Archive for the ‘Lifestyle’ Category

Nupui neih nawmna

Thursday, February 14th, 2013

Parawl ho leh tlangvalte ka awhthikna ni chhuang lovin, nupui nei tura Pathianin mipate hi min lo duan avang leh Pathian Pathian zia; mihringte min duhsak zia lantirna anih avang zawkin nupui neih nawm zia leh nawmna hi han sawi ve ka duh tlat a ni.

Mihring hi kan in ang vek lova, nupui pasal in nei fuh lo ve tak tak te pawh hi awm a ni a. nupui neih inchhir tak tak leh pasal neih inchhir tak takte pawh an awm ngei ang; amaherawh chu chung; nupui nei fu lo inti te leh pasal nei fu lo inti te pawh chuan, han sawi chhuak duh ngat sela chuan nupui an neih hun engemaw lai tak kha chuan nupui neih nawmna hi chu an tawng ngei ngei ringawt. A nawmna chu rei leh rei lo a awm a ni mai zawk. Nupui neih hi engtik lai mahin nuam tihna ka nei reng reng lo ti hi chu an awm ka ring lo.

Aw le, kan thupui lamah ve thung aw! Mihring pian phung leh Pathian min duan dan atang rengin kawppui nei tura siam kan ni a; chumi avang chuan kan taksain puitlin lam a rawn pan atangin hmeichhe zah atanga intanin, hmeichhe bula awm nuam tihnaah a rawn chhova, an tel lova awm thei lo khawpin hmeichhe ngaiin mipate hi kan kur ta, chumi thinlung nawrna avang chuan awm dun theih dan ngaihtuahin mipaten theihtawp kan han chhuah a, tichuan, a vawrtawpah nupaah kan lo insiam ta thin. Hemi tel lo hi chuan mipa hi a mal ngawih ngawih a,khawharnain a khat thin. Mipui zingahte, huau huauahte pawh tel ve mahsela, hmeichhe tel lo chuan a mal ngawih ngawih a, a khua a har veng veng thin. Mipa thinlung ruak, khawhar, lungleng chu hmeichhia hian an lo hnemin an lo luah khat ta thin a ni. Tichuan thinlung mai ni lovin tisa nen pum khat, damchhunga awm dun reng tura in ngai leh induh leh in beiseiin nupaah an lo insiam ta thin. Nupui chuan mipate khawharna leh mal em ema an inhriatna te kha an lo la kiang ta thin a.Mipate hi dam chhan neiah min lo siam ta a ni.Nupui han neih hi chuan dam chhan hi nei ta veng veng hian kan in hria a, thihte hi kan hlau ta em em mai thin. Damchhan nei reng reng lova inhriate hi a ni khawvel a mi khawngaihthlak berte chu!
(more…)

Posted in Adventure, Lifestyle, Luangliam | 22 Comments »

Kahpup Chaw

Saturday, February 9th, 2013

Thuhmahruai
Kan tûnlai Mizoram boruak thlîr hian ‘a mak’ tih loh rual a ni lo. Thihna maksak tak tak leh natna maksak tak takin min tlâkbuak mêk chu a ni si a. Hêng ‘tûnlai hri’ maksak tak tak hian ‘chhan leh vang’ a nei ngei ang tih chu rinhlelh rual a ni lo. ‘Over Dose’ tih thâwm te pawh kan hre châmchi a; mahse, eng vangin nge OD hi tleirawl zîngah an awm reng si? Mu hlum leh inâwkhlum tih thâwm te hian ni tin deuh thaw kan hriatna beng a fah a; lirthei leh in hâl thâwm te pawh chanchin thar tichanchin thartu a ni ta zêl mai si.

