Thli hi kan hlau khawp a. Thenkhatin thlipui, tek leh ruah te Pathian thilsiam ropuizia lanna ani e an tih laiin kei ve chuan thlaphanna’n ka lo hmang ve thung a. Thli tleh season hi chuan ka tang hru zel mai. Khua a lo dur hlek hi chuan khawi hmunah pawh awm ila ka phi chung zel.
Mak deuh mai chu, zanah tui takin kan han muhil a, hlatakah thli leh ruah lo thleng tur ri hem hem hi ka thinlung hian a hre tlat, eng hunah pawh nise ngei ngeiin ka harh ziah. An rawn tleh a, midang an mut mai mai lai pawhin ka mu ve mai mai theilo, ka phi sek a, ka tho a, current a awmloh phei chuan eng ka chhi a, hlau viau e ti lo chuan parda ka keu a, pawna thli tleh hmuh tumin ka thlek ka thlek lawi a, chhungte tan chuan ka ninawm thei teh ania.
Thenkhat chuan thli hi an hlau reng reng lo mai a, an vannei thlawt ka tia. Lo hlauh vaka sawtna awm hleilo kha ka hlau tlat mai si a, manganthlak thei tak ani. Thli tleh hun hi tawp thuai thuai se ka ti ngawt mai.
Mi pa puitling pakhat thli hlau ka hriat pawh kha a ropui bik vaklo, thli hi an hlau khawp a, ruilo hailo chuan ka tuar peihlo a tia, chatthla hmawk khawpin zu a in thin (tak tak). Thli hlauh hi thil buaithlak tak ani. A hlau lo chuan a ho in ti mai thei a, a hlau te chu kan thau ah a man tlat mai a, thli tleh hunlai hi chuan ka cher sawt zel 
Similar Posts:
- Mizo thli chi hrang hrang te
- Khua-thlir
- Thawnga lei vir chanchin
- Chhemdam Thlifim
- Mizo ruah hming chi hrang hrang te
May 1st, 2012 at 9:06 pm
Insawitheihna pawh ni lovin — ka hlau lo ve tlat.
I lo chhiar ang.
May 1st, 2012 at 9:08 pm
Thlitophobia I vei anih chu.
Ruahpui leh thlipui hian ka mut an ti tui em em ve thung hlauh. Ka fapa te reuh pawh hian a hlau khawp mai a khawngaihthlak..thil ala hriatthiam loh vang mai mai ah ka ngai. 
May 1st, 2012 at 9:09 pm
2010 a min nuai hrep a tang khan thlifim tak ngial pawh hi ka ngaina ta lo
May 1st, 2012 at 9:11 pm
Ka hlau em em lo a, mahse thli hi ka ning khawp mai… Khua a ti vawt thei si..khaw vawt hi ka ngaithei lo. Thli hlauhna/ phobia hi sap tawng chuan..Ancraophobia
or Anemophobia an ti .
May 1st, 2012 at 9:12 pm
Awmna in a insawi dawrh dawrh tawh hi chuan thlamuang taka awm a har khawp mai
May 1st, 2012 at 9:16 pm
Hehe..hlau in awm ve hian a nuam ka ti
Thli tleh laia chhungte dang an mut thup te hian ka thin a rim ziah.
May 1st, 2012 at 9:17 pm
Thli ka hlau lo ve tlat. Mei (fire) ka hlau.
May 1st, 2012 at 9:18 pm
Thli thaw lailem pic ka’n zawng ngial a, ka hmulo tlat!
@Sheldon, Kan In hi a chhia a chhia in thli a na lo bawntawp asin! Lo la tlangval ila chu aww!
May 1st, 2012 at 9:22 pm
Ka bulah rawn awm rawh, i hlaulo ve mai ang.
May 1st, 2012 at 9:28 pm
Ka pu nen in in an hmel hle mai. Ka pu pawh hian thli hi a hlau khawpa, a thlam sak ban te hi a lian ṭha hem hem thei a nia aw
Thli a thawt vak chuan earphone in hla ngaithla daih zel la ṭha phian maithei ni
Mahse a hlau hlau hian a thawm hriat hi an chak leh phet bawk sia 
May 1st, 2012 at 9:29 pm
@Lamji, Nangni in ropui leh rinawmah te kha chuan hlauhawm mawlh hek lo!
Kan inah chuan lirnghing ka hlau vak mang hlei nem!
May 1st, 2012 at 9:33 pm
Zanin chu nawi ka châk ngei mai, khawiah pawh nawi ka châk. Ka ti deuh et et.
