PATHIANIN MANGAN LAIIN HNA A THAWK THIN

November 2nd, 2014 6:57 am by PKfanai

“Lalpan zankhuain khawchhak thli na tak a rawn tleh tir a, tuipui chu a nem kirtir a, tin, tuipui chu lei charah a chantir a, tin, tuite chu a lo inthen ta a.” (Exodus 14:21)

He chang hian Pathianin thima hna a thawh, thlamuanna thu lawmawm tak chu min hriattir a. Pathianin Israel fate Tuipui Sen an kai theihna tura an tana thil a tih sakna tak tak chu an men lai leh mit hmuh lai ni lovin, “chu mi zan, zankhuain” a ni zawk.

Chutiang tak bawk chuan I nuna thil engkim thim veka a lan lai leh I hmuh theih loh lai hian Pathianin thil ropui tak chu a thawk thin a ni. Chu mi zan, zankhuaa a thawk ang bawkin a hnulam zawng zawngah pawh chuan a thawk zel dawn a ni. A tuk chuan a zana Pathian hnathawh chu a rawn tilang chauh a ni. He Sermon lo chhiartute zingah pawh hian chutiang hmun thima awm chu in awm em aw? Hmuh in inring a ni thei e, nimahsela in hmu kher lo vang. In nunah ni tin tluang taka Pathian nena inpawlna leh hnehna chu a awm reng kher lovang, engkim thim vekin a lang thin zawk fo ang.

Mahse thu lawmawm tak hi hre reng ang che… “Lalpan zankhuain thli na takin tuipui nem kir tirin a tlehtir” tih hi. Khua a var hma loh chuan zankhhuain Pathianin hna a thawk a ni. I hmu kher hauh lo vang, mahsela Pathian I rin phawt chuan I nuna zankhuain Aman a thawk ang a, engah chuan malsawmna chu I dawng mai ang. Kan hmuh loh leh hriat lohvah Pathian chuan a thawk thin a ni. “Chungnung berin a thiltih mak, a rukin a zo vek” tih angin, a rukin min thawh sak vek thin. Rinna mit chauhvin a hmu thei thin.

Pathianin keimahni Nuna thil harsate thawh nan “zan” hun hi min pe thin a ni. Kan nuna “zan” hun harsa…damlohna, retheihna, lungngaihna leh beidawnna te leh thil dang tam tak lo thleng hi Pathianin kan tana hna ropui tak a thawhna hun remchang a ni thin tih I hre reng thin ang u.
Lalpan a thu malsawm rawh se, Amen.

11 Responses to “PATHIANIN MANGAN LAIIN HNA A THAWK THIN”

1
Bucko Says:
November 2nd, 2014 at 10:33 am
Amen

Report this comment
2
Bucko Says:
November 3rd, 2014 at 9:54 am
Comment ava tlem deuh ve….
Pathian hian Mangan lai chauh in hna thawk lovin, lawm lai pawhin a thawk ve tho lo maw?

Report this comment
3
PKfanai Says:
November 4th, 2014 at 7:47 am
Bucko, A ni khawp mai. Hringnun hi Indona hmun(battle field) a nia, Sual ral nena indo reng kan nia. Kan chak that a, thil a kal tluan a, hnehna kan chan duai duai lai hi chuan, Pathian hnathawh leh tanpuina pawh hi kan lo au lo deuh nge nge a, kan mang pwh hi a ang lo deuh nge nge a, Lawmthu sawina hi kan han thlen chhoh hi chu a ni deuh mai thin. Nimahsela, kan tan a phet a, thil a kal tluang lova, tihmanganin kan han awm a, tlawm mai dawn awma kan han lan a, him taka chhuahna awm kawng reng reng a awm tawh lo anga a han lan tak tak hi chuan, Kan Supreme Commander hi kan au thin a, thinlung leh tih tak meuhin kan au thin a ni. Chutiang hunah tak chuan, “Ka mite mangang au thawm chu hriain ka lo kal” tiin kan Van Pathian hi lo thawkin, hna ropui tak tak min thawhsak thin a ni. Tirhkoh Paula pawhin, “Ka chak loh apiangin a ni , ka chak thin ni” a lo tih daih kha.

Report this comment
4
Bucko Says:
November 4th, 2014 at 12:31 pm
Pu PKa #4 A dik khawp mai. Kan mangan loha kan lawm lai hi chuan Pathian khawngaih leh malsawmna kan dawn hi kan hre chang lo thin a, Kan kawng a tluan pawh in Pathian malsawmna a ni tih hria ila, Mangan laia tanpuitu hnai reng a nih rual in hlim leh lawmna pawh ama min pek a ni tih hi chiang bawk ila tih thu hi ka sawi tum ber a ni……

Report this comment
5
PKfanai Says:
November 4th, 2014 at 12:53 pm
^

Report this comment
6
Vetehmial Says:
November 4th, 2014 at 7:41 pm
A va tha thin em,

Report this comment
7
doc_lib Says:
November 5th, 2014 at 8:49 pm
Ekhai aw..ka va han misual khat ve. in ngaihawm hle mai. good post

Report this comment
8
chhana hlawnchhing Says:
November 5th, 2014 at 11:23 pm
Amen..hetiang thu tha leh nung hi chhiar tam ila, chu chuan harsatna kan tawh chang te hian chakna thar leh beiseina thar min pe thin a lo ni.

Report this comment
9
Natala Says:
November 7th, 2014 at 12:48 pm
A va han tha tehreng em! Engtiklai pawhin a thawk ani. Ni e, Kan mangan lai hian a thawk reng ani. Kan mangan chuan kan au ngun bawk a. kan nghakhlel bawk a.A lo thlen in kan lawm fo thin. Kan lawm chuan lawmthu sawi kha ani a. a thawh dan kan hre hman lo. Keimahni kan hlim avangin. Chuvangin kan mangan kan thlen a, min chhan hian a lawmawm zual.. a thawk nasa zualin kan hre bawk. https://misual.life/wp-conte.....mbs_up.png

Report this comment
10
chhana Says:
November 11th, 2014 at 10:31 pm
A tha hle mai. A tawi fel bawk sia.

Report this comment
11
pediatric stethoscopes Says:
November 26th, 2014 at 6:02 am
pediatric stethoscopes

PATHIANIN MANGAN LAIIN HNA A THAWK THIN | mi(sual).com

Report this comment