Hêng buaina leh manganna te hian ‘bul thûm’ a nei ngei ang tih hai rual a ni lo. Nu leh pate’n kan fate thiltih ṭha lo tak tak te hi hre reng mah ila, kan dang zo tawh si lo. A tâwpah mangang chal dawma kun ngawih ngawihin “Lalpa, Lalpa…” kan ti a, chhânna erawh “I tuh rah i seng a nih kha” min tih hi ka ring ṭhin asin. A bilhah kan tho fu tawh lo va, engkim mai hi a inkahpup chaw chho zut ta mai a nih hi.

Mizoramah hnam dang mistiri sîng chuang an awm tawh a; mahse, an zîngah mu hlum leh OD tih te hi zuk awm ve miah lo va! Tin, chakma zîngah mu hlum te hi an awm ve miah lo an tih chu! Eng vangin nge a ram mi ‘Mizote’ hian heti ang êm êma kan tawrh bîk le? Zawhna chhân tûr a va tam tak êm!

(more…)

Posted in Lifestyle, Mizo Society & Culture, Mizoram, Opinion | 20 Comments »

Puitling Nun.

Monday, February 4th, 2013

Mi puitling thlerh thlawrh tak maite hi chu kan ngaisangin kan zah nghal mai thin a. Kum upa tawh tak tak, nawi ang reng viau si a awm theih laiin, la naupang te si, puitling thlarh mai a awm theih bawk a. An kum phu lova, an nun dan, an tawngkam leh hawiher leh an thu vuak thlak puitling tak leh fing takte chu, mitin hian kan ngaisang thin anih hi. Puitling nun chu engtin nge kan sawifiah tak ang le? Heng a hnuaia ka han sawi ho te atang hian mahni theuh I han in enfiah dawn teh ang:-

1. Mipuitling dik tak chu a thinur viau chang pawhin, tilang nghal buan buan lovin a inthunun thei thin a, Cool raihin ala tawng hram hram thei thin a, inhriatthiam lohna alo awm chang pawhin tharum leh thil tichhe rum rum zawnga che lovin, sawifel theih a tum hram hram thin.

2. Mipuitling chuan, a hmalam thui tak a thlir thiam thin a, a hlawhtlinna tur chu reilote nawmna hlimpui avanga chan aiin, a hmalam hun thui taka tan a that zawk leh a hlawhtlin phah na tur anih chuan, a pumpelh/chan phal rih thin.

3. Mipuitling chuan a hna thawh laklawh lai chu, a puitlin tak tak hmain miin sawisel sak fo thin mahse, a tihhlawhtlin hunah a tha dawn tih a hriat tlat chuan, a tilui hram hram thin.

(more…)

Posted in Advice, Lifestyle, Mizo Society & Culture, Religion | 19 Comments »

Dog Show – Ui Ngainatute Tan

Monday, February 4th, 2013

Paris Hilton leh Chihuahua
Nula tawih ve tak Paris Hilton thlalak hmuh tawh chuan a uite Chihuahua kan hmu fo va. Kan khawsak a changkang zel a, kan buai telh telh bawk nen. Hunawl neih chhuna thian kawm mai tur an awm loh paw’n, min tihlim turin ui leh ranvulh dang kan uar telh telh a. Tin, milar tam zawk te phei chuan intihtheihna’n te pawh an hmang titih bawk si. Kan ni tin nunah ui hian hmun pawimawh an chang chho zel dawn niin a lang.

Dog Show
Dog show hi India ram khawpui hrang hrangah Kennel Club of India (KCI) hnuaiah kaihhruaina fel tak neiin kum tinin khawpui hrang hrangah neih a ni thin a. Kumin hi Mysore Kennel Club, Bangalore phei chuan Dog Show vawi 100 an huaihawtna a ni ta reng mai.

Dog show-ah hian ui fing leh thuawih ringawt a pawimawh ber lo va. Show ring chhunga kalkual leh, endiktuin a endik laia thu a awih leh in-pose (stacking) an thiam a, an pianphung nih dan tur (breed standard) a that phawt chuan a tawk viau a ni. Tin show dang ang tho vin, ui enkawltu bik (breeder) te tan dawrtu hmuh remchanna hun a nih bakah, show-a nihna (Best in Show/CHampion Class) la phak chin an nih phei chuan, an ui man kha midang ui aiin a to daih thin a ni. Sawi tam lovin, thlalak tlem a zawng ka’n tarlang e.