May 1st, 2012 at 9:35 pm
@ninja, an insawi hlau lo mai mai aniang a then khi chu
Thli an tleh a, hlatakah an ri hem hem mai a, a rawn hnai zel a, a rawn ri fua a, a kir leh a, a rawn tinawn leh hem hem mai te hi aw, a thawm hi ka ngaithla a, ngaihthlak mai ka la duhtawk lo, tukverh atang te hian kan bih thin ania. Ka ning lutuk thlipui hi!!
May 1st, 2012 at 9:36 pm
Ruah pui van awn sur lai tak in, tukverh kar atang hian tui rawn theh per ser ser bawk se, thim deuh mup bawk se, Thlirpui hi thaw ri deuh vuk vuk bawk se, chumi lai taka rizai kar a lo inphum kuk hi nuam ka ti ve tlat, tlat mai a.
May 1st, 2012 at 9:37 pm
Ts, nawi suh. Nawi chu a tha lo
May 1st, 2012 at 9:46 pm
@Ts, nawi ta che, nawi pahin thlipui i hlauh loh thu te sawi la
May 1st, 2012 at 9:48 pm
Mihring siamthat nan khawdur leh thlipuite hi hman a nih thin tak kha mawle!
May 1st, 2012 at 9:52 pm
Thli hi ramhnuaiah emaw hmun him vakloah tuar dawn ila ka hlau ve deuh mai thei. Inchhung atang hi chuan hlau lo ve tak ka ni. Mahse ka ning. Ka maian chawr duah hluah2te pawh an pherh leh zo dawn hei…
May 1st, 2012 at 9:56 pm
Thli hi cho chi a ni lo a, ka cho ngai nahek lo. Mahse, ka hlau lo lutuk hi mite mak tih a tling. Di in, a bang dap, nghing luih2 theia kan awm lai pohin ka hlau ngai lo. Min chhem leng thei ang em… tih hriat chak reng2 hian pawnna chhuah pheeet ka chak thin… ka chhuak fo reng bawk a.
Pu Maawma @14 sawi ang khi kei poh nuam ka ti, mut a tui duh!
May 1st, 2012 at 10:00 pm
@kawlhawk, i ti rapthlak e, min chhem leng thei ang em han tih te chu.
Ruah tlemte sur cherh cherh a mut te chu nuam ka ti ve tho. Thli leh ruah inkawp, ri hum humah chuan mawnga hawlh ang ka ni thung.
May 1st, 2012 at 10:00 pm
Saitawk, kar hmasa mai khan in ral lawk, ka pi Rami in atangin in in ka thlir vang2 a, a chhe lo tawp. A peaceful in a privacy ka ti. Kanin chu ni se ‘happy lodge’ han ti ila, in thler thla kha ‘The valley of whispering wind’han ti bawk ila tihte ka lo ngaihtuah veng2 asin le.
May 1st, 2012 at 10:01 pm
Thli hi a nat loh hian thlifim aka chhemdam a nia, a nat chuan thlipui a i leh daih a. A inngainatawm hleih em em mai lehnghal a. Chhemdam Thlifim hi chu tleh heuh heuh reng mai sela a ṭha ngai e, te han ti vel ila. Thingtlang lama lo neitute tan chuan chhemdam thlite hi a hlu thlawt a, chutih laiin chhemdam thli aia a nat hret chuan ngeiawm a chang leh lawi a. Aw…
May 1st, 2012 at 10:03 pm
Thli hi hlauh turah ka ngai lova, thlipui erawh hlauhna chang hrelo chu mi â leh mawl takah ka ngai thung. Khuanu tha (strength) hi chhin vak chi a nilo, khawvel thiamna sang ber ber pawhin a hneh thei ngailo. Hlauh vang erawh a phili buai chung erawh a jiss lo riau thung. hairehai
May 1st, 2012 at 10:14 pm
Pu Hv-a sawi hi a dik viau mai. Mahse, hlauh vanga sawtna awm miahlo ah pawh rilru tlanchhe tlat mai chi hi kan awm a. Thli an tleh a a nat em em loh pawh a ka mu theilo tlat hi atthlak ka tiin hrehawm ka ti ve em em mai, han hlauh loha han intihhuai te hi ka tum ve fo, mahse a ngaihna thlawt a awmlo. Ka thisen leh thluakah hian a rawn thawk tlat, ka sawithiam lo.
Thli tleh laiin inah kan chhungkua chauh nilo mihrang an awm ve chuan ka hlauhna a nep deuh.
