Kawlram chhunga rimawi lam a mi hlawhtlingte chawimawina “Myanmar Music Awards” chu February ni 20 khan Myanmar Event Park, Yangon ah neih a ni. He hunah hian category 30 aia tam ah Award semchhuah a ni. A huaihawttu chu Beautiful Music Group, Shwe Jaw Jaw te an ni. Awards te hi nikum 2014 chhunga album chhuak zinga 310 atanga thlanchhuah a ni. Kawlrama rimawi lam hmasawn nan kumtin Music award buatsaih thin a ni a. LIVE in MRTV-4, For Tune velah an pechhuak thin.
Myanmar Music Awards semna ah pu Kham Za Lian, Salai Za Lian tia hriat lar chuan ‘Lifetime Achievement Award’ a dawng. A pa hi British in kawlram an awp laia thawktu indaihlohna avanga India atanga an sawm Licentiate Medical Practitioner (LMP) niin vai a ni. Tedim, Thuklai leh Falam ah te hnathawkin a awm kual tawh a ni. Anu erawh Sizang(zomi) a ni thung. A nupui pawh Sizang tribe zinga Suantak clan tho a ni. Ani hi tette atanga Guitar ngaina mi a ni. ACES band ah bass a perh thin a ni. Tunah hian kum 68 a tling tawh a ni. Hetiang Award dawng tur hian a in beisei lova, a lawm hle. Ani hi actor lar Kyaw Hain music lama promote tu leh hlasak lama kallo tura thurawh petu kha a ni.
Similar Posts:
- Rimawi Khawvel music award
- Country Music Association Awards 2010
- American Music Awards (AMA) 2010
- Grammy Awards 2012 ah Adele in Award 6 a dawng
- Mizoram atangin Award dawng
March 22nd, 2015 at 9:28 pm
Bengvarthlak hle mai.
Report this comment
March 24th, 2015 at 10:07 am
A lawmawm hle mai.
Report this comment