Shih Tzu (wire haired), an pi aiin an cute zawk si a, an pi hmai ka la tel ta lo.. :-)
"

(more…)

Posted in Lifestyle, Pictures | 21 Comments »

Nupa nun hlimna tur atana zawm ngai thenkhat te.

Monday, February 4th, 2013

1. A rualin thinrim chin loh tur. Pakhat a thinrim hle tawh chuan, pakhat zawk chu inbengdaih vat thin tur.
2. In in a kang hluah te anih ngawt loh chuan, aw tawp tawpa in vin(au khum) loh tur.
3. I nupui/pasal rawtna chu tha tawk lovin hre mah la, a aia rawtna tha I hriat si loh chuan, zawm ve mai thin rawh.
4. Mahni incheina ringawt buaipui lovin, I nupui/pasal inchei vena tur lam ngaihtuah tam zawk thin ang che.
5. Sawisel I duh tlat hunah pawh, tawngkam ngaihnobei tak leh Hmangaihna nen sawisel thin ang che.
6. In hun liam tawha a thil tih sual/dik loh sawi chhuah ching reng reng suh.
7. Pathian tih chauh lo chu, I nupui/pasal aia ngaihpawimawh zawk thil dang (Fb pawh telin) nei reng reng suh.
8. I nupui/pasal chu vawikhat tal I hmangaih thu emaw, fakna thu tawngkam khat tal sawi lovin ni liamtir ngai suh ang che.
9. Thinur tun chungin khumah mu thin suh ang che u.
10. Thil I tih dikloh palh changin, ngaihdam dil hreh ngai suh.
11. I nupui/pasal chu midang nen tehkhinin a tlinlohna sawi lang fo suh ang che.
12. I nupui/pasal mahni insitna a neih theihna tur ang chi reng reng sawichhuah ching hauh suh ang che.
13. Mihring 2 inmil nghal thlap hi thil awm theilo tluk ani a, zawi zawia inmil lohna lai kha in adjust tawn tum thin tur a ni.
14. Nupui/Pasal te duh loh zawng riau chin than kan neiha, an sawi chhuah thin chuan, insiam that tum ve hram hram thin tur ani a, amaherawhchu, pianpui leh thisena inthlah chhawn mizia angte hi sim ahar em em thin tih erawhchu, inhriat tawn sak thin tur a ni.
Sawi belh theih…

Posted in Advice, Lifestyle, Mizo Society & Culture | 27 Comments »

A Uire Lai Takin An Man!? {Sunday Pual}

Sunday, February 3rd, 2013

A Uire Lai Takin Maw?
Chanchin Ţha Johana 8:1-11 ah Hmeichhe pakhat uire-a puh, Juda sakhaw hruaitu Lehkhaziaktute leh Pharisaiten Lal Isua hnena an rawn hruai chungchang kan hmu a. Bible-ah a hming a chuang lova, engang chiah-in nge a chetsual a, an man tih pawh a sawi lo. Pharisaite report danah chuan, “a uire lai tak-in an man” a ni.  Pharisaite sawi hi a dik a nih chuan a zahthlakin, a khawngaihthlak hle mai. Sual viau turah pawh ngai ta ila a sual awm lo ve. Bible-in “Mi țhenkhat sual chu a langsar a, an tuar nghal bawk țhin. Ţhenkhat erawhchu a lang lawk lem lo” (1Tim.5:24) a tih angin, he hmeichhia hian “sual langsar tak” a ti tihna a ni thei ang. Mahni țheuh erawh inzawt ta ila, “Sual langsar nge ka tih țhin, sual langsar lo?”

