at 3:52 pm
State Bank bul leh Canteen kualah mitdel kutdawh an awm thin. An tam lo. Sawrkar leh NGO ten ngaimawh tak tak se, thil buaithlak tham chu a la ni hauh lo mai.
Report this comment