Archive for March, 2015

Bible Leh Science Hi A Inkalh Em???

Sunday, March 22nd, 2015

1. THUHMAHRUAI
1Timothea 6:20-ah, “Aw Timothe, i hnena kawltira awm chu vawng ţha rawh. Pathian zah lo lam thu sawi mai mai leh, dik lo taka “Finna” an vuah hnialna hi hawisan rawh” tih kan hmu a. Ngaihtuah mang lova chhiar liam puat chuan, ‘Bible hian Science lam rêng rêng hi chu a do a nih hi’ tih mai a awl hle. Hei hi Mi tam tak-te ngaihdân leh sawi ţhin dân pawh a ni rêng a ni. Chuvangin, ngaihdân dik famkim lo neiin, Science hmanga thil hmuh-chhuah leh siamchhuah-te chu Ramhuai hnathawh angin an ngai ta vek ţhin a, Damdawi-te, Science lam thiamna eng-ang chi pawh an hmang duh lova, an hnual-suat a, an hnawl ta ţhin a ni. (more…)

Pathian thu

Saturday, March 21st, 2015

Zir sen loh leh zirloh theihloh he hringnuna ka hun hmante hi ngaihtuah leta thlir kir hrehawm khawp hialte awm mahse hlim ni leh vanneihni pawh ka ban phaka a awm chang a awm ve fo thin. Ka zawnloh leh ka dil nimiahlovin hmangaihna thifimin min chhem a, a mawina leh duhawmna ka pawh dawn chauh tihah chu thlifim chu khaw durin rawn hliahin lungngaihna thlipuiin min rawn nuai a, lungngaihna tuifawnin min lenkual a, lungngaihna chirh dupah min len lutin min kai chhuak duh tawh silo.

He ka chanchin lungngaihthlak tak hi I hlimpui a I tahpui ve atan I piancham lawmpui nan pek che ka duh tlat chhan hi min zawt mahla ‘ka hre bik lo’ tih baka chhan dan tur che ka hre biklo tlat. Thil tha, mawi leh hlu chu kei aia nei leh pawimawh zawkten an hlan ang che tih ka hria, chuvangin he ka chanchin phek tlemte hi I Birthday a ral hma ngeiin ilo chhiar chhuak dawn a nia – “I piancham dam taka hmang nawn leh turin Khuanun vengin hualhim che rawh se.” (more…)

Romanian hla nalh

Saturday, March 21st, 2015

2006 vel khan emaw ni he hla- Dragostea Din Tei hi ka ngaithla fuh a, nalh hi ka ti khawp mai a. Limewire atanga ka download ni ta in ka hria.  Tun thleng hian a khat tawkin YouTube ah ka zawng thin. Hei, Opera/Orchestra (sawi dik lo em?) in an sak hi lo  tar chhuak ila.


(more…)

KA HMING HNAISAILO

Saturday, March 21st, 2015

Ka maimitchhing vâng vâng a, chutah ka thil kênlai chu ka zuk en a, ka thaw hak a. Ka thianpa ka phone a, a rawn thleng chho var a. Midang an rawn luh neuh neuh avang chuan sawi tum pawh sawi thei ta lawk lo chuan ti ti dang kan han vawrh leh rih a. An chhuak pheuh pheuh a, kan pahnih chauh a kan awm hnu chuan thil awmdan ka sawi zung zung a, Damdawi In lamah kan tlan thla a; Doctor in ngun tak min check hnu chuan a chiang ta, ‘Ka rai ani’. Ka nui lova, ka tap hek lova, ka thianpa chuan ”I lawm lo vem ni?” min ti a, ‘Lawm ee’ zawitein ka chhang a.
(more…)

Salai Za Liana’n Lifetime Achievement Award dawng

Friday, March 20th, 2015

Kawlram chhunga rimawi lam a mi hlawhtlingte chawimawina “Myanmar Music Awards” chu February ni 20 khan Myanmar Event Park, Yangon ah neih a ni. He hunah hian category 30 aia tam ah Award semchhuah a ni. A huaihawttu chu Beautiful Music Group, Shwe Jaw Jaw te an ni. Awards te hi nikum 2014 chhunga album chhuak zinga 310 atanga thlanchhuah a ni. Kawlrama rimawi lam hmasawn nan kumtin Music award buatsaih thin a ni a. LIVE in MRTV-4, For Tune velah an pechhuak thin. (more…)

TSa Top 10-ah

Friday, March 20th, 2015

Hei Misual TSa ni turah kan ngai phawt mai a. MAL 2014 Book of the year Top 10 list ah Pindan khawhar, TS Khupchawng ziah a lang e. Kut i lo beng ang.

History of Chittagong Hill Tracts Laldova
Hlimthla H Lalremruati
Ka zalenna B Lalhriattira
Khelmual nunchan S malsawmtluanga
Literature zungzam Dr KC Vannghaka
Mizo mi ropui HK Bawichhuaka VLC Vanlalhriatrenga
Nun hlimna daihlim K Rohmingliana
Pindan khawhar TS Khupchawng
Rambuai literature C Lalawmpuia Vanchiau
Zawlkhaw dingdi Lalhmachhuana Zofa

– See more at: Vanglaini

February 2015, Mizo(ram) Diary

Friday, March 20th, 2015

1st.Sunday: Champhai Tlangsam khuaa kohhran pakhat, ‘Lalzawna pawl’ tia hriat dintu leh hun rei tak chhung hruaitu ni tawh Vanlalzawna (67) chu Greenwood Hospital-ah pneumonia vangin a thi a; a nupui Lalhmangaihi leh a fapa a kalsan.

2nd. Monday: Sericulture Minister, Dr. BD Chakma chuan Sericulture Directorate Conference Hall-ah ni 7 chhung awh tur Resources Development Programme a hawng a, he programme hi Textiles Ministry hnuaia Central Silk Board ruahman a ni a, Sericulture Department officer 20, training pek an ni. He training hawnna programme hi Sericulture Director, Pu Lalrinmawia’n a kaihruai a, Dept. Secretary, Pu Lalrinawma pawhin thu a sawi a ni.

(more…)

Ram Hruaitu Auh-Nawmnah Hi A Dik Em?

Friday, March 20th, 2015

1. THU KAMKEUNA
Ka post hmasa “Savawmin Mi 42 a Seh-hlum” tih-ah khân, Pathian ruat Hruaitu Auh-Nawmnah leh hmuhsit a ţhat loh-zia leh a hlauhawm-zia, chawp-leh-chilh-a an thih nghal thu kan sawi tawh a. Vawiinah thung chuan, Pathian ruat Hruaitu chu Pathian tirh ngeiin a Auh-Nawmnah thu leh chu Pathian ruat Hruaitu chuan ngawi reng a, lungawi taka a tuar thu kan ngaithla ve thung dawn a ni.

Bible hian thil engkim deuh-thaw mai nih-phung leh zia hi a sawi lang a. A chhânna leh a siamţhatna lam thlengin a ziak leh vek bawk a. Zawlnei Isaia chuan, “Lalpa thu-ah chuan zawng ula, kim lo pakhat mah a awm lovang a, kawppui nei lo pakhat mah a awm lovang” a lo ti daih tawh a ni (34:16). (more…)