Pensy- Rohlu Chunnu
Archive for the ‘Movies and Videos’ Category
Analh tak meuh ani
Tuesday, September 11th, 2012Oppa Gangnam Style
Thursday, September 6th, 2012He video hi tunlai internet-ah a lar em a, ka rawn dah ve tawp.
Khawnglung run bawk.
Wednesday, September 5th, 2012Video leh sound editing a tha, a changtu te an thiam, mizo film chhuak tawhah chuan ropui ka la ti ber….tih thu facebook leh comment lamah te an sawi laui luai laiin, Khawnglung Run movie chu en ve chengin mit thlun lohna chen ka nei nual mai. Pu Mapuia’n Holywood leh Bollywood levela en tum lo ula a ti tho na a, a sel em em phei zawng ka tum lova. Mahse, Entu tamtak ten mizo nun ziarang ataka hmu ang hiala an inngaih avangin ngaimawh zawng zawng point tlem han tar lang ve lawk ila.
1. An khua a lem lutuk: An khaw thler reng reng khan mizo khua a ang lo, Zo khuaah chuan Lalmual atangin mual dung zui thla zawnga In te inhawi tawnin, kawt lam an inan thla thliai turah ka lo ngai a, an duh lam lam an hawi emaw tih mai tur a ni, a hnim bawk si……..video editing lamah uluk viau mah se an khaw hmelhmang khan a tak ramah min chen tir thei lo.
2. Kawtchhuaha Lungdawh kha a lem lutuk, lung phun satliah a ang zawk. Hmanlai mizo nun tilang tur chuan Lungdawh chu pawimawh tak niin ka hria.
3. Thangi leh Thuami tuichawi haw lam backgrounda buh deng khan khawlaiah alo deng tawrh tawrh mai. (Sumhmunah buh den awm tak)
4. Chala Sava perh thlak kha Bawng pa emaw ka tia, A sen miah lo(Sava awm remchang an hmangah ngai mai ang..)
Haire Hai… (Sunday pual)
Sunday, September 2nd, 2012H Vangchhia in Haire Hai… a tih ziah hi kan hre hlawm ang a, a tobul atangin i chhui dawn teh ang….
Chawlhni hman nuam vek u le 
Khawnglung Run ti leak out tu chhui zel dawn
Friday, August 31st, 2012KHAWNGLUNG RUN TI LEAK OUT TU CHHUI ZEL DAWN
30th Aug zana emergency meeting thuchhuak bawhzuiin ..Khawnglung run film ti leakout tu a mawphurtute chu civil suit a lunglei court ah case file ani dawn a. He leakout version hi unfinished version ani nghe nghe a, hei bak version dang awm nia sawi pawh chhui mek a ni…… (Leitlang Pictures)
Thu belh: Mizo te hian mi eizawnna tur ngaihtuah sak lek lo va lo tih chingpen sak hi kan tih zeuh zeuh fo niin ka hria. A mawi loh mai bakah miin rilru leh tha tam tak an lo sen tawhna zah sak miah lohna a nih mai bakah, sum tam tak chan theihna thil anih ṭhin a vangin tih loh tawp hi kan mawhphurhna a niin ka hria.
Ka nun hnar kaitu
Wednesday, August 22nd, 2012He hla hi tunhma atang tawha ka duh, tun thleng pawha ka duh tawp theih loh a ni. Inthlahrung ang reng tak chungin ka rawn hmet bei ve leh thlawp mai. Hand mine video a ni a, a hmuhnawmin rilru a khawih ve khawp mai (Dawrpui Bial KTP Conf. 2012 @ Zarkawt Biak In)
Lalpa nang lo tu nge ka neih,
Ka mangan leh ritphurh ka thlenna;
Ka lawmna leh hlimna te nen,
Ka thinlung ril hmu fai vektu.
Ka chanchin hi ziak dawn ila,
I tel ve ang, a phek tinah;
Ka hmangaih che i hria Lalpa,
I duhzawng tih ka duh fo thin.
Chhawr Loh Thlapui
Thursday, August 9th, 2012Ṭhianpa Lexxpuia hian a thupui a ziak sual hret ani maithei!
Awmkhaw har changin ka hawi vel a
Kan hlîmlai ni ka ngai ṭhîn thînlaiah
Min hnêmtu nang lo chu an awm lo.
Nau âng nui a kan hlîmlaite,
Ka ngai ṭhîn thînlai-an dawn ve rawh.
Chhâwr loh thlapui a lo eng leh ta
Ka tan ṭahna a sei leh dawn mang e
Aw vawikhat tal min han chhang la, aw mampui
Nau âng nui a kan hlîmlaite,
Ka ngai ṭhîn thînlai-an dawn ve rawh.
Min han hnemla, i zun ngai hi’
Theih chang sela ka lam lo hawi leh rawh
Thinlai na reng a dam ve nan, min hnem rawh.
Nau âng nui a kan hlîmlaite,
Ka ngai ṭhîn thînlai-an dawn ve rawh.
Ngaihzual Nang Nen!
Tuesday, August 7th, 2012Hetiang hmunah hian mahni telna lam rawn thehchhuah a nuam lemlo, mahse mi zawt an awm zeuh zeuh takah chuan ka blog ami ka rawn phawrh mai e hairehai 
Venghlui lam a ṭangin Chawngthu Sweet neitu Pi Hlimpuii te leh, Durtlang lam a ṭangin Pi Mamawii w/o Dr.Rema te chuan, Mizo movie hmasa ber dawttu ni turin, Rebecca Saimawii chanpui tur atan min rawn sawm ve a. Makuri te nen lo inkawm ṭhin kan ni bawk a, zak deuh reuh chung chuan NGAIHZUAL NANG NEN chang tur chuan ka ‘aw’ ve ta a; hemi kum hi 1986 a ni. Drama lam ti ngai vaklo tan chuan zam a awlin camera hmachhawn alo har ngei mai. Script chhah ṭha ve lel lawl tak mai chu min pe a, mahni ṭawngkam hman ṭhin nen inanna awm heklo le, mihring nunphung anga nunpui a tana sawi chhuah a har ṭhim ṭhiam kher mai.
Nghilhlova (Otto band) nen chuan script zulzuiin kan han titi dun ta a, alo har hrep mai tih ka hre zual zel a. Tichuan, a thawnthu mil siin mahni tawngkam pangai chuan kan ti danglam ta vel a. A har deuh bawk nen, zak deuh bawk nen kalo meng hnual deuh thin ni ngei tur a ni, director-in meng deuh tura min han signal chuan ka meng leh kuau thin. Lak nawn leh kha awm vak heklo le, a hnua a movie an hralh hnu pawh chuan ka la meng ta kuau zel a nih chu.
Zai
Friday, August 3rd, 2012Tumah fakna, promote tumna lam a ni lo a nia.
Kimi Colney hian thu pawh a ziak...
Hairehai....