May 1st, 2012 at 10:20 pm
Thli hlau tak hi chu Thlipuiin a lo nuai hrep tawh anni duh viau(mahse Sheldon hi chu a nuai vak ka ring bawk si lo). Ka Pa hi ka chhun fuh viau niin an sawi thin a, mahse Tuibur hmuamah leh Thli hlauh lamah hian ka chhun lo fuh ve khawp mai.(Thli na ka la tawng lo ani bawk a). Ka Pa pawh hi a tlangval laiin Ramhnuaiah Thlipuiin a nuai hrep tawh vang a nia.Thlamah an tawm a, an thlam chung leh bang zawng zawng thliin a len darh sak vek a, hlauhawm ve tur tak chu a ni.Ruahsur cherh cherh leh thli thaw vuk vukah hian in hul tha takah chuan mut a tui duh ngawt mai.
May 1st, 2012 at 10:21 pm
Nia, chhungkua chauh hian tuar lo ila
May 1st, 2012 at 10:25 pm
Pu Pk, i sawi ang khian thlipui hi ramhnuai ah emaw hmun hlauhawmah ka la tuar lo hlauh, mahse ka hlau em em tho chu anih hi. Ka thisenah hian a tel tlat. Han ngaihthlak vang vang a ruah leh thli thawm emi aw tihtur zan mut hnu a a lo thlen pawh hian ka harh ziah, ka thinlung hian a hre tlat zel.
May 1st, 2012 at 10:30 pm
#11,ninza..ni suh e a,ropui lo tak ani. #14,Malawma sawi ang khian..naupan zual lai chuan ka ti thin tak tak asin.
Ka pi te inchung hi rangva ania,ruah sur nasa chang te hian ka han riak chho thin,ri buan buan mai se mut hi a tui duh ber. Lianchhiari lunglen tlanga han thut a sam kawh pawt pawt a thli inchhem tir te khi alawm le nuam Seldom. 
May 1st, 2012 at 10:41 pm
Thli hian hla a hring hnem tawh ngawt mai.
May 1st, 2012 at 10:43 pm
Ngati nge i lo hlauh mai2 ni
.
May 1st, 2012 at 10:50 pm
Ka naupan lai chuan theihai buk keu phel phawk phawk khawp hian han tleh sela ka ti thin, a tuka theihai rah sen tla chhar tur hisap rauh rauh chung khan han mu siai siai ila nuam e.
Ramhnuaiah hian min nuai zeuh zeuh a, ka hlau lemlo na in fimkhur erawh a ngai, thing tlu leh thingzar tliak lakah mit len reng a ngai thin a.
May 1st, 2012 at 10:54 pm
Ka awmna a zir leh a nat leh nat loh a zir a ni, rangva leng deuh cham cham hnuaiah chuan a zamawm duh ve khawp mai.
May 1st, 2012 at 10:55 pm
Ka room bul chiahah hian thingkung lian zet mai a awm a, a lian tha bawk a ka room chu nisa lakah a hliah hneh khawp mai. Vaiho chuan ‘i AC’ an ti mai thin. Kum thum kalta vel khan a zar lian deuh mai hi thliin a chhem tliak a ka room a lum phah sawt. Thli hi ka hlau hranpa lova, ka AC hi a chhem tliak then leh ang tih erawh ka hlau takzet. Thli hlau deuh tan chuan to haw hun lai hi a hreawm thin awm…
May 1st, 2012 at 11:04 pm
Kei leh ka chhungte chuan kan hlau khawp mai. A tleh vuk vuk zan hi chuan kan tho a, kan thu bial laih zel. Tawngtainate pawh kan hmang chawk.
May 1st, 2012 at 11:09 pm
Nuam e. Thli hlau in awm ve a. Keipawh ka rilru te hian ka tawngtai a. Nu ten ‘zahngai’ an tih thin vangin ring deuha tih ka hreh/zak deuh si, keima hriat tham lek hian ‘zahngai’ ka ti ve fo.
May 1st, 2012 at 11:11 pm
Thli a thawt a vuk vuk tawh hi chuan ngaihtuahna hi a dang zak mai ni.
May 1st, 2012 at 11:17 pm
Ka nu tan chuan thlipui hi alarm a ni ber e. A thawt vuk vuk tawh chuan kan chhungin min kaitho vek a,tap kan kil laih zel.