Khawnge a Uire-pui Mipa Chu?
Pharisaite hian a Uire lai taka an man nia an sawi Hmeichhia hi dim lo bak sakin Temple-ah an rawn hnuk phei a ni ngei ang a. A uire lai tak an man a nih phei chuan dim an tum lo hle ang a, Pathian thupek angin “uire chu lunga denhlum tur” a ni mai dawn a ni (Lev.20:10, Deut.22:22-24). Pathian thupek anga thil an ti dawn a nih chuan Uirenaa inhnamhnawih-te 2 mipa leh hmeichhia hi tihhlum ve ve tur a ni. Sakhaw hruaitu Pharisaite leh Lehkhaziaktute hian ‘mipa uire’ hi an rawn hruai tel ta tlat lo hi thil mak a tling ta! Sanhedrin member zingah a chhungte an tam deuh nge? Mihausa tak a ni a, Temple-ah Thawhlawm a thawh țha thei si a, a chungah dan an lek ngam lo nge? Politics a inrawlh emni ang le? Hetah hian Juda Sakhaw Hruaitute hian Thleibik neiin, dik lo takin rorel an tum tih a chiang tawk hle. Thleibik neia rorel hi a awl hle dawn mai. Fimkhur a ngai nasa a ni. (more…)

Posted in Corruption, Lifestyle, Religion | 22 Comments »

i Facebook thiante zingah tunge i mutpui châk?

Saturday, February 2nd, 2013

Chuti chuan han ti pawp mai ang aw, a raw deuh hian. Achhanchu tuna ka rawn sawi tur hi hetiang lam a ni tlat sia. Facebook App thar “Bang With Friends” chu a lar hle mai, kar hmasa lawka launch a nia, ni li chhungin user 20,000 chuang an hmu nghal a, tunah chuan 1 million ai a tam user an nei der tawh!

Bang With Friends chu enge? Very simple. i facebook thiante zingah khan seks hmanpui chak hle lo nei ta la, mahse i zah avangin chu nu/pa hnenah chuan engmah i sawi ngam ta lo a ni. Mahse chu nu/pa pawh chuan nangmah kha seks a lo hmanpui chak ve reng thei tho sin! In inthlahrun ve ve avangin thil ropui deuh in chan a ni der ta a!

:P

Bang with friends chuan hemi problem hi a rawn solve chiah e. He app ah hian in facebook account hmangin in register u la (permission ah “post on wall on my behalf” kha visibility ah “only me” ti ngei ngei ru, lolz), chumi zawh i opposite seks friend profile zawng zawng a rawn phawrh chhuak ang. i friendlist atanga seks i hmanpui chak zawng i select thei e. Nakinah i thiannu/pa chuan he app a rawn hman a, nangmah seks a hmanpui chakah a rawn select che chuan > “TING TING”, seks in in hmanpui chak ve ve tih notification in dawng ve ve anga, chuan in in ti thei e!

:D :D :D

A then chuan hei hi internet khawvel thatlohna pakhat leh pek in ti maithei bawk, ka hrethiam lutuk a che u. Mahse han en ve chhin mai mai ka chak a, a nuihzathlak angreng khawp mai. Heti hian in register u la…

(more…)

Posted in HAHAHA, Internet, Lifestyle | 60 Comments »

TUNLAI TECHNOLOGY LEH ṬHALAITE

Friday, February 1st, 2013

- T.D. Zalawmpuia

Media-in tunlai ṭhalaite a nghawng danah hian a ṭha lam aiin a chhe lam zâwnga a nghawng dan chu a langsar zâwk mah a. Mi ṭhenkhatin hriselna lamah hmasawn phah nan hmang bawk mahse mi tam tak nun chu a tihbuai phah zawk a, mihring nundan phunga nun kawngah an buai phah hle a ni. Media hian chak takin ṭhalaite a dêng a, chutih laiin Kohhran hian an nun mamawh phuhrûk zo loin an inhria a. Kristian nundàn phung thlauh thlain nun dàn phung thara nun an duh a. Thil thar hlekah hlimna a awm ringin an bawh huam huam zêl mai a ni.

