Archive for the ‘Event’ Category

Zanin inchaltauh en ang aw…!

Sunday, June 10th, 2012

Rin loh an chak a, rin an chak lo thung a, inkhel a hmuhnawm telh telh dawn a ang. Tun tounament-ah hian football chanchin ziahna Mizo website pahnih inkhel.com leh zofooty.com-ah inrinsiakna lawmman ṭha tawk tak a awm a ni tih hria ila a ṭha ang.

Gdansk — Group C: Spain v Italy (09:30PM)
Spain team first eleven (ni tura ngaih): Casillas, Arbeloa, Ramos, Pique, Alba, Xabi Alonso, Busquets, Silva, Xavi, Iniesta, Torres.
Italy team first eleven (ni tura ngaih): Buffon, Bonucci, De Rossi, Chiellini, Maggio, T. Motta, Pirlo, Marchisio, B’retti, Balotelli, Cassano.

da
(more…)

Posted in Event, Sports & Games | 157 Comments »

Lunglei mi(sual)dotcommers Free Medical Clinic

Sunday, June 10th, 2012

Ngai teh! Khumchiktheia chuan chhun mumang ropui zet a nei a, a tak rama thlentir theih niin a hre zui bawk a. Chu mumang chu chawei khawm leh disco lam ni lovin, khawpui daifema chengte harsatna chhawk zangkhai tur leh midangte tana malsawmna nih tumin free medical clinic a rawn rawt ta hluai mai a nih chu!

Lunglei misual dangte damdawi lama thiam engmah nei lo, nachhawkna leh mum uk pawh hre hrang mang lote huaihawtin Lunglei atanga 7kms a hla Thuampui khuaah YMA Day hian a thlawna inentirna buatsaih kan tum ta hluai mai! Kan innghahna chu Dr. Khumchikthei a ni. Lunglei misualho kan inbe kual a, a remchangten kan rel a, sum pai pawh mamawh zat thawh inhuamin phur takin kan lungrual e. Sum lam mamawhna a sang dawna kan hriat laiin Ruatruatapa thinlungah thingtlanga damlo mangang khawpui pan hlei thei lote hmel lo lang lianin sum thahnem takin rawn sponsor a duh thu a rawn sawi chhuak a, kan va han Amen rual tak em!
(more…)

Posted in Event, Information | 106 Comments »

Happy Birthday The_Chhamanator!!!!

Sunday, June 10th, 2012

Vawiin hi kan admin chhuanvawr, admin dang te pawhin kan ngaihsan rawn luai luai The_Chhamanator birthday a ni e. Football hi a ngaisang hle a, zanin Euro inkhel turah pawh Tottenham a tan dawn a ni awm e. Cheers!

Posted in Event, Lifestyle | 29 Comments »

Sualfaina (Sunday Pual)

Sunday, June 10th, 2012

Khatia dinhmun ralti leh khirh tak mai atanga Emperor berin a lo pawm takah chuan, Kristianna kha a lo thang duang ta hle mai a. An lo len hle tak hnu leh thil tithei tak anlo nih tak hnu khan, awmdan an lo thiam ta mang lova, Sawrkar zawkte khan an ngamlo dawn ta fo mai a, England-ah phei chuan an Lal Chhungkua te khan Church of England an din ta hial a nih kha. An sum(thawhlawm) duh luatah Chhandamnate kha Isua thisen vang lam nilovin a leia lei theih ang zawng te khan an han kalpui chho ta a. (sawi chipchiarlo mai ang, thenkhat rilru tihnat palh a hlauhawm a).

Chutah Lalpa Isua Krista tana thuhretu rinawm dik tak an lo langchhuak tan ta a. Chung zinga a meizang hlaptu ber pakhat chu German mi Martin Luther kha a ni. Khatih laia Kohhran kha sawrkar pawhin an hlauhtlawn, thu nei em em mai, an duhloh zawng chu tihhlum theihna hial nei kha anni a. An diklohna sawichhuah phiar phiar a, cho a, puanzar kha thil hlauhawm tawp a tling ngei ang. Mahse, Lalpa tan engpawh huamin Luther-a khan cho a tum ta tlat mai si. (more…)

Posted in Event, Religion | 23 Comments »

Zanin chu Kharkiv leh Lviv-ah lêng ang aw…!

Saturday, June 9th, 2012

Fixtures en duh tan hetah auh!

NeoSports-a an live tura tih kha French Open an lo live daih mai a. NeoPrime lamah an live tho kha. In lo zawng dawn nia. Post a awm takin tiin ka han ngaichang deuh va, a awm ta lem lo bawk a, tih leh tháwr mai teh ang.

