Archive for the ‘Information’ Category
ZoRO huaihawtna in 3rd World Zo Re-Unification Convention hman ani.
Sunday, October 6th, 2013CFL Hmingthanga Thihcham Vawikhatna Pualin
Tuesday, September 10th, 2013September ni 9, 2013 zan dar 10:45 PM hi zaithiam leh hlaphuah thiam CFL Hmingthanga lei taksain he khawvel a chhuahsan kum khatna a lo ni ta a, a lei taksa chuan thawhlehna nghakin Samthang thlanmualah riahrun a bel mek a ni. He a thihcham pual hian amah ngainatu leh a fans khawvel hmun hrang hranga awmte chuan urhsun takin mahni hmun theuhah hun hman an tum a ni. CFL-a fans i nih chuan facebook Group pakhat, CFL HMINGTHANGA Thu Leh Hla i lo join ve dawn nia. Tin, Thawhtan tlai dar 5:30 ah hian CFL-a pualin Doordarshan, Aizawlah CF_a u Pi Lalngovi w/o Pu Thasiama te chuan CFL-a zai pahnih an thlang a, a zai leh a hringchan thlalak hrang hrangte en theuh turin CFL-a fans zawng zawngte min sawm a ni.
Telhawng i ei ve ngai em le?
Wednesday, September 4th, 2013Telhawng hi a duhtu tan chuan thil tuitak a ni a. Chung, a duhtu te zingah chuan ka tel ve a. A tui viau vang a niang a siam vel pawh hi a hautak zek a. Thenawmnu in a sawngbawl lai ka chang fu hlauh a, a sawngbawl dan hi a peih peih te lo hriat ve atan
aw 
ZoRO Press Statement
Wednesday, September 4th, 2013People’s Conference Party, Mizoram leh Zomi National Congress, Manipur te tangkawp huaihawtin 1st World Zo Re-Unification Convention chu Date 19-21 May 1988 niin Champhai ah neih a ni a, chutah chuan khawvel hmun hrang hrang atanga Zo Hnam hruaitu kalkhawmte chuan Zo Hnam insuihkhawm lehna tur thuthlung an siam ta a.
Ziaktu hrang hrang ten Hnam pum koh nana hming an hman “Zo” chu hming atan lungrual takin an pawm tlang a, a hming ah pawh Zo Re-Unification Organisation (ZoRO) tiin an siam/din ta a, a thil tum “Zofate insuihkhawm lehna India Constitution chhungah tihpuitlin ni rawh se” tih chu lungrual takin an pawm tlang ta bawk.
Zofate hi ram hrang hrang : India, Bangladesh leh Myanmar ah te thendarhin kan awm a, chumi atanga insuihkhawma rorelna pakhat hnuaia awm kan duhna kan thlenna tur chu UNO a nih avangin India Constitution huang chhunga insuihkhawm tih chu UN kalphung pawnlam a nih avangin thil tih chi rual a ni lo a, chu bakah ram pakhat chhunga Political Party atanga beihchi a nilo bawk a. Non-Government Organisation (NGO) atang zawka beih tur niin tlawhchhan atan pawh Chin-Lushai Conference, 1892 thurolum tlawhchhana hmalak tur a ni tih ZoRO chuan a hmuchhuakta bawk a, chumi zulzuia kal dan tur thar duan leh thiltum siam that a tum tam tak avang chuan “Zo Re-Unification Convention” chu koh alo ngai ta a.
August 2013, Mizo(ram) Diary
Monday, September 2nd, 20131st. Thursday: PC Lawmkunga, IAS, 1979 batch (Manipur-Tripura cadre) chuan Manipur chief secretary thar atan ruat a nih angin a hna thar a zawm.
2nd. Friday: Edenthar Veng branch YMA chuan ruihhlo chi hrang hrang an man – sapzu ûm 308, ganja fûn 20, rakzu litre 200, Burma beer can 758, heroin, parvon spas mûm 1,261 leh damdawi kheh chi mûm 9,02,100-te chu an hâl ral. Ruihhlo hâl ral takte hi Rs. 72,87,510/- vel hû a ni.
3rd. Saturday: Tun hnaia Champhai District khaw hrang hrang tlawha zin, CM, Pu Lal Thanhawla chuan Rabung a tlawh a, amah lawmna inkhawm, an khaw VCP Pu K.Sangsiama kaihhruaiah thusawiin CM chuan, ‘NLUP chu Pathian lam tang programme a nih avangin a dawngtute pawhin Pathian malsawmna a ni tih hriaa dikna, rinawmna leh taihmakna-a an chhan let a ngai a ni’ a ti a, ‘he tanpuina sum atang hian cheng khat pawh a bo thiang lova, tihhlawhtlin chungchangah a dawngtuten mawh an phur a ni. Sorkar term tharah an awm lo a nih pawhin NLUP dawngtute leh la dawng turte enkawl zuina tur ‘Exit Protocol’ pawh siam fel tawh a ni a; tuna NLUP dawng tura thlan fel tawhte tanpuina sum pek loh a nihna chhan chu sum awm loh vang ni lovin, Line Department-a hnathawkte indaih loh vang a ni’ a ti bawk Chief Minister zin hi Sports Minister, Pu Zodintluanga leh Pu TT.Zothansanga MLA ten an tawiawm a ni.
