mi(sual).com

(True Story – but no to be retold or distributed in any form)

Khua a la thim chhulh a, zan lam mu hman lek lova kan teikual nasat avangin ka chau phian a. Bus chhungah thutna ka chan ve loh avangin bus chhung vawn ban vel chu ka hlam ka hlam ta mai a, ka mut chhuak leh chau bawk nen thutna inkara puanthuah awm chu ka’n thut ve ringawt mai a, ka hnung lam amite chu an rawn au tuar a, ‘Thil keh thei a awm ania’ tiin. Ka tho leh rang kher mai. Chutia ka hawihai lai chu min khawngaih deuh nge ni ka dinglama tukverh bula tleirawl pakhat lo thu chuan ‘Hetah hian rawn inhnawh ve mai rawh’ a rawn ti ta a. Ka lawm kher mai. Inhnawh ve ka va tum ta ale, mi pathum tlar khatah an lo thu der tawh a, midang tan han lenna chi ziazang a ni hlawl tawh lo. Tihdan dang awm ta miau hek lo, ‘Min pawm mai rawh’ a ti ta a. A hma zan lawka inhmel hriat kha kan ni a, chutianga lainat tak maia zah pawh dawn lova a thutna min han kian mai chu tun thleng hian a mak ka la ti thin.

Kawng a chhia a, kan chuanna bus lah chutiang kawnga tlan tura inhmeh tawk vel a lo ni bawk nen a chhungah chuan ‘eng’ pawh a awm lo. Tukverhte lah chuan darthlalang pawh an nei hek lo. Inkhawmpui tiaka haw kan ni bawka tumah mu hman kan awm vak loh avangin bus chu insawh nasa viau mahse tui takin an mu thlu nghal lawp lawp hlawm a. Mahse, kei ka awmdan a dik ta hlek lo mai. Nula emaw, tleirawl emaw ka la pawm chhin lo hrim hrim a, naute te chu pawm ve bawk tawh thin mah ila. Chu Bus chhung thim deuh ruang maia a duhthlanna ngeia lainat tak chunga min pawm rawh titu tleirawl chhe lo ve tak mai han pawm chu ka tan chuan engemaw taka danglamna min thlentu a ni ta tlat mai. Bus a insawh te chuan ka thin a rim ta der lo, eng ang pawhin chau mah ila, ka pawi ti hauh ta lo mai a. Bus chung lam tawng dawn dawna kan han insawh changte chuan zawi tein ‘A hrehawm em?’ kan han intitawna, mahse kan rilru tak tak chuan hrehawm kan ti lo ve ve niin tun hnu hian ka hre ta.
(more…)

Chetchhiat Part II :

Zirlai pawl magazine editor hruaina hnuai a nula rim kan ni ta bawka ngaih a tha khawp mai. Mahse, Hamleta thawnthu a “vanduaina hi a mal mal in a lo kal lova” an tih ang deuh khan, kan chetchhiatna pawh hi a mal mal hian a lo kal hauh lo. Kan Editorsap-a  hian kan len hma hian kan lo che chhe fe tawh  tih a hre sa teh reng nge ni, kan lenna tur lo zawkah min han luh sual pui ta pang mai le. Keini thian za ho tan chuan leilung pian tira kan vawikhat kalna a nih avangin a sual leh sual loh pawh kan hre tawh lova. An in awm dan kha a in  an em avangin Editorsap-a pawh hian a hre sual ve a ni awm e. Amaherawhchu, kan luhna pawh kha Mizo awmna an lo nih hlauh avangin engmah hre lo chuan kan han zui lut ve ngawt pek a.

Keini chuan lut sual tih in hre hek lo thutna kan han rem fel in, ngaihtha deuh chuan kan lo thu nui ve vir ver hman tawh a. A dik tak chuan ka rim tur te pawh hi tu nge  an nih a, eng ang hmel nge an nih kan hre bik miau lova. Kan luh sualna te pawh hi tute nge kan hre chuang lova. Kan lenna te lah khan lut sual kan ni tih an hre mai lova. A hma lama zirlai pawl ho siam T-shirt man an pek remchan loh thing tur emaw kan nih tiin pawisa  a rawn hum chhuak ta va va mai a. Editorsap-a khan pawisa nawia lo nei lo hlauh a, T-shirt man ba thing kan ni lo tih kan sawi pah khan kan lut sual a ni tih a sawi loh theih ta lova. In hmelhriattirna pawh nei tawh chuang lo chuan minute khat vel kan thut hnu chuan inchung lamah kan lenna tur tak tak zawkah chuan kan in sawn chho leh ta nge nge a.
(more…)

(Post tlem lai leh chatlak lai niin a lang a, ANSU ho Bandh nen, Thu mu hnu, thil hlui ka han phawrh chhuak mai mai ang e.)

Pasighat-ah hian, an Bazar hnung lamah hian, Nepali veng ‘Banskota’ an tih hi a awm a. Kan Sikul pawh hi chumi veng a awm chu a ni. Kan Sikul hrulah hian Kutcha Road; Boulder phah la metalled loh hi a awm a. Chumi kawng hrulah chuan kan Compound chu Dap(Mau) in kan hung ve a ni. Chumi kawng hrul, Dap fencing dep maiah chuan Quarters kan nei a. A piah metres 50 velah chuan Sikul Building chu a awm a, chumi piah lehah Quarters atang a metres 100 vela hlaah chuan, Hostel Naupang 70 vel awm theihna kan nei bawk a ni.

Kan Sikul din tirh lam, kan la tlem lai chuan, Quarters ah hian kan Principal chhungkua an awm a, Hostel Naupang ho kha, Nula leh Tlangval ten a inchhawkin kan va riahpui thin a ni. (Nula 2 leh Tlangval 1 kan awm a, a rammi pawnlam atanga lo kal 3 an awm bawk a).
(more…)