Tunlai ṭhalaite hian nun kalpui dàn turah kohhran an duh khawp lo tih a lang a. Mahse mahni inenfiahna thûk tak nei si loin thil thar zuanin an tlân a ni ber. |halaite hian ngaihdàn fel tak an nei lo a, mita an hmuh leh benga an hriatte tih châkna an nei lian a. Chu chuan an nunah nghawng tam tak a nei a (Nuna nghawng nei nia inngai 61.33% Khawpui leh 61.6% khawpui pâwn, Synod Bu, 2010) (Nuna nghawng a neih sâng ber – zirna kawngah khawpui 71.23% leh khawpui pâwn 70.45%) (Inchei dànah hmeichhiate lêrh taka an incheina chhan hi TV a ni titu hi Aizawlah 89% zet an awm a, Aizawl pâwna mite 93.6% zetin chu chu an ngaihdàn a ni tho a ni. Synod Bu, 2010). Hnathawh dànah te, mipat hmeichhiatna lam thilah (84.93% khawpui leh 64% khawpui pâwn) te an châk zawng a piang an pan a, nun tlahawlhah an tlu lût mek a ni. Hêng thil pathumah Mobile phone, Television leh Computer te zîngah hian Mobile phone hmangtu an tam ber a. TV leh computer hi inhman ṭâwm theih a nih avangin a nei lote pawhin hman tur an hmu tho bawk. Hêng thil pathumte hian ṭhalaite nunah nghawng ṭha nei bawk mahse nghawng ṭha lo a nei thûk hle a ni. Media-in a nghawng dan ṭhenkhat han târ lang ila:

  1. TV hi nitin darkar khat aia tam an en deuh vek a, mobile phone hi mi ṭhenkhatin an hman tam hle laiin a nâwlpuia lâk chuan dârkar khat aia tam hmang chu TV en aiin an tlêm zawk.
  2. Technology thar hian mi tam tak mut hun leh thawh hun a sawnsak dâwrh a. Hei hian zirna leh hnathawhnaah nghawng a nei a, chhûngkaw nun a tibuai bawk. Hrisêlna lam thlenga a nghawngte pawh an awm bawk. (Zân men rei phah nan ka hmang ṭhin ti hi Aizawl-ah 57.06% zet an awm  a. Synod Bu, 2010).
  3. TV leh Computer neiten dahna hmun bîk an nei lo, a lût a chhuakin an hmuh theihna tûr sitting room-ah emaw an dah ber a. Theih chu ni se dahna hmun hran neih a ṭha hle. TV en hun bîk nei an awm mumal lo bawk. Nu leh pain TV en hun fel tak siam ni se. (Sitting room-a TV dah 219 (88.6%) an awmin an tam fâl hle a. Bedroom-a dah hi 9 (3.64%) an awm a, hmun dangah 19 (7.69%)-in an dah thung. Synod Bu, 2010).

    4. (more…)

Posted in Education, Information, Internet, Lifestyle, Mizo Society & Culture, Mizoram | 20 Comments »

Ui Leh A Neitute

Friday, February 1st, 2013

Nu-Pa
An sawi hi ka hre zauh zauh, a dik vek em chu ka hre law. An tia lawm: mahni theuh hi hmeltha kan inti a, kan hmel duh zawngte pawh hi kan hmel anpui deuh hi an ni duh chawk. Ka ngaihbel vang nge ka hre lo, nu-pa hmel inang deuh deuh hi ka hmu ve ta fo mai a. ‘Nu-pa pawh hi an inneih rei deuh chuan, an inang ve tial tial’ te an ti ta deuh deuh a. An ngaihbel vang te pawh a ni mahna. Hetiang a nih vaih chuan, ka nupui tur hi chu a hmeltha ngawt ang.. :-D

Thupui hawng ila…
Thuhmahruai ka neih ang deuh khian, ui leh a neitute pawh hian inanna an lo nei ve deuh a ni. Ui lian chi Rotweiler, Greatdane, Alsatian, etc., neitute hi chhungkaw member lian an ni tlangpui a. College kan kal laia kan professor pakhatin a sawi fiamthu pawh kha dikna chin a awm. ‘Vety Hospital-a ui thau tak a lo kal chuan, a neitute pawh an thau tlangpui’ a ti.