(more…)
KOHHRAN PAWL HRANG HRANG LEH AN DINHMUN TLANGPUI
Sunday, August 25th, 2013(Chhiar tur a tlem riau mai hei hi ka lo dah ve ang e.
Thuhma. Kristian sakhua hi kan Lalpa kum, kum zabi pakhatna ah khan Palestina rama Juda mi tlem te te atanga lo thangliana lo darh chho ta zel a ni a. Kristian sakhua nihna leh innghahna lairil ber chu Isua Krista leh a hnathawh, a nun leh a rawngbawlna, a thihna leh a thawhlehna ah a ni. Tichuan, lo thang chho zelin, atira mi tlem te te kha khawvela sakhaw lian ber leh zuitu ngah ber a lo ni ta a. Kristian sakhaw vuantu hi mi tluklehdingawn khat leh a chanve aia tam an lo ni ta a ni.
1. Roman Catholic. Roman Catholic te chu Rome Kohhran nena inzawm leh Rome Kohhran hotupa Pope thuneihna pawmtute an ni. Roman Catholic te hian an kohhran chu Isua Krista din ngei kha niin, chu kohhran chunga thuneihna chu Petera hnenah khan pek a ni a, chu thuneihna chu vawiin thleng hian Rome Kohhran hotu apiang (Pope) hnenah la inhlanchhawn zel, niin an ngai. Kohhran pawl hrang hrang zingah Roman Catholic hi a lian ber leh member ngah ber a ni a, 1990 khan member 865,500,000 a nei a. Khawvel mihring awm zawng zawng zinga 17% hi Roman Catholic an ni a, Kristian zawng zawng zingah 57% chu Roman Catholic an ni bawk. Kum 2010 vel kha chuan member 1055,458,116 vel lai an ni tawh a ni.
(more…)
How to locate your misplaced Android phone
Thursday, August 22nd, 2013Android phone nei ve lo mah ila misual zingah hian nei tam tak in awm tih ka
hria lo ti chhin ve teh u. chuan comment lam ah he application thar hi a hman tlak
leh tlak loh chu hre mai tur ah in ngai ila.
Often we misplace our phone. If you muted the ring, then you can’t even call from
another phone to locate it.That’s when Android Device Manager comes in handy. Go to google.com/android/devicemanager. The site will automatically connect to your phone and display a
message like: “Last located at 6:42 PM; Manekshaw Parade Grounds Bus Stop,
Cubbon Road, Shivaji Nagar, Bangalore, Karnataka 560001, India – Accurate to 574 meters. Last used August 14, 2013″.To locate the device, click on Ring. The device will ring at full volume for 5 minutes.
You have to press the power button to stop it ringing.
Source : The times of india
FANCHUN
Sunday, August 11th, 2013Pawl Sawm Exam form kan fill-up laiin kan Principal in ”I hming engtia dah nge i duh? A ngai ang hian kan dah dawn a mi?. ‘F’ hi eng nge awmzia?” tiin min zawt a. Pawl Sawm a tanga hnuai lam zawngah kha chuan ‘F. Lalrosanga’ kha ka ni thina. Kan Principal hnenah chuan ‘F’ chu FANCHUN tihna a nih kha ka ti a. ”E he! Pawichhia te maw i nih? Pawichhia te” minti a, ka zak lutuk kha, ka thinrim pawh ka tilang ngamlo hial.
Office chhunga Zirtirtu dang awm lai leh Ka zirlai puite Exam form fill-up ve tur awm lai a khatiang thu dawn kha chu ka zak lutuka, hawina lam tur pawh ka hrelo a, awmdan pawh ka thiam tawhlo.!. Mahse ka nihna chu ka nihna a ni tlata, eng angin zahpui mah ila a sawt chuanglo a, ka nihna a ni tho tho a.. FANCHUN in ka nihna a tilang a nih chuan tiin, kan Principal hnenah chuan ka hming bula ‘F’ dah tawhlo in ‘Lalrosanga B Fanchun’ tiin Class-x Exam form ka fill-up tir ta a.