Thlipui hlau deuh ngaihzawng neih nawmna chu,bial nute ina pahnih chauha awmdun lai ngeiin han tleh vak sela,an hlau lutukin min pawm chawt a,a thawt nat poh leh min hmer na a,nuam hawr hawr tak a ni
May 1st, 2012 at 11:22 pm
Thingtlang, daprap ina chen lai khan, to haw tur kha a choawm loh thin khawp mai…
Ni khat chu, chawhnu lam hian thli a tleh vak mai a. Kan unau chauhva ina kan awm avangin ‘zahngai‘ tiin, tapchhak sirah thli tleh tawp thleng ka lo phun sep sep a ni awm e. Ka unau te’n ‘thli tleh a bang tawh‘ tih min hrilh a, ka tawp ve chauh… 
Thli rau rauvah, min ngaih avanga min hmangaihtute luaithli hi ka hlau miah lo, a hlu ka ti…
May 1st, 2012 at 11:26 pm
Ka nu hian a hlau thei lutuk a, ka naupan lai chuan to hawn lai hian chhuah lamah mi inah kan riak fo mai.
Ka pu nen a pal ban tur thingsia kan eh tumin ramhnuaiah to hian min nuai nek tawh, thing an len thlu rem rem mai chu a him lai tur avang duh khawp mai. A pawnga tak chuan ka hlau lem lo, tawrhna hmun azir ni maiin ka hria.
Engkim mai hi a hlau chi tan chuan a hlauhawm viau mai a nih hi.
tren tren
May 1st, 2012 at 11:56 pm
Thli leh ruanpui vanawi an ti ami kha hi Mizorama awm ka hrehna ber pawl te zing ami anih ka ring. Zoram ah ka awm ve tawh mai dawn amaw ni tia kan ngaihtuah te hian, Fur hun leh thli tleh lai ka ngaihtuah hian ka hlau nghal tawp. ka Dawihna lam tak ani ve e.
May 2nd, 2012 at 12:01 am
@40, Ruahpui vanawn kan ti thin (thil hi lamdan hrang hrang hi a awm a, ka tangtun lem lo)
tren tren
May 2nd, 2012 at 12:17 am
Ruahpui vanawn.
Zawhna ka zawt ang che u.
Thli hi in hlau ve em?
May 2nd, 2012 at 12:58 am
Ka hlauh pawh ka la hre lo, thli nasa taka a tlehin thing a chhem awn duai duai te hi a lunglenthlak ka ti. Rangva in hnuaia rial tlak rik bur bur laia mut te hi tui duh ka ti.
May 2nd, 2012 at 1:29 am
Hetiang hi thlir nuam ka ti:
https://i45.tinypic.com/w7k76t.jpg
May 2nd, 2012 at 2:12 am
Awmna a zirin hlauin hlau lo!
May 2nd, 2012 at 2:32 am
Thli tak hi chu a hlauhawm loh, mahse a thawt chiah hian a hlauhawm awikarei thin.
May 2nd, 2012 at 2:43 am
Ka hlau hran lo, mahse ka ning thin. Ruah leh thli vawi leeh khatah a rawn thawk thut a buai chur chur ngai thin kha a ninawm thin. Vawikhat thlipui tleh dawn, boruak ah te pawh vaivut leng khu chum chum, thim deuh mup tawhah hian ka haw tawh alawm risk takmeuhin. Damtak chuan in chu ka thleng ve tho.
May 2nd, 2012 at 3:15 am
Kan naupan laia kan khua a Sekawt thli kan tih mai,khaw thlang kawr atang rawn nuai thin kha kan hlau thei. Kan in awmna lai tak kha a tawktarh ni awm tak hian uar lutuk mai in an nam thin mai a. In te hi a eu zawk zawk thin. Ka hlau ve tho naa tihngaihna a awm lo thin bawk a,ka mu hlawm tawp zel. Mahse, ka pa hian aphal ngailo…mipa chu nu nau hnem turin kan awm tur a ni a tia. In tih pa chu harsa ve pawl tak a ni
May 2nd, 2012 at 4:22 am
Ka hlau teh ruai hran law. Ka cho aih lo thung. Mahse a chang chuan nuam ka ti lep lep.
May 2nd, 2012 at 7:24 am
ti 50 law2 ang….thli thaw pangngai hrim2 hi chu ka hlau lo va
mahse, thlipui tak tak tleh hi chu thil a tihchhiat hneh zia kan hmu fo tawh a, a hlauhawm ka ti…
May 2nd, 2012 at 7:32 am
Tukchhuah nuam vek u. Thli hlauh thu kan sawi ruai a, kan ram te chu kan vannei teh alawm. Cyclone, hurricane, typhoon, adt pawh mi ramah chuan kumtin khel lovin a tleh thin hi.
