Nu-Pa
An sawi hi ka hre zauh zauh, a dik vek em chu ka hre law. An tia lawm: mahni theuh hi hmeltha kan inti a, kan hmel duh zawngte pawh hi kan hmel anpui deuh hi an ni duh chawk. Ka ngaihbel vang nge ka hre lo, nu-pa hmel inang deuh deuh hi ka hmu ve ta fo mai a. ‘Nu-pa pawh hi an inneih rei deuh chuan, an inang ve tial tial’ te an ti ta deuh deuh a. An ngaihbel vang te pawh a ni mahna. Hetiang a nih vaih chuan, ka nupui tur hi chu a hmeltha ngawt ang.. 
Thupui hawng ila…
Thuhmahruai ka neih ang deuh khian, ui leh a neitute pawh hian inanna an lo nei ve deuh a ni. Ui lian chi Rotweiler, Greatdane, Alsatian, etc., neitute hi chhungkaw member lian an ni tlangpui a. College kan kal laia kan professor pakhatin a sawi fiamthu pawh kha dikna chin a awm. ‘Vety Hospital-a ui thau tak a lo kal chuan, a neitute pawh an thau tlangpui’ a ti.
Photogenic
Photographer ka ni lo va, thlalakna tha pawh ka nei bawk lo. Mahse, photogenic ka nih erawh ka zep peih lo.. Chuvangin, ka thlalak holam te te hi, in sawisel a nih paw’n, ‘a ni tak maw?’ ka ti mai ang.
Reh laklawh hi chuan a reh ve thei hle a lo nih hi a. Mahse heng ho hi chu KV Durtlangah an rik bung bung duh hmel. hahaha
Hairehai....
