Alexander Ropuia tia mizote`n kan hriat mai thin, Alexander the Great hi 356 BC hun lai vel khan a lo piang a. Greek mifing hmingthang Aristotle a zirtirna hnuaia seilian a ni a. Kum 20 a tlinin a pa King Phillip II chu thah a ni a, Greek sipai chak tak chu a enkawl zui nghal a ni. Greek rama helna nasa tak a tukdaih hnuah a ram a zauh tan a, chhak lamah India ram a rawn la thleng thei
hial a, hetih hunlai hi 326 BC vel a ni. 323 BC ah Arab khawthlang lam lak a tum lai takin Babulon-ah kum 33 mi niin a thi a. A thih hnu hian a lalram chu a sipai hotu pali ten an insem a ni.
Alexander-a pian hma kum 250 kal ta
“Lal Belsazzara rorel kum thumnaah chuan ka hnenah, kei Daniela hnenah ngei hian inlarna a lo lang a, a tira ka hnena lo lang hnuah khan. Tin, inlarnaah chuan hmuh ka nei a; hetiang hi a ni a, ka hmuh lai chuan Elam biala Susan lal inah ka awm a; tin, inlarnaah chuan Ulai luikamah ka lo awm a. Tichuan, ka mit ka han len chho a, ngaiteh, lui bulah chuan berampa, ki pahnih nei hi a ding a: tin, ki pahnihte chu an sang dun hle a; mahse pakhat zawk chu a dang ai chuan a sang zawk a, a sang zawk chu a lo chawr hnuhnung a. Berampa chuan thlang lam leh hmar lam leh chhim lam phinin ka hmu a; a hmaah chuan sa reng reng ding thei an awm lova, a kut ata chhanchhuak thei an awm hek lo; a duh ang angin a che a, amah a intiropui a.
“Tin, ka ngaihtuah mek laiin, ngaiteh, khawthlang lam atangin lei pumpui chungah hian kelpa a lo chhuak a, lei pawh a khawih lo: tin, kel chuan a mit inkarah hian ki langsar tak hi a nei a. Tin berampa ki pahnih nei, lui bula ding ka hmuh kha a chak theih tawpin a rawn pan a. Berampa chu a tauh a, a ki pahnih a tihtliahsak a, amah khing turin berampa chuan chakna reng a nei lo, a rap bet a, berampa chu a kut ata chhanchhuak thei reng an awm lo. Tin, kelpa chu a intilian ta vak mai a; a lo chak lai tak chuan a ki ropui chu a tliak ta a; tin, a aiah chuan ki langsar tak pali, kawlkil li hawiin an lo chhuak a.”
Similar Posts:
- Soulmate ♥
- Eiru Piangthar
- Khatla bethel venga two wheeler hal chungchangah mi 6 police ten an la..
- Chatuana Pawi Hlen Tur
- Chhandamna Thu
July 10th, 2014 at 8:22 pm
ka va han lut khat ta ve le
Report this comment
July 13th, 2014 at 11:36 am
Nizan ka mumangah Lunglei lama kan hranghlui Muantea hi ka lo hmua; a miziaa mawi loin ka lo hmu sual phian lehnghal.
Report this comment