May 2nd, 2012 at 7:42 am
Phek thar hawn leh law law nan- A rei ta viau mai, kan khawchhak unau te hian rangva hi an phur chho thin a, (rangva phek sawm vel hi a vang zawng hian an khirh a, an phur mai thin). Tlaikhat kan sikul bang chu to a rawn haw thut mai a, kal ngaihna awm tawh hek lo, mi inah kan tlan lut a. Naupang ninhlei ta na na na chu tukverh atangin pawn lam ka va bih a, rangva phur ka va hmu a, kawngah chuan a lo len vir thla nawk nawk mai a, a phur a nghat thei chiah si lo. A khawngaihthlakin a nuihzatthlak bawk si, tun thlengin ka mitthlaah a la cham. Thlipui chu a nel zui lutuk lo maithei a ni.
tren tren
May 2nd, 2012 at 8:45 am
ka hlau ve tho a mahse ka hlau zek zek lo
May 2nd, 2012 at 8:56 am
“Thenkhatin thlipui, tek leh ruah te Pathian thilsiam ropuizia lanna ani e an tih laiin kei ve chuan thlaphanna’n ka lo hmang ve thung” i tih hi mi tam tak tan a dik a ni. Pi Sheldon pawh chu i khawngaihthlak hle mai. Khawvel suala a tluk avanga Pathian thilsiam ve bawk mah nise “hlauh tur hlir” kan nei ta hi a pawi tak zet zet.
Kannu hian thli hi a hlau ve khawp a. Rangva in kan luah lai kha chuan min kaitho chul thin a. Kei lah thli tleh leh ruahsur-ah hian mut nuam ka ti thung si! Tunah chuan ani pawh awmna-in a zir tak vang a ni ang, a hlauh thu leh a mit meng bial kaw kaw thin kha hmuh tur a awm ta lo! Awmna hmun (environment) a zir hian hlauh zawngte pawh hi a reh ve thei a ni mahna… te ka ti?
“a hlau te chu kan thau ah a man tlat mai a, thli tleh hunlai hi chuan ka cher sawt zel” i tih tak erawh hi chu… ka khawngaih viau na’ng che a, THLI TLEH CHHUNGA I CHER SAWT CHUAN, I VANNEI-AH NGAI MAI RAWH! Mi tam takin intih-cher tumin an bei a, damdawi te hial an hmang a, an cher theih loh hi! Thli tleh chu i damdawi tha ber a ni mai alawm!
I thau-a a man tlat erawhchu… a thlah theihna tur che-in engemaw i tih a ngai a nih chu… physically, mentally & spiritually-a fight let ve te pawh hi a tul chang a awm. Setana thlemna/sual pawh hi defensive hmanga hneh tum chuan a har khawp mai. Amaherawhchu, Offensive hmanga beih thung chuan a tlanchhe duai duai thin, “Diabola chu dodal rawh u” tih a nih kha (“lo inveng rawh u” tih ni lovin).
Entirnan, tawngtaia thlamuanna (hlauh lohna) dil emaw, a nih loh pawn, Thli tleh laiin, varenda-ah chhuak la (inchhung tukverh atanga thlir pawh a tha tho), a him chin atangin tlih tleh kha thlir thin la, i thlir laiin earphone vuah la, thli tleh ri hre thei lo tawkin volume pe la, Pathian hla ngaithla veng veng la, “Lalpa thlipui a tleh chiam a… Thli leh tuifawnin a thu an awih… Bang rawh u” tih hla emaw kha ni ngei bawk se. I mit ringawtin thli tleh kha thlir la… etc. Hma i sawn ngei ka beisei…
May 2nd, 2012 at 9:08 am
He damlai thlipui tleh hian kei pawh min tihthaih ve fo thin asin. I post nen inlaichhin lutuk lo mah se, he hla hi ka’n thlan sak daih te’ng che…
Thlipui lo hrang mah se, hlauhawm engpawh lo thleng se la. Ka tan i hlutzia tizualtu an ni si. Tuarna pawh ka tan hlawkna
Thli tleh thawm rapthlak, ri hum hum i hriat apiangin; i himna kulhpui, thlipui leh tuifawn chunga thu neitu thiltihtheihzia leh ropuizia lo hre nawn thin ang che…
Hnathawh nuam vek u le…
May 2nd, 2012 at 9:47 am
Dr John, thanks mawlh mawlh. Ka hlauhna hi hneh tum hian ka bei nasa ve thin khawp asin. Ka lo inzir zel ang.