Photogenic
Photographer ka ni lo va, thlalakna tha pawh ka nei bawk lo. Mahse, photogenic ka nih erawh ka zep peih lo.. :-D Chuvangin, ka thlalak holam te te hi, in sawisel a nih paw’n, ‘a ni tak maw?’ ka ti mai ang. :-D

(more…)

Posted in Lifestyle, Pictures | 17 Comments »

Pafa leh Sabengtung (Tunlai version)

Thursday, January 31st, 2013

Nikhat chu pafa hian sabengtung kaiin khawpuiah chiseh lam turin an kal a. Chutia an kal mek lai chuan an thenawm pa an tawk a. Ani chuan, ‘In va a tak em! kan khaw bus-a, a savawm bawmah hlang mai ula?’ a ti a. Anni chuan, ‘A thawnthuah khan bus-ah an phur si lova, Esopa’n FIR a thehlut palh ang’ tiin an chhang a. An thenawm pa chuan, ‘A lo ni maw! Sabengtung te chu chuan nana siam alawm chuang mai ula niang chu maw le. Taka, Bazara Korean serial Mizo tawnga lehlin leh puitling film CD kha rawn lei theihnghilh suh u aw’ a ti leh a. Anni chuan, ‘Tehreng mai. Pu Thena pawh kan rawn biak dawn che a nia’ tiin an kalpel a.Tichuan, pa chuan a fapa chu sabengtung chungah chuan a chuan tir ta a.

Rei lo te hnuah chuan politician rual hi an tawk leh a. An zinga pakhat chuan, ‘Pute u, Min vote phawt chuan a thlawnin sabengtung kum nga chhung installment a pek in ni ang’ a ti a. Pafa te chuan, ‘Kan lo inngaihtuah dawn nia, thawh hah ngai lova a thlawna dawn te chu ka’n duh ve tho a lawm’ tiin an chhang a. Chu pa vek chuan, ‘A hrim hrimin, pa zawk ke a kal a, fapa zawk chuan te chu mi hmuhah pawh a mawi lo. I fapa kha local chhe chi rui e maw an ti anga, duty ten an vaw hrep anga, camp-ah an dahlut daih mai tur a sin’ a ti leh a.

Tichuan, vuak leh kum khat dawn camp-a indah luih an hlauh em avang chuan, pa chuan a fapa chu chhuk tirin amah chu sabengtung chungah chuan a chuang ta a. Thui vak lo an kal hnu chuan nu pahnih bag puar tak ak hi an tawk leh a. Nu pahnih chuan, ‘Kha inhralh tur em ni, a tlin that chuan to deuha leiduh kan hria a nia, eng zat nge inhauh dawn, phone no te inpe ila?’ an lo ti nghal zawt zawt a. Pa chuan, ‘A man a zir a ni mai a lawm, mahse a hmel en aiin a buk a zang tlat a’ tiin a lo chhang a. Nu chuan, ‘Chuti, a tling lovang. Tihralna chu inzawn chawp mai ru. A hrim hrimin pa zawk a chunga chuan a, fapa zawk kea kal tir reng reng. Tunlaiah fate kein an kal tir vak vak tawh ngai lo, khawngaih hle tur’ an ti leh a. Pa chuan, ‘Ka fapa hi Kohhran, tlawmngai pawl leh party unit-ah a inhmang kual vek! Hna chu kan thawhtir ngai lo ve bawk e’ tiin a chhang ve leh a.

(more…)

Posted in Fiction, HAHAHA, Lifestyle, Mizo Society & Culture, Mizoram, Whatever | 22 Comments »

« Older Entries
Newer Entries »