mi(sual).com

Isu, I piancham kan thleng leh ta. Piancham chibai bukna tha ber ka hlan a che. Biakin te pawh a mawi thei ang berin chei a ni a, zaipawl te pawh I piancham lawmnaa zai turin an inbuatsaiha, hla an zir tlat tlat mai. Kawngpui tuak sira thingkungte chu mawi taka chei an ni, hengte pawh hi I piancham lawmna tur atana tih vek an ni asin. Pawnah ka han dak chhuaka, boruak vawt var mai te chuan I pian zana brampute beram ven hun laite min ngaihtuah tira, an chanvo chan kha chanvo a zawnga ropui ber leh hlu ber a niin ka hria. Mi tam tak hmuh ve phak loh tur, lei leh vana lal ber piang an hmu bik si che a.

Berampute chanvo chan ang chang pha lo mah I la, chanvo ropui tak I piancham lawm tura ka awm hi lawm namen lovin ka lawm asin. Mi tam tak chuan he hun hlu tak hi hmu phak loh leh thleng hman lo in mual an liama, mahse kei erawh chu harsatna leh buaina awm lovin piancham a zawnga ropui ber leh chatuan nunna hawlh tlang piancham ka thleng thei bika, vannei ka in ti a, malsawmna a zawnga malsawmna sang ber a ni ka ti lo thei lo.
(more…)

Naktuk Masi, tren tren :

Krismas hi Mizote ta bik emaw tih mai tur hian, Mizo te hian kan hmang nuam thiam ber mai e. Kan Lalpa Isua, khawvela alo pian champha ni a an ruat, December 25 alo thlen dawn hnaih, thlakhat vel hmalam atang hian, a tu a te pawh hi, kan thinlung a phawklek tan a, krismas atan kan thinlung a in puahchah chho tan tawh thin.

Kum khata kan lo nghahfak ni lawmawm a nih avang leh, a boruakte a lo vawh nawm tan tawh avangin, huau huau leh tih a remchang a. December thlatir kan chuankai dek dek tawh chuan, Bazar leh hmun tin mai ah Kristmas hla, hla thar/hlahlui a ri tan chuah chuah tawh mai thin.

Kristmas hlimtaka hman loh hlauvin nu leh pa te, in chei that ngai leh, in sa mekte pawhin Krismas hma a peih ngei an tum a. Chhungkawtin in, mahni in leh a vel ti faiin, inchhung cheimawi loh bik hlauvin, kan phe sung sung mai a. Banga Krismas Card thar leh hlui kan han han tar pawlh chuai mai te hian min ti lung-awi ve thawkhat a.

(more…)

Kan pek theih sum bei tham tak te chu kan han hlan a, “Tute nge in nih” tih zawhna chu kan chhan a tul ve miau zel si a, “misualho kan nia” te kan han ti ngawt zel a, tawngkam thiam deuhin khawvel hmun hrang hrang atanga thian zaho internet hmanga inkawmho leh inthurualten kan thawhkhawm a nih dan te an han sawi fiah zui a.

Ruahman lawk angin charity bawm hawnna tura hmun ruat lawkah member 20 zet kan kal khawm a, Sangpuia pa chu charity bawm hawng turin kan puh thlu a.

(more…)