Comment tu zawng zawng te in vai chungah lawmthu. Vawiin hnathawh nuam vek u.
May 2nd, 2012 at 10:42 am
Kan naupanlaiin, school chhunga kan awm laiin, a chung leh bang thlipuiin a rawn la tawh. Kan school kha assam type ni si, a chhuat leh bang ṭhenkhat lai chu concrete ni ve si kha ania…A chung a rawn chhem nghing det det phawt a, chutah thawklehkhatah a ri huk a..a chung, bang tukverh frame te nen lam a la fai vek! Ṭhuttleng te leh dawhkan te kha a let rem rum a…An ṭap nuaih nuaih a, zirtitu te an au vak vak bawk a, thli a thaw hum hum bawk a, a dum var khuih a, ka meng ṭha thei bawk silo. Ka harh chian chuan, ka lo ding khawng reng.. Pathian in min veng a, ṭhuttleng leh dawhkan khan min hemlo reng reng. Ka ṭhutna bulah ka lo ding reng, tlanchhiatt nachang pawh ka hre chuanglo. School chung leh bang leh ṭhuttleng vel engmah alo awm tawhlo, a piah deuhah an lo let rem rum mai alawm. Mumang ang chiah ani mai!
Ka tawn ang khi tawng ve ula chuan in hlau ve det ang!
May 2nd, 2012 at 11:10 am
Thli hi ka hlau der lo….thli tleh dawn a ka hriat chuan ka phur surh zel
May 2nd, 2012 at 2:50 pm
Sheldon, “thli hi a hlauhawm lo” tih ngawt chi chu a ni hauh lo. Mahse Mizorama kan thli tleh ṭhin han ngaihtuah hian hlaua buai phi-lina tur chu a ni lem lo – rilru fima ngaihtuah chian chuan.
Eng ang inah nge i chen ka hre lo a, in pangngai, Assam type kan tih ang-a awm tan pawh, thlipui a lo tleh a, inchung a thlawh daih pawhin a chhunga awm chu in him tho dawn a. Ṭhenawm te inah emaw in insaseng mai dawn a nia…puitling tan hlauh lutuk tur a awm hleinem. A in pum thliin a chhem thluk chuan hliam engemaw tawrh palh theih chu a ni ang a, mahse chutiang chu a awm zen zen lo a nia. Hlau lutuk duh tawh teh suh.
May 2nd, 2012 at 4:23 pm
Hlauh/tih zawng hi a inang lova, hlauh suh intihtheih pawh a ni lo mai thei a nia. Pasaltha leh huaisen tak ni si, uite-pangang rap/tih tlat te a awm theih a nia. Kan unaupa pakhat pawh, intitlangval uaih tawh siin, ar note a hlau tlat.
Nia, chenna in a zir paw’n thli tleh chu a hlauhawmin a hlauhawm lo thei bawk. Mahse, thingtlang daprap ina cheng tawh tan zawng, to haw tur in hampuar vela, kawlkil dum khup karah, chhum dum chhah pui pui a inlumlet tup tup a; tek tla de zuai zuai leh, a khat tawka khawpui ri dur dur te hi zawng a nelawm tehchiam lo a ni. Ramhnuai ngaw kara thli tleh leh ruahpui vanawn do nghat phei chu thlaphan a awl ve viau a nia…
K’u sheldon, thli a tleh dawn reng rengin, ka hla thlan sak che khi lo sa ret ret thin rawh aw…
May 2nd, 2012 at 4:37 pm
‘Thli’ tih thumal hi han rem kual vel chhin ila…
Thil.
Hlit.
May 2nd, 2012 at 5:42 pm
Thli hi ‘hlau tawh suh’ in tih vanga hlauh loh theih chu nise ka hlau tawh miah lovang mawle. Min hau nasa thei. Tichung chuan ka la hlau tluang zel chu a nia. Thli a tleh leh hun chu Dr Mahminga hla min thlansak khi ka sa ziah tawh ang
May 3rd, 2012 at 8:17 am
Kan naupan laia ruah thimpui leh thlipui tleh kara trek leh khawpui ri dur dur kha chu – kan hlau ve thei ngeis..
tunlai a thlipui kan tih ho hi a na ta lo nge ni ka hlau ta mang lo va.. ka hmuihmul zuah tak vang te pawh a niang nge..