“Khawngaih takin, Vawi khat tal beram hmulin mi fiahtir leh ang che” (Roreltute 6:39.)
Rinna hi chhawng thum angin a sawi theih awm e.
Chhawng khatna chu Kristiante hian chhinchhiahna eng emaw leh taksaa hriatna lo lang nasa tak kan neih loh chuan kan ring thei lo thin. Gideona angin beram hmul chu hriat nan kan hmang a, a huh chuan Pathian chu kan ring duh chauh thin. Hei hi a dik bawk e, mahse a la famkim lo a ni. Chutiang chhinchhiahnaa kan innghah chuan Pathian Thu ni lo, chhinchhiahna emaw hriatna zawn fo a ngai ang.
Chhawng hnihna chu taksaa hriatna (feeling) engmah a awm loh pawha Pathian rin hi a ni. Thil awm danin a zir loh pawha ‘rin’ ngawt mai hi malsawmin a awm thin.
Chhawng thumna chu Gideona beram hmulte aia tha zawk a ni. Chhawng khatna chuan thil lawmawm a awm chauhvin a ring a, chhawng hnihna chuan hriatna engmah a awm loh pawhin a ring a. Rinna chhawng thumna erawh chuan thil lan dan te, vantlang te leh mihring ngaih dan leh thil awm dan reng reng leilung awm danin lehlam an hawi a, an dodal lai pawhin Pathian leh a Thu chu an ring tlat thin.
Hemi rinna hi Paula chuan a hmang tawh a. Tirhkohte thiltih 27:20 leh 25 ah chuan, “Ni rei tak, Ni pawh Arsi pawh a lang lo va, thlipui namenin min nuai lo va, nun reng kan beisei tawh lo,” tiin kan chhiar a. Mahse chutiang hnuaiah chuan Paula chuan, “Nimahsela Pute u, thlamuang takin awm rawh u; PATHIAN KA RING E, mi hrilh ang zelin a awm dawn” a ti a ni.
Thil lan dan leh awm dan en chuan engmah beisei tur a awm tawh lo va, Mahse Pathian leh A Thuah chuan a rinna chu a nghat a, chutiang manganna leh hlauhawmna lakah chuan mi dangte pawh a thlamuan thei a ni. Hebrai ziaktuin a sawi angin hmuh theih thilin a zirlai chauhva Pathian rinna hi a tawk lo va, thil engkim kan chunga beiseina awm leh thlamuanna awm reng awm lo va, lungngaihna leh manganna ten min khuh lai tak leh, kan thiante leh Lainate pawhin min kalsan a, min hnuchhawn lai tak hian kan Pa Pathian chu kan ring tlat thin tur a ni.
Lalpan a thu malsawm rawh se, Amen.
Similar Posts:
- Rinna mak
- Engvang a Pathian ring ve ringawt nge i nih? (Palm Sunday Special)
- A lem chu a tak hmelma a ni (Sunday pual)
- Rinna leilawn
- Beram No!
November 9th, 2014 at 3:07 pm
Nia rinna hi sawifiah thiam a harsa ve bawk a.Heb. 11:1 a sawi hi pawm mai ila a tha hle.
Good post..
Report this comment
November 10th, 2014 at 1:59 pm
Kar khat dana ka post a awm zawn thei tlat mai, member te i tang deuh teh ang u, a inthlahrunawm mai dawn alawm le.
Report this comment
November 11th, 2014 at 10:35 pm
Amen for post and comment.
Report this comment
November 14th, 2014 at 4:30 pm
A va tha thin em…Nu ho kan inkhawmna a sharing hunah ka sawi chhawng dawn e… Phal ang chu maw ? Midang pawhin hre ve se ka ti em mai Pu PK ?
Report this comment
November 15th, 2014 at 3:26 pm
Tha hle mai. Duh aiin a tawi mah mah ka ti
Pu Pk, July 2, 2014-a Post pawh ala Pending a. Kei pawh Oct 24, 2014-a ka Submit kha ala Pending reng!!!
Report this comment
November 16th, 2014 at 9:20 am
“Kei pawh Oct 24, 2014-a ka Submit kha ala Pending reng!!! :D”
“October 24th, 2014 at 11:04 am edit
Draft a awm nen hian a va in ang ve?”
“October 29th, 2014 at 12:01 pm edit
Post tupa, tun pending a awm mek “Isua Thlahtu Davida Hi Tu Davida Ber Kha Nge? {Sunday Pual}” nen hian a va in ang teuh ve? Han sawifiah please”
https://misual.life/2014/10/.....ang-lo-ve/
Heng zawhna te hi a la pending
Report this comment
November 17th, 2014 at 4:48 pm
#6 TheHumanBot, Tun hnai Sept-Oct. 2014 chhung khan Post 3 ka Submit a. Thu/Thil In-ang lo vek an ni e:-
(1). Tu ber nge Lal Isua hmu tura lo kal? (Published on Sept.7, 2014).
(2). Lal Isua Thlemna Tawh Dan hi ava in-ang lo ve? (Published on Oct.24, 2014),
(3). Isua Thlahtu Davida hi Tu Davida Ber kha nge? (Submitted on Oct.24, 2014, Stats=PENDING)
Ka rawn Chhang har deuh che a, min ngaidam hram dawn nia.
Report this comment
November 19th, 2014 at 7:07 am
Natala, phal teh reng mai, a tawi thei ang bera ziah a nia, hei aia fiah tha zawk daih pawhin in share chhawng thei ngeiin ka ring.
Report this comment
November 21st, 2014 at 11:07 am
Ka lawm e Pu PK.. Tha ka ti thlawt ani.. Ka copy a.. a print out a. Inah ka chhiar nawn fo.. Harsatna kan tawk a beiseina, thlamuana awm loh hunaha pawha rin tlat hi a harsa in ava tul si em..
Report this comment
November 25th, 2014 at 5:24 pm
Tha hle mai,
Rina i sawifiah thiam hle mai..tin,fuihna a ni tel bawk a ka chhawr tangkai ngei ka beisei.
Report this comment