Kharkiv — Group B: Netherlands v Denmark (09:30PM)
Netherlands team first eleven (ni tura ngaih): Stekelenburg, Van der Wiel, Heitinga, Bouma, Willems, De Jong, Van Bommel, Robben, Sneijder, Afellay, Van Persie.
Denmark team first eleven (ni tura ngaih): Andersen, Jacobsen, Kjaer, Agger, S Poulsen, Zimling, Kvist, Rommedahl, Eriksen, Krohn-Dehli, Bendtner.

ds
(more…)

Posted in Event, Sports & Games | 148 Comments »

Zanin inkhel en ang aw…!

Friday, June 8th, 2012

Fixtures kha en duh tan hetah auh!

Kan nghahhlelh em em, EURO 2012 chu zaninah ṭan a ni dawn ta. Game hmasa ber hi dar 9:30-ah Warsaw khawpuiah a thlengtu ram Poland leh Greece-in an khel dawn a. Opening ceremony hi minute 12 chhunga khung an tum a ni. (Vawiin MSU OIL Cup final closing ceremony kha darkar 1 dawn a ni) Chumi hnu zan dar 12:15-ah Wroclaw lamah Russia leh Czech Republic an inkhel ve leh thung ang. Euro 2012 hi Neo Sports-ah an live char char dawn a ni.

Warsaw — Group A: Poland v Greece (09:30PM)
Poland team first eleven (ni tura ngaih): Szczesny, Piszczek, Wasilewski, Perquis, Boenisch, Murawski, Polanski, Blaszczykowski, Obraniak, Rybus, Lewandowski.
Greece tam first eleven (ni tura ngaih): Chalkias, Torosidis, P’thopoulos, P’dopoulos, Holebas, Karagounis, Katsouranis, Maniatis, Salpingidis, Gekas, Samaras.

sa
(more…)

Posted in Event, Sports & Games | 178 Comments »

Mi kuta sahrang hmu lian!

Tuesday, June 5th, 2012

A hmasain World Environment Day pualin chibai vek u.

Vawiin, June ni 5 hi World Environment Day atana UNO hnuai United Nations Environment Programme (UNEP)-in a puan a ni a, Earth Day an ti bawk. Kum 1973 aṭanga hman niin a kum leh 1974 aṭangin theme bik neia kalpui a ni a, kumina an theme chu Green Economy: Does it include you? hi a ni.

Tichuan, kan environment humhalh ngai nasa lutuk induhthawhna avang liau liauvin fiamthu website hi siam a lo ni ta a. :D Fiamthu hmangin engtin nge Mizote hian environment kan humhalh ang, tih hi kan ngaihtuah chho zel dawn a ni. :P

A hmaa fiamthu blog kha duhtawk lovin, nakin hun thui tak ngaihtuahin user-t’en an contribute ve theih kha ṭhain ka hria a. Domain leiin ka han ti ve rãwih a. A ṭul ang anga min buaipuitu, Father_Sphinx chungah ka lawm khawp mai. Register user tan post a siam theih dawn a, chuvangin khawvel hmun hrang hranga Mizo awm te, Mizo ṭawng thiamte angkhata an nuih tlàn theihna turin i fiamthu hriat, hmun danga i sawi liam mai mai ṭhinte kha dahṭhat nan lo hmang a, midangte tan malsawmna ni ang che.

Mizo Fiamthu

Posted in Event, HAHAHA, Internet, Invitation | 29 Comments »

Thlarau Thianghlim (Pentecost Pual)

Sunday, May 27th, 2012

Vawiin hi Thlarau Thianghlim lo thlen ni; Pentecost Day kan tih kha a ni a. He ni Pual hian Thlarau Thianghlim chung chang lam I han thlirho dawn teh ang. (Vawiin chu Chaw a rum leh deuh thah rih dawn anih chu).
Thlarau Thianghlim chu Pathiana minung 3 zinga pakhat; a pathumna kan tithei ang chu ani a. Engemaw thiltihtheihna satliah ni ringawt lovin, MINUNG(person) a ni. Thuthlung hlui hunah khan Thlarau Thianghlim hi mimal thlanbik te hnenah Hna pawimawh bik an tih theih nan pek anni thin a. Thuthlung Thar hunah erawh hi chuan, Ringtu(mi Piangthar) tawhphawt chu Pek kanni ta vek a ni.
Thlarau Thianghlim Nihnate:
(1) Minung (person) a ni. (Johana 16:7)
(2) Khawikipa awm thei (Omnipresent) a ni. (Sam 139:7)
(3) Chatuan mi (Eternal Spirit)a ni. (Hebrai 9:14)
(4) Lalpa (Lord) a ni. (II Korinth 3:17)
(5) Pathian Thlarau (Spirit of God) a ni. (II Korinth 3:3)
(6) Krista Thlarau (Spirit of Christ) a ni. (I Petera 1:11)
(7) Thiltih theihna, Hmangaihna leh mahni inthununna Thlarau a ni. II Timothea 1:7)
(8) Dikna Thlarau (Spirit of Truth)a ni. (Johana 14:17)
(9) Khawngaihna Thlarau (Spirit of Grace) a ni. (Hebrai 10:29)
(10) Hrethiamtu Thlarau (Spirit of Understanding) a ni. Isaia 11:2
(11) Thutak hriattirtu (Spirit of Counsel) a ni. (Isaia 11:2
(12) Finna leh Thutak puangchhuaktu Thlarau (Spirit of wisdom and revelation) a ni. (Ephesi 1:17) (more…)