Kan Principal in ”Pawichhia te” mintih lai khan thinrimin zak viau mah i la, tun kum 7 vel liam hnua ka ngaihtuah that leh hian ‘Pawichhia’ minlo tih kha a lo awm reng a lawm le tih hi rilru natak chungin ka pawm thiam ve ta..:(
Kei ni Lai ho chu ‘hnambo’ a lawm kan lo nih chu.! Tawng hran leh ze hran Pathian in a hran tein minlo siam sak ve kha humhalh loin leh ngainep in; hnam dang ho hnenah ka pil zo ta! Hnambo, mahni tawng leh zia pawh hrelo chu ngati nge ‘Pawichhia’ mintih mai loh ang?.
Khawvelah Lai hmun hnihah kan awm a:
Hmunkhat chu Burma lamah. Burma lama awm ho chu kawl ho karah an awm a, Kawl tawng hmangin, Kawl zia an hmang a, a then ram inrelbawlna thatloh vangin ram dangah an ral tlana, Vunvar, vunsen, vundum ho bulah UN in a thendarh hlawm a.. Chung ho pawh chu reilo teah an bo thuai dawn.. An mahni inti ‘Lai’ em em mahse an fa fa leh te chu an awmna ram/ an ral tlanna mi ho angin an chhuak tawh ang. (more…)
BUANNEL
Sunday, August 4th, 2013Kan pi leh pu te hun lai ata tawh tawh an sawi Buannel ramngaw mak tak mai chu…
♫A saw raltiang lentu zo bawn saw,
Chhingmit titlai tu tuk loh ram chhah kar saw.
Mi ngeng pasaltha, lung ti leng tu.
Bannel ram dai, lungdum tu ♫
Kan pi leh pu te chuan sa tinreng hi Buannel ngaw atanga rawn piang ah an ngai thin a. He ram ngaw mak tak mai hi ram hla tak, thlen phak mang loh a awmah te kan lo suangtuah thin anih chuan kan ti sual duai dawn a ni. Hei le kan pi leh pu te hrilhfak Buannel ram chanchin chu le:
BUANNEL ram hi khawchhak lam Run leh Tiau inkar Lentlang awm a ni a. Tiau atangin mel 20 vel a hla a awm a ni. A hnaih ber khua chu Hmunluah khua a ni a, hemi atang hian mel 7 vel a hla a ni. Lentlang tluan a tlang chhip filawr deuh deuh te chu hmar lam atanga chhiar in Kelchal tlang te, Muchhip tlang te an ni. Lentlang sang lai tak chu hmar lam atangin chhim lam zawngin tlang dung a kal ruah mai a. Buannel thlen dawn hian thuang thum in a kal a. Tlang dung inkarah chuan ruam zawl rai phul nuam tak mai hi a awm a. Tlang chhip sang lai chu ngaw dur khup mai chatuan a tuma kih ngai loh in a hual tlat mai a. Phul leh ngaw inri naah chuan sih pasarih hi a awm a, chung sih atang chuan tui fim tak hi an luang chhuak hlawm a, chung tui luang chu hmun khatah a infin khawm a, chuchuan lui te a siam a, phul lai takah chuan a luang tlang a, furah pawh a nu ve ngai lo. He lui te hi luang zelin Tiau a fin nghe nghe a ni. He phul sir hual vel hian pangpar chi hrang hrang Hawilo par te leh Dingdi te chu phun tu awm ang mai leh enkawl tu awm ang mai hian awmze nei takin an vul chek mai a; tin, tlang purun ‘Runpheng’ an tih te pawh a tam hle bawk a, a phul hual chuan Chhawkhlei a awm leh vek bawk a, helai hmun hi alawm kan pi leh pu te hun lai ata tawh Buannel an tih Lasi te tualchaina hmun ni a an lo sawi thin chu.
(more…)
July 2013, Mizo(ram) Diary
Saturday, August 3rd, 20131st. Monday: Vanglaini chanchinbu buatsaih, Mizoram Year Review 2013 chu Zonet studio-ah Lengzem chanchinbu editor, Vanneihtluanga’n a tlangzarh. He lehkhabu-ah hian kum 2012 chhunga ni tina thil thleng langsar dah a ni a, phek 447-a chhah, Rs. 300/- man a ni.
2nd. Tuesday: Tlabung District Demand Committee (TDDC) huaihawtin Tlabung district siam an duhzia lantir nan mipuite’n Tlabungah kawng an zawh a; resolution pass in, “Kan ngenna hi a hlawhtlin hma loh chuan a ṭûl angin hma kan lâk chhunzawm zel dawn a ni,” an ti. Kawngzawhah hian Tlabung leh a chhehvela mipui 5,000 vel an tel a; Lunglei aṭangin Chhim Bial Chhantu leh NGO Coordination Committee hruaitute pawhin an telpui.
(more…)
