Krismas a lo hnai leh ta

December 24th, 2011 6:00 pm by Sawmtea pa

KRISMAS A LO HNAI LEH TA

Krismas a lo hnai leh ta!
I rilru ah engnge awm?
Kawr thar, kawrlum leh pheikhawk,
Changban, ruaitheh leh zaikhawm,
Fatu, Carol leh tlaivar?

Krismas a lo hnai leh ta!
Kan zawl khawpuiah hian enge hmuh I beisei?
Bazar lun, khawlai chei, vei huai huai,
Concert, khawlai fan leh heheu,
Menrei, bengchhen leh ei leh in?

Krismas a lo hnai leh ta!
Engangin nge I hman ve dawn le?
I thinlung bawnginah Lal Isua pian tir la,
Amah chibai buk turin Biak in kawng zawh la,
I neihsum leh rote riangvaite hnen thleng vein,
Chhandamtu kawng zawhin midangte tan inpein.

8 Responses to “Krismas a lo hnai leh ta”

1
Seaker Says:
December 24th, 2011 at 6:07 pm
First tih awih loh.
2
filliz Says:
December 24th, 2011 at 6:37 pm
2nd pawh tih awih loh.
3
H.Vangchhia Says:
December 24th, 2011 at 6:56 pm
Researcher ten an chhui chhuah dan chuan Christmas tree hi Latvia ah kum 1510 khan lehkha in an chei tan a. Mahse meipuiah an vawmlut leh daih thung. Chuti chuan Latvian ho chuan Christmas tree siam hmasa berah an ingai a ni.

A hnu kum reiloteah, Germany a protestant hmasa, Martin Luthera chuan mombati te nen chei mawiin, chuta tang chuan khawvel hmun dangah an uar chhuak ta a ni awm e.

Ka ngaihthlakna CBS news link ah ka hmuzo tlatlo. Midang link, hnaih ve deu tu ka rawn dah ta mai.

https://www.kuam.com/global/Story.asp?s=5627288
4
lrpa Says:
December 24th, 2011 at 7:08 pm
naupan lai deuh a card thiante nen kan han inthawn kual sap sap a..bangah kan han tar tlar ve dal a..card dawn tam nih duhin a hma kuma mi te kan tar tel bawk a..hmani lawk nimai in a hriat a, mahse ni sang tam tak a lo ral der tawh mai :happy:
5
somte Says:
December 24th, 2011 at 7:38 pm
Chrismas hi mumal tak hian hman loh na rei tawh hle mai,naupan lai tih lo kha chuan.
Naupang lai khan lo nuam ber nih hmel.Zo chhang nute’n zanlamah an chhum,zingah thingpui sen hang leh kurtai nen kan han hmeh a,school chawllai,kawr thar leh pheikhawk thar kan han nei a.Urlawk zan dawhthlakah ‘enge chrismas putarin min pek ang aww’ tiin thiante nen duhthu kan hansam vel a.Kan chat lutuk thin tih mai lo kha chu engkim kha nuam em em vek mai..:).
6
H.Vangchhia Says:
December 24th, 2011 at 7:44 pm
He video hi en ve teh un! (touching)

https://www.youtube.com/watch?v.....e=youtu.be
7
lrpa Says:
December 24th, 2011 at 8:53 pm
Pu HV..i link dah hi advt..chiah
Masi chibai, inchhungkau in :kiss: :kiss:
8
Asteric Says:
December 25th, 2011 at 2:21 am
Christmas hi mi tam zawk te hman anga ka hman ve theih lohna alo va rei ve tawh tak em