Posted in Event, Religion | 37 Comments »

Happy Mothers’ Day

Sunday, May 13th, 2012

Vawiin 13th, May hi Mothers’ day alo ni reng mai a. He niah hian, engemaw tal han ziah lan ve hi thain ka hria a. Ka nu tunah khawvel dana tar ni ve tan tawh kum 68 miin min lo enkawl seilen dan leh a phak ang tawk tawka min lo zirtir dan han thailan ve mai mai ka han duh deuh va, min lo ngaithiam ani ang chu.

1. Sex Education:
Ka nau nen kan han rawlthar chhuah hian Ka nu hian min zilh thin a, “Nula in rawn ruk chuan kan inah in rawn luhpui thei lovang, Ruk ruka chhungkua in din ka duh lo; Tin, Sawn in thlak vaih chuan, duh loh a sawi theih lohvang, in nei ngei ngei tur a ni ang” a ti thin a. Ka nau chiah nen hian kan nula mi ang reng viau naa, he thu hi kan zah hle tih ka hria. Tumkhat pawh dinhmun khirh lutukah ka ding a, Nupui ka ru teuh ther ther kher mai, mahse he ka nu min zirtirna hian min chelh hneh hram hram a ni.

2. Thlahrang leh Ramhuai chung chang:
Kan naupanlai chuan Thlahrang leh Ramhuai hi kan intihthaih nasa thinin kan hlau thei hle thin. In barakhaih te kan chin avangin Lungphu thalo deuh leh Mumang thalo(Nightmares) ka nei fo thin. Ka nu hian tih reh a tum khawp mai a, “Thlahrang leh Ramhuai tia an sawi reng reng hi mi dawihzep leh damlo, rilru lam chianglo hmuh leh sawi vek anni thin; mihuaisen finfiah dawl zo tak tak an awm ngai lo” tiin min hrilh thin a, Hei tunthleng chuan ka la hmu ta lo chu a niah.

(more…)

Posted in Event, Lifestyle, More than words | 21 Comments »

Lehkhabu tlangzarh sawmna

Monday, April 23rd, 2012

“Hmangaihna hi Hmarcha nise, ka hmangaihna chu Hmarchapui a ni ang” ti ve ngam ngat, ṭhianpa TS Khupchong ziah “HMANGAIHNA TUBOH” leh “NUN TIHLIMTU” tih lehkhabu chu Ni 28, Inrinni Chhun dar 12-ah khian, Aizawl Press Club, Treasury Square-ah H. Rotluanga (Mapuia Hauhnar) chuan an lu a chawikang dawn ta.

“Ka hmangaihna chu Hmarchapui a ni ang” a ti tak naa, Hmarcha të a thak zawk mah tih a haider mai mai a ni. Mahse, mahse…he lehkhabu erawh hi chu Hmangaihna Tuboh a ni tlat, a lian lian-in a chhu na ta ve ang.

He lehkhabu ziaktu hi kum lama naupang të la ni si a, thu leh hla lama tui em em miril a ni vei roh va. Chuvanga, HMANGAIHNA meuh pawh TUBOH anga puh thlu ve ngam ngat a ni a, a TUBOH hi a chhut nat leh nat loh i hre duh a nih chuan; lei ngei ngei ang che. A pâwt mai mai ring suh.

He Hmangaihna Tuboh hi engti taka chhu na tur nge tih te, a len leh tet leh a kg zat lam engmah he luikama ṭang hian ka hre chuang law. Mahse, hei erawh hria la ka duh — a ngaihnawm lo i ti emaw a chhiar tlak loh a nih chuan, i leina man zatin ka lo lei chhawn sak leh ang che.

(more…)

Posted in Event, Invitation | 98 Comments »

Newer Entries »
  1. Page
  2. 1
  3. …
  4. 6
  5. 7
  6. 8
  7. of 8